Улуттук банктын жаңылыктары
Датасы: 28.06.2024
Туруктуу шилтеме
2024-жылдын 28-июнунда Улуттук банктын төрагасынын орун басары М.Жакыпов Америка-Кыргыз Ишкерлер кеңешинин бизнес делегациясынын, ошондой эле Кыргызстандын коммерциялык банктарынын жетекчилеринин катышуусунда тегерек стол өткөрдү.
Тегерек столдун жүрүшүндө Кыргызстандын банктарынын эл аралык компаниялар менен эл аралык төлөм карталары, юридикалык кызмат көрсөтүүлөр жана башка иш чөйрөлөрүндө эки тараптуу кызматташуунун жаңы мүмкүнчүлүктөрүн изилдөө жана издөө маселелери талкууланды.
Маалымат үчүн: Америка-Кыргыз Ишкерлер кеңеши – АКШ менен Кыргыз Республикасынын ортосундагы соода жана инвестициялык байланыштарды өнүктүрүүгө багытталган коммерциялык эмес, жеке жана көз карандысыз соода ассоциациясы болуп саналат.
Америка-Кыргыз Ишкерлер кеңешинин негизги миссиясы болуп, анын Кыргызстандагы мүчөлөрүнүн бизнес ишкердигин алдыга жылдыруу жана Америка коомчулугун, ошондой эле Кыргызстан менен ишкердик мамилелерди бекемдөө үчүн негизги чечимдерди кабыл алуучуларга дем берүү саналат.
Датасы: 28.06.2024
Туруктуу шилтеме
Ченемдик укуктук актынын долбоорун иштеп чыгуу жөнүндө
БИЛДИРҮҮ
Кыргыз Республикасынын Улуттук банкы атайын жөнгө салуу режиминин алкагында электрондук капчыктардан колдонуу мүмкүнчүлүгү бар төлөм карталарын чыгаруу (эмиссиялоо) операциясы төлөм системасынын бир оператору тарабынан тестирлөөдөн ийгиликтүү өткөндүгүн таануунун жыйынтыгы боюнча төлөм системаларынын операторлоруна электрондук капчыктардан колдонуу мүмкүнчүлүгү бар төлөм карталарын чыгаруу (эмиссиялоо) мүмкүнчүлүгү каралган «Кыргыз Республикасынын «Кыргыз Республикасынын төлөм системасы жөнүндө» мыйзамына өзгөртүүлөрдү киргизүү тууралуу» мыйзам долбоорунун жөнгө салуучу таасирине талдап-иликтөө жүргүзүү жана кызыкдар жактардан сунуштар чогултула тургандыгы жөнүндө билдирет.
1. Сунушталган жөнгө салуу боюнча чечүүгө багытталган проблемалардын баяндалышы
Электрондук акча – алдын ала төлөнгөн карталарды жана электрондук капчыкты кошо алганда, программалык-техникалык түзүлүштө электрондук түрдө сакталган жана төлөм каражаты катары кабыл алынган акча наркы.
Бүгүнкү күндө электрондук акча ээлеринин электрондук акчаны колдонуу менен бардык жерде төлөө мүмкүнчүлүгү жок, себеби электрондук акча менен эсептешүүлөр системасынын өзүндө же QR-код менен мобилдик тиркеме аркылуу товарларга жана кызмат көрсөтүүлөргө электрондук акча менен төлөй алышат. Бул электрондук акча ээлеринин банктык төлөм карталарын электрондук капчыктарга байланыштырууга жана алар менен төлөмдөрдү жүргүзүү мүмкүнчүлүгүнүн жоктугуна байланышкан.
Учурда банктык төлөм карталарын электрондук капчыктарга байланыштыруу мүмкүнчүлүгүнүн жоктугу жана Кыргыз Республикасынын «Кыргыз Республикасынын төлөм системасы жөнүндө» мыйзамына ылайык электрондук капчыктардан колдонуу мүмкүнчүлүгү бар банктык төлөм карталарын чыгаруу (эмиссиялоо) боюнча төлөм системасынын операторлорунун/төлөм уюмдарынын укугу жоктугу укуктук тоскоолдук болуп саналат.
Каралып жаткан маселенин масштабы электрондук акча менен иштеген же иштөөнү пландаштырып жаткан жана андан ары төлөм жүргүзүү үчүн банктык төлөм карталарын аларга байланыштырган субъекттердин ишин камтыйт.
2. Сунушталган жөнгө салуунун максатын жана проблеманы чечүү ыкмасын баяндоо
Кыргыз Республикасында банктык төлөм карталары товарларга жана кызмат көрсөтүүлөргө төлөө үчүн кыйла суроо-талапка ээ инструменттердин бири болуп саналат. Аны менен бирге электрондук акча да кеңири суроо-талапка ээ. Алсак, 2024-жылдын 1-апрелине карата абал боюнча Кыргыз Республикасынын аймагында электрондук капчыктардын саны 6,8 миллионду түзгөн, бул электрондук акча менен төлөө жеткиликтүү жана ыңгайлуу төлөм ыкмаларынын бири болуп саналгандыгы менен шартталган.
Банктык төлөм карталар рыногу акыркы жылдары төлөм системаларынын катышуучулары тарабынан ишке киргизилген инновациялык технологиялардын эсебинен кескин өнүгүшүн көӊүлгө алуу менен, ошондой эле банктык төлөм карталар рыногунун өнүгүшү экономикалык өсүшкө түрткү берүү жана калктын жашоо деӊгээлин жана сапатын жогорулатуу үчүн олуттуу мааниге экендигин эске алуу менен, атайын жөнгө салуу режиминин алкагында Улуттук банктын көзөмөлү алдындагы уюмдардын бири тарабынан электрондук капчыктардан колдонуу мүмкүнчүлүгү бар төлөм карталарын чыгаруу (эмиссиялоо) операциясын тестирлөө ийгиликтүү өткөндүгүн таануунун жыйынтыгы боюнча төлөм системаларынын операторлоруна электрондук капчыктардан колдонуу мүмкүнчүлүгү бар төлөм карталарын чыгаруу (эмиссиялоо) мүмкүнчүлүгү каралган «Кыргыз Республикасынын «Кыргыз Республикасынын төлөм системасы жөнүндө» мыйзамына өзгөртүүлөрдү киргизүү тууралуу» мыйзам долбоорунун жөнгө салуучу таасирине талдап-иликтөө жүргүзүү сунушталат.
3. Сунушталган жөнгө салуунун күтүлүүчү пайдасын жана артыкчылыктарын баалоо
Сунушталган жөнгө салууну кабыл алууда төмөнкүлөр күтүлөт:
- электрондук акча ээлеринин банктык төлөм карталарын колдонуу менен товарлар жана кызмат көрсөтүүлөр үчүн акы төлөө мүмкүнчүлүгү;
- калктын накталай эмес төлөмдөр жана эсептешүүлөр жагында финансылык сабаттуулугун жогорулатуу;
- региондорду өнүктүрүү;
- накталай эмес төлөмдөрдүн үлүшүн көбөйтүү;
- банктык төлөм карталарынын саны көбөйгөндүгүнө байланыштуу төлөмдөрдү накталай эмес формада кабыл алган соода-тейлөө ишканаларында POS-терминалдарынын санын көбөйтүү.
4. Келип чыгышы мүмкүн болгон жагымсыз жагдайларды баалоо
Сунушталган жөнгө салууну кабыл алууда жагымсыз жагдайлар күтүлбөйт.
5. Сунушталган жөнгө салуунун ишкердик субъекттерине – адресаттарына мүнөздөмө берүү жана санын баалоо:
Сунушталган жөнгө салуу электрондук акчаны чыгарууга (эмиссиялоого) укуктуу субъекттердин, анын ичинде электрондук акча менен иштеген же иштөөнү пландаштырган төлөм системаларынын операторлорунун ишине тиешелүү. Алсак, бүгүнкү күндө Кыргыз Республикасынын аймагында 38 юридикалык жак төлөм системаларынын оператору лицензиясына ээ.
6. Сунушталган жөнгө салууну киргизүүгө байланышкан потенциалдуу адресаттардын кошумча чыгашаларын жана пайдаларын болжолдуу баалоо
Сарптоолор жана пайдалар боюнча конкреттүү сумманы белгилөө мүмкүн эмес, анткени сунушталган жөнгө салуу субъекттери сарптоолорду өздөрүнүн белгиленген бюджеттеринин чегинде тартышат.
7. Сунушталган жөнгө салууну киргизүүгө байланышкан республикалык/жергиликтүү бюджеттин чыгашаларын жана пайдаларын болжолдуу баалоо
Сунушталган жөнгө салууну кабыл алуу мамлекеттик бюджеттен кошумча сарптоону талап кылбайт.
Тиркеме
Ченемдик укуктук актынын долбоорун иштеп чыгуу жөнүндө
билдирүүгө карата
1. Коомдук консультациянын катышуучулары үчүн суроолордун тизмеги:
- аталган проблемалар туура көрсөтүлгөнбү жана жөнгө салууну өзгөртүү жолу менен чечүүнү талап кылабы;
- аталган максат аткаруу үчүн негиздүү берилгенби, маанилүүбү;
- проблеманы чечүү үчүн сунушталган ыкма (жөнгө салуу) кыйла артыкчылыктуу болуп саналабы;
- сунушталган жөнгө салуу кабыл алынган учурда кандай пайда жана артыкчылыктар келип чыгышы мүмкүн;
- сунушталган жөнгө салуу кабыл алынган учурда кандай тобокелдиктер жана терс натыйжалар жаралышы мүмкүн;
- проблеманы чечүүнүн кыйла натыйжалуу альтернативалуу ыкмалары барбы;
- сунушталган жөнгө салуу боюнча жалпы пикириӊиз.
2. Сунушталуучу жөнгө салууну киргизүү зарылдыгын баалоого мүмкүндүк берген башка маалымат:
Билдирүү маалыматын талкуулоо үчүн байланыш маалыматы жана мөөнөтү:
|
1. Сунуштар төмөнкүлөр аркылуу кабыл алынат: |
|
|
- электрондук почта боюнча |
ntaalaibekov@nbkr.kg |
|
- почта дареги аркылуу |
Кыргыз Республикасы, 720001, Бишкек ш., Чүй пр., 168 |
|
2. Сунуштарды кабыл алуу мөөнөтү, көрсөтүлгөндөн кечиктирилбестен |
2024-жылдын 15-июлу |
|
3. Сунуштардын жана жооптордун реестрин иштеп чыккан органдын расмий сайтына жайгаштыруу мөөнөтү, көрсөтүлгөндөн кечиктирилбестен |
2024-жылдын 25-июлу |
Датасы: 28.06.2024
Туруктуу шилтеме
2024-жылдын 26-июнунда Улуттук банктын Жалал-Абад областтык башкармалыгынын кызматкерлери Жалал-Абад областынын Токтогул районунун тургундарына «Финансылык сабаттуулук» боюнча пландаштырылган көчмө лекция өткөрүштү. Лекцияга Токтогул шаарынын, Жаңы-Жол жана Сары-Камыш айыл аймагынын 2024-жылы социалдык контракттын негизинде жардам алууга кайрылган жарандар жана Токтогул райондук администрациясынын кызматкерлери катышты.
Лекциянын жүрүшүндө Улуттук банктын өкүлдөрү катышуучуларга акча каражаттарын туура колдонуу, финансы маселелерин туура талдоо, мүмкүн болуучу тобокелдиктерден коргоо, ошондой эле финансылык пландаштыруу, финансылык максат коюу, үй-бүлөлүк жана жеке бюджетти түзүү тууралуу айтып беришти.
Ошондой эле, Кыргыз Республикасында QR-кодду өнүктүрүү боюнча иш-чаралар, QR-коддордун улуттук стандарттары жана эки өлчөмдүү штрих-код белгилерин (QR-код) колдонуу менен төлөө эрежелери боюнча маалыматтар берилди.
Датасы: 27.06.2024
Туруктуу шилтеме
Кыргыз Республикасынын Улуттук банкынын финансылык сабаттуулук программасынын алкагында 2024-жылдын 25-26-июнь күндөрү Талас облусунун Бакай-Ата районунун Бакай-Ата айылында калкка жана Бакай-Ата райондук эмгек, социалдык камсыздоо жана миграция башкармалыгынын кызматкерлерине семинар болуп өттү.
Семинардын жүрүшүндө катышуучуларга үй-бүлөлүк бюджет, каражат топтоолор, карыз мамилелери жана финансылык кызматтарды керектөөчүлөрдүн укуктарын коргоо тууралуу маалымат берилди.
Датасы: 27.06.2024
Туруктуу шилтеме
Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн, 2024-жылдын 25-июнунан тартып Бишкек ш., Чүй пр., 114, 403-каб., 404 б (Бишкек ш., Чүй пр., 114, 427-каб.) дареги боюнча жайгашкан Кредиттик союз «Бурул-Возрождение» финансылык кооперативинин 2006-жылдын 13-июлундагы №518 лицензиясынын аракети токтотулду.
Датасы: 27.06.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн, Бишкек шаары, Шевченко көчөсү, 80 («I-MALL» соода борбору) дареги боюнча жайгашкан «Группа компаний «Милан» алмашуу бюросу ЖЧКнын накталай чет өлкө валюталары менен алмашуу операцияларын жүргүзүү укугуна 2022-жылдын 12-сентябрындагы №6352 лицензиясы 2024-жылдын 27-июнунан тартып кайтарылып алынды.
Датасы: 27.06.2024
Туруктуу шилтеме
Кыргыз Республикасынын Улуттук банкы эскертет: Телефон чалуу менен алдамчылык фактылары көбөйдү!
Телефон чалуу аркылуу жарандардын ишенимине кирип ар кандай ыкмаларды колдонуп, шылуундар сиздин эсебиңизден акчаңызды уурдап же андан ары сизге онлайн кредит тариздетип алууну көздөп жатышат.
Бул кантип ишке ашырылат?
Биринчи кезекте өзүн коммерциялык банктын кызматкеримин деп тааныштырган адам жаранга телефон чалып, жеке маалыматтын ачыкка чыгышы же анын атынан онлайн кредит алуу үчүн кайрылган үчүнчү жактар жөнүндө кабарлайт. Андан кийин Улуттук банктын (же башка мамлекеттик органдын) кызматкери болуп таанышкан адам кошулат да, акчаны сактап калуу зарылдыгын шылтоолоп, жабырлануучуну акчасын коопсуз, корголгон эсепке которууга чакырат. Ошол эле учурда алдамчылардын телефон номерлери жасалма болушу мүмкүн. Ынандыруу үчүн, алар логотип белгиси менен Улуттук банктын жетекчилигинин колу коюлган жасалма күбөлүк же башка документти жөнөтүшү мүмкүн. Ошол эле учурда, шылуундардын курмандыгы болгон жаран алдамчылардын көрсөтмөсү боюнча онлайн-кредитти тариздөө же акча которуу операцияларын өз колу менен аткарат.
Өзүңдү кантип коргой аласың?
1. Эгерде сизге өзүн банктын, Улуттук банктын же башка мамлекеттик органдардын кызматкери катары тааныштырган адам телефон чалып, жеке маалыматтарыңыздын сыртка чыгып кетиши же сизге онлайн кредит уруксатсыз таризделгендиги тууралуу билдирсе, сүйлөшүүнү токтотуңуз. Эгерде сиз андан ары сүйлөшүүнү туура көрсөңүз, сүйлөшүү учурунда экранды көрсөтпөңүз, жеке (жашыруун) маалыматыңызды (ИСН, коддор, ПИН коддор ж.б.) бербеңиз, өзүңүз жөнүндө эч кандай маалыматты ырастабаңыз. Ошондой эле мессенджерлердеги белгисиз номерлерден келген видео чалууларга жооп бербей, бейтааныш адамдардын сунушталган, текшерилбеген интернет-шилтемелерге кирбегениңиз жакшы.
2. Эгерде мындай чалуу шектенүү жаратса, банктардын веб-сайтында, мобилдик тиркемелерде көрсөтүлгөн расмий номерлерге чалышыңыз зарыл же банктын жакынкы офисине кайрылышыңыз керек;
3. Банктар жана Улуттук банк эч качан онлайн кредиттерди уруксатсыз тариздөөгө же жеке маалыматтардын сыртка чыгып кетишине байланыштуу чалбай тургандыгы жана мессенджерлер аркылуу кызматкерлердин күбөлүгүн же дагы башка документин жөнөтпөй тургандыгы эсиңизде болсун;
Эгерде сиз шылуундардын курмандыгы болуп калсаңыз, эмне кылуу керек?
Эгерде сиз алдамчылыктын курмандыгы болуп калдым деп ойлосоңуз, банкка болгон окуя тууралуу дароо кабарлап, банктык картаны же эсепти бөгөттөп коюну суранышыңыз зарыл жана тез арада укук коргоо органдарына арыз менен кайрылышыңыз керек.
ЭСТЕП КАЛЫҢЫЗ!
Алдамчылардын схемалары ар кандай болушу мүмкүн, бирок башкы максаты - сизди ишендирип, эсебиңиздеги акчаны котортуу үчүн сизди адаштыруу. Сиз акчаңызды которгон учурда, шылуундар максатына жеткен болот.
МААНИЛҮҮ!
Керектөөчүлөр үчүн маанилүү маалыматтар жайгаштырылуучу Кыргыз Республикасынын Улуттук банкынын расмий сайтына www.nbkr.kg жана Улуттук банкын социалдык тармактардагы расмий баракчаларына: Инстаграм-nbkr_kg; Facebook жана Telegram каналдарына көз салып туруңуз.
Веб-сайттарда жана мобилдик тиркемелерде ФКУ жаңылыктары жана билдирүүлөрү менен таанышып туруңуз.
Датасы: 26.06.2024
Туруктуу шилтеме
Улуттук банктын жамаатына
жаңы төрага тааныштырылды
Бүгүн, 2024-жылдын 26-июнунда Министрлер Кабинетинин Төрагасынын биринчи орун басары Адылбек Касымалиев жана Жогорку Кеңештин бюджет, экономикалык жана фискалдык саясат боюнча комитетинин төрагасы Данияр Толонов Кыргыз Республикасынын Улуттук банкынын жамаатына жаңы жетекчи Тургунбаев Мелис Жусупжановичти тааныштырышты.
М.Ж. Тургунбаевди тааныштырып жатып, А.А. Касымалиев бүгүн Улуттук банктын алдында турган милдеттердин маанилүүлүгүн белгилеп, жаңы төрагага ийгиликтерди жана жооптуу кызматында жетишкендиктерди каалады.
Д.Э. Толонов Улуттук банктын жетишкендиктерин жана алдыга коюлган максаттарды жана милдеттерди ишке ашыруу үчүн Улуттук банктын натыйжалуу ишин колдоо жана улантуу зарылдыгын белгиледи.
Өз кезегинде М.Ж. Тургунбаев көрсөтүлөп жаткан ишеним үчүн ыраазычылыгын айтып, жамаат менен биргеликте өлкөнүн жыргалчылыгы үчүн натыйжалуу иш алып бараарына ишенээрин билдирди.
Датасы: 26.06.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарында жайгашкан бир алмашуу бюросуна 55 000 сом өлчөмүндө айып пул салынды.
Датасы: 26.06.2024
Туруктуу шилтеме
Улуттук банкта ICBC Standard Bank менен жолугушуу болуп өттү
2024-жылдын 25-июнунда Улуттук банктын төрагасынын орун басары К.Э. Куленбеков ICBC Standard Bank делегациясы менен жолугушту. Иш-чаранын жүрүшүндө тараптар ишмердүүлүктүн актуалдуу маселелери боюнча пикир алышып, мындан аркы кызматташуунун келечегин талкуулашты.
Жолугушууга «Кыргызалтын» ААК башкармасынын төрагасынын орун басары Б.К. Субанов катышты.
Маалымат катары: ICBC Standard Bank (Standard Bank – Industrial and Commercial Bank of China (ICBC) Standard Bank деп аталышын өзгөрткөн) Лондондо (Улуу Британия) башкы кеңсеси жана Шанхайда (КЭР), Сингапур менен Нью-Йоркто (АКШ) филиалдары бар, баалуу металлдар менен операцияларды жүргүзгөн дүйнөдөгү эң ири банктардын бири болуп саналат.
Датасы: 26.06.2024
Туруктуу шилтеме
1. Кыргыз Республикасынын Улуттук банкы «ЭкоИсламикБанк» жабык акционердик коому тарабынан «ЭкоИсламикБанк» ЖАКтын башкы бухгалтери кызмат ордуна сунушталган Резаева Виктория Евгеньевнанын талапкерлигине 2024-жылдын 25-июнунда макулдук берүү чечимин кабыл алды.
2. Кыргыз Республикасынын Улуттук банкы «ЭкоИсламикБанк» жабык акционердик коому тарабынан «ЭкоИсламикБанк» ЖАКтын башкы бухгалтеринин орун басары кызмат ордуна сунушталган Кадыркулова Назия Аширбековнанын талапкерлигине 2024-жылдын 25-июнунда макулдук берүү чечимин кабыл алды.
3. Кыргыз Республикасынын Улуттук банкы «Халык Банк Кыргызстан» ачык акционердик коому тарабынан «Халык Банк Кыргызстан» ААКтын башкармасынын төрагасынын орун басары кызмат ордуна сунушталган Джумалиев Адилет Омеркуловичтин талапкерлигине 2024-жылдын 25-июнунда макулдук берүү чечимин кабыл алды.
4. Кыргыз Республикасынын Улуттук банкы «БАКАЙ БАНК» ачык акционердик коому тарабынан «БАКАЙ БАНК» ААКтын аудит боюнча комитетинин төрагасы кызмат ордуна сунушталган Абласов Эрмек Туратбековичтин талапкерлигине 2024-жылдын 25-июнунда макулдук берүү чечимин кабыл алды.
5. Кыргыз Республикасынын Улуттук банкы «Керемет Банк» ачык акционердик коому тарабынан «Керемет Банк» ААКтын директорлор кеңешинин мүчөсү кызмат ордуна сунушталган Абдрашев Нургазы Акунжановичтин талапкерлигине 2024-жылдын 25-июнунда макулдук берүү чечимин кабыл алды.
6. Кыргыз Республикасынын Улуттук банкы «Элдик Банк» ачык акционердик коому тарабынан «Элдик Банк» ААКтын директорлор кеңешинин мүчөсү кызмат ордуна сунушталган Масыбаев Турарбек Джакыпбаевичтин талапкерлигине 2024-жылдын 25-июнунда макулдук берүү чечимин кабыл алды.
Датасы: 25.06.2024
Туруктуу шилтеме
Кыргыз Республикасынын мыйзамдарынын талаптарын бузгандыгы үчүн Кыргыз Республикасынын Улуттук банкы «Азия Пэймент Солюшн» жоопкерчилиги чектелген коомунун төмөнкү лицензиялары 2024-жылдын 24-июнунан тартып кайтарылып алды:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоого 2023-жылдын 21-июнунда берилген № 2034210623 лицензиясы;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоого 2023-жылдын 21-июнунда берилген № 3036210623 лицензиясы.
Датасы: 25.06.2024
Туруктуу шилтеме
Төлөм системасы боюнча комитеттин 2024-жылдын 20-июнундагы токтому менен «Первый Плюс Пэй» жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 20-июнундагы № 2047200624 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 20-июнундагы № 3048200624 лицензия.
Датасы: 25.06.2024
Туруктуу шилтеме
Төлөм системасы боюнча комитетинин 2024-жылдын 20-июнундагы токтому менен «Каржы системалары» жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 20-июнундагы № 2049200624 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 20-июнундагы № 3050200624 лицензия.
Датасы: 25.06.2024
Туруктуу шилтеме
2024-жылдын 19-июнунда Улуттук банк Башкармасы тарабынан РК «АМАНБАНК» ААКсында 2024-жылдын 19-июнунан саат 18:00дөн тартып Убактылуу администрация атайын режими токтотулгандыгы тууралуу чечим кабыл алынган.
Датасы: 25.06.2024
Туруктуу шилтеме
2024-жылдын 19-июнунан баштап Пакистан Улуттук банкынын Бишкек филиалынын банк операцияларын жүргүзүүгө лицензиясы кайтарылып алынып, ыктыярдуу жоюу жол-жобосу башталды. Жоюучу болуп Касыгулова Нургуль Артисбековна дайындалды.
Датасы: 24.06.2024
Туруктуу шилтеме
Төлөм системасы боюнча комитетинин 2024-жылдын 20-июнундагы токтому менен «Цунами Пейментс» жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 20-июнундагы № 2048200624 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 20-июнундагы № 3049200624 лицензия.
Датасы: 24.06.2024
Туруктуу шилтеме
Кыргыз Республикасынын Улуттук банкы Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт.
Долбоор Улуттук банктын ченемдик укуктук актыларын Кыргыз Республикасынын салык мыйзамдарына ылайык келтирүү максатында иштелип чыккан.
Токтом долбоору Улуттук банктын расмий интернет-сайтында Улуттук банктын ченемдик актылары/Талкууга сунушталган долбоорлор бөлүгүндө жана Кыргыз Республикасынын ченемдик укуктук актылардын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган.
Сектор токтом долбоору боюнча өз сын-пикирлерин жана сунуштарын 2024-жылдын 24-июлунан кечиктирбестен bkuvanychbekov@nbkr.kg электрондук дарегине (Word форматында) жөнөтүүсү зарыл.
Датасы: 24.06.2024
Туруктуу шилтеме
Маалыматтык билдирүү
Улуттук банк Кыргыз Республикасынын Улуттук банкынын төрагасы Кубанычбек Боконтаев башка жумушка которулуп жатканына байланыштуу ал Улуттук банктын төрагасы кызмат ордунан кетип жатканын билдирет.
Датасы: 21.06.2024
Туруктуу шилтеме
Кыргыз Республикасынын Министрлер Кабинетинин 2022-жылдын 16-мартындагы № 119-т тескемеси менен бекитилген Финансылык жеткиликтүүлүктү жогорулатуунун улуттук стратегиясын ишке ашыруунун алкагында, Улуттук банк 2024-жылдын 18-июнунан 20-июнуна чейин финансылык сабаттуулук боюнча тренинг уюштурду, ага мультипликатор-мугалимдер, мектептен тышкаркы билим берүүнүн областтык борборлорунун базасында түзүлгөн финансылык сабаттуулук боюнча ийримдердин жетекчилери жана Ош областынын финансылык сабаттуулук боюнча тренерлери катышты.
Тренингдин жүрүшүндө катышуучулар финансылык сабаттуулук боюнча экспресс-курс, «Менин каржым» бир күндүк тренинги жана «Каражат топтоо» бизнес оюну боюнча окуудан өтүштү.
Жыл сайын өткөрүлүүчү «Глобалдуу акча жумалыгы» жана «Дүйнөлүк каражат топтоо күнү» маалымдоо кампанияларынын алкагында Улуттук банктын тренерлери финансылык сабаттуулук боюнча сабактарды жана лекцияларды, «Каражат топтоо» бизнес оюнун өткөрүшөт, анын максаты өлкөдөгү балдардын, жаштардын жана калктын эресеге жеткенден кийинки катмарынын финансылык сабаттуулугун жогорулатуу.
Жогоруда аталган тренерлер Улуттук банктын German Sparkassenstiftung менен биргелешкен долбоорунун алкагында даярдыктан өткөн.
Датасы: 20.06.2024
Туруктуу шилтеме
Кыргыз Республикасынын Улуттук банкы РК «АМАНБАНК» ачык акционердик коому «Аман Кредит» микрофинансылык компаниясы ачык акционердик коому кайра каттоодон өткөндүгүнө байланыштуу РК «АМАНБАНК» ачык акционердик коому улуттук жана/же чет өлкө валютасында банк операцияларын жүргүзүү укугуна уруксат берилген операциялардын тизмеси менен 2017-жылдын 22-июнундагы №031 лицензиясын улуттук жана/же чет өлкө валютасында айрым банк операцияларын жүргүзүү укугуна микрофинансылык компаниянын лицензиясын алганына байланыштуу тапшырганын жана РК «АМАНБАНК» ачык акционердик коому лицензияга ээ банктардын реестринен чыгарылганын билдирет.
Датасы: 20.06.2024
Туруктуу шилтеме
1. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын башкармасынын төрагасынын орун басары кызмат ордуна сунушталган Жантаев Аскар Жанышевичтин талапкерлигине 2024-жылдын 18-июнунда макулдук берүү чечимин кабыл алды.
2. Кыргыз Республикасынын Улуттук банкы «БАКАЙ БАНК» ачык акционердик коому тарабынан «БАКАЙ БАНК» ААКтын директорлор кеңешинин төрагасы кызмат ордуна сунушталган Ибрагимов Тимур Сергеевичтин талапкерлигине 2024-жылдын 18-июнунда макулдук берүү чечимин кабыл алды.
Датасы: 19.06.2024
Туруктуу шилтеме
Кыргыз Республикасынын Улуттук банкынын төрагасы К.К.Боконтаев 2024-жылдын 16-июнунан тартып 19-июну аралыгында Россия Федерациясынын Сочи шаарында болуп өткөн Евразия экономикалык бирлигине мүчө мамлекеттердин Борбордук (улуттук) банктарынын валюта саясаты боюнча Консультативдик кеңешинин 26-жыйынына (мындан ары - Консультативдик кеңеш) жана Борбордук (улуттук) банктардын Евразия кеңешинин (мындан ары - Евразия кеңеши) 50-жыйынына катышты.
Консультативдик кеңештин жыйынынын алкагында тараптар ЕАЭБ өлкөлөрүнүн борбордук банктары тарабынан жүргүзүлүп жаткан акча-кредит саясатын, ошондой эле финансы рыноктору чөйрөсүндөгү мыйзамдарды шайкеш келтирүү маселелерин талкуулашты.
Евразия кеңешинин күн тартибинин алкагында банк ишине тиешелүү маселелер, акча-кредит саясатынын негизги багыттары, ESG багыты боюнча Евразия кеңешине мүчө борбордук (улуттук) банктардын иши, ошондой эле виртуалдык активдерди жөнгө салуу тажрыйбасы каралды. Мындан сырткары, борбордук (улуттук) банктардын кызматкерлерин кесиптик окутуу, акча бирдигин чыгаруу, нумизматикалык рынокту өнүктүрүү, жасалма акча жасоого каршы күрөшүү маселелери боюнча тармактык координациялык кеңештердин иши жөнүндө маалымат берилди.
Датасы: 14.06.2024
Туруктуу шилтеме
Кыргыз Республикасынын Улуттук банкы «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун коомдук талкууга сунуштайт.
Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган.
Сектор токтом долбоору боюнча өз сын-пикирлерин жана сунуштарын 2024-жылдын 15-июлунан кечиктирбестен malmanbetova@nbkr.kg электрондук дарегине (Word форматында) жөнөтүүсү зарыл.
Датасы: 14.06.2024
Туруктуу шилтеме
Улуттук банк жалпыга маалымдоо каражаттарынын өкүлдөрү үчүн
семинар өткөрдү
2024-жылдын 11-июнунда жана 13-июнунда Кыргыз Республикасынын Улуттук банкы журналисттер үчүн, анын ичинде Ысык-Көл жана Нарын областтарынын аймактык жалпыга маалымдоо каражаттарынын өкүлдөрү үчүн «Кыргыз Республикасынын банк системасы кандай иштейт?» деген темада окутуу семинарларын өткөрдү.
Семинарлардын жүрүшүндө журналисттерге Улуттук банктын акча-кредит саясаты, Кыргыз Республикасынын валюта рыногу, баалуу кагаздар, Улуттук банктын ноталары, коммерциялык банктарды көзөмөлдөө, финансылык кызмат көрсөтүүлөрдү керектөөчүлөрдүн укуктарын коргоо, ошондой эле Улуттук банктын коомчулук менен иш алып баруусу тууралуу маалымат берилди.
Улуттук банк коммуникация саясатынын алкагында жана коомчулукка маалымдоо максатында, мезгил-мезгили менен жалпыга маалымдоо каражаттарынын өкүлдөрү үчүн окутуу семинарларын өткөрүп турат жана бул багытта ишин улантат.
Датасы: 14.06.2024
Туруктуу шилтеме
Кыргыз Республикасынын мыйзам талаптарын жана Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн Чүй областында жайгашкан бир кредиттик союзга 55 000 сом өлчөмүндө айып пул салынды.
Датасы: 13.06.2024
Туруктуу шилтеме
Валюта рыногундагы жагдай жөнүндө
Кыргыз Республикасынын соода боюнча негизги өнөктөш өлкөлөрүнүн валюта рынокторунда түптөлгөн жагдайга байланыштуу Кыргыз Республикасынын Улуттук банкы төмөнкүлөрдү билдирет.
Азыркы учурда ички валюта рыногунда абал салыштырмалуу туруктуу сакталууда.
Улуттук банк валюта саясатын жүргүзүүдө чет өлкө валютасына болгон суроо-талаптын жана сунуштун негизинде алмашуу курсун түзгөн алмашуу курсунун өзгөрүлмөлүү режимин карманат.
Улуттук банк ички валюта жана тышкы финансы рынокторунда түптөлгөн жагдайга дайыма мониторинг жүргүзүп турат.
Алсак, 2024-жылдын 13-июнунда Кыргыз Республикасынын Улуттук банкында Улуттук банктын төрагасынын орун басары К.Э. Куленбековдун жетекчилиги алдында коммерциялык банктардын жетекчилигинин өкүлдөрү менен жолугушуу болуп өттү. Жолугушуунун жүрүшүндө тараптар валюта рыногундагы учурдагы жагдай боюнча пикир алмашып, Кыргыз Республикасынын соода боюнча негизги өнөктөш өлкөлөрүнүн финансы рынокторундагы өзгөрүүлөр ички валюта рыногуна чектелген таасир тийгизет деп белгилеп өтүштү, анткени Кыргыз Республикасынын банк сектору финансылык туруктуулукту сактоо үчүн жетиштүү ресурстарга ээ.
Улуттук банк зарыл болгон учурда валюта рыногунда туруктуулукту сактоо максатында, жүргүзүлүп жаткан акча-кредит саясатына ылайык, тиешелүү чараларды көрөт.
Датасы: 13.06.2024
Туруктуу шилтеме
Кыргыз Республикасынын Улуттук банкынан лицензия алуусуз Бишкек шаарында нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын жаранына (Э.М.Э.) 17 500 сом өлчөмүндө айып пул салынды.
Датасы: 12.06.2024
Туруктуу шилтеме
Төлөм системасы боюнча комитетинин 2024-жылдын 7-июнундагы токтому менен «Эл аралык төлөм оператору» жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 7-июнундагы № 2044070624 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 7-июнундагы № 3046070624 лицензия.
Датасы: 12.06.2024
Туруктуу шилтеме
Төлөм системасы боюнча комитетинин 2024-жылдын 7-июнундагы токтому менен «Транзакциялык Иштетүү Тутумдары» жоопкерчилиги чектелген коомуна үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 7-июнунда № 2045070624 лицензиясы берилди.
Датасы: 12.06.2024
Туруктуу шилтеме
Кыргыз Республикасынын Улуттук банкында 2024-жылдын 11-июнь күнү Улуттук банктын төрагасынын орун басары М.Ш. Аттокуровдун жетекчилиги алдында Кыргыз Республикасынын Башкы прокуратурасынын, «УКУК» мамлекеттик мекемесинин, коммерциялык банктардын жана «Банктар аралык процессинг борбору» жабык акционердик коомунун өкүлдөрүнүн катышуусу менен Төлөм системасы боюнча банктар аралык кеңештин кезектеги отуруму өттү.
Отурумдун жүрүшүндө төлөм системасына байланыштуу маселелер талкууланды, анын ичинде:
- мамлекеттик төлөмдөрдү кабыл алуу (салык төлөмдөрүн, айып пулдарды ж.б. төлөө);
- банктык кызматтарды көрсөтүүнүн катышуучуларынын тарифтик саясаты;
- төлөм QR-коддорду жайылтуу.
Отурумдун жүрүшүндө банктык жабдууларды жана мобилдик тиркемелерди ден соолугу боюнча мүмкүнчүлүгү чектелген адамдарга ыӊгайлаштыруу боюнча маселелер талкууланды.
Отурумдун жыйынтыгы боюнча коммерциялы банктарга аталган багыттарда активдүү иш алып баруу, ошондой эле көрсөтүлүүчү кызматтардын тарифтерин төмөндөтүү мүмкүнчүлүгүн кароо сунушталды.
Датасы: 12.06.2024
Туруктуу шилтеме
Кыргыз Республикасынын Улуттук банкынан лицензия алуусуз Бишкек шаарында нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын үч жаранынын (А.у.Б., С.И.Т., Т.Г.С.) ар бирине 17 500 сомдон айып пул салынды.
Датасы: 12.06.2024
Туруктуу шилтеме
Төлөм системасы боюнча комитетинин 2024-жылдын 7-июнундагы токтому менен «БиСи Кард Кыргызстан» жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 7-июнундагы № 2046070624 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 7-июнундагы № 3047070624 лицензия.
Датасы: 11.06.2024
Туруктуу шилтеме
Улуттук банктын ченемдик укуктук актыларынын талаптарын бузууга жол бергендиги үчүн Ош областы, Кара-Суу району, Кызыл-Кыштак а/а, Жаңы-Турмуш айылы (болжол: «Достук-Автожол» көзөмөлдөө-өткөрмө пункту) дареги боюнча жайгашкан «Абдуллазиз» жоопкерчилиги чектелген коому алмашуу бюросуна накталай чет өлкө валютасы менен алмашуу операцияларын жүргүзүү укугуна 2023-жылдын 8-февралында берилген № 6459 лицензиянын аракети 2024-жылдын 12-июнунан тартып 18-июнун кошо алгандагы мезгил аралыгына токтотулду.
Датасы: 07.06.2024
Туруктуу шилтеме
2024-жылдын 7-июнунда Кыргыз Республикасынын Улуттук банкы Жогорку Кеңештин депутаттары үчүн Улуттук банктын иши боюнча семинар өткөрдү.
Иш-чарага Жогорку Кеңештин төрагасынын орун басарлары, парламенттик фракциянын лидери жана Жогорку Кеңештин комитеттеринин төрагалары катышты.
Семинардын жүрүшүндө эл өкүлдөрүнө Улуттук банктын учурдагы ишинин жыйынтыктары, акча-кредит саясатын ишке ашыруу, финансы-кредит уюмдарынын ишин жөнгө салуу жана көзөмөлдөө, төлөм системасын өнүктүрүү, ошондой эле нак акчаны жүгүртүү жана керектөөчүлөрдүн укугун коргоо боюнча маалыматтар берилди.
Улуттук банктын төрагасы К. Боконтаев өз сөзүндө белгилегендей, жогорку геосаясий белгисиздик сакталып турган жана дүйнөлүк сооданын мүнөзү өзгөргөн шарттарда Улуттук банктын иши тышкы экономикалык тобокелдиктердин таасирин азайтууга жана өлкөнүн экономикалык жактан туруктуу өнүгүүсү үчүн шарттарды түзүүгө багытталган.
Ошондой эле Кыргыз Республикасынын банк системасынын туруктуулугу сакталып, сунушталып жаткан банк кызматтарынын тизмеги көбөйгөндүгү, төлөм системасын өнүктүрүү боюнча милдеттер ийгиликтүү ишке ашырылып жаткандыгы белгиленди.
Иш-чаранын жүрүшүндө Улуттук банктын ишмердүүлүгүнө тиешелүү башка актуалдуу маселелер боюнча талкуу жүрдү.
Жолугушуунун жыйынтыгында семинардын катышуучулары калк үчүн кредиттердин жана банк кызмат көрсөтүүлөрүнүн жеткиликтүүлүгүн камсыздоо, финансы-кредит уюмдарынын ишин өркүндөтүү, керектөөчүлөрдүн укуктарын коргоону камсыз кылуу жана башка маселелер боюнча иштерди улантуу зарылдыгын белгилешти.
Мындан тышкары, иш-чаранын жүрүшүндө экономиканын учурдагы абалы, валюта рыногундагы кырдаал, республиканын банк жана төлөм системаларын өнүктүрүү тенденциялары жана келечеги талкууланды.
Датасы: 07.06.2024
Туруктуу шилтеме
Кыргыз Республикасынын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн, атап айтканда, лицензияда каралбаган операцияларды жүргүзгөндүгү үчүн, Бишкек шаары, Абдрахманов көчөсү 146-үй дареги боюнча жайгашкан «Люксор Финанс» алмашуу бюросу ЖЧКнын накталай чет өлкө валюталары менен алмашуу операцияларын жүргүзүү укугуна 2023-жылдын 18-августундагы № 6567 лицензиясы 2024-жылдын 6-июнунан тартып кайтарылып алынды.
Датасы: 07.06.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 30-майында № 2024-П-14/25-6-(ПС) «Кыргыз Республикасынын Улуттук банк Башкармасынын 2015-жылдын 9-декабрындагы № 76/8 «Кыргыз Республикасындагы банктык төлөм карттар жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» токтомун кабыл алды.
Токтомдун электрондук версиясы Улуттук банктын расмий интернет-сайтында www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Датасы: 07.06.2024
Туруктуу шилтеме
2024-жылдын 5-июнунда Кыргыз Республикасынын Улуттук банкы тарабынан «РСК Банкы» ачык акционердик коомунун толук фирмалык аталышы жана кыскартылган фирмалык аталышы өзгөргөндүгүнө байланыштуу «РСК Банкы» ААКтын лицензиясы алмаштырылды:
- мамлекет тилдеги толук аталышы: «Элдик Банк» ачык акционердик коому;
- мамлекет тилдеги кыскартылган аталышы: «Элдик Банк» ААК;
- расмий тилдеги толук аталышы: Открытое акционерное общество «Элдик Банк»;
- расмий тилдеги кыскартылган аталышы: ОАО «Элдик Банк».
Датасы: 05.06.2024
Туруктуу шилтеме
Кыргыз Республикасынын Улуттук банкы «Кыргыз Республикасынын «Кыргыз Республикасынын төлөм системасы жөнүндө» Мыйзамына өзгөртүүлөрдү киргизүү тууралуу» мыйзам долбоорун (мындан ары – мыйзам долбоору) коомдук талкууга сунуштайт.
Мыйзам долбоору Кыргыз Республикасынын Улуттук банкынын расмий интернет-сайтында «Банк иши тууралуу мыйзамдар»/«Талкууга сунушталган мыйзам долбоорлору» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам долбоорлору» / «Кыргыз Республикасынын Улуттук банкы тарабынан демилгеленген» бөлүгүндө жайгаштырылган.
Кызыкдар тараптар мыйзам долбоору боюнча сын-пикирлерин жана сунуштарын 2024-жылдын 5-июлунан кечиктирбестен сунуштоосу, ошондой эле электрондук версиясын (Word форматында) azmambetalieva@nbkr.kg электрондук дарегине жөнөтүүсү зарыл.
Датасы: 05.06.2024
Туруктуу шилтеме
2024-жылдын 4-июнунда Кыргыз Республикасынын Улуттук банкында (мындан ары – Улуттук банк) Улуттук банктын төрагасынын орун басары М.Ш. Аттокуровдун жетекчилиги астында Кыргыз Республикасынын Экономика жана коммерция министрлигинин, Кыргыз Республикасынын Эмгек, социалдык камсыздоо жана миграция министрлигинин, Кыргыз Республикасынын Министрлер Кабинети караштуу Кыргыз Республикасынын Социалдык фондунун, Кыргыз Республикасынын Экономика жана коммерция министрлигине караштуу Мамлекеттик салык кызматынын жетекчилеринин орун басарлары жана «Банктар аралык процессинг борбору» ЖАКтын жетекчилиги менен чарба субъекттерине эмгек акыларды накталай эмес ыкмада төлөө маселесин, ошондой эле 2023-2027-жылдарга Кыргыз Республикасында накталай эмес төлөмдөрдүн жана эсептешүүлөрдүн үлүшүн көбөйтүү боюнча мамлекеттик программанын (мындан ары – Мамлекеттик программа) башка иш-чараларын талкуулоо максатында жолугушуу болуп өттү.
Талкуунун жыйынтыгында жыйындын катышуучулары бардык тобокелдиктерди эске алуу менен бул маселени иликтөө үчүн кызыкдар болгон тараптардын катышуусунда ведомстволор аралык жумушчу топ түзүү чечимине келишти.
Мындан тышкары, жолугушуунун катышуучулары Мамлекеттик программанын төмөнкү иш-чараларынын аткарылышына көзөмөлдү күчөтүү зарылдыгын талкуулашты:
- накталай эмес төлөмдөрдү жана эсептешүүлөрдү пайдаланууга салыктык жактан дем берүү боюнча чараларды көрүү;
- товарлар жана кызмат көрсөтүүлөр үчүн накталай эмес төлөө мүмкүнчүлүгүн камсыз кылуу бөлүгүндө ишкердик субъекттерге мамлекеттик контролду күчөтүү;
- калктын накталай эмес эсептешүүлөргө ишенимин жогорулатуу;
- накталай акча жүгүртүүнү кыскартуунун эсебинен накталай эмес жүгүртүүнүн үлүшүн көбөйтүү;
- калк тарабынан накталай эмес түрдө эсептешүүлөрдү жүргүзүүдө байланышсыз технологияларды (QR-код, NFC жана башка) колдонуу менен төлөмдөрдү кабыл алууну камсыз кылуу (транспорт, ири чекене/дүң базарлар, коомдук тамактануу пункттары ж.б.);
- калк тарабынан билим берүү жана маданий кызмат көрсөтүүлөр, медициналык жана социалдык кызмат көрсөтүүлөр, каттоо кызмат көрсөтүүлөрү, маалым каттарды, күбөлүктөрдү жана башка документтерди, ошондой эле алардын көчүрмөлөрүн жана дубликаттарын берүү, изилдөө, талдоо, баалоо жана экспертиза кызмат көрсөтүүлөрү, маалымат берүү, басма, көчүрүү жана басып чыгаруу кызмат көрсөтүүлөрү, коопсуздукту камсыз кылуу жана сактоо кызмат көрсөтүүлөрү үчүн накталай эмес түрдө акы төлөөнүн формасын киргизүү.
Датасы: 04.06.2024
Туруктуу шилтеме
Кыргыз Республикасынын Улуттук банкы, Улуттук банк Башкармасынын «Кыргыз Республикасынын коммерциялык банктарынын капиталынын жетиштүүлүгүнө (шайкештигине) баа берүүнүн ички жол-жоболору жөнүндө» жобону бекитүү тууралуу» токтом долбоорун (мындан ары – токтом долбоору) коомдук талкууга сунуштайт.
Токтом долбоору банктардын тышкы жана ички таасирлерге туруктуулугун жогорулатуу, капиталдык базаны чыңдоо, ошондой эле банктардын ички контролдоо жана тобокелдиктерди тескөө системасын өркүндөтүү максатында иштелип чыккан.
Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg/ru) жайгаштырылган.
Коммерциялык банктар токтом долбоору боюнча өз сын-пикирлерин жана сунуштарын 2024-жылдын 4-июлунан кечиктирбестен aatyshova@nbkr.kg электрондук дарегине (анын ичинде Word форматында) жөнөтүүсү зарыл.
Датасы: 03.06.2024
Туруктуу шилтеме
Кыргыз Республикасынын Улуттук банкы, Кыргыз Республикасынын Улуттук банк Башкармасынын 2024-жылдын 30-майындагы чечими менен «Коммерциялык банк КЫРГЫЗСТАН» ачык акционердик коомуна ислам банк иши жана каржылоо принциптерине ылайык иджара жана иджара мунтахийя биттамлик келишимдери боюнча «ислам терезеси» аркылуу улуттук жана/же чет өлкө валютасында кошумча банктык операцияларды жана бүтүмдөрдү жүргүзүү укугуна уруксат берилгендигин билдирет.
Датасы: 03.06.2024
Туруктуу шилтеме
Кыргыз Республикасынын Улуттук банкы ислам каржылоо принциптерине ылайык операцияларды жүзөгө ашырган банк эмес финансы-кредит уюмдарынын мезгил-мезгили менен берилүүчү регулятивдик отчеттору боюнча «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү тууралуу» Улуттук банк Башкармасынын токтом долбоорун (мындан ары – токтом долбоору) коомдук талкууга сунуштайт.
Токтом долбоору Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган.
Финансы-кредит уюмдары токтом долбоору боюнча сын-пикирлерин жана сунуштарын 2024-жылдын 3-июлунан кечиктирбестен msatybaldieva@nbkr.kg электрондук дарегине (Word форматында) жөнөтүүсү зарыл.
Датасы: 31.05.2024
Туруктуу шилтеме
Кыргыз Республикасынын Улуттук банкы 2024-жылдын 31-майында «Улуттук банктын иши» темасында семинар өткөрүп, анда депутаттар – Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитетинин мүчөлөрү катышты.
Семинардын жүрүшүндө акча-кредит саясатына, финансы-кредит уюмдарын өнүктүрүүгө жана жөнгө салууга, төлөм системасына, ошондой эле накталай акчага жана керектөөчүлөрдүн укуктарын коргоого тиешелүү маселелер каралды.
Улуттук банктын төрагасы К. Боконтаев семинардын катышуучулары алдында сөз сүйлөп жатып, учурда геосаясий жагдай сакталып турган жана азык-түлүк менен азык-түлүктөн башка товарлар рынокторунда дүйнөлүк баалардын өсүшү шартында, Улуттук банктын иши тышкы факторлордун таасирин азайтууга жана улуттук валютанын сатып алуу жөндөмдүүлүгүн сактоого багытталгандыгын белгиледи.
«Тышкы экономикалык жагдай алгылыксыз болгондугуна карабастан, 2023-жылы Кыргыз Республикасында макроэкономикалык жана баа туруктуулугун сактоого жетиштик. Алсак, 2023-жылдын жыйынтыгы боюнча инфляциянын жылдык деңгээли эки эсеге – 14,7 пайыздан 7,3 пайызга чейин төмөндөгөн, ал эми 2024-жылдын май айында инфляция жылдык мааниде алганда 4,4 пайызды түздү», - деди К. Боконтаев.
Ошондой эле, 2023-жылы Кыргызстандын эл аралык резервдеринин көлөмү 2,8 млрд АКШ долларына, 3,2 млрд АКШ долларына чейин көбөйгөндүгү, ал эми өтүп жаткан жылдын май айында 3,7 млрд АКШ долларына жеткендиги белгиленди, бул буга чейин катталган көрсөткүчтөрдүн эң эле жогоркусу болуп саналат.
Андан кийин Улуттук банктын төрагасы республиканын банк жана төлөм системаларынын негизги көрсөткүчтөрү кыйла жогорулап жаткандыгы байкалгандыгын маалымдады.
«Төлөм системасын өнүктүрүү боюнча алдыга коюлган милдеттер ийгиликтүү ишке ашырылды. Соода жана тейлөө ишканаларында орнотулган QR-коддордун саны беш эсеге көбөйүп, 52 миңден ашты», - деп белгиледи Улуттук банктын төрагасы.
Өз кезегинде, Жогорку Кеңештин депутаттары Улуттук банктын ишинин оң натыйжаларын белгилеп, калк үчүн кредиттердин жана банктык кызматтардын жеткиликтүүлүгүн камсыздоо, финансы-кредит уюмдарынын ишин өркүндөтүү, керектөөчүлөрдүн укуктарын коргоону камсыз кылуу, ошондой эле мындан ары башка иштерди жүзөгө ашыруу зарылдыгын белгилешти.
Мындан тышкары, иш-чаранын алкагында экономиканын учурдагы абалы, валюта рыногундагы жагдай, республиканын банк жана төлөм системаларынын тенденциялары жана өнүктүрүү келечеги талкууланды.
Датасы: 31.05.2024
Туруктуу шилтеме
Кыргыз Республикасынын Улуттук банкы электрондук капчыктарды жана мобилдик тиркемелерди жөнгө салуу маселелери боюнча «Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт.
Токтом долбоору Кыргыз Республикасынын Улуттук банкынын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам алдындагы актылардын долбоорлору» / «Кыргыз Республикасынын Улуттук банкынын токтому» бөлүгүндө жайгаштырылган.
Кызыкдар болгон тараптар токтом долбоору боюнча сын-пикирлерин жана сунуштарын 2024-жылдын 30-июнунан кечиктирбестен Кыргыз Республикасынын Улуттук банкына, ошондой эле электрондук версиясын (Word форматында) azmambetalieva@nbkr.kg электрондук дарегине жөнөтүүсү зарыл.
Датасы: 29.05.2024
Туруктуу шилтеме
1. Кыргыз Республикасынын Улуттук банкы «Коммерциялык банк КЫРГЫЗСТАН» ачык акционердик коому тарабынан «Коммерциялык банк КЫРГЫЗСТАН» ААКтын директорлор кеңешинин мүчөсү кызмат ордуна сунушталган Лайлиева Майа Джумакановнанын талапкерлигине 2024-жылдын 28-майында макулдук берүү чечимин кабыл алды.
2. Кыргыз Республикасынын Улуттук банкы «БАКАЙ БАНК» ачык акционердик коому тарабынан «БАКАЙ БАНК» ачык акционердик коомунун директорлор кеңешинин көз карандысыз мүчөсү кызмат ордуна сунушталган Орозбаева Лада Джантаевнанын талапкерлигине 2024-жылдын 28-майында макулдук берүү чечимин кабыл алды.
3. Кыргыз Республикасынын Улуттук банкы «Керемет Банк» ачык акционердик коому тарабынан «Керемет Банк» ААКтын директорлор кеңешинин мүчөсү кызмат ордуна сунушталган Сарбагишев Нурлан Бердибековичтин талапкерлигине 2024-жылдын 28-майында макулдук берүү чечимин кабыл алды.
4. Кыргыз Республикасынын Улуттук банкы «Кыргыз Инвестициялык Кредит Банк» жабык акционердик коому тарабынан «Кыргыз Инвестициялык Кредит Банк» ААКтын директорлор кеңешинин көз карандысыз мүчөсү кызмат ордуна сунушталган Марина Петровдун талапкерлигине 2024-жылдын 28-майында макулдук берүү чечимин кабыл алды.
Датасы: 28.05.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 15-майында № 2024-П-12/22-1-(НПА) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом кабыл алды (мындан ары – токтом).
Аталган токтомдо банк тарабынан милдеттенме-кат берилиши, ачык валюта позициясынын жана баалуу металлдардагы ачык позициянын лимиттерин бузууга жол бергендиги үчүн банктын ыктыярдуу түрдө айып пул төлөө мүмкүнчүлүгү, банктарды жоюу маселелерине тиешелүү мазмуну боюнча жана техникалык мүнөздөгү өзгөртүүлөрдү киргизүү каралган.
Токтом Улуттук банктын расмий интернет-сайтына: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук акт Улуттук банктын расмий интернет-сайтына: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат.
Датасы: 28.05.2024
Туруктуу шилтеме
Кыргыз Республикасынын Улуттук банкы
эсептик ченди 9,00 пайызга чейин төмөндөттү
Кыргыз Республикасынын Улуттук банк Башкармасы 2024-жылдын 27-майында эсептик ченди (негизги ченди) 200 базистик пунктка 9,00 пайызга чейин төмөндөтүү чечимин кабыл алды. Чечим 2024-жылдын 28-майынан тартып күчүнө кирет.
Кыргыз Республикасында инфляциянын төмөндөшү уланып жатат: 2024-жылдын май айында1 керектөө бааларынын өсүш арымы жылдык мааниде 4,4 пайызды түзгөн (2023-жылдын декабрь айында – 7,3 пайыз). Баалардын төмөндөө динамикасы Улуттук банк тарабынан 2022-жылдан тартып жүргүзүлүп келе жаткан инфляциянын өсүшүн чектөөгө жана экономикалык субъекттердин инфляциялык күтүүлөрүн акырындык менен төмөндөтүүгө багытталган акча-кредит саясатынын жыйынтыгы болуп саналат. Инфляциянын түзүмүндө азык-түлүк товарларына баалардын өсүш арымы туруктуу төмөндөшү уланып жатат, ага дүйнөлүк азык-түлүк рынокторундагы баалардын акырындык менен төмөндөшү дагы өбөлгө түзүүдө.
Кыргыз Республикасында экономикалык жигердүүлүктүн ишенимдүү өсүшү уланууда: 2024-жылдын январь-апрель айларында реалдуу ИДӨнүн өсүш арымы 7,4 пайызды түзгөн. Экономиканын өсүшүнө негизги салым курулуш жана кызмат көрсөтүү сектору менен камсыз кылынган: негизги капиталга инвестициялык активдүүлүктү олуттуу кеңейтүү курулуш секторунун өсүшүнө шарт түзгөн; кызмат көрсөтүү секторунда өсүш мурдагыдай эле чекене жана дүң соода кылуу жагында катталган. Калктын реалдуу кирешесинин көбөйүшүнүн жана жеке адамдардын өлкөгө акча которууларынын таза агылып кирүүсүнүн эсебинен ички керектөөнүн кеңейиши уланууда.
Банктар аралык акча рыногунда жагдай туруктуу абалда сакталып турат. Акча рыногунун кыска мөөнөттүү пайыздык чендери Улуттук банктын негизги ченинин өзгөрүшү менен кошо төмөндөп жатат. Банк системасында улуттук валютадагы үстөк ликвиддүүлүк жогорку деңгээлде сакталып турат, бул экономиканын реалдуу секторун кредиттөөнү андан ары кеңейтүүгө өбөлгө түзүүдө. Ички валюта рыногунда алмашуу курсунун ийкемдүүлүгү сакталып турат. Улуттук банк алмашуу курсунун кескин өзгөрүүсүн текшилөө максатында, өзгөрүлмө алмашуу курсу режиминин алкагында валюталык тооруктарга катышып жатат.
Тышкы экономикалык чөйрөдө Кыргыз Республикасынын экономикасына таасирин тийгизген негизги факторлордун динамикасы бирдей эмес, бирок жалпы алганда алардын таасири бир калыпта кармалып турат. Алдыңкы өлкөлөрдүн акча-кредит саясатынын катуулатылган шарттары глобалдуу инфляциянын басаңдашына шарт түзүүдө. Дүйнөлүк азык-түлүк рыноктору туруктуу абалга келип, негизги азык-түлүк товарларына баалар төмөндөп жатат. Ошол эле учурда, дүйнөнүн айрым региондорунда геосаясий курч абалга байланыштуу мунай жана алтын рыногундагы абал бир калыпта болбой жатат.
Кыргыз Республикасында жылдык инфляция көрсөткүчүнүн туруктуу басаңдашы өтүп жаткан жылдын акырына карата анын маанисинин күтүлүп жаткан орто мөөнөттүү максаттуу көрсөткүч 5-7 пайыз чегинде түптөлүшү менен бирге акча-кредит саясатын жеңилдетүү мейкиндигин түзөт. Мындай шартта Улуттук банк эсептик чен өлчөмүн 9,00 пайызга чейин төмөндөтүү чечимин кабыл алды.
Улуттук банктын акча-кредит саясаты өлкөдө баа туруктуулугун сактап турууга жана макроэкономикалык туруктуулукту камсыз кылууга багытталган. Ушуга байланыштуу Улуттук банк инфляция боюнча түптөлгөн тышкы жана ички факторлорго баа берүүсүн улантат жана тышкы чөйрөдө дале сакталып турган бардык тобокелдиктерди эске алуу менен акча-кредит саясатынын жүргүзүлүшүнө кылдат мамиле жасайт.
Улуттук банк кандайдыр бир тобокелдиктер пайда болгон учурда жүргүзүлүп жаткан монетардык саясатка кошумча оңдоолорду киргизүү мүмкүнчүлүгүн жокко чыгарбайт.
Улуттук банк Башкармасынын эсептик чен өлчөмү маселеси боюнча кийинки пландалган отуруму 2024-жылдын 29-июлунда өтөт.
_______________________________________________ 1 Банктык карттардын эквайрингин жүргүзүү укугуна ээ субъекттердин тизмесин кеңейтүү жолу менен накталай эмес төлөмдөрдү жана эсептешүүлөрдү өнүктүрүү максатында, Кыргыз Республикасынын Улуттук банк Башкармасы 2024-жылдын 22-майында № 2024-П-14/23-2-(ПС) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтомун кабыл алды (мындан ары – токтом). Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. Ош шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ош областтык башкармалыгы тарабынан Кыргыз Республикасынын 10 жаранынын ар бирине 17 500 сом өлчөмүндө айып пул салынды. Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаары, Курманжан Датка көчөсү, 278-үй дареги боюнча жайгашкан ЖЧК «Бакай-Ата кей джи» алмашуу бюросунун 2022-жылдын 6-июлундагы № 6317 лицензиясынын аракети 2024-жылдын 24-майынан тартып 7-июнун кошо алгандагы мезгил аралыгына токтотулду. 2024-жылдын 23-майында Кыргыз Республикасынын Улуттук банкынын төрагасы К. Боконтаев BIFF-2024: «Финтех жана туруктуу өнүгүү: финансы келечеги» аттуу Бишкек эл аралык финансы форумуна катышты. Улуттук банктын төрагасы К. Боконтаев өзүнүн саламдашкан сөзүндө бүгүнкү күндө маанилүү маселелердин бири болуп, экономиканы өнүктүрүү үчүн жаңы мүмкүнчүлүктөрдү ачып жаткан финансылык кызматтарды санариптештирүү санала турганын белгиледи. «Улуттук банк накталай эмес төлөмдөрдү, санариптик активдерди жана финансылык технологияларды өнүктүрүүгө өзгөчө көңүл бурат. Биз финансылык системаны коргоону чыңдоо чараларына басым жасоо менен инновацияларды киргизүүгө жана финансылык жеткиликтүүлүктү жогорулатууга өбөлгө түзгөн жагымдуу жөнгө салуучу чөйрөнү түзүү жагында жигердүү иштеп жатабыз», - деп Улуттук банктын төрагасы белгилеп өттү. Мындан тышкары, К. Боконтаев Улуттук банктын аракеттери туруктуу өнүгүүгө өтүүгө, ошондой эле жашыл каржылоо инструменттерин жайылтууга жана кеңири колдонууга багытталганын кошумчалады. Финансы форумуна Кыргыз Республикасынын Министрлер Кабинетинин Төрагасы А.Жапаров, Улуттук банктын жетекчилиги, эл аралык уюмдардын, Кыргыз Республикасынын банк жана финансы секторлорунун өкүлдөрү жана чет элдик эксперттер катышты. 2024-жылдын 22-майында Кыргыз Республикасынын Улуттук банкы Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин борбордук аппаратынын кызматкерлери үчүн финансылык сабаттуулук боюнча семинар өткөрдү. Семинардын максаты – Кыргызстандын калкынын финансылык сабаттуулугун жогорулатуу боюнча Улуттук банктын иши менен тааныштыруу, ошондой эле жеке финансыны башкаруу, каражат топтоо, карыз алышуу, улуттук финансы инструменттерине инвестициялоо жана финансылык коопсуздук боюнча билимди арттыруу. Семинар Кыргыз Республикасынын Министрлер Кабинетинин 2022-жылдын 16-мартындагы №119-т тескемеси менен бекитилген 2022-2026-жылдарга финансылык жеткиликтүүлүктү жогорулатуу стратегиясын ишке ашыруунун алкагында уюштурулду. Улуттук банктын Ош областтык башкармалыгы 2024-жылдын 17-майында Эл аралык музей күнүнө карата жана улуттук валюта – кыргыз сомунун жүгүртүүгө киргизилген күнүн белгилөөнүн алкагында Ош областтык башкармалыгынын нумизматикалык музейинде ачык эшик күнүн өткөрдү. Музейдин коноктору улуттук валютанын түптөлүшү жана өнүгүү тарыхы, банкнотторду жана монеталарды чыгаруу баскычтары, Улуу жибек жолу өркүндөгөн мезгилде Кыргызстандын акча жүгүртүү тарыхына байланыштуу монеталар экспозициясы жана Улуттук банк тарабынан 1995-2024-жылдары аралыгында чыгарылган коллекциялык монеталар менен таанышып чыгышты. Ошондой эле келген конокторго улуттук валютанын тарыхы, өнүгүү этаптары жана коргоо белгилери тууралуу лекция окулду. Кыргыз Республикасынын улуттук валютасы – сомдун жүгүртүүгө киргизилген күнүнө карата, 2024-жылдын 17-майында Улуттук банктын Жалал-Абад областтык башкармалыгынын кызматкерлери Курманбек Баатыр атындагы Жалал-Абад лицейинин жогорку класстарынын окуучулары үчүн көчмө лекция өткөрүштү. Лекциянын жүрүшүндө Улуттук банктын өкүлдөрү студенттерге улуттук валютабыз – сомдун калыптануу тарыхы, өнүгүү этаптары жана анын коргоо белгилери, Кыргыз Республикасынын Улуттук банкынын нумизматикалык баалуулуктары тууралуу айтып беришти. Ошондой эле, үй-бүлө бюджетин пландаштыруу, акчаларды туура топтоо жана инвестицияга жумшоо боюнча маалыматтар берилди. Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош шаары, Курманжан Датка көчөсү, № 403/1 дареги боюнча жайгашкан ЖЧК «Глобал Валюта» алмашуу бюросунун 2023-жылдын 31-майында берилген № 6533 лицензиясынын аракети 2024жылдын 18майынан тартып 1-июнун кошо алгандагы мезгил аралыгына токтотулду. Төлөм системасы боюнча комитетинин 2024-жылдын 15-майындагы токтому менен «Сейф пэй» жоопкерчилиги чектелген коомуна төмөнкү лицензиялар берилди: - үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 15-майындагы № 2043150524 лицензия; - өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 15-майындагы № 3045150524 лицензия. Кыргыз Республикасынын Улуттук банкы 2024-жылдын 17-майында Эл аралык музей күнүнө карата жана улуттук валюта – кыргыз сомунун жүгүртүүгө киргизилген күнүн белгилөөнүн алкагында Улуттук банктын нумизматикалык музейинде ачык эшик күнүн өткөрдү. Музейдин коноктору улуттук валютанын түптөлүшү жана өнүгүү тарыхы менен таанышып, банкнотторду жана монеталарды чыгаруу баскычтары, Кыргызстандын Улуу жибек жолу өркүндөгөн мезгилде акча жүгүртүү тарыхына байланыштуу монеталар экспозициясы жана Улуттук банк тарабынан 1995-2024-жылдары чыгарылган коллекциялык монеталар менен таанышуу мүмкүнчүлүгүнө ээ болушту. Улуттук банктын музейине келүүгө үлгүрбөй калган жарандар алдын ала 0 (312) 66-90-08; 0 (312) 61-24-14 телефон номерлери же mail@nbkr.kg электрондук дареги аркылуу жазылуу менен иш күндөрү саат 10:00-16:00 чейин экскурсияга келсе болот. Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын «Достук-Автожол» көзөмөлдөө-өткөрмө пунктунда жүргүзгөндүгү үчүн 2024-жылдын 15-майында Улуттук банктын Ош областтык башкармалыгы тарабынан Кыргыз Республикасынын 21 жаранынын ар бирине 17 500 сом өлчөмүндө жана бир юридикалык жакка 55 000 сом өлчөмүндө айып пул салынды. Кыргыз Республикасынын Улуттук банкы Кыргыз Республикасынын улуттук валютасы – сомдун жүгүртүүгө киргизилген күнүн белгилөөнүн алкагында жана Эл аралык музей күнүнө карата окуучуларды жана студенттерди, Бишкеке шаарынын жашоочуларын жана конокторун, ошондой эле нумизматика дүйнөсүнө кызыккан адамдарды Улуттук банктын музейинде 2024-жылдын 17-майында өтө турган ачык эшик күнүнө чакырат. Музейге келген адамдар улуттук валютанын өнүгүү тарыхы менен таанышып, банкноттор кандай жасала тургандыгы тууралуу маалымат алуу менен катар эле, Улуу Жибек жолу доорунан тартып Кыргызстандын аймагында табылган кайталангыс байыркы монеталар экспозициясын көрүү мүмкүнчүлүгүнө ээ болушат. Ошондой эле, музейде Улуттук банк тарабынан 1995-2024-жылдары чыгарылган коллекциялык монеталардын жана чет өлкө акча белгилеринин үлгүлөрүнүн экспозициялары жайгаштырылган. Экскурсия саат 09.00дөн 17.00гө чейин өткөрүлөт. Кирүү акысыз. Экскурсияга келүүчүлөрдүн жанында инсандыгын тастыктаган документ (паспорт, студенттик билет, айдоочунун күбөлүгү) болууга тийиш. Экскурсияга төмөнкү телефондор аркылуу: 0 (312) 66-90-08; 0 (312) 61-24-14 жана 0 (552) 66-90-08 же mail@nbkr.kg. электрондук дарек аркылуу алдын ала жазылууга болот. Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Баткен областындагы өкүлчүлүгү тарабынан Кыргыз Республикасынын (А.М.М.) бир жаранына 17 500 сом өлчөмүндө айып пул салынды. Кыргыз Республикасынын Улуттук банкынын расмий билдирүүсү Кыргыз Республикасынын Улуттук банкы 2023-жылдагы үлгүдөгү банкноттордун коргоо элементтерин интерактивдүү форматта көрсөтүү максатында «Кыргыз сом» мобилдик тиркемесин иштеп чыкты (мындан ары – мобилдик тиркеме). Мобилдик тиркеме жаңы бешинчи сериядагы банкноттордун коргоо элементтерин жарыкка салып кароодо, жантайтып кароодо жана чоңойтуп көрсөткөн айнек (лупа) менен кароодо кантип текшерип алууну көрсөтөт. Банкноттун коргоо элементтери жөнүндө толук билүү үчүн банкнотту сканерден өткөрүүгө смартфондун камерасын колдонуңуз. Мобилдик тиркемени AppStore жана Google Play колдонмолору аркылуу жүктөп алууга болот. ЭСКЕРТҮҮ! Мобилдик тиркеме 2023-жылдагы үлгүдөгү улуттук валютанын банкнотторунун коргоо элементтери менен таанышуу максатында гана иштелип чыккан. Мобилдик тиркеме банкноттордун аныктыгын текшербейт!
Датасы: 27.05.2024
Туруктуу шилтеме
Датасы: 24.05.2024
Туруктуу шилтеме
Датасы: 24.05.2024
Туруктуу шилтеме
Датасы: 23.05.2024
Туруктуу шилтеме
Датасы: 22.05.2024
Туруктуу шилтеме
Датасы: 21.05.2024
Туруктуу шилтеме
Датасы: 20.05.2024
Туруктуу шилтеме
Датасы: 20.05.2024
Туруктуу шилтеме
Датасы: 20.05.2024
Туруктуу шилтеме
Датасы: 17.05.2024
Туруктуу шилтеме
Датасы: 17.05.2024
Туруктуу шилтеме
Датасы: 17.05.2024
Туруктуу шилтеме
Датасы: 16.05.2024
Туруктуу шилтеме
Датасы: 15.05.2024
Туруктуу шилтеме
Датасы: 15.05.2024
Туруктуу шилтеме
Кыргыз Республикасынын Улуттук банкынын Ысык-Көл областтык башкармалыгы улуттук валюта – сомдун жүгүртүүгө киргизилген күнүн майрамдоонун алкагында, 2024-жылдын 13-14-май күндөрү Каракол шаарынын тургундары үчүн Улуттук банк тарабынан чыгарылган коллекциялык монеталардын көргөзмөсүн уюштурду.
Көргөзмөнүн жүрүшүндө Улуттук банктын Ысык-Көл областтык башкармалыгынын кызматкерлери улуттук валюта – сомдун калыптануу тарыхы, өнүгүү этаптары жана анын коргоо элементтери, ошондой эле Кыргыз Республикасынын Улуттук банкынын нумизматикалык баалуулуктары жөнүндө айтып беришти.
Датасы: 15.05.2024
Туруктуу шилтеме
Жалал-Абад областы, Чаткал району, Каныш-Кыя айылы (токой чарба имараты) юридикалык дареги боюнча катталган «Беш-Арал» микрокредиттик агентствосу» коомдук фонду Жалал-Абад областы, Жалал-Абад шаары, Курманбек көчөсү, 10 юридикалык дареги боюнча катталган «Сары-Челек» Микрокредиттик Агентствосу» коомдук фондуна бириктирүү менен кайра уюштурулгандыгына байланыштуу, 2007-жылдын 27-мартындагы № 125 эсептик каттоодон өткөндүгү жөнүндө күбөлүгү Кыргыз Республикасынын Улуттук банкынын Жалал-Абад областтык башкармалыгы тарабынан жокко чыгарылды.
Датасы: 14.05.2024
Туруктуу шилтеме
2024-жылдын 13-майында Баку шаарында Кыргыз Республикасынын Улуттук банкынын делегециясынын иш сапарынын алкагында Азербайжан Республикасынын Борбордук банкында Кыргыз Республикасынын Улуттук банкынын төрагасы К. Боконтаев менен Азербайжан Республикасынын Борбордук банкынын төрагасы Т.Кязымов ортосунда эки тараптуу жолугушуу болуп өттү. Жолугушууга Кыргыз Республикасынын Азербайжандагы Атайын Элчиси К.М. Осмоналиев, Кыргыз Республикасынын Улуттук банкынын делегациясынын мүчөлөрү жана Азербайжан Республикасынын Борбордук банкынын өкүлдөрү катышты.
Жолугушууда тараптар Кыргыз Республикасы менен Азербайжан Республикасынын борбордук банктарынын, финансы институттарынын ортосундагы эки тараптуу кызматташуу, банк жана финансы чөйрөсүндө өз ара иш алып баруу жана тажрыйба алмашуу маселелерин талкуулашты.
Жолугушуунун жыйынтыгы боюнча эки өлкөнүн борбордук банктарынын ортосунда Кызматташуу жөнүндө меморандумга кол коюлду, анда Кыргыз Республикасынын Улуттук банкы менен Азербайжан Республикасынын Борбордук банкынын ортосунда борбордук банктардын негизги иш багыттары боюнча өз ара тыгыз иш алып баруу каралган.
Улуттук банктын төрагасы К. Боконтаев өз сөзүндө бул Меморандум борбордук банктардын ортосундагы өз ара кызматташууну андан ары чыңдоо үчүн негиз болуп берерин, банк ишине тиешелүү ар кандай маселелер боюнча адистердин тажрыйба жана билим алмашуусу үчүн мүмкүнчүлүк түзөрүн, ошондой эле Кыргызстан менен Азербайжандын банк жана финансы системаларынын өнүгүүсүнө алгылыктуу таасирин тийгизе тургандыгын белгиледи.
Датасы: 14.05.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн төмөнкү алмашуу бюролорунун лицензияларынын аракети 2024-жылдын 14-майынан тартып 28-майын кошо алгандагы мезгил аралыгына токтотулду:
- Бишкек шаары, Ибраимов көчөсү, 115/2-үй, «Дордой-Плаза 2» соода борбору дареги боюнча жайгашкан «ДИМАЙК» алмашуу бюросу ЖЧКнын 2023-жылдын 5-апрелиндеги № 6524 лицензиясы;
- Чүй областы, Аламүдүн району, Аламүдүн айылы, Алма-Ата көчөсү, үй № 355А дареги боюнча жайгашкан «Кайрат финанс» алмашуу бюросу ЖЧКнын 2023-жылдын 11-мартындагы № 6483 лицензиясы.
Датасы: 13.05.2024
Туруктуу шилтеме
Кыргыз Республикасынын улуттук валютасы – сомдун жүгүртүүгө киргизилген күнүнө карата, 2024-жылдын 10-майында Улуттук банктын Жалал-Абад областтык башкармалыгында Жалал-Абад шаарынын К.Ш. Токтомаматов атындагы Эл аралык университетинин 1 жана 2 курсунун студенттерине лекция өткөрүлдү.
Лекциянын жүрүшүндө Улуттук банктын өкүлдөрү студенттерге улуттук валютабыз – сомдун калыптануу тарыхы, өнүгүү этаптары жана анын коргоо белгилери, Кыргыз Республикасынын Улуттук банкынын нумизматикалык баалуулуктары тууралуу айтып беришти.
Ошондой эле, үй-бүлө бюджетин пландаштыруу, акчаларды туура топтоо жана инвестицияга жумшоо боюнча маалыматтар берилди.
Лекцияга келгендер үчүн Улуттук банк тарабынан чыгарылган коллекциялык нумизматикалык монеталардын көргөзмөсү уюштурулду.
Датасы: 13.05.2024
Туруктуу шилтеме
2024-жылдын 13-майынан тартып Ысык-Көл, Нарын, Талас жана Чүй областтарынын орто кесиптик окуу жайларынын окуучулары үчүн финансылык сабаттуулук боюнча семинарлар өткөрүлө баштады. Окуучуларды өз каражатын туура пайдаланууга үйрөтүү, финансылык продукттардан жана кызмат көрсөтүүлөрдөн, анын ичинде электрондук кызматтардан пайдалануу жөнүндө маалымат берүү, ошондой эле алардын инвестициялоо, салык, камсыздандыруу жана финансылык коопсуздук маселелери боюнча финансылык билимин өркүндөтүү семинардын максаты болуп саналат.
Семинарлар Улуттук банк тарабынан Кыргыз Республикасынын билим берүү жана илим министрлиги менен биргеликте ЕККУнун Бишкектеги программалык кеңсесинин колдоосу менен өткөрүлүп жатат.
Датасы: 13.05.2024
Туруктуу шилтеме
Улуттук банктын Ош областтык башкармалыгы 2024-жылдын 10-майында «Сулайман Тоо» улуттук тарыхый-археологиялык музей комплекси тарабынан уюштурулган «Улуттук сом – улут сыймыгы» аттуу көргөзмөдө Улуттук банк тарабынан чыгарылган коллекциялык монеталардын нумизматикалык көргөзмөсүн өткөрдү.
Көргөзмөнүн салтанаттуу ачылышына «Сулайман Тоо» улуттук тарыхый-археологиялык музей комплексинин кызматкерлери, коммерциялык банктар, жалпыга маалымдоо каражаттарынын өкүлдөрү жана Ош мамлекеттик университетинин студенттери катышты.
Көргөзмөгө келгендер үчүн Улуттук банк тарабынан чыгарылган коллекциялык нумизматикалык монеталарды сатуу уюштурулду.
Датасы: 13.05.2024
Туруктуу шилтеме
Кыргыз Республикасынын Улуттук банкы Кыргыз Республикасынын улуттук валютасы – сомдун жүгүртүүгө киргизилген күнүн белгилөөнүн алкагында жана Эл аралык музей күнүнө карата окуучуларды жана студенттерди, Бишкеке шаарынын жашоочуларын жана конокторун, ошондой эле нумизматика дүйнөсүнө кызыккан адамдарды Улуттук банктын музейинде 2024-жылдын 17-майында өтө турган ачык эшик күнүнө чакырат.
Музейге келген адамдар улуттук валютанын өнүгүү тарыхы менен таанышып, банкноттор кандай жасала тургандыгы тууралуу маалымат алуу менен катар эле, Улуу Жибек жолу доорунан тартып Кыргызстандын аймагында табылган кайталангыс байыркы монеталар экспозициясын көрүү мүмкүнчүлүгүнө ээ болушат.
Ошондой эле, музейде Улуттук банк тарабынан 1995-2024-жылдары чыгарылган коллекциялык монеталардын жана чет өлкө акча белгилеринин үлгүлөрүнүн экспозициялары жайгаштырылган.
Экскурсия саат 09.00дөн 17.00гө чейин өткөрүлөт.
Кирүү акысыз. Экскурсияга келүүчүлөрдүн жанында инсандыгын тастыктаган документ (паспорт, студенттик билет, айдоочунун күбөлүгү) болууга тийиш.
Экскурсияга төмөнкү телефондор аркылуу: 0 (312) 66-90-08; 0 (312) 61-24-14 жана 0 (552) 66-90-08 же mail@nbkr.kg. электрондук дарек аркылуу алдын ала жазылууга болот.
Датасы: 11.05.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Чүй областында жайгашкан бир кредиттик союзга 55 000 сом өлчөмүндө айып пул салынды.
Датасы: 10.05.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарында жайгашкан бир алмашуу бюросуна 55 000 сом өлчөмүндө айып пул салынды.
Датасы: 10.05.2024
Туруктуу шилтеме
1. Кыргыз Республикасынын Улуттук банкы «Керемет Банк» ачык акционердик коомунун ички аудит башкармалыгынын начальнигинин орун басары кызмат ордуна Токтоналиев Рубэн Токтоналиевичтин талапкерлигине 2024-жылдын 7-майында макулдук берүү чечимин кабыл алды;
2. Кыргыз Республикасынын Улуттук банкы Акционердик коммерциялык «Толубай» банкы жабык акционердик коомунун ички аудит кызматынын начальнигинин милдетин убактылуу аткаруучу кызмат ордуна Исманова Гулзат Аскарбековнанын талапкерлигине 2024-жылдын 7-майында макулдук берүү чечимин кабыл алды;
3. Кыргыз Республикасынын Улуттук банкы «Евразиялык Сактык Банкы» ачык акционердик коомунун директорлор кеңешинин төрагасы кызмат ордуна Чалбаев Кантемир Капарбековичтин талапкерлигине 2024-жылдын 7-майында макулдук берүү чечимин кабыл алды.
Датасы: 10.05.2024
Туруктуу шилтеме
Улуттук валютанын күнү
Бүгүн 10-майда Кыргызстан өзүнүн улуттук валютасы – кыргыз сомун жүгүртүүгө киргизгенине 31 жыл болду, улуттук валюта мамлекеттин эгемендигин даңазалаган анын ажырагыс символуна айланды.
Бул тарыхый окуя эгемен мамлекеттин акча-кредит саясатын өз алдынча жүргүзүүсүнө, ошондой эле улуттук төлөм жана банк системаларынын калыптанышы менен өнүгүшүнө негиз салган.
Геосаясий жана экономикалык соккуларга карабастан, кыргыз сому көптөгөн жылдардан бери аймактагы эң туруктуу валюталардын бири катары сакталууда.
Бүгүнкү күндө улуттук валюта – сом өзүнүн туруктуулугу, коргоо белгилери жагынан да, банкноттордун жасалгасы боюнча да башка валюталардын арасында татыктуу орунду ээлеп, эл аралык көргөзмө менен сынактарда жогорку баага татып келет.
Датасы: 10.05.2024
Туруктуу шилтеме
КЫРГЫЗ РЕСПУБЛИКАСЫНЫН УЛУТТУК БАНКЫНЫН
РАСМИЙ БИЛДИРҮҮСҮ
Кыргыз Республикасынын Улуттук банкы «Кыргыз Республикасынын Улуттук банкы жөнүндө» Кыргыз Республикасынын конституциялык Мыйзамына ылайык, 2024-жылдын 10-майынан тартып улуттук валютанын жаңы бешинчи сериядагы 2023-жылдын үлгүсүндөгү номиналы 5000 сом банкнотун жүгүртүүгө чыгарат.
2023-жылдын үлгүсүндөгү 5000 сом банкнотунун алдыңкы бетинде кыргыздын залкар инсаны, актёр жана сүрөтчү С. Чокморовдун портрети, арткы бетинде «Ала-Тоо» кинотеатрынын имараты сакталган. Банкноттун негизги түсү жана өлчөмү өзгөрүүсүз калган.
5000 сом номиналындагы банкнот жасалма акча жасоодон ишенимдүү коргоону камсыз кылган, үч деңгээлден турган заманбап коргоо элементтер комплексин камтыйт.
Улуттук валютанын бардык банкноттору Кыргыз Республикасынын аймагында расмий төлөм каражаты статусуна ээ жана чыгарылган жылына карабастан, төлөм каражаты катары милдеттүү түрдө кабыл алынууга тийиш.
2023-жылдын үлгүсүндөгү номиналы 5000 сом
банкнотунун негизги коргоо элементтери
1. Суу белгиси: бир канча түстү камтыган портрет жана номинал түрүндөгү электротип.
2. Коргоо тилкеси: үзүк тилке, жарыкка салып кароодо бүтүн тилке (үзгүлтүксүз) болуп чагылдырылат. Анда номинал саны жана ромб түрүндө Улуттук банктын логотиби, банкнотту жантайыңкы кароодо ромб фигурасы менен тилкенин кубулуп жатканы көрүнөт.
3. Бири-бирине дал келген сүрөттөлүш: банкноттун алдыңкы жана арткы беттериндеги сүрөттөрдүн фрагменттери жарыкка салып кароодо ромб формасын түзөт.
4. Банкнотту кол менен сыдырып көрүүдө анын бетине түшүрүлгөн портреттин, жазуулардын, сан жана тамга түшүрүлгөн номиналдын сүрөттөрүндө рельефти (одуракайлык) сезүүгө болот.
5. Көмүскө сүрөттөлүш: банкнотту жантайыңкы кароодо көп түстүү сом белгиси – С пайда болот.
6. Түстөрдүн өзгөрүшү: банкнотту жантайыңкы кароодо көлөмдүү шакектер көрүнүп, оюу (орнамент) түсү алтындан жашыл түскө өзгөрөт.
7. Жалтырак тилке (арткы бетинде) банкноттун номиналы жана Улуттук банктын логотиби түрүндө берилген.
Датасы: 07.05.2024
Туруктуу шилтеме
Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн, 2024-жылдын 7-майынан тартып Чүй областы, Панфилов району, Ровное айылы, Киров көч., 73 (юридикалык дареги), Кара-Балта ш., Кожомбердиева к., 117, «Киреше» соода борбору, 3-кабат (айкын дареги) дареги боюнча жайгашкан «Кредиттик союз «Курпульдек» финансылык кооперативинин 2007-жылдын 2-февралындагы №520 лицензиясы кайтарылып алынды.
Датасы: 06.05.2024
Туруктуу шилтеме
2024-жылдын 30-апрелинде Кыргыз Республикасынын Улуттук банкында Улуттук банктын төрагасынын орун басары М.Ш. Аттокуровдун жетекчилиги астында Кыргыз Республикасынын Улуттук банк Башкармасынын «Кыргыз Республикасынын Улуттук банк Башкармасынын 2015-жылдын 9-декабрындагы № 76/8 «Кыргыз Республикасындагы банктык төлөм карттар жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» токтом долбоорун (мындан ары – токтом долбоору) талкуулоо боюнча коммерциялык банктардын өкүлдөрү менен жолугушуу болуп өттү.
Токтом долбоору керектөөчүлөрдүн укуктарын коргоо максатында иштелип чыккан жана Кыргыз Республикасынын аймагындагы банктык төлөм карталарынын ээлерине өз каалоосу боюнча каалаган банкоматтан акча каражаттарын бир операция менен эле улуттук валютада 200 (эки жүз) эсептик көрсөткүчкө же ушул сумманын чет өлкө валютасындагы эквивалентине чейин накталай акча чыгаруу мүмкүнчүлүгүн берүүгө багытталган. Мында башка жактын эмитенти тарабынан чыгарылган картанын ээси өзү тандаган банкоматтан белгиленген суммадан аз суммада акча каражатын накталай чыгарууга укуктуу.
Датасы: 06.05.2024
Туруктуу шилтеме
Кыргыз Республикасынын Улуттук банкынын Төлөм системасы боюнча комитетинин 2024-жылдын 29-апрелиндеги № 2024-ЗСД-КОМ-КПС-9/1 токтому менен атайын жөнгө салуу режиминин алкагында «М Булак» микрокредиттик компаниясы» жоопкерчилиги чектелген коомунун төмөнкү банктык операцияларды тесттен өткөрүү үчүн лицензиясынын мөөнөтү 2024-жылдын 1-ноябрына чейин узартылды:
- нак эмес түрдө кредиттерди берүү үчүн «Элкарт» улуттук төлөм системасынын алдын ала чектелген функционал менен кредиттик карталарды чыгаруу;
- «Элкарт» улуттук төлөм системасынын карталарынын, Visa жана MasterCard эл аралык төлөм системаларынын карталарынын «М Булак» МКК» ЖЧКнын POS-терминалдары/QR-коддору аркылуу эквайринги, анын ичинде товарлар, иштер жана кызмат көрсөтүүлөр үчүн төлөө максатында соода-тейлөө ишканалары менен POS-терминалдарды орнотуу/QR-коддорду колдонуу жана төлөм каражаты катары «Элкарт» улуттук төлөм системасынын карталарын, Visa жана MasterCard эл аралык төлөм системаларынын карталарын, локалдык электрондук акчаларды кабыл алуу боюнча келишимдерди түзүү, ошондой эле коммерциялык банктар жана/же электрондук акча менен эсептешүү системаларынын операторлору менен түзүлгөн келишимдердин алкагында соода-тейлөө ишканалары/акцептанттар менен эсептешүүлөрдү камсыз кылуу.
Датасы: 06.05.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош шаары, А.Шакиров көчөсү, 242в-1 дарегинде жайгашкан жоопкерчилиги чектелген коом «Сом Плюс» алмашуу бюросунун 2023-жылдын 21-ноябрындагы № 6690 лицензиясынын аракети 2024-жылдын 27-апрелинен тартып 2024-жылдын 11-майын кошо алгандагы мезгил аралыгына токтотулду.
Датасы: 30.04.2024
Туруктуу шилтеме
Кыргыз Республикасынын Улуттук банкында 2024-жылдын 29-апрелинде төраганын орун басары М.Ж. Жакыпов менен Экономикалык маселелер боюнча мамлекеттик катчылыктын (SECO) Макроэкономикалык колдоо департаментинин программалык менеджери Рональд Жиндра мырза жана Швейцариянын Кыргыз Республикасындагы Элчилигинин өкүлдөрү ортосунда жолугушуу болуп өттү.
Жолугушуунун жүрүшүндө тараптар эки тараптуу кызматташуу маселелерин, финансы секторун өнүктүрүү тенденцияларын жана техникалык кызматташуунун алкагында биргелешкен долбоорлорду ишке ашыруу жолдорун талкуулашты.
Кыргыз Республикасынын Улуттук банкынын төрагасынын орун басары М. Жакыпов SECO менен мындан ары кызматташууга, финансы рыногунун инфраструктурасын, анын ичинде санарип сомду ишке киргизүү, финансы-кредит уюмдарын көзөмөлдөө инструменттерин өркүндөтүүгө багытталган Кыргыз Республикасынын финансы секторун өнүктүрүү долбоорлорун ишке ашырууда активдүү көмөк көрсөтүүгө ишеним арткан ниетин билдирди.
Жолугушуунун жыйынтыгында Швейцария тарап Кыргыз Республикасынын Улуттук банкы менен мындан ары кызматташууга даяр экендигин билдирди.
Датасы: 30.04.2024
Туруктуу шилтеме
Бишкек шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын жаранына (К.С.С.) 17 500 сом өлчөмүндө айып пул салынды.
Датасы: 30.04.2024
Туруктуу шилтеме
Кыргыз Республикасынын Улуттук банкы
эсептик ченди 11,00 пайызга чейин төмөндөттү
Кыргыз Республикасынын Улуттук банк Башкармасы 2024-жылдын 29-апрелинде эсептик ченди (негизги ченди) 200 базистик пунктка 11,00 пайызга чейин төмөндөтүү чечимин кабыл алды. Чечим 2024-жылдын 30-апрелининен тартып күчүнө кирет.
Кыргыз Республикасында инфляциялык процесстер улам алсырап баратат. Жылдык инфляция көрсөткүчү 2024-жылдын апрель айында1 2023-жылдын декабрь айындагы 7,3 пайыздан төмөндөп 5,2 пайызды түзгөн жана акча-кредит саясатынын орто мөөнөткө каралган максаттуу көрсөткүчү 5-7 пайыздын төмөнкү чегине жакын түптөлгөн.
Инфляция түзүмүндө баалардын кыйла басаңдашы товарлардын азык-түлүк тобунда байкалган (2023-жылдын декабрь айындагы 3,4 пайыздан 2024-жылдын апрель айындагы 1,1 пайызга чейин), ага дүйнөлүк азык-түлүк рынокторунда дагы баалардын төмөндөшү таасирин тийгизген. Азык-түлүктөн башка товарлар менен кызмат көрсөтүүлөргө баалардын өсүш арымы бир калыпта сакталган динамика менен төмөндөгөн.
Кыргыз Республикасында жогорку экономикалык жигердүүлүк байкалган. Реалдуу ИДӨ өсүшү 2024-жылдын январь – март айларынын жыйынтыгы боюнча 8,8 пайызды түзгөн. Экономиканын өсүшүнө негизги салымды мурдагыдай эле кызмат көрсөтүү, курулуш жана кайра иштетүү сектору көрсөткөнү байкалган. Ички керектөө, анын ичинде керектөө кредиттеринин жана өлкөгө акча которуулардын таза агылып кирүүсүнүн өсүшүнүн эсебинен жогору бойдон калган.
Тышкы экономикалык чөйрөдө белгисиздик жагдайы сакталганына карабастан, тышкы факторлордун интенсивдүү таасир берүүсү төмөндөгөнү байкалат. Алдыңкы өлкөлөрдүн жөнгө салуучулары тарабынан монетардык шарттарды узакка катуу сактоонун жыйынтыгында дүйнөлүк жана регионалдык инфляция акырындык менен төмөндөгөн, бул дүйнөлүк азык-түлүктөргө баалардын төмөндөшү менен биригип тышкы инфляциялык фонду алсыраткан.
Өлкөнүн банк сектору туруктуулукту сактап, негизги көрсөткүчтөрдүн өсүшүн көрсөтүүдө. Жалпысынан коммерциялык банктар ликвиддүүлүктүн жетиштүү көлөмүнө ээ, бул өлкөнүн реалдуу секторун андан ары кредиттөө үчүн негиз болуп берет. Акча рыногунда кыска мөөнөттүү пайыздык чендердин Улуттук банк тарабынан белгиленген пайыздык чектин чегинде калыптанышы уланууда. Ички валюта рыногу туруктуу.
2022-жылдын башынан бери Улуттук банк тарабынан жүргүзүлүп жаткан акча-кредит саясаты инфляциялык басым көрсөтүүнүн өсүшүн чектөөгө өбөлгө түзүп, өлкөдө баа динамикасынын туруктуулугун камсыз кыла алды, бул учурдагы инфляцияны орто мөөнөткө каралган максаттуу көрсөткүч чегинде калыптандырууга жана экономикалык чарба субъекттеринин инфляциялык күтүүлөрүн төмөндөтүүгө алып келди. Мындай шарттарда Улуттук банк эсептик ченди 11,00 пайызга чейин төмөндөтүү чечимин кабыл алды. Кабыл алынган чечим өлкөдө баа туруктуулугун сактоого жана макроэкономикалык туруктуулукту камсыз кылуу үчүн шарттарды түзүүгө багытталган, Улуттук банктын жүргүзүп жаткан акча-кредит саясатынын багытына туура келет.
Улуттук банк инфляциянын түптөлгөн тышкы жана ички факторлоруна баа берүүнү улантат, тышкы чөйрөдө дагы да болсо сакталып турган тобокелдиктерди жана алдыда боло турган мамлекеттик тариф саясатын жакшыртууну эске алуу менен Улуттук банк акча-кредит шарттарын жумшартуу маселесин кылдаттык менен кароону улантат.
Улуттук банк кандайдыр бир кошумча тобокелдиктер пайда болгон учурда жүргүзүлүп жаткан монетардык саясатка оңдоолорду киргизүү мүмкүнчүлүгүн жокко чыгарбайт.
Улуттук банк Башкармасынын эсептик чен өлчөмү боюнча кийинки отуруму 2024-жылдын 27-майында өтөт.
_______________________________________________1 19-апрелге карата
Датасы: 30.04.2024
Туруктуу шилтеме
Кыргыз Республикасынын Улуттук банкынын маалыматтык билдирүүсү
Кыргыз Республикасынын Улуттук банкы 2024-жылдын 30-апрелинен тартып «Тарыхый окуялар» сериясындагы «Евразия экономикалык бирлигине – 10 жыл» күмүш коллекциялык монетасын жүгүртүүгө чыгарат.
2024-жылдын 29-майында Евразия экономикалык бирлиги жөнүндө келишимге кол коюлганына 10 жыл толот. Евразия экономикалык бирлиги (ЕАЭБ) - мүчө мамлекеттердин экономикасын туруктуу өнүктүрүү үчүн шарттарды түзүү, ЕАЭБдин алкагында бирдиктүү товарлар, кызмат көрсөтүүлөр, капитал жана эмгек ресурстары рыногун түптөөгө умтулуу, мүчө мамлекеттердин калкынын жашоо-турмушун жогорулатуу үчүн улуттук экономикалардын атаандашуу мүмкүнчүлүгүн ар тараптуу модернизациялоо, кооперациялоо жана жогорулатуу максатында түзүлгөн регионалдык экономикалык интеграция боюнча эл аралык уюм болуп саналат. Азыркы учурда ЕАЭБге беш өлкө кирет: Армения, Беларусь, Казакстан, Кыргызстан жана Россия.
«Евразия экономикалык бирлигине – 10 жыл» коллекциялык монетасынын алдыңкы бетинде ЕАЭБдин расмий эмблемасы чагылдырылган, эмблеманы тегерете ЕАЭБге мүчө мамлекеттердин желектери, ошондой эле өнүгүү динамикасын билдирген элементтер чагылдырылган. Монетанын сол жагында ЕАЭБдин юбилейлик датасы - «10 жыл» деген жазуу жайгашкан. Монетанын жээгинде «Евразия экономикалык бирлиги / Евразийский экономический союз» деген жазуу түшүрүлгөн.
Монетанын арткы бетинин так ортосунда Кыргыз Республикасынын герби жайгашкан, ал эми оң жагында ЕАЭБге мүчө мамлекеттердин улуттук орнаменттери, ошондой эле металлдын сапат белгиси (Ag 925) жана салмагы (31,10 g) чагылдырылган. Монетанын жогору жана төмөн жагында «Кыргыз Республикасынын Улуттук банкы/Национальный банк Кыргызской Республики» деген жазуу, ал эми сол жагында монетанын номиналы (10), сомдун графикалык белгиси (С) жана чыгарылган жылы «2024» чагылдырылган.
«Евразия экономикалык бирлигине – 10 жыл» коллекциялык монетасы Кыргыз Республикасынын аймагында расмий төлөм каражаты статусуна ээ.
Монетанын өзгөчөлүктөрү
|
Аталышы |
Евразия экономикалык бирлигине – 10 жыл |
|
Номиналы |
10 сом |
|
Металлы (сапат белгиси) |
Ag 925 |
|
Кошумча технология |
Түстүү ыкма |
|
Диаметри (мм) |
38,61 |
|
Салмагы (г) |
31,10 |
|
Сапаты |
Proof |
|
Нускасы (даана) |
500 |
Ар бир коллекциялык монета акрил капсулага салынып, сапатын тастыктаган сертификат менен бирге өзүнчө кутучага жайгаштырылган.
Коллекциялык монеталар Улуттук банктын мекемелеринин кассаларында 5 780 сом баада иш күндөрү саат 9.00дөн 14.00гө чейин, ошондой эле нумизматикалык баалуулуктарды сатуу боюнча www.numizmat.nbkr.kg веб-сайты аркылуу сатылат.
Датасы: 29.04.2024
Туруктуу шилтеме
Кыргыз Республикасынын Улуттук банкы, Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына күрөөлүк коэффициент, айыптык санкциялардын (үстөк айыптын) өлчөмү жана банктардын капиталынын жетиштүүлүгү (шайкештиги) маселелери боюнча өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт.
Токтомдун долбоорунда кредиттерди классификациялоого, финансы-кредит уюмдарына карата күрөөлүк коэффициенттин өлчөмү боюнча талаптарды белгилөөгө жана мөөнөтү өтүп кеткен кредиттик карыз боюнча чегерилген айыптык төлөмдүн (туумдун, үстөк айып) өлчөмүн азайтууга тиешелүү ченемдер каралган.
Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg/ru) жайгаштырылган.
Коммерциялык банктар жана банк эмес финансы-кредит уюмдары токтом долбоору боюнча өз сын-пикирлерин жана сунуштарын 2024-жылдын 30-майынан кечиктирбестен jkonoeva@nbkr.kg жана aatyshova@nbkr.kg электрондук даректерине (анын ичинде Word форматында) жөнөтүүсү зарыл.
Датасы: 29.04.2024
Туруктуу шилтеме
Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын ишке ашыргандыгы үчүн Улуттук банктын Ош областтык башкармалыгы тарабынан Ош областында жайгашкан бир юридикалык жакка 55 000 сом өлчөмүндө айып пул салынды.
Датасы: 26.04.2024
Туруктуу шилтеме
Бишкек шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн бир юридикалык жакка 55 000 сом өлчөмүндө айып пул салынды.
Датасы: 26.04.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарында жайгашкан бир алмашуу бюросуна 110 000 сом жалпы суммасындагы эки айып пул салынды.
Датасы: 25.04.2024
Туруктуу шилтеме
Кыргыз Республикасынын Улуттук банкы, ислам каржылоо принциптери боюнча Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт.
Токтом долбоору Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган.
Коммерциялык банктар токтом долбоору боюнча сын-пикирлерин жана сунуштарын 2024-жылдын 27-майынан кечиктирбестен ausenova@nbkr.kg электрондук дарегине (Word форматында) жөнөтүүсү зарыл.
Датасы: 25.04.2024
Туруктуу шилтеме
Төлөм системасы боюнча комитетинин 2024-жылдын 22-апрелиндеги токтому менен «Финтегро» жабык акционердик коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 22-апрелиндеги № 2042220424 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 22-апрелиндеги № 3044220424 лицензия.
Датасы: 24.04.2024
Туруктуу шилтеме
2024-жылдын 17-18-19-апрелинде Жалал-Абад шаардык эмгек, социалдык камсыздоо жана миграция башкармалыгынын залында, 2024-жылы социалдык контракттын негизинде жардам алууга кайрылган жарандарга «Финансылык сабаттуулук» боюнча тренинг болуп өттү. Жалпысынан 26 жаштан 53 жашка чейин 90 адам катышты.
Катышуучуларга акча каражаттарын туура колдонуу, финансы маселелерин туура талдоо, мүмкүн болуучу тобокелдиктерден коргоо, ошондой эле финансылык пландаштыруу, финансылык максат коюу, үй-бүлөлүк жана жеке бюджетти түзүү, акчаны туура сарптоо, чыгашаны кантип азайтууга боло тургандыгы, өзүн-өзү актабаган кредиттерден сактануу, каражат топтоо, анын суммасын көбөйтүү, туура пайдалануу, банктык эсеп, банктык депозиттер жана аманаттар, карыз жана карыз алуу мамилелери тууралуу маалымат берилди.
Датасы: 23.04.2024
Туруктуу шилтеме
2024-жылдын 19-апрелинде «Санарип сом» долбоордук тобу, «Санарип сомдун прототибине карата функционалдык жана техникалык талаптар» боюнча суроо-талап кылынган маалыматка ылайык, Борбордук банктардын санарип валюталарын (ББСВ) жабдуучуларынан/иштеп чыгуучуларынан алынган сунуштардын жыйынтыгы боюнча Улуттук банктын санарип сом боюнча башкаруу комитетинин (мындан ары – Башкаруу комитети) кароосуна ББСВ жабдуучулары тандаган критерийлерге ылайык, компаниялар, технологиялык чечимдер, функционалдык мүмкүнчүлүктөр, баа берүү жана өзүн-өзү баалоо натыйжалары жөнүндө маалыматтарды сунуштады.
Башкаруу комитетинин отурумунда «Санарип сом» долбоордук тобу ББСВ жабдуучуларынын бири сунуштаган платформада (блокчейн) санарип сомдун демоверсиясын көрсөттү.
«Санарип сом» долбоордук тобу долбоордун алкагында сунуштарды андан ары изилдөө, талдоо, ошондой эле ББСВ жабдуучулары менен сүйлөшүүлөрдү жүргүзүү боюнча иштерди улантат.
Датасы: 23.04.2024
Туруктуу шилтеме
Кыргыз Республикасынын Улуттук банкы «Демир Кыргыз Эл Аралык Банкы» жабык акционердик коому тарабынан «Демир Кыргыз Эл Аралык Банкы» жабык акционердик коомунун ички аудит бөлүм башчысынын орун басары кызмат ордуна сунушталган Ким Наталья Анатольевнанын талапкерлигине 2024-жылдын 23-апрелинде макулдук берүү чечимин кабыл алды.
Датасы: 23.04.2024
Туруктуу шилтеме
2024-жылдын 19-апрелинде санариптик сомду ишке киргизүүгө байланыштуу укуктук жана жөнгө салуу маселелерин иштеп чыгуунун жөнгө салуучу таасирин талдоо боюнча ведомстволор аралык жумушчу топтун иши аяктады.
Жөнгө салуучу таасирди талдоонун алкагында ведомстволор аралык жумушчу топ санариптик сомду ишке киргизүү маселелери боюнча Кыргыз Республикасынын он мыйзам актысына өзгөртүүлөрдү киргизүүнү (мындан ары – мыйзам долбоору) иштеп чыкты. Мыйзам долбоорун андан ары алдыга жылдыруу «Кыргыз Республикасынын ченемдик укуктук актылары жөнүндө» Кыргыз Республикасынын мыйзамына ылайык жүргүзүлөт.
Датасы: 22.04.2024
Туруктуу шилтеме
Кыргыз Республикасынын Улуттук банкынын Төлөм системалары боюнча комитетинин 2024-жылдын 15-апрелиндеги №2024-ЗСД-КОМ-КПС-7/1 токтому менен Кыргыз Республикасынын мыйзамдарынын талаптарына ылайык электрондук акча ээлерине электрондук акча менен операцияларды жүргүзүүгө, анын ичинде алардын ордун жабууга мүмкүнчүлүк берүү менен коммерциялык банктар аркылуу (кассаларда жана/же аралыкта орнотулган түзүлүштөрдө) накталай же накталай эмес акча каражаттарынын ордуна электрондук акчанын жүгүртүүгө чыгарылышын (эмиссиясын) тесттен өткөрүү максатында, 2024-жылдын 16-апрелинен 28-августуна чейинки мөөнөткө атайын жөнгө салуу режимин түзүү жөнүндө чечим кабыл алды.
Атайын жөнгө салуу режиминин катышуучусу болуп, «Система Квикпэй» ЖЧК саналат.
Датасы: 22.04.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 12-апрелинде № 2024-П-12/17-3-(НПА) «Кыргыз Республикасынын Улуттук банкынын айрым ченемдик укуктук актыларына рейтингдик агенттиктерди таануу маселеси боюнча өзгөртүүлөрдү киргизүү жөнүндө» токтомун кабыл алды.
Токтом менен рейтингдик агенттердин рейтингин колдонуу, аффилирленген жана банк менен байланыштуу жактар менен операциялар боюнча өзгөртүүлөр киргизилген.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук актылар Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат.
Датасы: 20.04.2024
Туруктуу шилтеме
Кыргыз Республикасынын Улуттук банкынын төрагасы К.К.Боконтаев 2024-жылдын 15-апрелинен тартып 20-апрель күндөрү АКШ Вашингтон шаарында болуп жаткан Дүйнөлүк банк тобунун жана Эл аралык валюта фондунун башкаруучуларынын жазгы жыйынына катышты.
Иш-чаранын алкагында ЭВФтин тескөөчү директорунун орун басары Бо Ли мырза жана Жакынкы Чыгыш менен Борбордук Азия өлкөлөрүнүн департаментинин директору Джихад Азур менен Кыргыз Республикасындагы экономикалык кырдаалды жана макроэкономикалык саясат чараларын талкуулоо боюнча жолугушуулар болуп өттү. Ошондой эле дүйнөлүк экономиканы өнүктүрүү жана глобалдуу инфляция тенденциялары маселелери боюнча борбордук банктардын башчылары ортосунда, анын ичинде ЭВФ өлкөлөрүнүн Швейцария тобунун алкагында да пикир алмашуу жана талкуу болду.
Датасы: 19.04.2024
Туруктуу шилтеме
Банктын маалымат системалары жана маалымат коопсуздугу боюнча операциялык тобокелдикти азайтуу максатында, Кыргыз Республикасынын Улуттук банк Башкармасы 2024-жылдын 12-апрелинде № 2024-П-12/17-2-(НПА) «Кыргыз Республикасынын Улуттук банкынын айрым ченемдик укуктук актыларына маалымат коопсуздугунун аудити маселеси боюнча өзгөртүүлөрдү киргизүү жөнүндө» токтомун кабыл алды.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук актылар Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат.
Датасы: 17.04.2024
Туруктуу шилтеме
2024-жылдын 17-апрелинде Республикалык олимпиаданын жеңүүчүлөрү болгон жогорку класстын окуучулары үчүн Улуттук банктын нумизматикалык музейине экскурсия уюштурулуп, финансылык сабаттуулук боюнча атайын лекция өткөрүлдү.
Окуучулар уникалдуу байыркы монеталар, Кыргыз Республикасынын улуттук валютасы - кыргыз сомунун калыптанышынын 30 жылдык тарыхы жана Кыргыз Республикасынын нумизматикалык мурасынын көптөгөн башка экспонаттары менен таанышышты.
Финансылык сабаттуулук боюнча сабактын алкагында жогорку класстын окуучулары үй-бүлө бюджетин түзүү эрежелери, финансылык сабаттуулукту жогорулатуу боюнча Улуттук банктын электрондук ресурстары тууралуу маалымат алышты.
Датасы: 17.04.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаары, Байтик Баатыр көчөсү, 67/1, «MEGA TRADE» соода борбору дареги боюнча жайгашкан «Канат ЛТД» ЖЧК алмашуу бюросунун 2022-жылдын 11-августундагы № 6338 лицензиянын аракети 2024-жылдын 17-апрелинен тартып 1-майын кошо алгандагы мезгил аралыгына токтотулду.
Датасы: 17.04.2024
Туруктуу шилтеме
Кыргыз Республикасынын Улуттук банкы «Демир Кыргыз Эл Аралык банкы» жабык акционердик коому тарабынан «Демир Кыргыз Эл Аралык Банкы» жабык акционердик коомунун ички аудит бөлүмүнүн башчысы кызмат ордуна сунушталган Шакиров Кутман Акылбековичтин талапкерлигине 2024-жылдын 16-апрелинде макулдук берүү чечимин кабыл алды.
Датасы: 15.04.2024
Туруктуу шилтеме
Бишкек шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын эки жаранынын (А.у.А., А.Б.Д.) ар бирине 17 500 сом өлчөмүндө айып пул салынды.
Датасы: 12.04.2024
Туруктуу шилтеме
Бишкек шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын үч жаранынын (Н.А.Н., К.А.Б., Т.А.А.) ар бирине 17 500 сом өлчөмүндө айып пул салынды.
Датасы: 11.04.2024
Туруктуу шилтеме
Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын Шарият кеңешинин мүчөсү кызмат ордуна сунушталган Жээнбеков Нематила Пусурманкуловичтин талапкерлигине 2024-жылдын 9-апрелинде макулдук берүү чечимин кабыл алды.
Датасы: 11.04.2024
Туруктуу шилтеме
Бишкек шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын эки жаранынын (А.У.Р., Б.У.А.) ар бирине 17 500 сом өлчөмүндө айып пул салынды.
Датасы: 11.04.2024
Туруктуу шилтеме
Кыргыз Республикасынын Улуттук банкы Банктардын жоюучусу катары дайындалуучу талапкерлер маалымат базасына киргизүү үчүн талапкерлерди тандоо боюнча сынактын жыйынтыгын маалымдайт.
|
№ |
Аты-жөнү |
|
1 |
Жунушалиев Кубанычбек Осмонович |
Датасы: 09.04.2024
Туруктуу шилтеме
1. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын башкы бухгалтеринин орун басары кызмат ордуна сунушталган Койлубаева Назира Абдракуновнанын талапкерлигине 2024-жылдын 5-апрелинде макулдук берүү чечимин кабыл алды.
2. Кыргыз Республикасынын Улуттук банкы «АМАНБАНК» Россия-Кыргызстандык ачык акционердик коому тарабынан «АМАНБАНК» Россия-Кыргызстандык ачык акционердик коомунун ички аудит кызматынын жетекчиси кызмат ордуна сунушталган Даакыбаев Алмазбек Билимовичтин талапкерлигине 2024-жылдын 5-апрелинде макулдук берүү чечимин кабыл алды.
3. Кыргыз Республикасынын Улуттук банкы «ФинансКредитБанк» ачык акционердик коому тарабынан «ФинансКредитБанк» ААКтын ички аудит кызматынын начальнигинин кызмат ордуна сунушталган Джумагулов Чынгыз Таалайбековичтин талапкерлигине 2024-жылдын 5-апрелинде макулдук берүү чечимин кабыл алды.
Датасы: 09.04.2024
Туруктуу шилтеме
Кыргыз Республикасынын Улуттук банкы банктын убактылуу администратору катары дайындоо үчүн маалымат базасына киргизүүгө талапкерлерди тандоо боюнча сынактын жыйынтыгы тууралуу маалымдайт.
|
№ |
Аты-жөнү |
|
1 |
Уметалиев Жолчубек Жедигерович |
|
2 |
Даакыбаев Алмазбек Билимович |
Датасы: 09.04.2024
Туруктуу шилтеме
Бишкек шаарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын төрт жаранынын (Т.Г.С., К.С.М., Ш.А.Н., А.У.Т.) ар бирине 17 500 сом өлчөмүндө айып пул салынды.
Датасы: 09.04.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарында жайгашкан бир алмашуу бюросуна 55 000 сом өлчөмүндө айып пул салынды.
Датасы: 09.04.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош шаары, «Ош» аэропорту, учуп келүү залы дареги боюнча жайгашкан ЖЧК «Эсенов» алмашуу бюросунун 2023-жылдын 3-октябрында берилген № 6593 лицензиясынын аракети 2024-жылдын 9апрелинен тартып 15-апрелин кошо алгандагы мезгил аралыгына токтотулду.
Датасы: 08.04.2024
Туруктуу шилтеме
Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Талас областтык башкармалыгы тарабынан Кыргыз Республикасынын үч жаранынын ар бирине (Ч.М.Б., А.Д.М., А.У.А.) 17 500 сом өлчөмүндө айып пул салынды.
Датасы: 08.04.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош областы, Кара-Суу району, Кызыл-Кыштак а/а, Жаңы-Турмуш айылы (болжол: «Достук» бажы посту) дареги боюнча жайгашкан ЖЧК «Форекс Голд» алмашуу бюросунун 2022-жылдын 11-майындагы № 6290 лицензиясынын аракети 2024-жылдын 6-апрелинен тартып 19-апрелин кошо алгандагы мезгил аралыгына токтотулду.
Датасы: 08.04.2024
Туруктуу шилтеме
2024-жылдын 29-мартында Кыргыз Республикасынын Улуттук банк Башкармасынын № 2024-П-14/14-1-(ПС) «Кыргыз Республикасында Ачык банкингди өнүктүрүү концепциясын бекитүү жөнүндө» токтому кабыл алынган.
Токтом Улуттук банктын расмий интернет-сайтынын «Банк»/ «Банк иши туралуу мыйзамдар»/ «Улуттук банк Башкармасынын токтомдору» бөлүмүндө жайгаштырылган.
Кыргыз Республикасында Ачык банкингди өнүктүрүү концепциясы ошондой эле Улуттук банктын расмий интернет-сайтында «Банктын милдеттери» / «Төлөм системасы» / «Төлөм системасын өнүктүрүүнүн негизги багыттары» бөлүмүндө жайгаштырылган.
Датасы: 05.04.2024
Туруктуу шилтеме
Кыргыз Республикасынын Улуттук банкы «Кыргыз Республикасынын Улуттук банк Башкармасынын 2013-жылдын 28-мартындагы № 10/15 «Кыргыз Республикасынын Улуттук банкы тарабынан чет өлкө валюталарынын кыргыз сомуна карата расмий курстарын аныктоо» эрежелерин бекитүү тууралуу» токтомуна өзгөртүүлөрдү киргизүү жөнүндө Кыргыз Республикасынын Улуттук банк Башкармасынын токтомунун долбоорун (мындан ары - долбоор) коомдук талкууга сунуштайт.
Токтом долбоору Улуттук банктын расмий интернет-сайтында «Улуттук банктын ченемдик актылары»/ «Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган.
Сектор токтом долбоору боюнча өз сын-пикирлерин жана сунуштарын 2024-жылдын 8-майынан кечиктирбестен akolbaev@nbkr.kg электрондук дарегине (Word форматында) жөнөтүүсү зарыл.
Датасы: 04.04.2024
Туруктуу шилтеме
Landesbank Baden Württemberg (LBBW) өкүлдөрү менен
жолугушуу жөнүндө маалымат
2024-жылдын 4-апрелинде Кыргыз Республикасынын Улуттук банкынын төрагасынын орун басары М. Жакыпов менен Landesbank Baden Württemberg (LBBW) өкүлдөрү ортосунда өз ара кызматташуу маселелери боюнча жолугушуу болуп өттү.
Жолугушууда Кыргыз Республикасындагы азыркы экономикалык кырдаал жана аны өнүктүрүүнүн келечеги, Кыргыз Республикасынын банк секторун 2023-жылы өнүктүрүү тенденциялары, анын ичинде соодалык каржылоону өнуктүрүү маселелери учурдагы экономикалык жана геосаясий кырдаалды эске алуу менен эл аралык санкцияларды сактоо маселелери талкууланды.
Визиттин алкагында Landesbank Baden Württemberg тарабынан Улуттук банктын жана Кыргыз Республикасынын коммерциялык банктарынын кызматкерлери үчүн санкциялык комплаенс жана эл аралык төлөмдөрдү өткөрүү маселелери боюнча семинар өткөрүлдү.
Семинарга KPMG менен Европа реконструкциялоо жана өнүктүрүү банкынын өкүлдөрү да катышып, комплаенс-функцияларын өнүктүрүүнүн тренддери жөнүндө айтып беришти, ошондой эле аны ишке ашыруу боюнча практикалык сунуштар берилди.
Кыргыз Республикасынын коммерциялык банктары санкциялык комплаенс жана жалпы комплаенс-контролду ишке ашыруу тажрыйбасы менен бөлүшүштү.
Датасы: 04.04.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 3-апрелинде «Кыргыз Республикасынын Улуттук банк Башкармасынын 2022-жылдын 14-декабрындагы № 2022-П-12/78-7-(НПА) «Кыргыз Республикасынын коммерциялык банктары милдеттүү түрдө аткарууга тийиш болгон экономикалык ченемдер жана талаптар жөнүндө» жобону бекитүү тууралуу» токтомуна өзгөртүү киргизүү жөнүндө» № 2024-П-12/15-1 токтомун (мындан ары – токтом) кабыл алды.
Токтом системалуу мааниге ээ коммерциялык банктардын суммардык капитал жетиштүүлүгүнүн (шайкештигинин) коэффициентинин (К2.1) маанисин сактоо мөөнөттөрүн өзгөртүүгө багытталган.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Датасы: 04.04.2024
Туруктуу шилтеме
Кыргыз Республикасынын Улуттук банкы 2024-жылдын 3-апрелинде Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндөгү мыйзам талаптарын бузгандыгы үчүн бир төлөм уюмуна айып пул салды (55 000 сом өлчөмүндө).
Датасы: 04.04.2024
Туруктуу шилтеме
2024-жылдын 4-апрелинде Кыргыз Республикасынын Улуттук банкында Кыргыз Республикасынын Улуттук банкынын төрагасынын орун басары М. Жакыпов менен Европа реконструкциялоо жана өнүктүрүү банкынын Кыргыз Республикасы, Тажикстан жана Түркмөнстан боюнча регионалдык директору А. Рустамова менен эки тараптуу жолугушуу болуп өттү, жолугушуунун жүрүшүндө жашыл экономиканы өнүктүрүү, Кыргыз Республикасынын финансы системасына ESG принциптерин киргизүү жаатында мындан ары кызматташуу багыттары талкууланды.
Тараптар финансы секторунда климаттык тобокелдиктерди кыйла натыйжалуу аныктоо, баалоо жана башкаруу, корпоративдик климаттык башкаруу жана өткөөл мезгилди пландаштыруу үчүн көзөмөлдөө боюнча сунуштарды жана жөнгө салууну иштеп чыгуу жана ишке киргизүү тармагында кызматташуу боюнча Кыргыз Республикасынын Улуттук банкы менен Европа реконструкциялоо жана өнүктүрүү банкынын ортосунда Меморандумга кол коюшту.
Датасы: 03.04.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 20-мартындагы № 2024-П-12/12-2-(НФКУ) «Кредиттик союздардын финансылык компаниясы» ААКтын ишин жөнгө салуу эрежелерин бекитүү жана Кыргыз Республикасынын Улуттук банкынын айрым ченемдик укуктук актыларына «Кредиттик союздардын финансылык компаниясы» ААКтын ишин жөнгө салуу маселелери боюнча өзгөртүүлөрдү киргизүү жөнүндө» токтомун (мындан ары – токтом) кабыл алды.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук акт Улуттук банктын расмий интернет-сайтында: www.nbkr.kg/ Банк тууралуу/Улуттук банктын ченемдик актылары/Банк эмес финансы мекемелер ишин жөнгө салуу бөлүгүндө жайгаштырылат.
Датасы: 03.04.2024
Туруктуу шилтеме
Кыргыз Республикасынын «Элкарт» жана Россия Федерациясынын «Мир» улуттук төлөм карталары менен эсептешүү системаларынын ортосундагы системалар аралык интеграция өчүрүлгөндүгүнө байланыштуу, Улуттук банк төмөндөгүлөрдү билдирет.
«Кыргыз Республикасынын Улуттук банкы жөнүндө» Кыргыз Республикасынын конституциялык Мыйзамынын 40-беренесинин 5-бөлүмүнө ылайык, Улуттук банк ушул конституциялык Мыйзамда жана Кыргыз Республикасынын мыйзамдарында каралган учурларды кошпогондо, банктардын, банктык эмес финансы-кредит уюмдарынын жана Улуттук банктын көзөмөлү алдындагы башка юридикалык жактардын учурдагы ишине кийлигишпейт. Ушуга байланыштуу, «Банктар аралык процессинг борбору» ЖАК (мындан ары – «БПБ» ЖАК), өлкөдөгү коммерциялык банктар жана төлөм уюмдары тобокелдиктерге баа берүүнү эске алуу менен өздөрүнүн инфраструктурасында «Мир» карталарын тейлөөнү кошуу/өчүрүү боюнча чечимдерди өз алдынча кабыл алышат.
«БПБ» ЖАКтын маалыматына ылайык, 2024-жылдын 3-апрелинде саат 12:00дө (Бишкек убактысы боюнча) «Мир» төлөм системасы менен «Элкарт» улуттук төлөм системасынын ортосундагы системалар аралык интеграциянын алкагындагы төлөмдөр токтотулду.
Төмөндөгүлөр өчүрүлдү:
- эквайринг жабдууларында карталарды тейлөө (POS-терминалдарда накталай эмес төлөмдөр жана банкоматтардан накталай акча алуу);
- картадан картага которуулар;
- электрондук коммерция: соода-тейлөө ишканаларынын эсептерине карталардан интернет-төлөмдөр.
Ошону менен бирге, Кыргызстандын жана Россиянын коммерциялык банктарынын ортосунда түз келишимдик мамилелер болгон учурда коммерциялык банктардын мобилдик тиркемелерин пайдалануу менен, ошондой эле эсеп ачпастан акча которуу системалары аркылуу Кыргыз Республикасы менен Россия Федерациясынын ортосунда акча которууларды жүргүзүүнүн мүмкүнчүлүктөрү сакталарын белгилей кетүү керек. Иштеп жаткан акча которуу системаларынын тизмеси Улуттук банктын www.nbkr.kg расмий интернет-сайтында https://www.nbkr.kg/index1.jsp?item=2665&lang=RUS шилтемеси боюнча жайгаштырылган.
Датасы: 01.04.2024
Туруктуу шилтеме
2024-жылдын 29-мартында Кыргыз Республикасынын Улуттук банкынын «Санарип сом» долбоордук тобу санарип сомду ишке киргизүүгө байланыштуу укуктук жана жөнгө салуу маселелерин иштеп чыгууда анын жөнгө салуучу таасирин талдоо боюнча Ведомстволор аралык жумушту топтун экинчи отурумун өткөрдү.
Отурумдун жүрүшүндө Ведомстволор аралык жумушчу топ санарип сомдун укуктук статусу, анын артыкчылыктары, долбоордун ийгилигинин сандык жана сапаттык көрсөткүчтөрүнө жетишүү боюнча анын жөнгө салуучу таасирин талдоонун жыйынтыкталган редакциясын жана өзгөртүү киргизүү зарыл болгон бир катар мыйзам актыларын талкуулады, алар Ведомстволор аралык жумушчу топ тарабынан «Санарип сом» долбоордук тобуна сунушталат.
Датасы: 01.04.2024
Туруктуу шилтеме
Кыргыз Республикасынын Улуттук банк Башкармасынын «Кыргыз Республикасынын Улуттук банк Башкармасынын 2015-жылдын 9-декабрындагы № 76/8 «Кыргыз Республикасындагы банктык төлөм карттар жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» Улуттук банк Башкармасынын токтом долбоорун (мындан ары – долбоор) коомдук талкууга сунуштайт.
Долбоор Кыргыз Республикасынын Улуттук банкынын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам алдындагы актылардын долбоорлору»/«Кыргыз Республикасынын Улуттук банкынын токтому» бөлүгүндө жайгаштырылган.
Кызыкдар болгон тараптар долбоор боюнча сын-пикирлерин жана сунуштарын 2024-жылдын 29-апрелине кечиктирбестен adjakubova@nbkr.kg электрондук дарегине (Word форматында) жөнөтүүсү зарыл.
Датасы: 29.03.2024
Туруктуу шилтеме
Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын ишке ашыргандыгы үчүн Улуттук банктын Ош областтык башкармалыгы тарабынан Кыргыз Республикасынын алты жаранынын ар бирине (М.З.М., А.У., А.У.А., Т.Х.М., А.Д.И., А.у.С.) 17 500 сом өлчөмүндө айып пул салынды.
Датасы: 29.03.2024
Туруктуу шилтеме
Кыргыз Республикасынын Улуттук банкынын Ысык-Көл областтык башкармалыгынын кызматкерлери 2024-жылдын 18-26-март күндөрү Глобалдуу акча жумалыгы иш-чарасынын алкагында, Каракол шаарындагы Ж. Баласагын атындагы Кыргыз улуттук университетинин гуманитардык-табигый илимдер факультетинин студенттери жана № 11 гимназия орто мектебинин жогорку класстарынын окуучулары үчүн көчмө лекция өткөрүштү.
Лекцияда улуттук валюта – сомдун калыптануу тарыхы, QR-кодду колдонуу менен төлөм жүргүзүү, ошондой эле финансылык алдамчылык тууралуу маалыматтар берилди.
2024-жылдын 26-27-мартында Каракол шаарынын тургундары үчүн Улуттук банк тарабынан чыгарылган коллекциялык монеталардын нумизматикалык көргөзмөсү уюштурулду.
Датасы: 28.03.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Жалал-Абад шаарында жайгашкан бир коммерциялык банкка 55 000 сом өлчөмүндө айып пул салынды.
Датасы: 28.03.2024
Туруктуу шилтеме
1. Кыргыз Республикасынын Улуттук банкы «Оптима Банк» ачык акционердик коому тарабынан «Оптима Банк» ачык акционердик коомунун директорлор кеңешинин мүчөсү кызмат ордуна сунушталган Какимова Сауле Муратовнанын талапкерлигине 2024-жылдын 26-мартында макулдук берүү чечимин кабыл алды.
2. Кыргыз Республикасынын Улуттук банкы Кыргызкоммерцбанк» ачык акционердик коому тарабынан «Кыргызкоммерцбанк» ачык акционердик коомунун башкармасынын мүчөсү – башкаруучу директор кызмат ордуна сунушталган Бутов Данил Владимировичтин талапкерлигине 2024-жылдын 26-мартында макулдук берүү чечимин кабыл алды.
Датасы: 27.03.2024
Туруктуу шилтеме
Кыргыз Республикасынын Улуттук банк Башкармасы 2023-жылдын 27-мартында № 2024-П-14/13-7-(ПС) «Кыргыз Республикасынын Улуттук банк Башкармасынын 2023-жылдын 31-мартындагы № 2023-П-14/21-2-(ПС) «Эсептешүү банкына карата минималдуу талаптар жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» токтомун кабыл алды.
Токтомдун электрондук версиясы Улуттук банктын www.nbkr.kg расмий интернет-сайтында Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Датасы: 27.03.2024
Туруктуу шилтеме
Кыргыз Республикасынын мыйзам талаптарын, анын ичинде Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн бир микрокредиттик компаниясына 55 000 сом өлчөмүндө айып пул салынды.
Датасы: 27.03.2024
Туруктуу шилтеме
2024-жылдын 18-мартынан тартып 20-март күндөрү Глобалдуу акча жумалыгы – 2024 иш-чарасынын алкагында, «Акча тапсаң – сакта, келечекке пайда» деген ураан менен Улуттук банктын Ош областтык башкармалыгынын нумизматикалык музейинде Ош шаарындагы Ош мамлекеттик университетинин бизнес жана менеджмент факультетинин студенттерине, Ж.Баласагын атындагы Кыргыз улуттук университетинин гуманитардык-табыгий факультетинин студенттерине жана М.М.Адышев атындагы Ош технологиялык университетинин экономика жана башкаруу факультетинин студенттерине ачык эшик күндөрү уюштурулуп «Улуттук валютанын өнүгүү этаптары», «Улуттук валютанын коргоо белгилери», «Кредит» жана «Депозит» деген темалар боюнча лекциялар окулду.
Мындан тышкары, Кара-Суу районуна караштуу № 101 К.А.Момбекова атындагы орто мектебинин окуучуларына «Улуттук валютанын коргоо белгилери», «Кредит» жана «Аманат» темалары боюнча атайын көчмө лекциясы уштурулуп өткөрүлдү.
Датасы: 27.03.2024
Туруктуу шилтеме
Кыргыз Республикасынын Баткен областында жашап жаткан жарандарга жана чарба ишин жүргүзгөн субъекттерге каржылоодон пайдалануу мүмкүндүгүн арттыруу, административдик-аймактык бирдиктерди, анын ичинде 2022-жылдын сентябрь айында Баткен областында куралдуу кагылышуунун натыйжасында жабыркаган административдик-аймактык бирдиктерди калыбына келтирүү жана өнүктүрүү үчүн зарыл шарттарды түзүүгө көмөк көрсөтүү максатында, Кыргыз Республикасынын Улуттук банк Башкармасы тарабынан 2024-жылдын 20-мартында № 2024-П-12/12-1-(НПА) «Кыргыз Республикасынын Улуттук банк Башкармасынын айрым токтомдоруна өзгөртүүлөрдү киргизүү жөнүндө» токтому (мындан ары – токтом) кабыл алынган.
Токтомго ылайык Улуттук банк Башкармасынын 2022-жылдын 6-октябрындагы № 2022-П-12/62-2-(НПА) «Баткен жана Ош областтарындагы куралдуу кагылышуунун натыйжасында жабыркаган, коммерциялык банктардын, банк эмес жана адистештирилген финансы-кредит уюмдардын кардарларына колдоо көрсөтүү маселелери боюнча Кыргыз Республикасынын Улуттук банкынын айрым чечимдери тууралуу» жана 2022-жылдын 18-ноябрындагы № 2022-П-12/71-1-(НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» эки токтомунун (мындан ары – токтомдор) колдонуу мөөнөттөрү 2024-жылдын 30-сентябрына чейин узартылды.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Датасы: 26.03.2024
Туруктуу шилтеме
Кыргыз Республикасынын Улуттук банкынын Жалал-Абад областтык башкармалыгы тарабынан Кыргыз Республикасы, Жалал-Абад областы, Жалал-Абад шаары, Пушкин көчөсү 31, 15-квартира юридикалык дареги боюнча катталган «Эко Сервис» микрокредиттик агенттиги» коомдук фондуна 2024-жылдын 20-мартында № 216 каттоодон өткөндүгү жөнүндө күбөлүк берилди.
Датасы: 26.03.2024
Туруктуу шилтеме
Кыргыз Республикасынын Улуттук банкынын Талас областтык башкармалыгынын өкүлдөрү, 2024-жылдын 18-20-мартында Глобалдуу акча жумалыгы иш-чарасынын алкагында, Талас районунун Бакай Таш атындагы орто мектебинин, Манас районунун Покровка орто мектебинин, Айтматов районунун Т. Бабанов атындагы лицейинин жогорку класстарынын окуучуларына көчмө лекция өткөрдү.
Лекцияда Кыргыз Республикасынын Улуттук банкынын ролу жана функциялары, улуттук валютабыз – кыргыз сомунун калыптануу тарыхы, финансылык пландаштыруунун жана калктын финансылык сабаттуулугун жогорулатуунун зарылдыгы жана мааниси, ошондой эле QR-код колдонуу аркылуу төлөм жана акча которууларды өнүктүрүү тууралуу маалымат берилди.
Датасы: 26.03.2024
Туруктуу шилтеме
Кыргыз Республикасынын Улуттук банкынын Төлөм системасы боюнча комитетинин 2024-жылдын 19-мартындагы № 2024-ЗСД-КОМ-КПС-6/1 токтому менен «Грин Телеком Сервис» Жоопкерчилиги чектелген коомунун (мындан ары – «ГТС» ЖЧК) атайын жөнгө салуу режиминин алкагында 2022-жылдын 20-октябрынан 2024-жылдын 19-мартына чейин жүргүзүлгөн төмөнкү банктык операциялардын чектелген тизмесинин жүзөгө ашырылышын тесттен өткөрүү ийгиликтүү деп табылды:
- виртуалдык карталар жана/же кадимки карталар түрүндө «О! Деньги» электрондук капчыгынан пайдалануу мүмкүнчүлүгү каралган төлөм карталарын чыгаруу (эмиссия).
«ГТС» ЖЧКнын атайын жөнгө салуу режиминин мөөнөтү тесттен өткөн операцияларды жана кызмат көрсөтүүлөрдү төлөм системалары операторлору/төлөм уюмдары тарабынан сунушталышына тоскоолдуктарды жокко чыгаруучу тиешелүү ченемдик укуктук акт кабыл алганга чейин узартылды.
«ГТС» ЖЧКнын атайын жөнгө салуу режиминин алкагында банктык операцияларды жүргүзүү укугуна лицензиясынын мөөнөтү 2024-жылдын 20-сентябрына чейин узартылды.
«ГТС» ЖЧК атайын жөнгө салуу режиминин катышуучусу болуп саналат.
Датасы: 25.03.2024
Туруктуу шилтеме
Глобалдуу акча жумалыгын өткөрүүнүн алкагында 2024жылдын 20-мартында Кыргыз Республикасынын Улуттук банкынын Жалал-Абад областтык башкармалыгында Жалал-Абад мамлекеттик университетинин экономика факультетинин студенттери жана окутуучулары үчүн «Акча тапсаң – сакта, келечекке пайда» деген ураан менен финансылык сабаттуулук боюнча лекция өткөрүлдү.
Лекциянын жүрүшүндө Улуттук банктын өкүлдөрү студенттерге өлкөнүн башкы банкынын ролу жана функциялары, улуттук валютабыз – кыргыз сомунун калыптануу тарыхы, өнүгүү баскычтары жана анын коргоо белгилери, Кыргыз Республикасынын Улуттук банкынын нумизматикалык баалуулуктары, ошондой эле үй-бүлө бюджетин пландаштыруу, акча каражаттарын туура топтоо жана инвестициялоо боюнча маалымат берилди.
Лекцияга келгендер үчүн Улуттук банк тарабынан чыгарылган коллекциялык нумизматикалык монеталардын көргөзмөсү уюштурулду.
Датасы: 25.03.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн, Бишкек шаары, 8-кичи району, № 31 а үйү, 52-квартира дареги боюнча жайгашкан «Эко Лайн сервис» алмашуу бюросу ЖЧКнын накталай чет өлкө валюталары менен алмашуу операцияларын жүргүзүү укугуна 2022-жылдын 2-декабрындагы №6417 лицензиясы 2024-жылдын 25-мартынан тартып кайтарылып алынды.
Датасы: 20.03.2024
Туруктуу шилтеме
Кыргыз Республикасынын Улуттук банкынын лицензиясы жок накталай чет өлкө валютасы менен алмашуу операцияларын жүзөгө ашыргандыгы үчүн Улуттук банктын Ош областтык башкармалыгы тарабынан Кыргыз Республикасынын үч жаранынын ар бирине (С.Т.Ж., И.Ж.О., К.Ж.А.) 17 500 сом өлчөмүндө айып пул салынды.
Датасы: 20.03.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 13-мартында № 2024-П-12/10-3-(БС) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтомун кабыл алды.
Токтом ченемдик укуктук актыларды Кыргыз Республикасынын 2023-жылдын 14-декабрындагы № 207 «Банктык аманаттарды (депозиттерди) коргоо жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Мыйзамына ылайык келтирүү максатында бекитилди.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук акт Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат.
Датасы: 18.03.2024
Туруктуу шилтеме
2024-жылдын 18-мартынан тартып 24-март күндөрү Кыргызстандын бардык аймактарында өтө турган «Акча тапсаң – сакта, келечекке пайда» деген ураан менен Глобалдуу акча жумалыгы өтөт, анын алкагында Кыргыз Республикасынын Улуттук банкы, мамлекеттик органдар, коомдук жана эл аралык уюмдар, коммерциялык банктар жана микрофинансылык уюмдар мектептерде финансылык сабаттуулук боюнча сабактарды, жогорку окуу жайларда лекцияларды жана тренингдерди өткөрөт.
Мындан тышкары, социалдык тармактарда #GMWKyrgyzstan2024 хештеги менен жайгаштырылган экскурсияларды, коммерциялык банктарда ачык эшик күндөрүн, балдардын сүрөттөрү, видеороликтери боюнча сынактарды жана башка ар кандай иш-чараларды өткөрүү пландаштырылууда.
Глобалдуу акча жумалыгы-2024 алкагында өткөрүлүүчү иш-чаралар тууралуу кеңири маалымат Улуттук банктын www.nbkr.kg расмий интернет-сайтында, www.finsabat.kg Финсабат сайтында жана Улуттук банктын социалдык тармактардагы расмий баракчаларында жайгаштырылган.
Маалымат үчүн:
Глобалдуу акча жумалыгы (Global Money Week) – бул балдардын жана жаштардын финансылык сабаттуулугун жогорулатуу максатында дүйнөнүн жүздөн ашуун өлкөсүндө жыл сайын өткөрүлүүчү кеңири масштабдуу кампания.
Иш-чаралар күндөлүгү шилтемеде.
Датасы: 13.03.2024
Туруктуу шилтеме
1. Кыргыз Республикасынын Улуттук банкы «Айыл Банк» ачык акционердик коомунун директорлор кеңешинин мүчөсү кызмат ордуна сунушталган Джаныбеков Аскарбек Сапарбековичтин талапкерлигине 2024-жылдын 12-мартында макулдук берүү чечимин кабыл алды.
2. Кыргыз Республикасынын Улуттук банкы «Коммерциялык банк КЫРГЫЗСТАН» ачык акционердик коомунун ички аудит кызматынын начальнигинин орун басары кызмат ордуна сунушталган Ибраимкулов Кыдыкбек Кубатбековичтин талапкерлигине 2024-жылдын 12-мартында макулдук берүү чечимин кабыл алды.
3. Кыргыз Республикасынын Улуттук банкы «Кыргызкоммерцбанк» ачык акционердик коомунун башкаруучу директорунун кызмат ордуна сунушталган Атаходжаев Нозим Алиходжаевичтин талапкерлигине 2024-жылдын 12-мартында макулдук берүү чечимин кабыл алды.
Датасы: 12.03.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн, Бишкек шаары, Кожевенная көчөсү, 74, «Аляска» өтмөгү, 11 соода оруну дареги боюнча жайгашкан «Только наличные» алмашуу бюросу ЖЧКнын накталай чет өлкө валюталары менен алмашуу операцияларын жүргүзүү укугуна 2022-жылдын 16-сентябрындагы № 6360 лицензиясы 2024-жылдын 12-мартынан тартып кайтарылып алынды.
Датасы: 12.03.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош областы, Кара-Суу району, Кызыл-Кыштак а/а, Андижан айылы, Курманжан Датка көчөсү, № 539 дареги боюнча жайгашкан «Кыргыз Валют» алмашуу бюросу ЖЧКнын 2022-жылдын 28-июнундагы № 6313 лицензиянын аракети 2024-жылдын 12-мартынан тартып 18-мартын кошо алгандагы мезгил аралыгына токтотулду.
Датасы: 11.03.2024
Туруктуу шилтеме
Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн 2024-жылдын 11-мартынан тартып Бишкек шаары, Игембердиев көчөсү 1 а, «Аврора» бизнес-борбору, 3-кабат дареги боюнча жайгашкан «Кредит Сервис» МКК» ЖЧКнын 2009-жылдын 9-июлундагы эсептик каттоо тууралуу №226 күбөлүгү кайтарылып алынды.
Датасы: 07.03.2024
Туруктуу шилтеме
Кыргыз Республикасынын Улуттук банкынын жана мамлекеттик коммерциялык банктарынын башчыларынын Лондондогу (Улуу Британия) иш сапарынын алкагында Кыргыз Республикасынын Улуттук банкынын төрагасы Кубанычбек Боконтаевдин жетекчилигинин алдында бир катар эки тараптуу жолугушуулар болуп өттү.
Чет өлкөлүк банктар жана эл аралык финансылык институттар менен кызматташууну тереңдетүү максатында, делегация J.P. Morgan банкынын Африка жана КМШ боюнча башкаруучу директору, сатуу башкармалыгынын жетекчиси Лорен Лалу жана Европа реконструкциялоо жана өнүктүрүү банкынын башкаруучу директору Франсис Малиж башында турган өкүлдөр менен жолугушту.
Тараптар Кыргыз Республикасынын учурдагы экономикалык абалын жана аны өнүктүрүүнүн келечегин, анын ичинде финансы секторунда туруктуулукту сактоо маселелерин талкуулашты, кызматташуунун негизги багыттарын жана корреспонденттик эсептердин тармагын кеңейтүүгө байланыштуу аспектилерди аныкташты.
Мындан тышкары, жашыл экономика жана туруктуу каржылоо темалары козголду. Жолугушуунун катышуучулары ишке инновациялык жана экологиялык жактан туруктуу мамиле түзүүгө кызыгуусун билдиришти.
Улуттук банктын төрагасы ачык диалогдун маанилүүлүгүн белгилеп, көтөрүлгөн демилгелерди ишке ашырууда биргелешкен аракеттерге даяр экенин билдирди.
Жыйынтыгында, тараптар белгиленген багыттар боюнча кызматташууну улантуу ниетин билдиришти.
Датасы: 06.03.2024
Туруктуу шилтеме
Улуттук банк Кыргыз Республикасынын Министрлер Кабинетинин 2023-жылдын 16-мартындагы № 119-р буйруусу менен бекитилген 2022-2026-жылдарга Кыргыз Республикасынын финансылык жеткиликтүүлүгүнүн улуттук стратегиясын ишке ашыруу алкагында, 2024-жылдын 4-6-мартында Aflatoun International эл аралык уюму менен биргеликте финансылык сабаттуулук компетенцияларын билим берүү стандарттарына киргизүү боюнча улуттук семинар өткөрдү.
Иш-чарага жана Кыргыз Республикасынын Билим берүү жана илим министрлигине караштуу Кыргыз билим берүү академиясынан жана Мектептик, мектептен тышкаркы жана кошумча билим берүү башкармалыгынан балдарды жана жаштарды социалдык жана финансылык жактан тарбиялоо жаатындагы демилгелерди илгерилетүүгө кызыкдар өкүлдөр катышты. Aflatoun International программаларынын компетенцияларын «Адам жана коом» предметинин билим берүү стандартына ылайыкташтыруу пландаштырылууда.
Маалымат үчүн:
Aflatoun International - бул балдар жана жаштар үчүн социалдык жана финансылык билим берүү программаларын ишке ашыруу менен 109 өлкөдө 300дөн ашуун өнөктөш уюмдар менен иштеген өнөктөш уюмдардын динамикалык тармагы.
Датасы: 06.03.2024
Туруктуу шилтеме
1. Кыргыз Республикасынын Улуттук банкы «БАКАЙ БАНК» ачык акционердик коомунун башкармасынын төрагасынын орун басары кызмат ордуна сунушталган Лазюк Сергей Сергеевичтин талапкерлигине 2024-жылдын 5-мартында макулдук берүү чечимин кабыл алды.
2. «Бай-Түшүм» Банкы ачык акционердик коомунун директорлор кеңешинин көз карандысыз мүчөсү/аудит боюнча комитеттин төрагасы кызмат ордуна сунушталган Кирияк Виктордун талапкерлигине 2024-жылдын 5-мартында макулдук берүү чечимин кабыл алды.
3. Кыргыз Республикасынын Улуттук банкы «Кыргызкоммерцбанк» ачык акционердик коомунун башкармасынын төрагасы кызмат ордуна сунушталган Алтухова Любовь Дмитриевнанын талапкерлигине 2024-жылдын 5-мартында макулдук берүү чечимин кабыл алды.
Датасы: 06.03.2024
Туруктуу шилтеме
Кыргыз Республикасынын Улуттук банкынын жана мамлекеттик коммерциялык банктарынын делегациясынын Лондон шаарына (Улуу Британия) иш сапарынын алкагында Кыргыз Республикасынын Улуттук банкынын жана Англия Банкынын төрагалары Кубанычбек Боконтаев менен Эндрю Бэйлинин жолугушуусу болуп өттү.
Борбордук банктардын жетекчилери Улуу Британияда жана Кыргыз Республикасында жүргүзүлүп жаткан монетардык саясат маселелерин талкуулашты. Талкуунун жүрүшүндө инфляциянын пайда болгон факторлоруна жана жөнгө салуучу органдардын акча-кредит саясатынын келечектеги багыттарына карата күтүүлөргө өзгөчө көңүл бурулду. Тараптар пикир алмашып жана акча-кредит саясаты маселелери боюнча эки тараптуу өз ара иш жүргүзүүнү жана Улуттук банктын негизги иш багыттары боюнча техникалык кызматташууну андан ары күчөтүү тууралуу макулдашышты.
Иш сапардын алкагында Улуттук банктын делегациясы Англия Банкынын эксперттери менен кеңири жолугушуу өткөрдү, анын жүрүшүндө тараптар банк ишин жөнгө салуу, төлөм системаларын жана борбордук банктардын санарип валюталарын өнүктүрүү маселелерин жана ошондой эле монетардык чечимдерди кабыл алуу үчүн аналитикалык инструменттерди колдонуу тажрыйбасын талкуулашты.
Датасы: 05.03.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 28-февралында № 2024-П-12/8-3-(НПА) «Кепилдик фонддордун ишин жөнгө салуу эрежелерин бекитүү тууралуу» токтомун (мындан ары – токтом) кабыл алды.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук акт Улуттук банктын расмий интернет-сайтында: www.nbkr.kg/ Банк тууралуу/Улуттук банктын ченемдик актылары/Банк эмес финансы мекемелер ишин жөнгө салуу бөлүгүндө жайгаштырылат.
Датасы: 02.03.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 28-февралында № 2024-П-12/8-4-(НПА) «Кыргыз Республикасынын Улуттук банк Башкармасынын «Кардарларды аралыктан тейлөө режиминде идентификациялоо жана верификациялоо тартиби жөнүндө» токтомуна өзгөртүүлөрдү киргизүү тууралуу» токтомун кабыл алды.
Токтом жеке ишкер катары ишкердик менен алектенген, Кыргыз Республикасынын жарандарын - банк кардарларын аралыктан идентификациялоо жана верификациялоо мүмкүнчүлүктөрүн кеңейтүү максатында кабыл алынган.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук акт Улуттук банктын расмий интернет-сайтында: www.nbkr.kg/ Банк тууралуу/Улуттук банктын ченемдик актылары/ Банктык жөнгө салуу бөлүгүндө жайгаштырылган.
Датасы: 02.03.2024
Туруктуу шилтеме
2024-жылдын 2-мартында Кыргыз Республикасынын Улуттук банкы Ислам өнүктүрүү банкынын Ысык-Көл жана Нарын облустарында сугат жерлерин иштетүүнү өнүктүрүү боюнча долбоору менен биргеликте «Ислам каржылоо принциптерин өнүктүрүүдө финансылык сабаттуулуктун ролу» темасында форум өткөрдү.
Форумдун максаты – ислам каржылоо принциптерин өнүктүрүү маселелеринде калктын финансылык сабаттуулугунун жана маалымдуулугунун ролун белгилөө болуп саналат.
Форумдун жүрүшүндө ислам каржылоо принциптери боюнча мамлекеттик жана расмий тилдеринде китептердин бет-ачаары болуп өттү: «Ислам каржылоо принциптери»1, «Ислам в реалиях современной экономики»2, «Ислам банкинги боюнча суроо-жооптор»3.
Форумга Кыргыз Республикасынын Жогорку Кеңешинин депутаттары, министрликтердин жана ведомстволордун, финансы-кредиттик уюмдардын, жогорку окуу жайлардын өкүлдөрү жана башкалар катышты.
_______________________
1 AAOIFIнин «Шариат стандарттары жана Шариат башкаруусу» китебинин «А» бөлүмү. AAOIFI – ислам финансылык институттар үчүн бухгалтердик эсеп жана аудит уюму ислам финансылык мекемелер үчүн Шариат жана бухгалтердик эсептин эл аралык стандарттарын белгилейт.
2 Мухаммад Таки Усманинин «Ислам в реалиях современной экономики» деген китеби. Мухаммад Таки Усмани – ислам экономикасы жана финансы тармагындагы дүйнөгө белгилүү окумуштуу, Шариат кеңешинин төрагасы.
3 Брошюра Улуттук банк тарабынан даярдалган.
Датасы: 02.03.2024
Туруктуу шилтеме
Кыргыз Республикасынын Улуттук банкынын (мындан ары – Улуттук банк) «Санарип сом» долбоордук тобу борбордук банктардын санарип валюталарын (ББСВ) сунуштоочуларга жөнөтүлгөн «Санарип сомдун прототиби үчүн функционалдык жана техникалык талаптар» суроо-талабынын алкагында, санарип сом санарип валютасынын прототибин эксперименталдык режимде (Sandbox) сыноодон өткөрүүгө кызыккан төмөнкү он эки компаниядан Улуттук банкка сунуштар келип түшкөнүн жарыялайт.
1. Axellect;
2. DCM, Ltd.;
3. EMTECH, Inc.;
4. FIS, Inc.;
5. G+D Filia GmbH;
6. Knox Networks, Inc.;
7. MONTRAN;
8. Nahmii, Ltd.;
9. R3 Corda Ltd.;
10. SICPA/Nabatech Inc.;
11. TCS Quartz, Ltd.;
12. Xiamen Strait Chain Technology Co.;
Компаниялардын жөнөткөн сунуштарын кылдат иликтеп жана баалагандан кийин, Улуттук банк санарип сомдун алгачкы версиясын түзүү, төлөмдөрдү симуляциялоо жана санарип сомду колдонуу менен тар чөйрөдө биринчи тестирлөө иштерин баштоо үчүн ББСВ сунуштоочуну тандайт. Тандоо критерийлери блокчейн платформасынын технологиясын, инновациялык потенциалды, технологиялык ишенимдүүлүктү, сунушталган чечимдердин коопсуздугун, төлөмдөрдүн тездигин жана бардык финансылык инфраструктурага натыйжалуу интеграциялануу мүмкүнчүлүгүн камтыйт.
Санарип сомдун прототибин апробациялоо Кыргыз Республикасынын экономикасын жана финансылык системасын санариптештирүү боюнча Улуттук банктын стратегиялык багытын билдирет. Санарип валюта финансылык инклюзивдүүлүктү чыңдоо, которуу жана төлөө процесстерин жеңилдетүү, ошондой эле финансылык операциялардын ачык-айкындыгын жана коопсуздугун жогорулатууга өбөлгө түзөт.
Долбоордун жүрүшү жана тестирлөөнүн жыйынтыктары тууралуу толук маалымат Улуттук банктын расмий булактары аркылуу долбоордун баскычтарынын ишке ашырылышына жараша берилет.
Датасы: 02.03.2024
Туруктуу шилтеме
Кыргыз Республикасы Улуттук банкы Улуттук банк Башкармасынын «Кыргыз Республикасынын Улуттук банкынын рейтингдик агенттиктерди таануу маселеси боюнча айрым ченемдик укуктук актыларына өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт.
Токтом долбоору Евразия экономикалык бирлигине мүчө мамлекеттердин финансы чөйрөсүндөгү мыйзамдарын шайкеш келтирүүнүн алкагында рейтингдик агенттиктердин тышкы баалоолорун кеңири колдонуу максатында иштелип чыккан.
Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында ((koomtalkuu.gov.kg/ru) жайгаштырылган.
Коммерциялык банктар токтом долбоору боюнча өз сын-пикирлерин жана сунуштарын 2024-жылдын 1-апрелинен кечиктирбестен nipasova@nbkr.kg электрондук дарегине (Word форматында) жөнөтүүсү зарыл.
Датасы: 02.03.2024
Туруктуу шилтеме
Кыргыз Республикасынын Улуттук банкы, Улуттук банк Башкармасынын «Кыргыз Республикасынын Улуттук банк Башкармасынын 2022-жылдын 14-декабрындагы № 2022-П-12/78-7-(НПА) «Кыргыз Республикасынын коммерциялык банктары милдеттүү түрдө аткарууга тийиш болгон экономикалык ченемдер жана талаптар жөнүндө» жобону бекитүү тууралуу» токтомуна өзгөртүү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт.
Токтом долбоору системалуу мааниге ээ коммерциялык банктардын суммардык капитал жетиштүүлүгүнүн (шайкештигинин) коэффициентинин (К2.1) маанисин сактоо мөөнөттөрүн өзгөртүүгө багытталган.
Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg/ru) жайгаштырылган.
Коммерциялык банктар токтом долбоору боюнча өз сын-пикирлерин жана сунуштарын 2024-жылдын 1-апрелинен кечиктирбестен aatyshova@nbkr.kg электрондук дарегине (Word форматында) жөнөтүүсү зарыл.
Датасы: 01.03.2024
Туруктуу шилтеме
Кыргыз Республиканын Улуттук банкынын Төлөм системы боюнча комитетинин 2024-жылдын 22-февралындагы токтому менен «Региональные платежные системы» («РПС») жоопкерчилиги чектелген коомунун (мындан ары – «РПС» ЖЧК) атайын жөнгө салуу режиминин алкагында төмөнкү банктык операцияларды жүргүзүү укугуна лицензиясынын мөөнөтү 2024-жылдын 28-августуна чейин лицензияга карата техникалык тапшырмада бекитилген шарттарды жана талаптарды сактоо менен узартылды:
- электрондук акча ээлерине электрондук акча менен операцияларды жүргүзүү, анын ичинде алардын ордун жабуу мүмкүнчүлүгүн берүү менен накталай же накталай эмес акча каражаттарына алмаштыруу аркылуу өз электрондук акчасын жүгүртүүгө чыгаруу (эмиссия);
- соода-тейлөө ишканалары менен POS-терминалдарды орнотуу/сатылуучу товарларга, иштерге, соода-тейлөө ишканаларынын көрсөткөн кызматтарына төлөө үчүн төлөм каражаты катары QR-коддорду колдонуу жана банктык карталарды кабыл алуу боюнча келишимдик мамиле түзүү, ошондой эле коммерциялык банктар жана/же электрондук акча менен эсептешүү системасынын операторлору менен түзүлгөн келишимдердин алкагында соода-тейлөө ишканаларында эсептешүүлөрдү камсыз кылуу боюнча POS-терминалдар, анын ичинде виртуалдык жана мобилдик POS-терминалдар, ошондой эле QR-коддорду колдонуу аркылуу электрондук коммерция жүргүзүү максатында, банктык карталар эквайринги («Элкарт» улуттук төлөм системасы, Эл аралык төлөм системалары), анын ичинде интернет-эквайринг.
Атайын жөнгө салуу режиминин катышуучусу болуп «РПС» ЖЧК саналат.
Датасы: 01.03.2024
Туруктуу шилтеме
Кыргыз Республикасынын Улуттук банкында 2024-жылдын 29-февралында Улуттук банктын төрагасынын орун басары М.Ш. Аттокуровдун жетекчилиги алдында Кыргыз Республикасынын Финансы министрлигине караштуу Мамлекеттик салык кызматынын, коммерциялык банктардын жана «Банктар аралык процессинг борбору» жабык акционердик коомунун өкүлдөрүнүн катышуусу менен Төлөм системасы боюнча банктар аралык кеңештин кезектеги отуруму болуп өттү.
Отурумдун жүрүшүндө төлөм системасына байланыштуу актуалдуу маселелер каралды. Тактап айтканда, коммерциялык банктар тарабынан калктан мүлккө салык төлөмдөрүн кабыл алууну автоматташтыруу каралып, анын жыйынтыгы боюнча коммерциялык банктардын ишин активдештирүү сунушталды. Төлөм QR коддору аркылуу товарлар/кызмат көрсөтүүлөр үчүн төлөмдөрдү кабыл алуу мүмкүнчүлүгүн кеңейтүү максатында, Мамлекеттик салык кызматынын жана Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын катышуусу менен коммерциялык банктар тарабынан төлөм QR коддорун жайылтуу маселеси да каралды.
Коммерциялык банктардын тарифтерин талкуулоонун алкагында Улуттук банк кызмат көрсөтүүлөргө тарифтерди төмөндөтүү мүмкүнчүлүгүн карап чыгууну сунуштады.
Отурумдун жүрүшүндө «Кыргыз Республикасынын төлөм системасы жөнүндө» Кыргыз Республикасынын Мыйзамынын коммерциялык банктардын жана «Банктар аралык процессинг борбору» ЖАКтын мамлекеттик ички төлөмдөргө карата талаптарын ишке ашыруу маселеси да талкууланды.
Датасы: 01.03.2024
Туруктуу шилтеме
Кыргыз Республикасынын Улуттук банкы Кыргыз Республикасынын улуттук валютасынын графикалык символу – сом белгиси Unicode (Стандартташтыруу боюнча эл аралык уюм) стандартына киргизилгендигин жарыялайт.
Сомдун графикалык белгиси Microsoft Windows 11 версиясынан баштап (анын ичинде Microsoft Office жана операциялык системанын курамына киргизилген бардык Microsoft стандарттык продукттары, же Microsoft Windows 11 операциялык системасында кошумча орнотулган камсыздоо программалары) Microsoft Windows операциялык системасына жана андан ары кийинки чыгарылыштагы бардык камсыздоо программаларына киргизилген.
Сом белгисинин графикалык символун экранга чыгаруу үчүн тил панелинин параметрлеринен кыргыз тилин тандап, клавиатурадагы «оң Alt+9» айкалышын колдонуу керек.
Кыргыз Республикасынын расмий акча бирдигинин графикалык символунун сүрөтү – сом белгиси.
Датасы: 28.02.2024
Туруктуу шилтеме
Кыргыз Республикасынын Улуттук банкы «Бай-Түшүм» Банкы ачык акционердик коому тарабынан «Бай-Түшүм» Банкы ААКтын директорлор кеңешинин төрагасы кызмат ордуна сунушталган Салымбеков Жумабек Мамытбаевичтин талапкерлигине 2024-жылдын 27-февралында макулдук берүү чечимин кабыл алды.
Кыргыз Республикасынын Улуттук банкы «Бай-Түшүм» Банкы ачык акционердик коому тарабынан «Бай-Түшүм» Банкы ААКтын ички аудит кызматынын начальнигинин орун басары кызмат ордуна сунушталган Байсеитов Бакытбек Толосуновичтин талапкерлигине 2024-жылдын 27-февралында макулдук берүү чечимин кабыл алды.
Кыргыз Республикасынын Улуттук банкы «Оптима Банк» ачык акционердик коому тарабынан «Оптима Банк» ААКтын директорлор кеңешинин мүчөсү кызмат ордуна сунушталган Мангитов Арман Ахтуреевичтин талапкерлигине 2024-жылдын 27-февралында макулдук берүү чечимин кабыл алды.
Датасы: 27.02.2024
Туруктуу шилтеме
2024-жылдын 27-февралында Улуттук банкта Монголиянын Мамлекеттик Улуу Хуралынын Төрагасы Гомбожавын Занданшатардын расмий сапарынын алкагында Улуттук банктын төрагасынын орун басары М.Ж. Жакыпов менен Монголия банкынын төрагасы Бядрангийн Лхагвасурэн жана Монголиянын Финансылык жөнгө салуу комиссиясынын төрагасы Баярсайхан Дэмбэрэлдаш менен жолугушуу болуп өттү.
Ошондой эле жолугушууга Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматынын төрагасы М.Т. Пирназаров, Монголиянын банктар Ассоциациясынын аткаруучу директору Лхагвасурэн Амар жана Монголиянын Сактык жана камсыздандыруу корпорациясынын өкүлү Батмунх Бадрал катышты. Жолугушууда тараптар Кыргыз Республикасынын жана Монголиянын финансылык институттарынын ортосундагы эки тараптуу кызматташуу, банк жана финансы чөйрөсүндө өз ара аракеттенүү жана тажрыйба алмашуу маселелерин талкуулашты. Жолугушуунун жыйынтыгында тараптар мындан аркы өз ара пайдалуу кызматташууга даяр экендигин билдиришти.
Мындан тышкары, Кыргыз Республикасынын Өкмөт үйүндө Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын жетекчиси А.У. Жапаровдун жана Монголиянын Мамлекеттик Улуу Хуралынын Төрагасы Г. Занданшатардын катышуусунда, Кыргыз Республикасынын Улуттук банкы менен Монголия банкынын ортосунда, ошондой эле Кыргыз Республикасынын Улуттук банкы менен Монголиянын Финансылык жөнгө салуу комиссиясынын ортосунда кызматташуу боюнча ведомстволор аралык меморандумдарга кол коюлду.
Датасы: 27.02.2024
Туруктуу шилтеме
Борбордук (улуттук) банктардын персоналды окутуу боюнча кызматташуусу жөнүндө макулдашуунун алкагында «Кадр процесстерин автоматташтыруу» семинары
Кыргыз Республикасынын Улуттук банкы борбордук (улуттук) банктардын персоналды окутуу боюнча кызматташуусу жөнүндө макулдашуунун алкагында кызматкерлердин квалификациясын жогорулатуу боюнча иш-чараларга жигердүү катышууда.
Макулдашуунун тараптары болуп, Беларусь Республикасынын Улуттук банкы, Казакстан Республикасынын Улуттук банкы, Кыргыз Республикасынын Улуттук банкы, Россия Федерациясынын Борбордук банкы, Армения Республикасынын Борбордук банкы, Тажикстан Республикасынын Улуттук банкы, ошондой эле Казакстан Республикасынын Финансы рыногун жөнгө салуу жана өнүктүрүү боюнча агенттиги саналат.
Макулдашуунун алкагында Тараптар өз ара тажрыйба алмашуу, окуу жана консультациялык иш-чараларды өткөрүшөт, Борбордук банктын ишинин актуалдуу көйгөйлөрү боюнча Тараптардын адистерин өз банктарында окутууга кабыл алышат.
Макулдашууга ылайык, 2024-жылдын 20-22-февралында Беларусь Республикасынын Улуттук банкынын окутуучусу Кыргыз Республикасынын Улуттук банкынын базасында “Кадрлар процесстерин автоматташтыруу” темасында корпоративдик окутуу иш-чарасын өткөргөн.
Жогоруда көрсөтүлгөн окутуунун актуалдуулугун, ошондой эле корпоративдик окутуунун алкагында кызматкерлердин кеңири камтылышын эске алуу менен, Кыргыз Республикасынын Улуттук банкы борбордук (улуттук) банктардын адистеринин квалификациясын жогорулатуу, ошондой эле эл аралык байланышты бекемдөө максатында өз ишин улантат.
Датасы: 27.02.2024
Туруктуу шилтеме
Кыргыз Республикасынын Улуттук банкы
эсептик ченди 13,00 пайыз деңгээлинде сактап калды
Кыргыз Республикасынын Улуттук банк Башкармасы 2024-жылдын 26-февралында эсептик ченди 13,00 пайыз деңгээлинде сактап калуу чечимин кабыл алды. Чечим 2024жылдын 27-февралынан тартып күчүнө кирет.
Кыргыз Республикасында инфляциянын жылдык көрсөткүчү 2024-жылдын февраль айында 2023-жылдын декабрындагы 7,3 пайыз деңгээлинен 5,0 пайызга чейин төмөндөгөн. Азык-түлүк товарларына баанын өсүшү мурдагыдай эле басаңдоосун улантууда, ал эми азык-түлүктөн башка товарларга жана кызмат көрсөтүүлөргө баанын төмөндөөсү кыйла жай тенденцияны көрсөтүүдө. Айкын инфляциянын түптөлүшүнүн негизги факторлору болуп, ички суроо-талаптын жогорку деңгээлде сакталып турушу, ошондой эле тарифтик саясатты, көбүнчө коомдук транспорт кызмат көрсөтүүлөрүнө кайра карап чыгуунун таасири саналган.
Жалпысынан Кыргыз Республикасынын экономикасы үчүн тышкы экономикалык шарттар дүйнө жүзүндө геосаясий жагдайга байланыштуу уланып жаткан жогорку белгисиздик жана дүйнөлүк товардык-чийки зат рыногунда баалардын өзгөрүлмөлүүлүгү менен мүнөздөлөт. Алдыңкы өлкөлөрдүн акча-кредит саясатынын катуулатылышынын натыйжасында глобалдык инфляциянын акырындап басаңдоосу байкалууда.
Кыргыз Республикасында экономикалык жигердүүлүктүн өсүшү уланууда. 2024-жылдын январь айында реалдуу ИДӨнүн өсүш арымы 7,4 пайызды түзгөн, буга негизги салым өнөр жай, кызмат көрсөтүү жана курулуш секторлору тарабынан камсыз кылынган. Ички керектөө бюджеттик жана жеке секторлордун реалдуу эмгек акыларынын жогорулашы, керектөө кредиттөөсүнүн көбөйүүсү жана өлкөгө акча которуулардын таза агылып кирүүсүнүн өсүшү менен колдоого алынат. Салык-бюджет секторунда фискалдык консолидациялоо саясатын жүргүзүү өлкөдө баа динамикасына ооздуктоочу таасирин тийгизет.
Банк сектору негизги көрсөткүчтөрдүн туруктуулугун сактап турат жана өсүш арымын көрсөтүүдө. Калктын каражат топтоо аракетинин күчөшүнөн улам коммерциялык банктардын ресурстук базасы өсүүдө. Банктар аралык акча рыногу жана ички валюта рыногу туруктуу бойдон калууда. Жалпысынан банк системасында улуттук валютадагы үстөк ликвиддүүлүктүн жогорку деңгээли сакталууда.
Кыска мөөнөткө каралган келечекте өлкөдө инфляция көрсөткүчү инфляция боюнча орто мөөнөткө каралган максаттуу көрсөткүчтүн чегинде 5-7 пайыз түптөлүшү күтүлүүдө. Улуттук банк тарабынан көрүлгөн чаралар азык-түлүктөн башка товарлардын жана кызмат көрсөтүүлөрдүн баасынын өсүш арымын, жалпысынан базалык инфляция деңгээлин төмөндөтүүгө багытталат, бул азыркы учурда инфляция боюнча максаттуу көрсөткүчтүн маанисинен жогору бойдон калууда.
Ички жана тышкы чөйрөдө түптөлгөн шарттарды жана өнүгүү тенденцияларын эске алуу менен, Улуттук банк эсептик чендин өлчөмүн 13,00 пайыз деңгээлинде сактоо чечимин кабыл алды. Кабыл алынган чечим инфляцияга түрткү берүүчү факторлорду чектөөгө жана орто мөөнөттүү мезгил аралыгында инфляциянын көрсөткүчүн максаттуу көрсөткүчтүн 5-7 пайыз чегинде кармап турууга өбөлгө түзөт. Учурдагы акча-кредит шарттарын кармап туруу калктын жана экономика субъекттеринин инфляция боюнча күтүүлөрүнүн деңгээлин басаңдатууга шарт түзөт.
Улуттук банк туруктуу негизде тышкы чөйрөдө, ошондой эле жергиликтүү экономикада түзүлгөн кырдаалга байкоо салып турат. Кандайдыр бир тобокелдиктер келип чыккан учурда, Улуттук банк жүргүзүлүп жаткан монетардык саясатка кошумча корректировкаларды киргизүү мүмкүнчүлүгүн караштырат.
Улуттук банк Башкармасынын эсептик чендин өлчөмү жөнүндө маселе боюнча кийинки пландык отуруму 2024-жылдын 29-апрелинде өткөрүлөт.
Датасы: 22.02.2024
Туруктуу шилтеме
Түзүлгөн өлкөсүндө (Россия Федерациясы) «КИВИ Банк» (акционердик коом) кредиттик уюмунун банктык операцияларды жүзөгө ашырууга лицензиясы кайтарылып алынгандыгына байланыштуу, Кыргыз Республикасынын Улуттук банкында «CONTACT» эл аралык акча которуулар системасынын жана «КИВИ» эл аралык электрондук акча системасынын оператору катары «КИВИ Банк» (акционердик коомдун) каттоосу жокко чыгарылды.
Кыргыз Республикасынын аймагында иш алып барган эл аралык акча которуу системаларынын операторлорунун жана электрондук акча системаларынын операторлорунун/ эл аралык электрондук акча эмитенттеринин реестри менен Улуттук банктын расмий сайтынан «Банктын милдеттери»/«Төлөм системасы»/«Эл аралык жана локалдык акча которуу системалары» жана «Эл аралык электрондук акча системалары» бөлүгүнөн таанышып чыгууга болот.
Датасы: 22.02.2024
Туруктуу шилтеме
Улуттук банк Талас областынын журналисттери үчүн
окутуу семинарын өткөрдү
Кыргыз Республикасынын Улуттук банкы 2024-жылдын 21-февралында Талас областынын жалпыга маалымдоо каражаттарынын өкүлдөрү үчүн «Кыргыз Республикасынын банк жана төлөм системаларын өнүктүрүү» темасында окутуу семинарын өткөрдү.
Семинардын жүрүшүндө өлкөнүн башкы банкынын ролу, функциялары, республиканын региондорунда банк жана төлөм системаларын өнүктүрүү, QR-код колдонуу аркылуу төлөө жана акча которуу, финансы-кредит уюмдарынын кызматтарын керектөөчүлөрдүн укугун коргоо, ошондой эле санарип төлөм инструменттерин кошо алганда, банк жана төлөм системаларын өнүктүрүү келечеги тууралуу маалымат берилди.
Жолугушуунун жыйынтыгында Улуттук банк тарабынан QR-кодду колдонуу аркылуу төлөм жүргүзүү ыкмалары тууралуу буклеттер таратылды.
Улуттук банк мезгил-мезгили менен жалпыга маалымдоо каражаттарынын өкүлдөрү үчүн окутуу семинарларын өткөрүп турат жана бул багытта иштерди мындан ары да улантат.
Датасы: 22.02.2024
Туруктуу шилтеме
Кыргыз Республикасынын Улуттук банкы «Байланыш дүйнөсү» жабык акционердик коомунун уюштуруу-укуктук формасы өзгөргөнүнө байланыштуу 2024-жылдын 16-февралында 2015-жылдын 6-июлундагы № 2015060715 жана 2015-жылдын 6-июлундагы № 3014060715 лицензиялары кайра таризделгендигин маалымдайт.
Датасы: 22.02.2024
Туруктуу шилтеме
Кыргыз Республикасынын Улуттук банкы «Бай-Түшүм» Банкы ачык акционердик коому тарабынан «Бай-Түшүм» Банкы ААКтын директорлор кеңешинин көз карандысыз мүчөсү/тобокелдиктерди тескөө жана комплаенс-контролдоо комитетинин төрагасы кызмат ордуна сунушталган Тазабеков Эркин Маратовичтин талапкерлигине 2024-жылдын 20-февралында макулдук берүү чечимин кабыл алды.
Кыргыз Республикасынын Улуттук банкы «ФИНКА Банкы» жабык акционердик коому тарабынан «ФИНКА Банкы» ЖАКтын директорлор кеңешинин көз карандысыз мүчөсү/тобокелдиктерди тескөө боюнча комитетинин төрагасы кызмат ордуна сунушталган Гашикулина Евгения Энверовнанын талапкерлигине 2024-жылдын 20-февралында макулдук берүү чечимин кабыл алды.
Датасы: 19.02.2024
Туруктуу шилтеме
2024-жылдын 16-февралында Улуттук банкта «Глобалдуу акча жумалыгы-2024» кеңири масштабдуу маалымат берүү-агартуу кампаниясын Кыргызстанда өткөрүү боюнча өнөктөш уюмдардын жолугушуусу болуп өттү. Анын алкагында дүйнөнүн 170тен ашык өлкөлөрүндө финансылык сабаттуулук боюнча иш-чаралар өткөрүлүүдө.
Глобалдуу акча жумалыгынын максаты - бардык балдар менен жаш муунга жогорку сапаттагы финансылык билимдин жеткиликтүү болушун, акчаны сарамжалдуу колдонуу маданиятын калыптандырууну, келечекте финансылык туруктуулук менен бакубат турмушун жакшыртууга мүмкүндүк берген туура финансылык чечим кабыл алуу үчүн акчанын мааниси тууралуу билимге ээ болууларын камсыз кылуу.
Өтүп жаткан жылдын март айында Глобалдуу акча жумалыгынын алкагында төмөнкүдөй бир катар иш-чараларды өткөрүү пландаштырылууда: ачык эшик күндөрү, лекциялар, интерактивдүү оюндар, финансылык мекемелерге экскурсиялар жана сынактар. Иш-чаралардын толук тизмеси Улуттук банктын расмий сайтында жана финансылык сабаттуулук боюнча www.finsabat.kg сайтында жайгаштырылат.
Маалымат үчүн: Кыргызстанда Глобалдуу акча жумалыгы-2024 Кыргыз Республикасынын Билим берүү жана илим министрлиги, эл аралык уюмдар жана өлкөнүн финансы-кредит уюмдары менен биргеликте өткөрүлүп жатат.
Датасы: 19.02.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарында жайгашкан бир микрокредиттик компанияга 55 000 сом өлчөмүндө айып пул салынды.
Датасы: 19.02.2024
Туруктуу шилтеме
Айып пул белгиленген мөөнөттөрдө төлөнбөгөндүгүнө жана туум өлчөмү Кыргыз Республикасынын «Укук бузуулар жөнүндө» кодексинин 35-беренесинде көрсөтүлгөн максималдуу мааниге жеткендигине байланыштуу, Кыргыз Республикасынын жаранына (Р.Н.Ж.) карата укук бузуу жөнүндө иш боюнча туум эсептөө жөнүндө токтом кабыл алынды.
Датасы: 19.02.2024
Туруктуу шилтеме
Кыргыз Республикасынын Улуттук банк Башкармасы 2024-жылдын 14-февралында № 2024-П-12/5-4-(НПА) «Ислам банк иши жана каржылоо принциптерине ылайык операцияларды жүзөгө ашырган банк эмес финансы-кредит уюмдарынын финансылык отчетторун түзүүгө, жарыялоого жана Кыргыз Республикасынын Улуттук банкына берүүгө карата талаптар жөнүндө» жобону бекитүү тууралуу» токтомун кабыл алды. Бул токтомдун максаты болуп, Улуттук банктын ислам банк иши жана каржылоо принциптери боюнча ченемдик укуктук актыларын Кыргыз Республикасынын ченемдик укуктук актыларына ылайык келтирүү саналат.
Токтомдун электрондук версиясы Кыргыз Республикасынын Улуттук банкынын расмий интернет-сайтында: www.nbkr.kg/ Банк тууралуу/ Банк иши тууралуу мыйзамдар/ Улуттук банк Башкармасынын токтомдору бөлүгүндө жайгаштырылган.
Датасы: 16.02.2024
Туруктуу шилтеме
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош областы, Өзгөн району, Өзгөн шаары, Манас көчөсү, номери жок (болжол: борбордук базар, күрүч сатылган катар) дареги боюнча жайгашкан «Мунара-Трейд» жоопкерчилиги чектелген коому алмашуу бюросуна накталай чет өлкө валютасы менен алмашуу операцияларын жүргүзүү укугуна 2023-жылдын 29-мартында берилген № 6501 лицензиянын аракети 2024-жылдын 16-февралынан тартып 22-февралын кошо алгандагы мезгил аралыгына токтотулду.
Датасы: 15.02.2024
Туруктуу шилтеме
КЫРГЫЗ РЕСПУБЛИКАСЫНЫН УЛУТТУК БАНКЫНЫН
РАСМИЙ БИЛДИРҮҮСҮ
Кыргыз Республикасынын Улуттук банкы «Кыргыз Республикасынын Улуттук банкы жөнүндө» Кыргыз Республикасынын конституциялык Мыйзамына ылайык 2024-жылдын 15-февралынан тартып 2023-жылдагы үлгү боюнча улуттук валютанын 20, 50 жана 100 сом номиналындагы жаңы 5-сериядагы банкнотторду жүгүртүүгө киргизет.
Улуттук валютанын жаңы сериясындагы банкноттордун негизги сюжеттеринин багыты – Кыргызстандын тарыхый-маданий мурасын чагылдыруу – өзгөртүүсүз калтырылды. Алдыңкы бетинде искусство жана маданият өкүлдөрүнүн портреттери сакталды, ал эми арткы бетинде республиканын ажайып кооз жерлери чагылдырылган. Банкноттордун негизги түсү жана өлчөмү өзгөртүүсүз калтырылды.
Кыргызстандын жаңы банкноттору жасалма жол менен акча чыгаруудан талаптагыдай коргоону камсыз кылган, заманбап коргоо элементтеринин үч деңгээлден турган комплексин камтыйт.
Улуттук валютанын бардык банкноттору Кыргыз Республикасынын аймагында расмий төлөө каражаты статусуна ээ жана чыгарылган жылына карабастан, төлөө каражаты катары милдеттүү түрдө кабыл алынууга тийиш.
2023-жылдагы үлгү боюнча 20, 50 жана 100 сом
номиналындагы банкноттордун негизги коргоо элементтери
1. Суу белгиси – ачык түстөн күңүрт түскө өткөн портрет жана номинал түрүндөгү электротип.
2. Коргоо тилкеси – үзүк тилке, жарыкка салып кароодо бүтүн тилке сыяктуу (үзгүлтүксүз) чагылып көрүнөт.
Анда сандык номинал жана ромб түрүндө Улуттук банктын логотиби камтылган. Банкнотту жантайыңкы алып кароодо ромб фигурасынын чагылышы жана тилкенин кубулуп жатканы көрүнөт.
3. Бири-бирине дал келген сүрөттөлүш – банкноттун алдыңкы жана арткы беттериндеги сүрөттөрдүн фрагменттери жарыкка салып кароодо ромб формасын түзөт.
4. Банкнотту кол менен сыдырып көрүүдө анын бетине түшүрүлгөн портреттин, жазуулардын, сан жана тамга түшүрүлгөн номиналдын сүрөттөрүндө рельефти (одуракайлык) сезүүгө болот.
5. Көмүскө сүрөттөлүш – банкнотту жантайыңкы алып кароодо сомдун көп түстүү белгиси – С пайда болот.
6. Түстөрдүн өзгөрүшү – (100 сомдук банкнотто гана) банкнотту жантайыңкы алып кароодо эки шакектин кыймылга келишин, оюу-чийменин (орнаменттин) алтын түстөн жашыл түскө өзгөрүшүн байкоого болот.
7. Жалтырак түс (арткы бетинде) – банкноттун номиналы жана Улуттук банктын логотиби түрүндө.
Датасы: 14.02.2024
Туруктуу шилтеме
1. Кыргыз Республикасынын Улуттук банкы 2024-жылдын 13-февралында «Кыргыз Инвестициялык Кредит Банкы» жабык акционердик коому тарабынан «Кыргыз Инвестициялык Кредит Банкы» ЖАКтын аудит боюнча комитетинин төрагасы кызмат ордуна сунушталган Мохаммад Афтаб Манзурдун талапкерлигине макулдук берүү чечимин кабыл алды.
2. Кыргыз Республикасынын Улуттук банкы 2024-жылдын 13-февралында «Кыргыз Инвестициялык Кредит Банкы» жабык акционердик коому тарабынан «Кыргыз Инвестициялык Кредит Банкы» ЖАКтын тобокелдиктерди тескөө боюнча комитетинин төрагасы кызмат ордуна сунушталган Николь Шанталь Сюзанна Ардиттинин талапкерлигине макулдук берүү чечимин кабыл алды.
3. Кыргыз Республикасынын Улуттук банкы 2024-жылдын 13-февралында «РСК Банкы» ачык акционердик коому тарабынан «РСК Банкы» ААКтын шарият кеңешинин төрагасы кызмат ордуна сунушталган Пышкин Денис Владимировичтин талапкерлигине макулдук берүү чечимин кабыл алды.
Датасы: 14.02.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн 2024-жылдын 13-февралынан тартып 27-февралын кошо алгандагы мезгил аралыгына төмөнкү алмашуу бюролорунун лицензияларынын аракети токтотулду:
- Бишкек шаары, Дэн Сяопин проспекти 2-үй, 1-бөлмө дареги боюнча жайгашкан «Альфа М Кэш» алмашуу бюросу ЖЧКнын 2022-жылдын 16-сентябрындагы № 6357 лицензиясы;
- Бишкек шаары, 7-Апрель көчөсү 223, «Мадина» соода комплекси, «Начало» катары (№07 бутик) дареги боюнча жайгашкан «Амир-Умар» алмашуу бюросу ЖЧКнын 2023-жылдын 18-апрелиндеги № 6517 лицензиясы;
- Бишкек шаары, Абдрахманов көчөсү 206 дареги боюнча жайгашкан «ЮПэй» алмашуу бюросу ЖЧКнын 2023-жылдын 22-майындагы № 6528 лицензиясы.
Датасы: 12.02.2024
Туруктуу шилтеме
2024-жылдын 9-февралында Кыргыз Республикасынын Улуттук банкынын, микрофинансылык сектордун, ошондой эле эл аралык уюмдардын жана финансылык институттардын өкүлдөрүнүн катышуусу менен «Микрофинансы уюмдарынын ассоциациясы» ЮЖБ тарабынан уюштурулган тегерек стол болуп өттү.
Тегерек столдун жүрүшүндө микрофинансылык сектордун жана Кыргыз Республикасынын Улуттук банкынын өкүлдөрү Микрокаржылоо секторун 2022-2025-жылдары өнүктүрүүнүн негизги багыттарын ишке ашыруу боюнча иш-чаралар планын (мындан ары – план) аткаруунун жыйынтыктарын, ошондой эле планга микрокаржылоо сектору тарабынан берилген кредиттер боюнча пайыздык чендерди төмөндөтүүгө өбөлгө түзүү, ден соолугу боюнча мүмкүнчүлүгү чектелген адамдарга финансылык кызматтарды көрсөтүүдө банктык кызмат көрсөтүүлөрдүн жеткиликтүүлүгүн камсыз кылуу, аялдардын ишкердүүлүгүнө дем берүү жана колдоо көрсөтүү, ошондой эле өзүн-өзү жөнгө салуу институтун түзүү боюнча иш-чараларды алып салуу жагында киргизилген өзгөртүүлөрдү талкуулашты.
Тегерек столдо Кыргыз Республикасынын Улуттук банк тарабынан микрофинансылык сектордун кредиттери боюнча пайыздык чендерди төмөндөтүү жана жоопкерчиликтүү кредиттөөнүн деңгээлин жогорулатуу зарылчылыгына негизги басым жасалган.
Датасы: 09.02.2024
Туруктуу шилтеме
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн, тактап айтканда лицензияда каралбаган операцияларды жүргүзгөндүгү үчүн, 2024-жылдын 9-февралынан тартып Бишкек шаары, Шопоков көчөсү 91 «Цум-2» соода-сатык комплекси, 1-кабат, №L-36 бөлмө дареги боюнча жайгашкан ЖЧК «ОДИН ДОЛЛАР» алмашуу бюросунун нак чет өлкө валюталары менен алмашуу операцияларын жүргүзүү укугуна 2022-жылдын 1-ноябрындагы № 6390 лицензиясы кайтарылып алынды.
Датасы: 09.02.2024
Туруктуу шилтеме
Кыргыз Республикасынын Улуттук банк Башкармасы тарабынан 2024-жылдын 7-февралында № 2024-П-17/4-4-(НФКУ) «Кыргыз Республикасынын Улуттук банкынын банк эмес финансы-кредит уюмдарын лицензиялоо жөнүндө айрым ченемдик укуктук актыларына өзгөртүүлөрдү киргизүү жөнүндө» токтом кабыл алынды.
Токтомдо коммерциялык банктын микрофинансылык компания (мындан ары – МФК) катары кайра каттоо, ошондой эле МФКнын жана «Кредиттик союздардын каржы компаниясы» Ачык акционердик коому адистештирилген финансы-кредиттик уюмунун кызмат адамдарынын иш стажына карата талаптарды кайра карап чыгуу жагында өзгөртүүлөр каралган.
Токтом Улуттук банктын расмий интернет-сайтында www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Ченемдик укуктук акт Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат.
Датасы: 08.02.2024
Туруктуу шилтеме
Кыргыз Республикасынын Улуттук банкы 2024-жылдын 1-февралынан 4-февралына чейин Германиянын Берлин шаарындагы World Money Fair акча каражаттарынын бүткүл дүйнөлүк көргөзмө-конференциясына катышты.
Конференциянын алкагында эстелик коллекциялык монеталарды чыгаруунун актуалдуу маселелери, монеталарды өндүрүүдө жаңы технологияларды колдонуу, нумизматика рыногун өнүктүрүү өзгөчөлүктөрү, монеталардын заманбап программалары, монеталарды илгерилетүү ыкмалары ж. б. талкууланды.
Улуттук банктын Бүткүл дүйнөлүк акча көргөзмөсүнө катышуусунун максаты Кыргызстандын тарыхын жана маданиятын улуттук валюта аркылуу көрсөтүү жана жайылтуу болгон.
Көргөзмөдө Улуттук банктын экспозициясы «Тарыхый окуялар», «Кыргыз каганатынын доору», «Кыргызстандын тарыхый жана архитектуралык эстеликтери», «Чыңгыз Айтматовдун чыгармалары монеталарда», «Кыргыз үрп-адаттары жана ырым-жырымдары», «Улуттук музыкалык аспаптар», «Спорттун улуттук түрлөрү жана элдик оюндар», «Дүйнөлүк көчмөндөр оюндары», «Кыргызстандын Кызыл китеби» сыяктуу серияларда чыгарылган Кыргызстандын тарыхый жана маданий мурасын чагылдырган банкноттор жана коллекциялык монеталар менен көрсөтүлдү.
Эстелик монеталар жана улуттук валютанын банкноттору нумизмат коллекционерлеринин гана эмес, нумизматика тармагынын адистеринин, ошондой эле эксклюзивдүү буюмдарды сүйүүчүлөрдүн да чоң кызыгуусун жаратты.
Датасы: 07.02.2024
Туруктуу шилтеме
2024-жылдын 6-февралында Кыргыз Республикасынын Улуттук банкынын төрагасы К.К. Боконтаевдин жана Кыргыз Республикасынын Финансы министри А.К. Бакетаевдин «Rothschild & Co» финансылык-холдинг компаниясынын башкармасынын мүчөсү Ариэль Малард де Ротшильд жетектеген делегациясы менен биргелешкен жолугушуусу болуп өттү.
Жолугушууда кыргыз тараптын «Rothschild & Co» компаниясынын консультациялык жана инвестициялык ишмердүүлүк чөйрөсүндө кызматташуусунун мүмкүн болгон багыттары талкууланды.
Датасы: 07.02.2024
Туруктуу шилтеме
Кыргыз Республикасынын Улуттук банкы «Дос-Кредобанк» ачык акционердик коому тарабынан «Дос-Кредобанк» ААКтын башкармасынын мүчөсү – продуктуларды иштеп чыгуу департментинин директору кызмат ордуна сунушталган Джумалиев Насир Мухтаровичтин талапкерлигине 2024-жылдын 6-февралында макулдук берүү чечимин кабыл алды.
Датасы: 07.02.2024
Туруктуу шилтеме
Төлөм системасы боюнча комитетинин 2024-жылдын 2-февралындагы токтому менен «Тез Системс» жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 2-февралындагы № 2041020224 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизделген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 2-февралындагы № 3043020224 лицензия.
Датасы: 02.02.2024
Туруктуу шилтеме
Кыргыз Республикасынын мыйзам талаптарын бузууга жол бергендиги үчүн Кыргыз Республикасынын Улуттук банкынын Көзөмөл боюнча комитети тарабынан коммерциялык банкка 22 680 000 сом өлчөмүндө айып пул салынды жана айрым кызмат адамдарына карата таасир этүү чаралары колдонулду.
Датасы: 02.02.2024
Туруктуу шилтеме
КЫРГЫЗ РЕСПУБЛИКАСЫНЫН УЛУТТУК БАНКЫ
маалымат базасына талапкерлерди тандоо боюнча ачык сынак жарыялайт:
- банктын жоюучусу (ликвидатор)
- банктын убактылуу администратору
Кыргыз Республикасынын Улуттук банкынын маалымат базасына киргизилген талапкерлер андан ары банктын жоюучусу же убактылуу администратору катары тиешелүү жагдайлар жаралган учурда дайындалышы мүмкүн.
Жоюучунун же убактылуу администратордун эмгек акысынын өлчөмү банктын системалык маанилүүлүгүн жана орун алган көйгөйлөрдүн бар экендигин эске алуу менен банктын жетекчисинин эмгек акысынын деңгээлинде белгиленет.
Документтерди 2024-жылдын 01-мартында саат 17:00дөн кечиктирбестен тапшыруу зарыл.
Белгиленген убакыттан кийин тапшырылган документтер кабыл алынбайт жана каралбайт.
Жалпы квалификациялык талаптар, функционалдык милдеттер тууралуу кеңири маалымат жана сынакка катышуу үчүн талап кылынган документтер тизмеги Кыргыз Республикасынын Улуттук банкынын www.nbkr.kg расмий интернет-сайтынын «Сынактар» бөлүгүндө жайгаштырылган.
Бардык суроолор менен (0312) 31-29-37 телефону аркылуу комиссиянын катчысына кайрылсаңыздар.
Датасы: 02.02.2024
Туруктуу шилтеме
Кыргыз Республикасынын Улуттук банкы Instagram социалдык тармагында өзүн Кыргызстандагы Чехия капиталына ээ жана банктык кызматтарды сунуштаган биринчи банк катары маалымдаган «Кыргыз-Чехия Банкы» ААКтын баракчасы пайда болгондугун билдирет.
Аталган банк Кыргыз Республикасынын Улуттук банкынын коммерциялык банктарынын реестринде жок экендигин расмий түрдө эскертебиз. Кыргыз Республикасынын Улуттук банкына аталган банкты түзүү боюнча эч кандай кайрылуулар түшкөн эмес, ушуга байланыштуу жарандарды сак болууга чакырабыз.
Датасы: 01.02.2024
Туруктуу шилтеме
Ченемдик укуктук актынын долбоорун иштеп чыгуу жөнүндө
БИЛДИРҮҮ
Кыргыз Республикасынын Улуттук банкы (мындан ары – Улуттук банк) санарип сомду укуктук жөнгө салуу маселеси боюнча анын жөнгө салуучу таасирин талдоо, ошондой эле кызыкдар жактардан сунуштарды кабыл алуу башталгандыгын маалымдайт.
Кыргыз Республикасынын Улуттук банк Башкармасынын 2022-жылдын 25-майындагы № 2022-П-14/32-3-(ПС) токтому менен бекитилген «Санарип сом концепциясынын» 9-бөлүгүнүн 3-пунктун аткаруу жана ишке ашыруу, санарип сомду колдонууга киргизүүнүн укуктук жана жөнгө салуу маселелерин иштеп чыгуу, ошондой эле Кыргыз Республикасынын мыйзамдарына өзгөртүүлөрдү/толуктоолорду киргизүү максатында, Улуттук банк тарабынан Кыргыз Республикасынын «Кыргыз Республикасынын айрым мыйзам актыларына «санарип сом» санарип валютасынын укуктук статусу жана санарип сомду жөнгө салуу маселелерин иштеп чыгуу боюнча өзгөртүүлөрдү киргизүү жөнүндө» мыйзам долбоорунун жөнгө салуучу таасирин талдоо иши демилгеленүүдө.
Санарип сом – Кыргыз Республикасынын улуттук валютасынын (кыргыз сомунун) кошумча формасы, ал Улуттук банк тарабынан санарип түрүндө чыгарылат жана анын милдеттенмеси жана акчанын үчүнчү формасы болуп саналат.
Учурда Кыргызстанда улуттук валютанын эки формасы колдонулууда – Улуттук банк тарабынан чыгарылган накталай акча белгилери (сом, тыйын) жана накталай эмес төлөмдөр – коммерциялык банктардагы жана Улуттук банктагы эсептердеги акча каражаттары түрүндө.
Улуттук банкта корреспонденттик эсептер коммерциялык банктар, Кыргыз Республикасынын Финансы министрлигинин Борбордук казыналыгы жана башка атайын катышуучулар үчүн ачылат. Санарип сомдун прототиби боюнча долбоорду ишке ашыруу модели катары эки деңгээлдүү чекене модель саналат, ал катышуучулар ортосунда өз ара эсептешүүлөр учурундагы циклден жана катышуучулардын ролунан айырмаланбайт/өзгөчөлөнбөйт. Эмитенттин ролу, катышуучулардын жана колдонуучулардын ролу калат. Долбоорду ишке ашыруудагы бирден-бир айырмачылык катары анын технологиялык чечими, республиканын алыскы аймактарында финансылык жеткиликтүүлүк жагынан өзгөчөлүгү/жаңычылдыгы, интернетсиз төлөмдөрдү төлөө (офлайн төлөмдөр), санарип сом платформасында төлөм системаларынын катышуучулары ортосунда санарип контракттарды коопсуз түзүү жана анын ыкмалары (smart-contract) саналат, бул айкын убакыт ыргагында эсептешүү процессин тездетет.
2. Сунушталып жаткан жөнгө салуунун максаты
Сунушталып жаткан жөнгө салуунун максаты катары Кыргыз Республикасынын төмөнкү айрым мыйзам актыларына өзгөртүүлөрдү киргизүү аркылуу Кыргыз Республикасынын үчүнчү акча формасынын укуктук статусун ишке киргизүү маселесин иштеп чыгуу саналат:
- Кыргыз Республикасынын «Кыргыз Республикасынын Улуттук банкы жөнүндө» конституциялык Мыйзамы;
- Кыргыз Республикасынын Граждандык кодекси;
- Кыргыз Республикасынын Бюджет кодекси;
- Кыргыз Республикасынын «Банктар жана банк иштери жөнүндө» мыйзамы;
- Кыргыз Республикасынын «Төлөм системасы жөнүндө» мыйзамы;
- Кыргыз Республикасынын «Террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө» мыйзамы;
- Кыргыз Республикасынын Салык кодекси;
- Кыргыз Республикасынын Укук бузуулар жөнүндө кодекси
- ж.б.
3. Сунушталган жөнгө салуудан күтүлүп жаткан пайдага жана артыкчылыктарга баа берүү
Санарип сомду ишке киргизүүнүн укуктук жана жөнгө салуу маселелерин изилдөө жана Кыргыз Республикасынын мыйзамдарына өзгөртүүлөрдү иштеп чыгуу санарип сомдун юридикалык жактан маанилүүлүгү үчүн белгилүү бир сунуш-көрсөтмөлөрдүн тизмегин иштеп чыгууга жана тең салмактуу ченемдик укуктук чөйрөнү түзүүгө мүмкүндүк берет. Мындан тышкары, Кыргыз Республикасынын мыйзамдарына тиешелүү өзгөртүүлөр, анын ичинде терминологиялык аппаратты, системанын катышуучуларынын ролун, укуктарын жана милдеттерин бекемдөө, келип чыгышы мүмкүн болгон тобокелдиктерди контролдоо үчүн жөнгө салуучу механизмдер, ПФТД/ЛПД аспектилери ж.б. аныкталат жана иштелип чыгат.
4. Келип чыгышы мүмкүн болгон алгылыксыз натыйжаларга баа берүү
Санарип сом валютасын колдонууга киргизүүдөн терс кесепеттердин келип чыгышы күтүлбөйт, анткени санарип сом калк күндөлүк турмушта накталай жана накталай эмес акча каражаттарын колдонуусун чектебейт.
5. Ишкердик субъекттери – жөнгө салуу адресаттары боюнча мүнөздөмө жана санына баа берүү
Сунуш кылынган жөнгө салуу санарип сомдун эмитенти жана санарип сом платформасынын оператору болуп саналган Улуттук банктын, төлөм системаларынын катышуучуларынын, Кыргыз Республикасынын Финансы министрлигинин Борбордук казыналыгынын, бюджеттик уюмдардын жана санарип капчыкты колдонуу менен санарип сомду колдонуучулардын ишине тиешелүү.
6. Сунушталып жаткан жөнгө салууну колдонууга киргизүүдөн улам потенциалдуу адресаттардын кошумча чыгашаларын жана пайдасын болжолдуу баалоо
Сунушталып жаткан жөнгө салууну колдонууга киргизүүдө Улуттук банктын жана төлөм системасынын катышуучуларынын бюджетинен кошумча финансылык чыгашалар талап кылынат.
7. Сунушталып жаткан жөнгө салууну ишке киргизүүгө байланыштуу Кыргыз Республикасынын бюджетинен чыгашаларды жана пайдаларды болжолдуу баалоо
Бул мыйзам долбоорун ишке ашырууда санарип сомдун укуктук статусун киргизүү жана акча каражаттарын санарип формада которуу менен Улуттук банктын нак акча белгилерин чыгарууга чыгашасы азаят.
Билдирүүгө төмөнкүлөр тиркелет:
1. Коомдук консультациялардын катышуучулары үчүн суроолордун тизмеси:
- көрсөтүлгөн көйгөйлөр Кыргыз Республикасынын жогоруда аталган мыйзам актыларына өзгөртүүлөрдү киргизүү аркылуу чечүүнү талап кылган көйгөй болуп саналабы же Улуттук банктын ченемдик-укуктук актыларынын чегинде жөнгө салуу жетиштүүбү;
- көрсөтүлгөн максат ага жетүү үчүн негиздүү, маанилүү болуп саналабы;
- сунушталып жаткан жөнгө салуу проблемаларды чечүү үчүн кыйла артыкчылыктуу ыкма болуп саналабы (Кыргыз Республикасынын мыйзамдарына өзгөртүүлөрдү киргизүү);
- Кыргыз Республикасынын айрым мыйзам актыларына сунушталган өзгөртүүлөр кабыл алынган учурда кандай пайда жана артыкчылыктар келип чыгышы мүмкүн;
- Кыргыз Республикасынын мыйзам актыларына сунушталган өзгөртүүлөр кабыл алынган учурда кандай тобокелдиктер жана терс натыйжалар орун алышы мүмкүн;
- көйгөйлөрдү чечүүнүн натыйжалуу альтернативдүү ыкмалары барбы;
- Кыргыз Республикасынын мыйзам актыларына сунушталган өзгөртүүлөр боюнча жалпы пикир;
- жогоруда белгиленген проблемалардын алкагында Кыргыз Республикасынын дагы кайсы мыйзам актыларын кайра карап чыгуу зарыл жана комплекстүү өзгөртүүлөр киргизилиши мүмкүн.
Суроолордун тизмеси кеңейтилиши мүмкүн.
Байланышуу үчүн маалымат жана сунуштарды талкуулоо үчүн мөөнөттөр:
|
1. Сунуштарды кабыл алуу: |
|
|
- электрондук почта аркылуу |
abakesarieva@nbkr.kg / mail@nbkr.kg |
|
- почта дареги аркылуу |
720001, Кыргыз Республикасы, Бишкек ш., Чүй пр., 168 Кыргыз Республикасынын Улуттук банкы |
|
2. Сунуштарды кабыл алуу мөөнөтү |
2024-жылдын 10-февралы |
|
3. Сунуштар жана жооптор реестрин Улуттук банктын расмий интернет-сайтына жайгаштыруу мөөнөтү |
2024-жылдын 19-февралы |
Датасы: 31.01.2024
Туруктуу шилтеме
Коммерциялык банктардын алмашуу бюролору менен чет өлкө валютасын сатып алуу/сатуу боюнча операцияларды жүргүзүүсүнө коюлган чектөөлөрдү убактылуу алып салуу максатында, Кыргыз Республикасынын Улуттук банк Башкармасы 2024-жылдын 24-январында № 2024-П-12/2-4-(НПА) «Кыргыз Республикасынын Улуттук банк Башкармасынын 2022-жылдын 5-сентябрындагы № 2022-П-33/55-1-(НПА) «Кыргыз Республикасынын Улуттук банк Башкармасынын 2022-жылдын 22-июлундагы № 2022-П-33/45-2-(НПА) «Чет өлкө валютасында алмашуу операцияларын жүргүзүү чөйрөсүндө убактылуу чечимдер жөнүндө» токтомунун аракетин убактылуу токтотуу тууралуу» токтомуна өзгөртүү киргизүү жөнүндө» токтомун кабыл алды.
Ушул токтом менен Улуттук банк Башкармасынын 2022-жылдын 22-июлундагы № 2022-П-33/45-2-(НПА) «Чет өлкө валютасында алмашуу операцияларын жүргүзүү чөйрөсүндө убактылуу чечимдер жөнүндө» токтомунун аракети 2024-жылдын 1-августуна чейин убактылуу токтотулат.
Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
Датасы: 31.01.2024
Туруктуу шилтеме
Кыргыз Республикасынын Улуттук банкы «Бай-Түшүм» Банкы ачык акционердик коому тарабынан «Бай-Түшүм» Банкы ААКтын директорлор кеңешинин мүчөсү кызмат ордуна сунушталган Конокбаева Назгуль Доконовнанын талапкерлигине 2024-жылдын 30-январында макулдук берүү чечимин кабыл алды.
Датасы: 30.01.2024
Туруктуу шилтеме
Кыргыз Республикасынын Улуттук банкы, Кыргыз Республикасында Ачык банкингди өнүктүрүү концепциясынын долбоорун (мындан ары – долбоор) коомдук талкууга сунуштайт.
Долбоор Кыргыз Республикасынын Улуттук банкынын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жайгаштырылган.
Кызыкдар тараптар долбоор боюнча сын-пикирлерин жана сунуштарын 2024-жылдын 14-февралынан кечиктирбестен, Кыргыз Республикасынын Улуттук банкына, ошондой эле электрондук версиясын akerimkulov@nbkr.kg электрондук дарегине (Word форматында) жөнөтүүсү зарыл.
Датасы: 30.01.2024
Туруктуу шилтеме
Төлөм системасы боюнча комитетинин 2024-жылдын 25-январындагы токтому менен «Смарт Системс » жоопкерчилиги чектелген коомуна төмөнкү лицензиялар берилди:
- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 25-январындагы № 2040250124 лицензия;
- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 25-январындагы № 3042250124 лицензия.
Датасы: 30.01.2024
Туруктуу шилтеме
Кыргыз Республикасынын Улуттук банкы
эсептик ченди 13,00 пайыз деңгээлинде сактап калды
Кыргыз Республикасынын Улуттук банк Башкармасы 2024-жылдын 29-январында эсептик ченди (негизги ченди) 13,00 пайыз деңгээлинде сактап калуу чечимин кабыл алды. Чечим 2024-жылдын 30-январынан тартып күчүнө кирет.
Кыргыз Республикасында инфляциялык процесстердин басаңдоо арымы сакталып турат. 2023-жылдын декабрында жылдык инфляция көрсөткүчү 7,3 пайызды, ал эми 2024жылдын январында1 – 5,9 пайызды түздү. Инфляция түзүмүндө азык-түлүк товарлар тобуна баалардын өсүш арымынын жылдык мааниде 2022-жылдын декабрындагы 15,8 пайыздан 2024-жылдын январында 1,9 пайызга чейин туруктуу арымда басаңдагандыгы белгиленген. Ошол эле учурда азык-түлүктөн башка товарларга жана кызмат көрсөтүүлөргө баалар кыйла жай арымда басаңдап, айрым товарлар жана кызмат көрсөтүүлөр түрүнө карата тарифтик саясатты кайра караштыруу боюнча административдик чаралардын таасирин чагылдырган.
Тышкы чөйрөдө орун алып турган шарттар Кыргыз Республикасындагы инфляциялык процесстерге карата негизги факторлор катары сакталып турат жана алардын орун алышы базалык инфляциянын максаттуу деңгээлге кыйла жай арымда кайтып жаткандыгын тастыктоодо. Дүйнөлүк азык-түлүк жана чийки зат рынокторунун баа коньюнктурасы ар тараптуу сакталып турат: азык-түлүккө дүйнөлүк баалар акырындап төмөндөөдө, ал эми глобалдуу мунай жана алтын рынокторунда баалардын өзгөрүп турушу сакталууда. Мындай шарттарда базалык инфляциянын, ошондой эле калктын жана экономикалык субъекттердин инфляциялык күтүүлөрүнүн мындан аркы төмөндөшү 2024жыл ичинде акча-кредит саясатын иштеп чыгууда жана жүргүзүүдө негизги артыкчылык болуп саналат.
Кыргыз Республикасынын экономикасында жогору жигердүүлүк сакталып турат, 2023-жыл жыйынтыгы боюнча реалдуу ИДӨнүн өсүш арымы 6,2 пайызды түзгөн, бул кызмат көрсөтүүлөр секторунун жана иштеп чыгаруу өнөр жайынын олуттуу салымынын эсебинен калыптанган. Ички суроо-талап жогору деңгээлде сакталууда, бул керектөө кредиттеринин көлөмүнүн өсүшүнүн, эмгек акылардын жогорулашынын жана акча которуулар агымынын өсүшүнүн натыйжасында шартталган2 .
Монетардык саясаттын жүргүзүлүп жаткан багыты калктын жыйым топтоону күчөтүүсүн шарттайт. Коммерциялык банктардын ресурстук базасынын артышы байкалууда. 2023-жыл жыйынтыгы боюнча3 депозиттик базанын көлөмү 2022-жылдагы көрсөткүчкө салыштырганда 27,3 пайызга жогорулап, 431,3 млрд сомго жакынды түзгөн. Мында, банк сектору экономиканы жигердүү кредиттөө ишин улантууда. Кредит портфелинин көлөмү 2023-жылы4 26,3 пайызга, 257,8 млрд сомго чейин өскөн. Жалпы алганда, финансы-кредит уюмдарынын ишинин негизги көрсөткүчтөрүнүн туруктуулугу жетиштүү экендигин тастыктоодо, бул банк системасынын туруктуулугун сактоого мүмкүндүк берет. Коммерциялык банктар жетиштүү көлөмдө улуттук валютадагы ликвиддүүлүккө ээ. Ички валюта рыногу салыштырмалуу туруктуу абалда сакталууда.
Тышкы жана ички экономикалык чөйрөнүн өнүгүү шарттарын, ошондой эле дале эки орундуу көрсөткүчтөр деңгээлинде сакталып турган базалык инфляциянын динамикасын эске алуу менен Улуттук банк эсептик чен өлчөмүн 13,00 пайыз деңгээлинде сактоо чечимин кабыл алды. Бул чечим өлкөдө инфляциялык процесстерди мындан ары да басаңдатууга жана инфляцияны орто мөөнөттүү мезгил аралыгында 5-7 пайыз максаттуу маанилер чегинде калтырууга багытталган.
Улуттук банк тышкы чөйрөдө сыяктуу эле, жергиликтүү экономикада да түптөлүп жаткан жагдайга көз салып турууну улантат. Кандайдыр бир тобокелдиктер орун алган учурда Улуттук банк жүргүзүлүп жаткан монетардык саясатка кошумча корректировкаларды киргизиши мүмкүн.
Улуттук банк Башкармасынын эсептик чен өлчөмү маселеси боюнча кийинки пландалган отуруму 2024-жылдын 26-февралында өтөт.
1 2024-жылдын 19-январына карата абал боюнча.
2 2023-жылдын 11 айы үчүн алынган маалымат боюнча. 3, 4 Алдын ала алынган маалымат боюнча.
Кыргыз Республикасынын Улуттук банкынын лицензиясы жок накталай чет өлкө валютасы менен алмашуу операцияларын жүргүзгөндүгү үчүн Кыргыз Республикасынын Улуттук банкынын Баткен областындагы өкүлчүлүгү Кыргыз Республикасынын жаранына (Н.у.А) карата 17 500 сом өлчөмүндө айып пул салды. Кыргыз Республикасынын Улуттук банкынын ченемдик укуктук актыларын «Кыргыз Республикасынын айрым мыйзам актыларына Кыргыз Республикасынын Мамлекеттик өнүктүрүү банкынын ишинин маселелери боюнча өзгөртүүлөрдү киргизүү жөнүндө» Кыргыз Республикасынын Мыйзамына ылайык келтирүү максатында, Кыргыз Республикасынын Улуттук банк Башкармасы 2024-жылдын 17-январында № 2024-П-12\1-3-(НПА) «Кыргыз Республикасынын Улуттук банк Башкармасынын «Кыргыз Республикасынын Мамлекеттик өнүктүрүү банкы» ААКтын ишинин маселелери боюнча айрым токтомдоруна өзгөртүүлөрдү киргизүү жана күчүн жоготкон катары таануу жөнүндө» токтомун (мындан ары – токтом) кабыл алды. Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. Ченемдик укуктук актылар Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат. Кыргыз Республикасынын Улуттук банкы Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун коомдук талкууга сунуштайт. Кыргыз Республикасынын Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоору Кыргыз Республикасынын 2023-жылдын 14-декабрындагы № 207 «Банктык аманаттарды (депозиттерди) коргоо жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Мыйзамына ылайык келтирүү максатында иштелип чыкты. Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg/ru) жайгаштырылган. Кызыкдар тараптар токтом долбоору боюнча өз сын-пикирлерин жана сунуштарын 2024-жылдын 29-февралынан кечиктирбестен bimasheva@nbkr.kg электрондук дарегине (Word форматында) жөнөтүүсү зарыл. Улуттук банк 2024-жылдын 26-январында Кыргыз Республикасынын Улуттук банкынын 2023-жыл ичинде аткарган ишинин жыйынтыгына арналган семинар өткөрдү, анда Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитетинин депутаттары катышты. Семинардын алкагында Улуттук банктын акча-кредит саясатынын жыйынтыгына тиешелүү маселелер, ошондой эле банк жана төлөм системаларынын туруктуулугун камсыз кылуу боюнча чаралар кароого алынды. Талкуунун жүрүшүндө Улуттук банктын төрагасы Кубанычбек Боконтаев 2023-жылы тышкы экономикалык чөйрөдө жогору белгисиздик сакталып тургандыктан жана жалпы эле дүйнөлүк соода жүргүзүү багыты өзгөргөндүктөн, Улуттук банктын саясаты тышкы экономикалык тобокелдиктердин таасирин төмөндөтүүгө жана өлкөнүн экономикасынын туруктуу өсүшү үчүн шарттарды түзүүгө багытталгандыгын белгиледи. «Улуттук банк тарабынан 2023-жылы биринчи кезекте аткарыла турган милдет катары өлкөдө инфляциялык процесстердин күч алышына бөгөт коюу милдети белгиленди. Улуттук банк тарабынан тиешелүү акча-кредит саясаты жүргүзүлгөндүктөн, өлкөдө жылдык инфляция көрсөткүчү 14,7 пайыздан 2023-жылдын декабрь айында 7,3 пайызга чейин төмөндөдү, кыргыз сомунун туруктуулугун сактоого жетишилди», – деп билдирди Кубанычбек Боконтаев. Мындан тышкары, 2023-жыл ичинде жетишилген маанилүү жыйынтык катары дүң эл аралык резервдер көлөмүнүн 3,2 млрд АКШ долларына чейин өсүшүн белгилеп кетүү зарыл, мындай жыйынтыкка эл аралык резервдерди тескөө саясатын кылдаттык менен иштеп чыгуунун натыйжасында жетишилгендигин Улуттук банктын төрагасы баса белгиледи. Ошондой эле, талаптагыдай көзөмөл жүргүзүүнүн жана жөнгө салуунун натыйжасында Кыргыз Республикасынын банк системасынын туруктуулугу камсыз кылынып жаткандыгы да белгиленди. «Санарип технологияларды пайдалануу менен төлөм системасын өнүктүрүү иши улантылууда, ушундан улам накталай эмес төлөмдөрдү жүргүзүү боюнча кызматтарды сунуштоо сапаты жакшырууда, ар кандай төлөм инструменттери аркылуу ишке ашырылган накталай эмес операциялардын саны да өсүүдө», – деп борбордук банктын башчысы кошумчалады. Семинардын жүрүшүндө Жогорку Кеңештин депутаттары менен пикир алмашылып, Улуттук банктын ишине тиешелүү актуалдуу маселелер боюнча талкуулар өткөрүлдү. Жеке адамдардын эл аралык акча которуулары боюнча статистикалык маалыматтарды жаңыртуу жөнүндө Кыргыз Республикасынын Улуттук банкы жеке адамдар банктык мобилдик тиркемелерди (банктык карталарды) жана электрондук капчыктарды колдонуу менен жүзөгө ашырган эл аралык акча которуулардын көлөмү өсүп жаткандыгын маалымдайт. Мындай чек ара аркылуу которууларды жөнөтүү жана алуу ыкмаларын жеке адамдар адаттагы акча которуу системалары менен бирге колдонушууда. Ушуга байланыштуу Улуттук банк коммерциялык банктар менен биргеликте белгиленген операцияларды Кыргыз Республикасынын жеке адамдар – резиденттер жана жеке адамдар – резидент эместер ортосунда жүзөгө ашырылуучу эл аралык акча которуулар статистикасына киргизүү боюнча зарыл иштерди жүргүздү. Акча которуулар жөнүндө тиешелүү маалымат жаңыртылып, Улуттук банктын расмий интернет-сайтында «Статистика»/ «Тышкы экономикалык сектор» / «Акча которуулар» бөлүгүндө жайгаштырылган. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын Шариат кеңешинин төрагасы кызмат ордуна сунушталган Шергазиев Жоробай Эсановичтин талапкерлигине 2024-жылдын 23-январында макулдук берүү чечимин кабыл алды. Катышуучулар 2023-жылдын 28-декабрында болуп өткөн жалпы жыйында өз ыктыяры менен жоюлуу чечимин кабыл алгандыгына байланыштуу «Жазы-Кенч» кредиттик союзунун 2005-жылдын 14-ноябрындагы № 500 лицензиясы 2024-жылдын 19январынан тартып жокко чыгарылды. Юридикалык дареги: Ош областы, Өзгөн шаары, Кошиев көчөсү, 7-үй. Эл аралык электрондук акча системасынын оператору Cabbagino Payments LTD Кыргыз Республикасынын Улуттук банкында каттоо жол-жобосунан өттү. Реестрдеги каттоо номери - 5019190124. 1. Кыргыз Республикасынын Улуттук банкынан лицензия алуусуз нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын жаранына (К.Ж.Ө.) карата 17 500 сом өлчөмүндө айып пул салынды. 2. Айып пул белгиленген мөөнөттөрдө төлөнбөгөндүгүнө жана туум өлчөмү Кыргыз Республикасынын «Укук бузуулар жөнүндө» кодексинин 35-беренесинде көрсөтүлгөн максималдуу мааниге жеткендигине байланыштуу, Кыргыз Республикасынын жаранына (Н.С.Н.) карата укук бузуу жөнүндө иш боюнча туум эсептөө жөнүндө токтом кабыл алынды. Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаары, Кожевенная көчөсү 74, «Аляска» өтмөгү, №11 соода жайы дареги боюнча жайгашкан «Только наличные» алмашуу бюросу ЖЧКнын 2022-жылдын 16-сентябрындагы № 6360 лицензиясынын аракети 2024-жылдын 19-январынан тартып 2-февралын кошо алгандагы мезгил аралыгына токтотулду. 1. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын Шариат кеңешинин мүчөсү кызмат ордуна сунушталган Акматжан Жумадылдын талапкерлигине 2024-жылдын 16-январында макулдук берүү чечимин кабыл алды; 2. Кыргыз Республикасынын Улуттук банкы «Бай-Тушум» Банкы ачык акционердик коому тарабынан «Бай-Тушум» Банкы ААКтын ички аудит кызматынын начальнигинин кызмат ордуна сунушталган Эшенкулова Айжамал Акджолтоевнанын талапкерлигине 2024-жылдын 16-январында макулдук берүү чечимин кабыл алды; 3. Кыргыз Республикасынын Улуттук банкы «Оптима Банк» ачык акционердик коому тарабынан «Оптима Банк» ААКтын директорлор кеңешинин төрагасы кызмат ордуна сунушталган Аргинов Ермек Есболовичтин талапкерлигине 2024-жылдын 16-январында макулдук берүү чечимин кабыл алды. Төлөм системасы боюнча комитетинин 2024-жылдын 11-январындагы токтому менен «УанВижин» жоопкерчилиги чектелген коомуна төмөнкү лицензиялар берилди: - үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2024-жылдын 11-январындагы № 2039110124 лицензия; - өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2024-жылдын 11-январындагы № 3041110124 лицензия. Кыргыз Республикасынын Улуттук банкы Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт. Токтом долбоору Кыргыз Республикасынын Улуттук банкынын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам алдындагы актылардын долбоорлору» / «Кыргыз Республикасынын Улуттук банкынын токтому» бөлүгүндө жайгаштырылган. Кызыкдар болгон тараптар токтом долбоору боюнча сын-пикирлерин жана сунуштарын 2024-жылдын 15-февралынан кечиктирбестен Кыргыз Республикасынын Улуттук банкына, ошондой эле электрондук версиясын (Word форматында) azmambetalieva@nbkr.kg электрондук дарегине жөнөтүүсү зарыл. Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош областы, Өзгөн району, Куршаб айылы, К. Бекмурзаев көчөсү, 1 а дареги боюнча жайгашкан «Миллион плюс» алмашуу бюросу ЖЧКнын 2021-жылдын 21-июлундагы № 6172 лицензиясынын аракети 2024-жылдын 16-январынан тартып 22-январын кошо алгандагы мезгил аралыгына токтотулду. Кыргыз Республикасынын Улуттук банкы «Коммерциялык банк КЫРГЫЗСТАН» ААКтын (мындан ары – Банк) «Mbank» мобилдик тиркемесинде кардарлардын акча каражат калдыктарынын туура эмес чагылдырылып жаткандыгы тууралуу даттануулары боюнча төмөнкүлөрдү билдирет. Банк тарабынан сунушталган маалыматка ылайык техникалык иш үзгүлтүгү техникалык өнөктөш тарабынан келип чыккан, натыйжада Банктын кардарларынын эсептериндеги акча каражаттары туура эмес берилген. Улуттук банк өз кезегинде бул техникалык иш үзгүлтүгү боюнча көзөмөл иш-чараларын жүргүзүүдө. Мыйзамда каралган ыйгарым укуктарынын чегинде Улуттук банк жагдайга көз салып, Кыргыз Республикасынын банк системасы үчүн тобокелдиктерди минималдаштыруу жана финансылык кызмат көрсөтүүлөрдү керектөөчүлөрдүн укуктарын коргоо боюнча бардык зарыл чараларды көрүүдө. Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндөгү мыйзам талаптарын бузууга жол бергендиги үчүн бир микрокредиттик компаниясына 55 000 сом өлчөмүндө айып пул салынды. Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош областы, Өзгөн району, Өзгөн шаары, Манас көчөсү, номери жок (болжол: борбордук базар, күрүч сатылган катар) дареги боюнча жайгашкан ЖЧК «Валюта ММА» алмашуу бюросунун 2022-жылдын 21-сентябрындагы № 6362 лицензиясынын аракети 2024-жылдын 13-январынан тартып 19-январын кошо алгандагы мезгил аралыгына токтотулду. Кыргыз Республикасынын Улуттук банкы «Улуттук банк Башкармасынын «Кардарларды аралыктан тейлөө режиминде идентификациялоо жана верификациялоо тартиби жөнүндө» токтомуна өзгөртүүлөрдү киргизүү тууралуу» Улуттук банк Башкармасынын токтом долбоорун (мындан ары – токтом долбоору) коомдук талкууга сунуштайт. Бул токтом долбоору банктын кардарлары - жеке ишкерлерди аралыктан идентификациялоо жана верификациялоо шарттарын кеңейтүү максатында иштелип чыккан. Токтом долбоору Улуттук банктын расмий интернет-сайтында Улуттук банктын ченемдик актылары/Талкууга сунушталган долбоорлор бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган. Сектор токтом долбоору боюнча өз сын-пикирлерин жана сунуштарын 2024-жылдын 12-февралынан кечиктирбестен asadykov@nbkr.kg электрондук дарегине (Word форматында) жөнөтүүсү зарыл. Төлөм системасы боюнча комитетинин 2023-жылдын 28-декабрындагы токтому менен «Тез Пэйментс» жоопкерчилиги чектелген коомуна өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2023-жылдын 28-декабрындагы № 3040281223 лицензиясы берилди. Кыргыз Республикасынын Улуттук банкынын ченемдик укуктук актыларын Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү тармагындагы мыйзамдар талаптарына ылайык келтирүү максатында, Кыргыз Республикасынын Улуттук банк Башкармасы 2023-жылдын 27-декабрында № 2023-П-12/82-7-(НПА) «Кыргыз Республикасынын Улуттук банкынын айрым ченемдик укуктук актыларына террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча өзгөртүүлөрдү киргизүү жөнүндө» токтомун (мындан ары – токтом) кабыл алды. Токтом ошондой эле атайын эсептердин түрлөрүн тактоо жана коммерциялык банктардын капиталдарынын жетиштүүлүгүнүн (шайкештигинин) коэффициенттерин эсептөө маселелери боюнча техникалык мүнөздөгү өзгөртүүлөрдү камтыйт. Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. Ченемдик укуктук актылар Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Банктык жөнгө салуу бөлүгүндө жайгаштырылат. Кыргыз Республикасынын Улуттук банкы «Кыргыз Республикасынын Улуттук банкынын лицензиялоо жөнүндө ченемдик укуктук актыларына өзгөртүүлөрдү киргизүү жөнүндө» жобону бекитүү жөнүндө» Улуттук банк Башкармасынын токтом долбоорун (мындан ары – долбоор) коомдук талкууга чыгарат. Бул долбоор микрофинансылык компанияга уруксат берүүчү документтерди берүүдөгү карама-каршылыктарды четтетүү, ошондой эле микрофинансылык компаниялардын жана «Кредиттик союздардын каржы компаниясы» Ачык акционердик коому адистештирилген финансы-кредиттик уюмунун кызмат адамдарынын иш стажына карата талаптарды кайра карап чыгуу максатында иштелип чыккан. Долбоор Улуттук банктын расмий интернет-сайтында Улуттук банктын ченемдик актылары / Талкууга сунушталган долбоорлор бөлүгүндө жайгаштырылган. Коммерциялык банктар, микрофинансылык компаниялар, Кредиттик союздардын каржы компаниясы» Ачык акционердик коому адистештирилген финансы-кредиттик уюмужана башка кызыкдар болгон тараптар долбоор боюнча сын-пикирлерин жана сунуштарын 2024-жылдын 29-январына чейин zmukashova@nbkr.kg электрондук почтасына (Word форматында) жөнөтүүсү зарыл. Кыргыз Республикасынын Улуттук банкы сүрөтчү-дизайнерлер арасында Кыргыз Республикасынын улуттук валютасынын коллекциялык монеталарынын эскиздеринин долбоорлорун иштеп чыгууга ачык сынак жарыялайт. Сынак өткөрүү шарттары тууралуу маалымат Улуттук банктын расмий интернет-сайтында жайгаштырылган www.nbkr.kg/Сынактар.
Датасы: 29.01.2024
Туруктуу шилтеме
Датасы: 29.01.2024
Туруктуу шилтеме
Датасы: 29.01.2024
Туруктуу шилтеме
Датасы: 27.01.2024
Туруктуу шилтеме
Датасы: 26.01.2024
Туруктуу шилтеме
Датасы: 24.01.2024
Туруктуу шилтеме
Датасы: 24.01.2024
Туруктуу шилтеме
Датасы: 23.01.2024
Туруктуу шилтеме
Датасы: 19.01.2024
Туруктуу шилтеме
Датасы: 19.01.2024
Туруктуу шилтеме
Датасы: 18.01.2024
Туруктуу шилтеме
Датасы: 17.01.2024
Туруктуу шилтеме
Датасы: 16.01.2024
Туруктуу шилтеме
Датасы: 16.01.2024
Туруктуу шилтеме
Датасы: 15.01.2024
Туруктуу шилтеме
Датасы: 15.01.2024
Туруктуу шилтеме
Датасы: 15.01.2024
Туруктуу шилтеме
Датасы: 12.01.2024
Туруктуу шилтеме
Датасы: 10.01.2024
Туруктуу шилтеме
Датасы: 08.01.2024
Туруктуу шилтеме
Датасы: 29.12.2023
Туруктуу шилтеме
Датасы: 29.12.2023
Туруктуу шилтеме
