Улуттук банктын жаңылыктары

Датасы: 29.09.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн бир кошумча алмашуу бюросуна 55 000 сом өлчөмүндө айып пул салынды. 

Датасы: 28.09.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилишинин 30 жылдыгын белгилөө алкагында, 2023-жылдын 28-сентябрында Борбордук Азиядагы Америка университетинде студенттер үчүн атайын лекция окулду. 

Лекциянын жүрүшүндө Улуттук банктын Акча-кредиттик операциялар башкармалыгынын начальниги Козубеков А. студенттерге республиканын борбордук банкынын акча-кредит саясаты жагында жүргүзгөн иши тууралуу айтып берди. 

Лекциянын эң активдүү катышуучулары эстелик сыйлыктар менен сыйланды. 

 

 

 

 

Датасы: 28.09.2023
Туруктуу шилтеме

Кыргыз Республикасынын Улуттук банк Башкармасынын мүчөсү М.Ш. Аттокуров Кыргыз Республикасынын Президентинин Баткен областындагы ыйгарым укуктуу өкүлүнүн алдындагы Ишкерлерди, бизнести жана инвестицияларды колдоо кеңеши тарабынан уюштурулган, ишкерлерди колдоо жана маалымдоо форматында 2023-жылдын 26-сентябрь күнү Баткен шаарында өткөн «Баткен областынын ишкерлери үчүн бизнес жумалыгы» иш-чарасына катышты.  

Иш-чарага өнүктүрүү фондуларынын (Россия-Кыргыз Ɵнүктүрүү фонду, Венгер-Кыргыз Ɵнүктүрүү фонду, Өзбек-Кыргыз Ɵнүктүрүү фонду), коммерциялык банктардын, банк эмес финансы-кредит уюмдарынын өкүлдөрү жана Баткен областынын ишкерлери катышты. 

Иш-чаранын жүрүшүндө ар түрдүү темада суроо-жооптор болду. Финансы-кредит уюмдарынын кредиттик продукттардын жармаңкеси уюштурулду, ишкерлер маалымат алууга, өнүктүрүү институттарынын жана финансы-кредит уюмдарынын методикасы жана практикалык инструменттери менен таанышууга абдан кызыкдар болушту. 

 

 

 

Датасы: 28.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Талас областтык башкармалыгы тарабынан Кыргыз Республикасынын жаранына (Б.А.У.) 17 500 сом өлчөмүндө айып пул салынды. 

 

Датасы: 27.09.2023
Туруктуу шилтеме

Улуттук банкта мүмкүнчүлүгү чектелген адамдар үчүн мобилдик тиркемелерди жакшыртуу жана ыңгайлаштыруу маселеси талкууланды 

Кыргыз Республикасынын Улуттук банкы, мүмкүнчүлүгү чектелген адамдар үчүн мобилдик/банктык тиркемелерди өркүндөтүү жана ыңгайлаштыруу максатында, мобилдик тиркемелерди/интернет-банкингди иштеп чыгуучулар, ошондой эле Кыргыз Республикасынын Эмгек, социалдык камсыздоо жана миграция министрлигинин жана Кыргыз Республикасынын Министрлер Кабинетинин алдындагы Майыптыгы бар адамдардын иштери боюнча кеңештин өкүлдөрү менен жумушчу жолугушуу өткөрдү. 

Жолугушуунун жүрүшүндө коммерциялык банктардын өкүлдөрү жана төлөм системасынын операторлору иштелип жаткан банктык жана мобилдик тиркемелер боюнча шарттарды түзүү максатында уюмдар тарабынан аткарылып жаткан иш-чаралар тууралуу айтып беришти. 

Жолугушуунун катышуучулары мүмкүнчүлүгү чектелген адамдар үчүн банктык жана төлөм кызматтарынын жеткиликтүүлүгүн жакшыртуу боюнча учурдагы көйгөйлөрдү жана сунуштарды талкуулашты. 

 

 

 

 

 

 

Датасы: 27.09.2023
Туруктуу шилтеме

Кыргыз Республикасынын Баткен областында жашап жаткан жарандарга жана чарба ишин жүргүзгөн субъекттерге каржылоодон пайдалануу мүмкүндүгүн арттыруу, административдик-аймактык бирдиктерди, анын ичинде 2022-жылдын сентябрь айында Баткен областында куралдуу кагылышуунун натыйжасында жабыркаган административдик-аймактык бирдиктерди калыбына келтирүү жана өнүктүрүү үчүн зарыл шарттарды түзүүгө көмөк көрсөтүү, ошондой эле Кыргыз Республикасынын Президентинин 2022-жылдын 17-сентябрындагы № 313 «Баткен жана Ош облустарынын административдик-аймактык бирдиктерин калыбына келтирүү жана өнүктүрүү боюнча биринчи кезектеги чаралар жөнүндө» Жарлыгын ишке ашырууга көмөктөшүү максатында, Кыргыз Республикасынын Улуттук банк Башкармасы тарабынан 2023-жылдын 22-сентябрында № 2023-П-12/60-1-(НПА) «Кыргыз Республикасынын Улуттук банк Башкармасынын айрым токтомдоруна өзгөртүүлөрдү киргизүү жөнүндө» токтому (мындан ары – токтом) кабыл алынган. 

Токтомго ылайык Улуттук банк Башкармасынын 2022-жылдын 6-октябрындагы № 2022-П-12/62-2-(НПА) «Баткен жана Ош областтарындагы куралдуу кагылышуунун натыйжасында жабыркаган, коммерциялык банктардын, банк эмес жана адистештирилген финансы-кредит уюмдардын кардарларына колдоо көрсөтүү маселелери боюнча Кыргыз Республикасынын Улуттук банкынын айрым чечимдери тууралуу» жана 2022-жылдын 18-ноябрындагы № 2022-П-12/71-1-(НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» эки токтомунун (мындан ары – токтомдор) колдонуу мөөнөттөрү 2024-жылдын 30-мартына чейин узартылды. 

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.  

Датасы: 27.09.2023
Туруктуу шилтеме

2023-жылдын 24-25-сентябрында Стамбул шаарында (Түркия) өткөн OIC-COMCEC борбордук банктарынын форумунун 5-отурумунун ишине Кыргыз Республикасынын Улуттук банкынын төрагасы К.К. Боконтаевдин катышуусунун алкагында Түркиянын Борбордук банкынын төрагасы Хафизе Гайе Эркан менен эки тараптуу жолугушуу болуп өттү. Мындан тышкары, Форумдун алкагында Кыргыз Республикасынын Улуттук банкынын төрагасы К.К. Боконтаев менен Өзбекстандын Борбордук банкынын төрагасы М.Б. Нурмуратов жана Казакстандын Улуттук банкынын төрагасы Т.М. Сулейменов ортосунда жолугушуулар болду.  

Аталган жолугушууларда тараптар экономикалык кырдаал жана көрүлүп жаткан акча-кредит чаралары тууралуу пикир алмашып, санариптик валюталарды киргизүүнү өнүктүрүү жана өлкөлөрдүн борбордук банктарынын ортосунда банк жана финансы чөйрөлөрүндө кызматташууну чыңдоо маселелерин талкуулашты. 

 

 

 

 

Датасы: 27.09.2023
Туруктуу шилтеме

1. Кыргыз Республикасынын Улуттук банкы «Азия Банкы» жабык акционердик коому тарабынан «Азия Банкы» ЖАКтын директорлор кеңешинин мүчөсү кызмат ордуна сунушталган Бубеев Мухтар Сапаралиевичтин талапкерлигине 2023-жылдын 26-сентябрында макулдук берүү чечимин кабыл алды. 

2. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын директорлор кеңешинин төрагасы кызмат ордуна сунушталган Эржанов Максат Советбековичтин талапкерлигине 2023-жылдын 26-сентябрында макулдук берүү чечимин кабыл алды. 

3. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын директорлор кеңешинин мүчөсү жана аудит боюнча комитеттин төрагасы кызмат ордуна сунушталган Суюмбаева Алтынай Казыбековнанын талапкерлигине 2023-жылдын 26-сентябрында макулдук берүү чечимин кабыл алды. 

4. Кыргыз Республикасынын Улуттук банкы «Кыргыз-Швейцариялык Банк» жабык акционердик коому тарабынан «Кыргыз-Швейцариялык Банк» ЖАКтын директорлор кеңешинин мүчөсү жана аудит боюнча комитеттин төрагасынын кызмат ордуна сунушталган Саломон Бенароштун талапкерлигине 2023-жылдын 26-сентябрында макулдук берүү чечимин кабыл алды. 

 

Датасы: 22.09.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилгендигинин 30 жылдыгын белгилөөнүн алкагында, 2023-жылдын 22-сентябрында Ж. Баласагын атындагы Кыргыз улуттук университетинин студенттери үчүн көчмө лекция өткөрүлдү. 

Лекциянын жүрүшүндө Улуттук банктын өкүлдөрү студенттерге республиканын борбордук банкынын банк секторун жөнгө салуу жаатындагы иши тууралуу айтып беришти. 

Көчмө лекциянын эң активдүү катышуучулары эстелик сыйлыктары менен сыйланышты. 

 

 

 

 

 

 

 

 

Датасы: 21.09.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн төрт алмашуу бюросунун ар бирине 55 000 сом өлчөмүндө айып пул салынды. 

Датасы: 20.09.2023
Туруктуу шилтеме

Кыргыз Республикасынын Улуттук банкынын төрагасы К.К. Боконтаев 2023-жылдын 18- жана 20-сентябрь күндөрү Армян Республикасынын Дилижан шаарында өткөн Евразия экономикалык бирлигине мүчө мамлекеттердин борбордук (улуттук) банктарынын валюта саясаты боюнча Консультациялык кеңешинин 25-отурумуна катышты. 

Отурумдун жүрүшүндө тараптар учурдагы экономикалык кырдаал жана ЕАЭБ өлкөлөрүндө акча-кредит саясатын ишке ашыруу жагында маалымат алмашып, ошондой эле аталган бирликке кирген өлкөлөрдүн ортосундагы кредиттик рейтингдерди таануу жана жалпы финансы рыногун түзүү боюнча иштердин жүрүшү тууралуу маселелерди талкуулашты. 

Мындан тышкары, иш-чаранын алкагында «Жогорку белгисиздик шартында акча-кредит саясаты» темасында тегерек стол өткөрүлүп, анда борбордук банктардын жетекчилери акча-кредит саясаты жаатындагы чакырыктар жана стратегиялар, анын ичинде коммуникация маселелери боюнча пикир алмашышты.  

 

 

 

 

Датасы: 18.09.2023
Туруктуу шилтеме

2023-жылдын 18-сентябрында Кыргыз Республикасынын Улуттук банкында Кыргызстанда “Дүйнөлүк каражат топтоо күнү” масштабдуу маалымат-билим берүү иш-чарасын өткөрүү боюнча өнөктөш уюмдардын жолугушуусу болуп өттү. 

Дүйнөлүк каражат топтоо күнүн өткөрүүнүн максаты – каражат топтоо маданиятын калыптандыруу, балдардын жана жаштардын финансылык сабаттуулугун жогорулатуу, жаратылыш ресурстарына, энергияга сарамжал мамиле кылуу ж.б. 

Дүйнөлүк каражат топтоо күнүнүн алкагында ачык эшик күндөрүн, лекцияларды, интерактивдүү оюндарды, финансы институттарына экскурсияларды жана сынактарды өткөрүү пландаштырылууда. Бул жылы айрым иш-чаралар юбилейлик датага – Кыргыз Республикасынын улуттук валютасы – кыргыз сомунун жүгүртүүгө киргизилгендигинин 30 жылдыгына арналат. Иш-чаранын толук тизмеси Улуттук банктын расмий интернет-сайтында жана финансылык сабаттуулукту жогорулатуу боюнча www.finsabat.kg сайтында жайгаштырылат. 

Маалымат үчүн: Дүйнөлүк каражат топтоо күнү - 2023 Кыргызстанда Кыргыз Республикасынын Билим берүү жана илим министрлиги, эл аралык уюмдар жана өлкөнүн финансы-кредит уюмдары менен биргеликте өткөрүлүп жатат. 

 

Датасы: 15.09.2023
Туруктуу шилтеме

2023-жылдын 15-сентябрында Кыргыз Республикасынын Улуттук банкынын төрагасы К.К. Боконтаев менен Bank of China Limited Директорлор кеңешинин төрагасы Гэ Хайцзяо башында турган делегация ортосунда жолугушуу болуп өттү. 

Жолугушууда банк тармагында эки тараптуу кызматташуу жана Кыргызстандын финансы рыногун өнүктүрүү боюнча өз ара иш алып баруу маселелери талкууланды. 

Мындан тышкары, Кыргыз Республикасынын Улуттук банкы тарабынан учурда өлкөдөгү макроэкономикалык жагдай жөнүндө, атап айтканда, Кыргыз Республикасында акча-кредит саясаты, банк иши, төлөм системалары боюнча жүргүзүлүп жаткан иштер жөнүндө кеңири маалымат берилди. 

Жолугушуунун жыйынтыгында тараптар мындан ары өз ара пайдалуу кызматташууга даярдыгын билдиришти. 

 

 

Датасы: 15.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын ишке ашыргандыгы үчүн Улуттук банктын Ош областтык башкармалыгы тарабынан Кыргыз Республикасынын жаранына (М.З.М.) 17 500 сом өлчөмүндө айып пул салынды. 

Датасы: 15.09.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банк Башкармасынын айрым токтомдоруна өзгөртүүлөрдү киргизүү жөнүндө» Улуттук банк Башкармасынын токтом долбоорун (мындан ары – токтом долбоору) коомдук талкууга сунуштайт. 

Токтом долбоору Кыргыз Республикасынын Улуттук банк Башкармасынын 2022-жылдын 6-октябрындагы № 2022-П-12/62-2-(НПА) «Баткен жана Ош областтарындагы куралдуу кагылышуунун натыйжасында жабыркаган, коммерциялык банктардын, банк эмес жана адистештирилген финансы-кредит уюмдардын кардарларына колдоо көрсөтүү маселелери боюнча Кыргыз Республикасынын Улуттук банкынын айрым чечимдери тууралуу» жана 2022-жылдын 18-ноябрындагы № 2022-П-12/71-1-(НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» токтомдорунун (мындан ары – токтомдор) колдонуу мөөнөттөрүн узартуу зарылдыгына байланыштуу иштелип чыккан, аталган токтомдор 2022-жылдын сентябрь айында Баткен областында болуп өткөн куралдуу кагылышуунун натыйжасында коммерциялык банктардын/микрофинансылык уюмдардын кардарларына колдоо көрсөтүү, ошондой эле Кыргыз Республикасынын Президентинин 2022-жылдын 17-сентябрындагы №313 «Баткен жана Ош областтарынын административдик-аймактык бирдиктерин калыбына келтирүү жана өнүктүрүү боюнча биринчи кезекте көрүлүүчү чаралар жөнүндө» Жарлыгын ишке ашыруу максатында кабыл алынган. 

Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган.  

Коммерциялык банктар, банк эмес жана адистештирилген финансы-кредит мекемелери, кредиттик бюролор жана «Кепилдик фонд» ААК токтом долбоору боюнча өз сын-пикирлерин жана сунуштарын (Word форматында) 2023-жылдын 19-сентябрынан кечиктирбестен jkonoeva@nbkr.kg электрондук дарегине жөнөтүүсү зарыл.  

Датасы: 15.09.2023
Туруктуу шилтеме

2023-жылдын 15-сентябрында Кыргыз Республикасынын Улуттук банкы Кыргыз Республикасынын Эмгек, социалдык камсыздоо жана миграция министрлигинин борбордук аппаратынын кызматкерлери үчүн финансылык сабаттуулук боюнча семинар өткөрдү. Семинардын максаты – Кыргызстандын калкынын финансылык сабаттуулугун жогорулатуу боюнча Улуттук банктын иш-аракети, ошондой эле жеке финансыны башкаруу, каражат топтоо жана финансылык коопсуздук маселелери менен тааныштыруу. 

Семинар Кыргыз Республикасынын Министрлер Кабинетинин 2022-жылдын 16-мартындагы №119-р буйруусу менен бекитилген 2022-2026-жылдарга финансылык жеткиликтүүлүктү жогорулатуу стратегиясын ишке ашыруунун алкагында өткөрүлдү. 

 

 

 

Датасы: 15.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Жалал-Абад областтык башкармалыгы тарабынан Кыргыз Республикасынын жаранына (С.У.Б) 17 500 сом өлчөмүндө айып пул салынды. 

Датасы: 15.09.2023
Туруктуу шилтеме

Кыргыз Республикасынын Улуттук банкы 2023-жылдын 7-сентябрынан тартып 8-сентябрь күндөрү «Микрофинансылык уюмдардын ассоциациясы» ЮЖБ тарабынан уюштурулган Борбордук Азия өлкөлөрүнүн микрофинансылык уюмдарынын экинчи саммитине катышты.  

Бул иш-чарага Борбордук Азиядагы башка өлкөлөрдүн борбордук (улуттук) банктарынын, ассоциацияларынын, эл аралык уюмдарынын жана финансылык институттарынын өкүлдөрү катышышты. 

Саммиттин жүрүшүндө төмөнкү маселелер каралды:  

- Борбордук Азия өлкөлөрүндө микрокаржылоо секторунун өнүгүү келечеги, жетишкендиктери жана чакырыктары; 

- микрокаржылоо секторун жөнгө салуу тажрыйбасы жана өзгөчөлүктөрү; 

- ислам микрокаржылоосу; 

- туруктуу каржылоо; 

- микрокаржылоо секторундагы санариптештирүү; 

- финансы системасынын коомдун өнүгүшүнө тийгизген таасири ж.б. 

 

 

Датасы: 15.09.2023
Туруктуу шилтеме

Кыргыз Республикасынын Президентинин 2023-жылдын 5-сентябрындагы № 217 «Кыргыз Республикасынын Мамлекеттик өнүктүрүү банкы» ачык акционердик коому жөнүндө» жарлыгын аткаруу максатында, Кыргыз Республикасынын Улуттук банк Башкармасы 2023-жылдын 13-сентябрында № 2023-П-12/58-3-(НПА) «Кыргыз Республикасынын Мамлекеттик өнүктүрүү банкы» ААКтын ишин жөнгө салуу боюнча Кыргыз Республикасынын Улуттук банкынын убактылуу чечимдери жөнүндө» токтомун кабыл алды. 

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.  

Датасы: 15.09.2023
Туруктуу шилтеме

Кыргыз Республикасынын Улуттук банкы 2023-жылдын 14-сентябрында Ош, Жалал-Абад жана Баткен областтарынын жалпыга маалымдоо каражаттарынын өкүлдөрү үчүн «Кыргыз Республикасынын банк жана төлөм системаларын өнүктүрүү» темасында окутуу семинарын өткөрдү.  

Семинардын жүрүшүндө өлкөнүн башкы банкынын ролу, функциялары, республиканын аймактарында банк жана төлөм системаларын өнүктүрүү, QR-кодун колдонуу аркылуу төлөө жана акча которуу, калктын финансылык сабаттуулугун жогорулатуу боюнча Улуттук банктын чаралары, санарип төлөм инструменттерин кошуу менен банк жана төлөм системаларын келечекте өнүктүрүү тенденциялары тууралуу маалымат берилди.  

Жолугушуунун жыйынтыгында Улуттук банк тарабынан QR-код колдонуу аркылуу төлөм жүргүзүүнун ыкмалары тууралуу маалыматтык баракчалар таратылды.  

Улуттук банк мезгил-мезгили менен жалпыга маалымдоо каражаттарынын өкүлдөрү үчүн окутуу семинарларын өткөрүп турат жана бул багытта иштерди улантат. 

 

 

 

 

 

Датасы: 14.09.2023
Туруктуу шилтеме

2023-жылдын 13-сентябрында Кыргыз Республикасынын Улуттук банкынын Ош облустук башкармалыгында республиканын аймактарында QR-коддорду колдонуу менен төлөмдөрдү жана которууларды өнүктүрүү боюнча жолугушуу болуп өттү. Жолугушууга Кыргыз Республикасынын Президентинин Аппаратынын Ош областындагы ыйгарым укутуу өкүлчүлүгү, Кыргыз Республикасынын Экономика жана коммерция министрлигине караштуу Ош областтык монополияга каршы жөнгө салуу кызматынын, Кыргыз Республикасынын Финансы министрлигине караштуу Мамлекеттик салык кызматынын Ош шаары боюнча башкармалыгынын жана Жаш ишкерлер ассоциациясы (ЖИА) өкүлдөрү катышышты. 

Жолугушуунун катышуучулары Ош шаарында QR-коддун жайылтылышына кызыкдар экендигин билдирип, калктын маалымдар болушун арттыруу жана финансылык сабаттуулугун жогорулатуу боюнча биргелешкен иш-чараларды өткөрүүнүн зарылдыгын белгилешти. Жолугушуунун жыйынтыгында Улуттук банк тарабынан катышуучуларга QR-кодду колдонуу менен төлөмдөрдү жүргүзүү ыкмалары тууралуу маалыматтык баракчалар таратылды. 

 

 

 

 

Датасы: 14.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Жалал-Абад областтык башкармалыгы тарабынан Кыргыз Республикасынын эки жаранынын (М.у.М. жана Р.Н.Ж.) ар бирине 17 500 сомдон айып пул салынды. 

 

Датасы: 14.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын ишке ашыргандыгы үчүн Улуттук банктын Ош областтык башкармалыгы тарабынан Кыргыз Республикасынын үч жаранынын (Х.Д.Т., Т.Х.М., Н.М.А.) ар бирине 17 500 сом өлчөмүндө айып пул салынды. 

Датасы: 14.09.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банк Башкармасынын 2017-жылдын 8-июнундагы № 2017-П-12/23-1-(НПА) «Банк ишин лицензиялоо жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» Улуттук банк Башкармасынын токтом долбоорун (мындан ары – токтом долбоору) талкууга сунуштайт. 

Токтом долбоору (мындан ары – токтом долбоору) документтерге, айрыкча банктардын капиталына чектүү катышууга ээ болууда жеке адамдардын жана юридикалык жактардын бирдиктүү салык декларациясына талаптарды, кызмат адамдары -резидент эместер тарабынан сунушталуучу документтерге карата талаптарды, тобокелдиктерди тескөө боюнча жана аудит боюнча комитеттердин төрагаларына, банктардын корпоративдик катчысына, айрыкча банктардын директорлор кеңешинин банктын капиталына 50 (элүү) жана андан ашык пайыз катышуу үлүшүнө ээ мүчөлөрүнө карата талаптарды, башка эмитенттердин аффинаждалган стандарттык жана өлчөнгөн куймалары түрүндө баалуу металлдар менен банк операцияларын жүргүзүү укугуна уруксат алууда банктарга карата талаптарды белгилөө, ошондой эле техникалык мүнөздөгү башка өзгөрүүлөрдү киргизүү максатында иштелип чыкты. 

Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө, ошондой эле Ченемдик укуктук актылардын долбоорлорун коомдук талкуулоонун бирдиктүү порталында жайгаштырылган (koomtalkuu.gov.kg/ru). 

Коммерциялык банктар токтом долбоору боюнча өз сын-пикирлерин жана сунуштарын 2023-жылдын 12-октябрынан кечиктирбестен zosokeeva@nbkr.kg электрондук дарегине (Word форматында) жөнөтүүсү зарыл.  

Датасы: 13.09.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаары, Кожевенная көчөсү 1, Чымкент токтотмосу 14Б (эскиси № 93) дареги боюнча жайгашкан ЖЧК «Асель плюс» алмашуу бюросунун 2023-жылдын 16-мартындагы № 6489 лицензиясынын аракети 2023-жылдын 13-сентябрынан тартып 22-сентябрын кошо алгандагы мезгил аралыгына токтотулду. 

Датасы: 13.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын  

Жалал-Абад областтык башкармалыгы тарабынан Кыргыз Республикасынын жаранына (Ш.З.Т.) 17 500 сом өлчөмүндө айып пул салынды. 

Датасы: 12.09.2023
Туруктуу шилтеме

Кыргыз Республикасынын Улуттук банкы «Капитал Банк» ачык акционердик коому тарабынан «Капитал Банк» ААКтын директорлор кеңешинин көз карандысыз мүчөсү/аудит боюнча комитеттин төрагасы кызмат орундарына сунушталган Нурматова Эльвира Мураталыевнанын талапкерлигине 2023-жылдын 12-сентябрында макулдук берүү чечимин кабыл алды. 

Датасы: 12.09.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун коомдук талкууга сунуштайт. 

Токтом долбоору туунду караштуу компаниялар жүзөгө ашырууга укуктуу иштин түрлөрүн кеңейтүү, банктар алар менен операцияларды жүргүзүүгө укуктуу баалуу металлдарга коюлган талаптарды кеңейтүү, ошондой эле Кыргыз Республикасынын мыйзамдарынын жаңы ченемдерине ылайык Улуттук банктын ченемдик укуктук актыларынын талаптарын актуалдаштыруу максатында иштелип чыккан. 

Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg/ru)жайгаштырылган.  

Кызыкдар тараптар токтом долбоору боюнча өз сын-пикирлерин жана сунуштарын 2023-жылдын 12-октябрынан кечиктирбестен bimasheva@nbkr.kg электрондук дарегине (Word форматында) жөнөтүүсү зарыл.  

 

 

Датасы: 12.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Талас областтык башкармалыгы тарабынан Кыргыз Республикасынын жаранына (Т.Г.Т.) 17 500 сом өлчөмүндө айып пул салынды. 

Датасы: 12.09.2023
Туруктуу шилтеме

Борбордук (улуттук) банктардын персоналдарын кесиптик окутуу маселелери боюнча Координациялык кеңештин 38-отуруму 

 

 

Кыргыз Республикасынын Улуттук банкы көп жылдардан бери ЕАЭБге мүчө мамлекеттердин борбордук (улуттук) банктарынын персоналдарын кесиптик окутуу маселелери боюнча Координациялык кеңештин ишине активдүү катышып келет. 

Координациялык кеңештин иш планына ылайык, 2023-жылдын 6-7-сентябрында анын кезектеги отуруму болуп өттү, бул жолку отурумду Кыргыз Республикасынын Улуттук банкы уюштурду. 

Отурумдун жүрүшүндө төмөнкү маселелер каралды: 

- борбордук (улуттук) банктардын персоналдарын кесиптик окутуу маселелери боюнча Координациялык кеңештин 2023-жылдын 8 ай ичиндеги ишинин жыйынтыгы; 

-  Борбордук (улуттук) банктардын персоналдарын окутуу программасына 2023-жылы өзгөртүүлөрдү жана толуктоолорду киргизүү; 

- Борбордук (улуттук) банктардын персоналдарын кесиптик окутуу программасынын долбоорун 2024-жылга түзүү жана башка маселелер. 

Координациялык кеңештин ишинин жыйынтыгында борбордук банктардын кызматкерлери ар башка борбордук банктарда кесиптик такшалуудан өтүү, ошондой эле банк секторунун ар кандай багыттары боюнча тажрыйба алмашуу мүмкүнчүлүгүнө ээ. 

2023-жылдын 8 айы ичинде 2274 адам катышкан 46 иш-чара болуп өттү. 

Координациялык кеңеш борбордук (улуттук) банктардын адистеринин квалификациясын жогорулатуу, ошондой эле эл аралык байланышты бекемдөө максатында өз ишин улантат. 

 

 

 

 

 

 

 

Датасы: 08.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын үч жаранынын (У.М.И., Д.А.М., И.С.Б.) ар бирине 17 500 сом өлчөмүндө айып пул салынды. 

Датасы: 08.09.2023
Туруктуу шилтеме

1. Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн бир алмашуу бюросуна 55 000 сом өлчөмүндө айып пул салынды. 

2. Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын эки жаранынын (Б.у.Т., К.С.М.) ар бирине 17 500 сом өлчөмүндө айып пул салынды. 

Датасы: 07.09.2023
Туруктуу шилтеме

Кыргыз Республикасынын Улуттук банк Башкармасы 2023-жылдын 30-августунда № 2023-П-12/55-1-(НПА) «Кыргыз Республикасынын Улуттук банкынын айрым ченемдик укуктук актыларына кредиттик маалымат алмашуу жана кыймылсыз мүлк маселелери боюнча өзгөртүүлөрдү киргизүү жөнүндө» токтомун кабыл алды.  

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. 

Ченемдик укуктук акт Улуттук банктын расмий интернет-сайтында: www.nbkr.kg/ Банк тууралуу/Улуттук банктын ченемдик актылары/ Банктык жөнгө салуу жана Банк эмес финансы мекемелер ишин жөнгө салуу бөлүгүндө жайгаштырылат.  

Датасы: 07.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын үч жаранынын (И.у.М., М.у.Б., Н.С.Н.) ар бирине 17 500 сом өлчөмүндө айып пул салынды. 

Датасы: 05.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын эки жаранынын ар бирине (Э.к.А., К.А.З.) 17 500 сом өлчөмүндө айып пул салынды. 

Датасы: 05.09.2023
Туруктуу шилтеме

КЫРГЫЗ РЕСПУБЛИКАСЫНЫН УЛУТТУК БАНКЫ 

 

маалымат базасына талапкерлерди тандоо боюнча ачык сынак жарыялайт: 

 

 

- банктын жоюучусу (ликвидатор) 

 

- банктын убактылуу администратору 

 

Кыргыз Республикасынын Улуттук банкынын маалымат базасына киргизилген талапкерлер андан ары банктын жоюучусу же убактылуу администратору катары тиешелүү жагдайлар жаралган учурда дайындалышы мүмкүн. 

Жоюучунун же убактылуу администратордун эмгек акысынын өлчөмү банктын системалык маанилүүлүгүн жана орун алган көйгөйлөрдүн бар экендигин эске алуу менен банктын жетекчисинин эмгек акысынын деңгээлинде белгиленет. 

 

Документтерди 2023-жылдын 29-сентябрында саат 17:00дөн кечиктирбестен тапшыруу зарыл.  

Белгиленген убакыттан кийин тапшырылган документтер кабыл алынбайт жана каралбайт. 

Жалпы квалификациялык талаптар, функционалдык милдеттер тууралуу кеңири маалымат жана сынакка катышуу үчүн талап кылынган документтер тизмеги Кыргыз Республикасынын Улуттук банкынын расмий интернет-сайтынын «Сынактар» бөлүгүндө жайгаштырылган. 

 

Бардык суроолор менен 31-29-37 телефону аркылуу комиссиянын катчысына кайрылсаңыздар. 

 

Датасы: 01.09.2023
Туруктуу шилтеме

«Региональные платежные системы» («РПС») ЖЧКнын (мындан ары - «РПС» ЖЧК) атайын жөнгө салуу режиминин алкагында 2021-жылдын 1-сентябрынан 2023-жылдын 28-августуна чейин жүргүзүлгөн төмөнкү банктык операциялардын чектелген тизмесинин жүзөгө ашырылышын тесттен өткөрүү ийгиликтүү деп табылды: 

- электрондук акча ээлерине электрондук акча менен операцияларды жүргүзүү, анын ичинде алардын ордун жабуу мүмкүнчүлүгүн берүү менен накталай же накталай эмес акча каражаттарына алмаштыруу аркылуу өз электрондук акчасын жүгүртүүгө чыгаруу (эмиссия); 

- соода-тейлөө ишканалары менен POS-терминалдарды орнотуу/сатылуучу товарларга, иштерге, соода-тейлөө ишканаларынын көрсөткөн кызматтарына төлөө үчүн төлөм каражаты катары QR-коддорду колдонуу жана банктык карталарды кабыл алуу боюнча келишимдик мамиле түзүү, ошондой эле коммерциялык банктар жана/же электрондук акча менен эсептешүү системасынын операторлору менен түзүлгөн келишимдердин алкагында соода-тейлөө ишканаларында эсептешүүлөрдү камсыз кылуу аркылуу POS-терминалдар, анын ичинде виртуалдык жана мобилдик POS-терминалдар, ошондой эле QR-коддорду колдонуу аркылуу электрондук коммерция жүргүзүү максатында, банктык карталар эквайринги («Элкарт» улуттук төлөм системасы, Visa менен Mastercard эл аралык төлөм системалары), анын ичинде интернет-эквайринг. 

«РПС» ЖЧКнын атайын жөнгө салуу режиминин мөөнөтү тесттен өткөн операцияларды жана кызмат көрсөтүүлөрдү төлөм системалары операторлору/төлөм уюмдары тарабынан сунушталышына тоскоолдуктарды жокко чыгаруучу тиешелүү ченемдик укуктук акт кабыл алганга чейин узартылды. 

«РПС» ЖЧК атайын жөнгө салуу режиминин катышуучусу болуп саналат. 

Датасы: 01.09.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Жалал-Абад областтык башкармалыгы тарабынан Кыргыз Республикасынын эки жаранынын (С.И.И. жана Б.М.А.) ар бирине 17 500 сом өлчөмүндө айып пул салынды. 

Датасы: 30.08.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ысык-Көл областтык башкармалыгы тарабынан Кыргыз Республикасынын бир жаранына (М.Ж.К.) 17 500 сом өлчөмүндө айып пул салынды. 

 

Датасы: 30.08.2023
Туруктуу шилтеме

Кыргыз Республикасынын Улуттук банкы  

Кыргыз Республикасынын улуттук валютасынын жүгүртүүгө киргизилишинин  

30 жылдыгына арналган «Сом – Кыргызстандын жүзү» темасында балдар жана жаштар арасында 

эссе жазуу боюнча республикалык сынак жарыялайт 

 

Кыргыз Республикасынын Улуттук банкы Кыргыз Республикасынын улуттук валютасынын жүгүртүүгө киргизилишинин 30 жылдыгына арналган 12-15 жаш курактагы балдар арасында эссе жазуу боюнча республикалык сынак жарыялайт. 

Сынакка катышуу үчүн талапкерлер 2023-жылдын 1-сентябрынан 1-октябрына чейинки мезгилде https://forms.gle/FVUxucXgviNxEYxm8 дарек боюнча онлайн-өтүнмө толтуруп, сынакка деген эмгектерин Улуттук банктын кызматкерлеринин электрондук почтасына жөнөтүүсү зарыл. 

Сынак боюнча эмгектерди баалоонун негизги критерийлери:  

· теманы ачуу; 

· логикалык жана ырааттуу ой жүгүртүү; 

· кошумча материалдарды колдонуу; 

· тыянак. 

Жеңүүчүлөрдүн ысымдары 2023-жылдын 24-октябрында жарыяланат. 

Кыргыз Республикасынын улуттук валютасынын жүгүртүүгө киргизилишинин 30 жылдыгына арналган «Сом – Кыргызстандын жүзү» темасында балдар жана жаштар арасында эссе жазуу боюнча республикалык чыгармачылык сынак өткөрүү тартиби шилтемеде. 

Датасы: 29.08.2023
Туруктуу шилтеме

Коммерциялык банктардын алмашуу бюролору менен чет өлкө валютасын сатып алуу/сатуу боюнча операцияларды жүргүзүүсүнө коюлган чектөөлөрдү убактылуу алып салуу максатында, Кыргыз Республикасынын Улуттук банк Башкармасы 2023-жылдын 28-августунда № 2023-П-12/54-3-(НПА) «Кыргыз Республикасынын Улуттук банк Башкармасынын 2022-жылдын 5-сентябрындагы № 2022-П-33/55-1-(НПА) «Кыргыз Республикасынын Улуттук банк Башкармасынын 2022-жылдын 22-июлундагы № 2022-П-33/45-2-(НПА) «Чет өлкө валютасында алмашуу операцияларын жүргүзүү чөйрөсүндө убактылуу чечимдер жөнүндө» токтомунун аракетин убактылуу токтотуу тууралуу» токтомуна өзгөртүү киргизүү жөнүндө» токтомун кабыл алды.  

Ушул токтом менен Улуттук банк Башкармасынын 2022-жылдын 22-июлундагы № 2022-П-33/45-2-(НПА) «Чет өлкө валютасында алмашуу операцияларын жүргүзүү чөйрөсүндө убактылуу чечимдер жөнүндө» токтомунун аракети 2024-жылдын 1-февралына чейин убактылуу токтотулат. 

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. 

Датасы: 29.08.2023
Туруктуу шилтеме

Кыргыз Республикасынын Улуттук банкы  

эсептик ченди 13,00 пайыз деңгээлинде сактап калды 

 

Кыргыз Республикасынын Улуттук банк Башкармасы 2023-жылдын 28-августунда эсептик ченди (негизги ченди) 13,0 пайыз деңгээлинде сактап калуу чечимин кабыл алды. Чечим 2023-жылдын 29-августунан тартып күчүнө кирет. 

Тышкы экономикалык чөйрөдө баа конъюнктурасы глобалдуу инфляциянын бара-бара басаңдоо мүнөзүнө ээ болгон, бул көпчүлүк өлкөлөрдө катуулатылган акча-кредиттик шарттардын азык-түлүк рынокторунда дүйнөлүк баалардын акырындап төмөндөшү менен айкалышта шартталган. Бирок базалык инфляция көрсөткүчүнүн динамикасы жогору мааниде туруктуу сакталууда. Дүйнө жүзүндө жогору белгисиздиктин сакталып турушунун алкагында жогоруда белгиленген мына ушул бардык факторлор дүйнөлүк инфляциянын акырындап төмөндөшүн шарттоодо.  

Кыргыз Республикасында жылдык инфляция көрсөткүчү төмөндөгөндүгү байкалган – 2023-жылдын август айында (18ине карата) жылдык мааниде инфляция 9,4 пайызды, өтүп жаткан жылдын башталышынан тартып – 5,3 пайызды түзгөн. Жемиштерге жана жашылчаларга, майларга жана тоң майларга баалардын сезондук арзандашы азык-түлүк инфляция көрсөткүчүнүн төмөндөшүнө өбөлгө түзүүдө, ошол эле учурда азык-түлүктөн башка товарларга жана кызмат көрсөтүүлөргө баалардын туруктуу сакталып турушу инфляциялык процесстердин басаңдоосун ооздуктоодо.  

Кызмат көрсөтүүлөр секторундагы керектөө жигердүүлүгү Кыргыз Республикасынын экономикасынын өсүшүнө негизги салымды кошууда. 2023-жылдын январь-июль айларында өлкөнүн реалдуу ИДӨсүнүн өсүшү 2,9 пайызды түзгөн (“Кумтөр” алтын кенин казып алуу ишканаларын эске албаганда – 4,3 пайыз). Жүргүзүлүп жаткан бюджет-салык саясаты жана банк секторунун керектөө кредиттери көлөмүнүн өсүшү ички суроо-талапты салыштырмалуу жогору деңгээлде сактоо менен мамлекеттик жана жеке керектөөнүн артышына өбөлгө түзүүдө.  

Улуттук банк тарабынан көрүлүп жаткан иш-чаралар акча жана валюта рынокторунда туруктуу жагдайдын сакталып турушуна шарт түзгөн жана инфляция деңгээлинин төмөндөшүнө багытталган. Банк системасында ресурстук базанын артышы жана сом түрүндө ликвиддүүлүктүн жогору деңгээли сакталып тургандыгы байкалууда, ушундан улам экономикада кредиттөө деңгээлинин өсүшү сакталууда. 

Бир аз басаңдагандыгына карабастан, кыска жана орто мөөнөттүү келечекке инфляцияга түрткү берген тобокелдиктер сакталып турат. Учурдагы тарифтик саясат курсуна байланыштуу да инфляциялык күтүүлөр туруктуу сакталып турат. 

Учурда түптөлүп турган шарттарды эске алуу менен Улуттук банк эсептик чен өлчөмүн 13,00 пайыз деңгээлинде калтыруу чечимин кабыл алды. Эсептик чен боюнча кабыл алынган бул чечим ички инфляциялык процесстердин мындан ары да басаңдашына жана инфляция боюнча максаттуу көрсөткүчтөр орто мөөнөттүү келечекте 5-7 пайызга жетишине шарт түзөт.  

Улуттук банк түптөлүп жаткан жагдайга туруктуу негизде көз салып турат. Кандайдыр бир тобокелдиктер келип чыккан шартта Улуттук банк жүргүзүлүп жаткан монетардык саясатка кошумча корректировкаларды киргизиши мүмкүн.  

Кыргыз Республикасынын Улуттук банк Башкармасынын эсептик чен өлчөмү боюнча кийинки пландык отуруму 2023-жылдын 30-октябрында өткөрүлөт. 

Датасы: 28.08.2023
Туруктуу шилтеме

Кыргыз Республикасынын Улуттук банкы «Кредиттик бюролордун уставдык капиталынын минималдуу өлчөмү жөнүндө» Улуттук банк Башкармасынын токтом долбоорун (мындан ары – долбоор) коомдук талкууга чыгарат. 

Сунушталган долбоор Кыргыз Республикасынын 2023-жылдын 29-мартындагы № 74 «Насыялык маалымат алмашуу жөнүндө» Кыргыз Республикасынын Мыйзамына өзгөртүүлөрдү киргизүү тууралуу» мыйзамын ишке ашыруу максатында иштелип чыкты. 

Долбоор Улуттук банктын расмий интернет-сайтында Улуттук банктын ченемдик актылары / Талкууга сунушталган долбоорлор бөлүгүндө жайгаштырылган. 

Кредиттик бюролор жана башка кызыкдар болгон тараптар долбоор боюнча сын-пикирлерин жана сунуштарын 2023-жылдын 28-сентябрына чейин zmukashova@nbkr.kg электрондук почтасына (word форматында) жөнөтүүсү зарыл. 

 

Датасы: 28.08.2023
Туруктуу шилтеме

Кыргыз Республикасынын Улуттук банкы «Кредиттик бюролордун ишин лицензиялоо жөнүндө» жобону бекитүү жөнүндө» Улуттук банк Башкармасынын токтом долбоорун (мындан ары – долбоор) коомдук талкууга чыгарат. 

Аталган долбоор Кыргыз Республикасынын 2023-жылдын 29-мартындагы № 74 «Насыялык маалымат алмашуу жөнүндө» Кыргыз Республикасынын Мыйзамына өзгөртүүлөрдү киргизүү тууралуу» мыйзамынын жоболорун эске алуу менен «Кредиттик бюролордун ишин лицензиялоо жөнүндө» жобонун нормаларын актуалдаштыруу максатында иштелип чыкты. 

Долбоор Улуттук банктын расмий интернет-сайтында Улуттук банктын ченемдик актылары / Талкууга сунушталган долбоорлор бөлүгүндө жайгаштырылган. 

Кредиттик бюролор жана башка кызыкдар болгон тараптар долбоор боюнча сын-пикирлерин жана сунуштарын 2023-жылдын 28-сентябрына чейин zmukashova@nbkr.kg электрондук почтасына (word форматында) жөнөтүүсү зарыл. 

Датасы: 28.08.2023
Туруктуу шилтеме

Улуттук банк Кыргыз Республикасынын Министрлер Кабинетинин 2023-жылдын 16-мартындагы № 119-р буйругу менен бекитилген Кыргыз Республикасынын 2022-2026-жылдарга карата финансылык жеткиликтүүлүк боюнча улуттук стратегиясын ишке ашыруунун алкагында, Aflatoun International эл аралык уюму менен бирдикте 2023-жылдын 27-августунан 29-августуна чейин билим берүү стандарттарына финансылык сабаттуулук боюнча компетенцияларды киргизүү боюнча улуттук семинар өткөрдү. 

Иш-чарага Кыргыз Республикасынын Билим берүү жана илим министрлигинин, Кыргыз Республикасынын Эмгек, социалдык камсыздоо жана миграция министрлигинин, ошондой эле балдарга жана жаштарга социалдык жана финансылык билим берүү жаатындагы демилгелерди илгерилетүүгө кызыкдар эл аралык жана өкмөттүк эмес уюмдардын өкүлдөрү катышышты. 

Иш-чаранын жыйынтыгы боюнча «Адам жана коом» предметинин билим берүү стандартына Aflatoun International программаларынын компетенцияларын интеграциялоо боюнча келечекке каралган планды иштеп чыгуу жөнүндө чечим кабыл алынды. 

Маалымат катары: 

Aflatoun International – бул 109 мамлекетте 300дөн ашуун өнөктөш уюмдар менен иштешип, балдар жана жаштар үчүн социалдык жана финансылык билим берүү программаларын ишке ашырган өнөктөштүк уюмдарынын тез өнүгүп жаткан тармагы. 

 

,

 

 

Датасы: 28.08.2023
Туруктуу шилтеме

Кыргыз Республикасынын Улуттук банкы «Mobile & Television Communications» (Мобайл энд Телевижн Коммуникейшнс) жоопкерчилиги чектелген коомунун жайгашкан жери (юридикалык дареги) өзгөргөндүгүнө байланыштуу 2023-жылдын 24-августунда 2015-жылдын 12-июнундагы № 2012120615 жана 2015-жылдын 12-июнундагы № 3011120615 лицензиялары кайра таризделгендигин билдирет. 

Датасы: 28.08.2023
Туруктуу шилтеме

Кыргыз Республикасынын Улуттук банкынын ченемдик укуктук актыларын Кыргыз Республикасынын Министрлер Кабинетинин 2022-жылдын 18-ноябрындагы № 637 «Кыргыз Республикасынын аймагында санариптик документтерди пайдаланууну киргизүү максатында Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө» токтомуна ылайык келтирүүнүн алкагында, Кыргыз Республикасынын Улуттук банк Башкармасы 2023-жылдын 23-августунда № 2023-П-14/53-5-(ПС) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтомун кабыл алды (мындан ары – токтом).  

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. 

Датасы: 24.08.2023
Туруктуу шилтеме

Кыргыз Республикасынын мыйзам талаптарын жана Кыргыз Республикасынын Улуттук банкынын ченемдик укуктук актыларынын талаптарын бузууга жол бергендиги үчүн бир микрокредиттик компаниясына 55 000 сом өлчөмүндө айып пул салынды.  

Датасы: 24.08.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ысык-Көл областтык башкармалыгы тарабынан Кыргыз Республикасынын бир жаранына (К.Д.К.) 17 500 сом өлчөмүндө айып пул салынды.  

 

Датасы: 24.08.2023
Туруктуу шилтеме

Кыргыз Республикасынын Улуттук банкы «Мобильный Кошелёк» ЖЧКнын жайгашкан жеринин дарегинин өзгөрүшүнө байланыштуу 2023-жылдын 21-августунда төлөм системасынын операторунун № 2004290515 жана төлөм уюмунун № 3003290515 лицензиялары кайра таризделгендигин билдирет. 

Датасы: 23.08.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаары, Чүй проспекти 92, «Чынар» соода борбору, 1-кабат, м-7А кеңсеси дареги боюнча жайгашкан ЖЧК «ТЕШКА» алмашуу бюросунун 2021-жылдын 25-ноябрындагы № 6230 лицензиясынын аракети 2023-жылдын 23-августунан тартып 6-сентябрын кошо алгандагы мезгил аралыгына токтотулду. 

Датасы: 23.08.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Мамлекеттик өнүктүрүү банкы» ачык акционердик коому тарабынан «Кыргыз Республикасынын Мамлекеттик өнүктүрүү банкы» ААКтын башкармасынын төрагасынын орун басары кызмат ордуна сунушталган Жоробеков Азаматбек Жолборсовичтин талапкерлигине 2023-жылдын 22-августунда макулдук берүү чечимин кабыл алды. 

Датасы: 18.08.2023
Туруктуу шилтеме

Ченемдик укуктук актынын долбоорун иштеп чыгуу жөнүндө 

БИЛДИРҮҮ 

 

Кыргыз Республикасынын Улуттук банкы укуктук жөнгө салууну талкуулоо башталгандыгы жана кызыкдар болгон жактардын сунуштарын чогултуу жөнүндө маалымдайт. 

 

1. Проблемалар жана негиздер 

Кыргыз Республикасынын аймагында эл аралык төлөм системаларынын инновациялык чечимдерин сактоо жана эл аралык төлөм системаларынын банктык төлөм карталарын пайдалануу менен төлөмдөрдүн үзгүлтүксүз өтүшүн камсыз кылуу, ошондой эле банктык жана төлөм кызмат көрсөтүүлөр рыногунда атаандаштыкты кеңейтүү, анын ичинде улуттук валютада банктык төлөм карталарын пайдалануу менен жүргүзүлгөн төлөмдөр боюнча финансылык маалыматтарды чогултуу, иштеп чыгуу жана сактоо зарылдыгына байланыштуу Кыргыз Республикасынын мыйзамдарына ички мамлекеттик төлөмдөрдү иштеп чыгуу боюнча талаптар бөлүгү боюнча өзгөртүүлөрдү киргизүү сунушталат. 

 

2. Сунушталып жаткан жөнгө салуунун максаты 

Мамлекеттик жөнгө салуунун максаты болуп, банктык төлөм карталарынын негизинде төлөм кызмат көрсөтүүлөрү/санариптик технологиялар рыногун андан ары өнүктүрүү үчүн тоскоолдуктарды четтетүү, төлөмдөр жана эсептешүүлөр чөйрөсүндө маалыматтык технологияларды, электрондук, мобилдик, санариптик кызмат көрсөтүүлөрдү тездик менен өнүктүрүү шарттарында бирдиктүү төлөм мейкиндигин түзүү үчүн шарттарды камсыз кылуу, ошондой эле Кыргыз Республикасынын төлөм системасынын натыйжалуулугун, ишенимдүүлүгүн жана коопсуздугун камсыз кылуу саналат. Белгиленген максатка жетүү үчүн «Кыргыз Республикасынын төлөм системасы жөнүндө» Кыргыз Республикасынын мыйзамына өзгөртүүлөрдү киргизүү сунушталат. 

 

3. Сунушталган жөнгө салуудан күтүлүп жаткан пайдага жана артыкчылыктарга баа берүү 

Сунушталган жөнгө салуунун күтүлүп жаткан артыкчылыктары жана пайдасы: 

- жаңы катышуучулардын рыноктун айрым сегменттерине кирүүсүнө жол берүү аркылуу банктык жана төлөм кызмат көрсөтүүлөр рыногунда атаандаштыкты кеңейтүү; 

- Кыргыз Республикасынын төлөм системасынын натыйжалуулугун, ишенимдүүлүгүн жана коопсуздугун жогорулатуу; 

- санариптик төлөм технологияларын киргизүү жана өнүктүрүү үчүн жагымдуу шарттарды түзүү; 

- накталай эмес төлөмдөрдүн жана эсептешүүлөрдүн үлүшүн көбөйтүү жана көмүскө экономиканын деңгээлин төмөндөтүү; 

- төлөм инфраструктурасын өнүктүрүү; 

 

4. Келип чыгышы мүмкүн болгон алгылыксыз натыйжаларга баа берүү 

Сунушталган жөнгө салууну киргизүү менен терс кесепеттердин пайда болушу күтүлбөйт. 

 

5. Ишкердик субъекттери – жөнгө салуу сунушталган адресат боюнча мүнөздөмө жана санына баа берүү 

Финансы-кредит уюмдары, адистештирилген финансы-кредит мекемелери, төлөм системасынын операторлору жана төлөм уюмдары жана түзүлгөн келишимдердин негизинде Кыргыз Республикасынын аймагында калкка төлөм кызмат көрсөтүүлөрүн сунуштаган алардын агенттери төлөм системасынын катышуучулары болуп саналышат. 

2023-жылдын 1-августуна карата абал боюнча Кыргыз Республикасынын аймагында: 

- 23 коммерциялык банктар; 

- 25 төлөм системасынын операторлору; 

- 26 төлөм уюму; 

- банктык төлөм карталарын пайдалануу менен эсептешүүлөрдүн 7 эл аралык төлөм системасы; 

- 15 эл аралык акча которуу системасынын операторлору; 

- 2 өз ара аракеттенүү оператору; 

- банктык төлөм карталары менен операцияларды иштеп чыгуу боюнча 7 процессинг борборунун оператору. 

 

6. Сунушталып жаткан жөнгө салууну колдонууга киргизүүдөн улам потенциалдуу адресаттардын кошумча чыгашаларын жана пайдасын болжолдуу баалоо 

Сунушталган жөнгө салууну киргизүү процессинг системалары ортосунда хост аралык кошууларды уюштуруу боюнча төлөм системаларынын катышуучулары менен процессинг борборлорунун операторлорунда белгилүү бир чыгашаларды жаратышы мүмкүн. 

Мында сунушталган жөнгө салууну киргизүү калкка көрсөтүлүүчү төлөм кызматтарынын сапатын, жеткиликтүү болушун, коопсуздугун жогорулатууга, ар түрдүү кызматтарды сунуштоого мүмкүндүк берет. 

 

7. Сунушталып жаткан жөнгө салууну киргизүүгө байланыштуу Кыргыз Республикасынын бюджетинин чыгашаларын жана пайдаларын болжолдуу баалоо 

Сунушталган жөнгө салууну киргизүү республикалык бюджеттен кошумча финансылык чыгымдарга алып келбейт. Мында калктын финансы секторуна болгон ишениминин өсүшүнө жана калкка көрсөтүлгөн банктык жана төлөм кызмат көрсөтүүлөрүнүн көлөмүнүн көбөйүшүнө байланыштуу төлөм кызмат көрсөтүүлөр рыногунун катышуучуларынан салыктык чегерүүлөр көбөйүшү мүмкүн. 

 

Билдирүүгө төмөнкүлөр тиркелет: 

1. Коомдук консультациялардын катышуучулары үчүн суроолордун тизмеси: 

- «Кыргыз Республикасынын төлөм системасы жөнүндө» Кыргыз Республикасынын мыйзамына өзгөртүү киргизүү жолу менен чечүүнү талап кылган, көрсөтүлгөн көйгөйлөр туура болуп саналабы же Улуттук банктын ченемдик-укуктук актыларынын деңгээлинде жөнгө салуу жетиштүүбү; 

- көрсөтүлгөн максат ага жетүү үчүн негиздүү, маанилүү болуп саналабы; 

- сунушталып жаткан жөнгө салуу проблемаларды чечүү үчүн кыйла артыкчылыктуу ыкма болуп саналабы («Кыргыз Республикасынын төлөм системасы жөнүндө» Кыргыз Республикасынын мыйзамына өзгөртүүлөр); 

- «Кыргыз Республикасынын төлөм системасы жөнүндө» Кыргыз Республикасынын мыйзамына сунушталган өзгөртүүлөр кабыл алынган учурда кандай пайда жана артыкчылыктар келип чыгышы мүмкүн; 

- «Кыргыз Республикасынын төлөм системасы жөнүндө» Кыргыз Республикасынын мыйзамына сунушталган өзгөртүүлөр кабыл алынган учурда кандай тобокелдиктер жана терс натыйжалар орун алышы мүмкүн; 

- көйгөйлөрдү чечүүнүн альтернативдүү, кыйла натыйжалуу ыкмалары барбы; 

- «Кыргыз Республикасынын төлөм системасы жөнүндө» Кыргыз Республикасынын мыйзамына сунушталган өзгөртүүлөр боюнча жалпы пикир; 

- жогоруда баяндалган проблемалардын алкагында Кыргыз Республикасынын дагы кайсы мыйзам актыларын кайра карап чыгуу зарыл жана комплекстүү өзгөртүүлөрдү киргизүү мүмкүн. 

Суроолордун тизмеси кеңейтилиши мүмкүн. 

 

Байланышуу үчүн маалымат жана сунуштарды талкуулоо үчүн мөөнөттөр: 

1. Сунуштарды кабыл алуу:
- электрондук почта аркылуу	asyrgataev@nbkr.kg
- почта дареги аркылуу	720001, Кыргыз Республикасы, Бишкек ш., Чүй пр., 168
2. Сунуштарды кабыл алуу мөөнөтү	2023-жылдын 2-сентябрынан кечиктирбестен
3. Сунуштар жана жооптор реестрин Улуттук банктын расмий интернет-сайтына жайгаштыруу мөөнөтү	2022-жылдын 6-сентябрынан кечиктирбестен

 

Датасы: 18.08.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн төмөнкү алмашуу бюролорунун лицензияларынын аракети токтотулду: 

2023-жылдын 17-августунан тартып 26-августун кошо алгандагы мезгил аралыгына: 

- Бишкек шаары, 7-кичирайону, 37/2-үй, «Сеул Плаза» соода борбору, 01-соода жайы дареги боюнча жайгашкан ЖЧК «Азия Трэвэл» алмашуу бюросунун 2022-жылдын 4-ноябрындагы № 6394 лицензиясы; 

- Бишкек шаары, Садырбаев көчөсү, 107 «Фрунзе» СБ дареги боюнча жайгашкан ЖЧК «ДИМ ПРОФИ» алмашуу бюросунун 2020-жылдын 2-октябрындагы № 6009 лицензиясы; 

- Чүй областы, Панфилов району, Чалдыбар айылы, Ленин көчөсү 51-үй дареги боюнча жайгашкан ЖЧК «Ислам КЭШ» алмашуу бюросунун 2021-жылдын 22-июлундагы № 6173 лицензиясы; 

- Бишкек шаары, Бөкөнбаев көчөсү 96А дареги боюнча жайгашкан ЖЧК «БаРаКа-финанс М» алмашуу бюросунун 2022-жылдын 18-августундагы № 6342 лицензиясы. 

Датасы: 15.08.2023
Туруктуу шилтеме

1. Кыргыз Республикасынын Улуттук банкы «Халык Банк Кыргызстан» ачык акционердик коому тарабынан «Халык Банк Кыргызстан» ААКтын башкармасынын мүчөсү/башкаруучу директору кызмат ордуна сунушталган Баландин Олег Александровичтин талапкерлигине 2023-жылдын 15-августунда макулдук берүү чечимин кабыл алды. 

2. Кыргыз Республикасынын Улуттук банкы «БАКАЙ БАНК» ачык акционердик коому тарабынан «БАКАЙ БАНК» ААКтын ички аудит башкармалыгынын начальнигинин орун басары кызмат ордуна сунушталган Соорбеков Азамат Тургунбековичтин талапкерлигине 2023-жылдын 15-августунда макулдук берүү чечимин кабыл алды. 

 

 

Датасы: 14.08.2023
Туруктуу шилтеме

2023-жылдын 11-августунда Бишкек шаарында Кыргыз Республикасынын Улуттук банкынын жана микрофинансылык сектордун өкүлдөрүнүн катышуусунда Микрофинансылык уюмдардын ассоциациясы тарабынан уюштурулган тегерек стол болуп өттү. 

Тегерек столдун жүрүшүндө микрокаржылоо секторунун жана Улуттук банктын өкүлдөрү микрокаржылоо секторун өнүктүрүүнүн негизги багыттарын ишке ашыруунун алкагында жүргүзүлүп жаткан иштерди талкуулашты.  

Мындан тышкары, кредиттер боюнча пайыздык чендерди төмөндөтүү, ден соолугу боюнча мүмкүнчүлүгү чектелген адамдар үчүн шарттарды түзүү (финансылык кызматтарды көрсөтүүдө) боюнча актуалдуу маселелер жана аялдар ишкердигин колдоо жана өнүктүрүү маселелери талкууланды. 

 

 

 

 

 

 

Датасы: 14.08.2023
Туруктуу шилтеме

Кыргыз Республикасынын Улуттук банкы Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндөгү мыйзам талаптарын бузгандыгы үчүн 2023-жылдын 10-августунда бир төлөм уюмуна 55 000 сом өлчөмүндө айып пул салды. 

Датасы: 12.08.2023
Туруктуу шилтеме

Маалыматтык билдирүү 

 

Кыргыз Республикасынын Улуттук банкы (мындан ары - Улуттук банк) 2023-жылдын 11-августунда kaktus.media жана 24.kg интернет-басылмаларында жарыяланган алтын-валюта камдары жөнүндө маалымат тууралуу төмөнкүлөрдү билдирет. 

2023-жылдын 31-июлуна карата эл аралык дүң камдарынын көлөмү 2 529,1 млн АКШ долларын түздү. Эл аралык камдардын учурдагы деңгээли Улуттук банктын негизги милдеттерин аткарууга жетиштүү болуп саналат. Тагыраагы, 2023-жылдын 31-июлуна карата Улуттук банктын 49,8 тонна өлчөмдө алтын түрүндөгү активдери бар, анын 17,1 тоннасы эл аралык кам, ал эми калганы алтын жана монетардык эмес алтын түрүндөгү кам болуп эсептелет. 

Улуттук банктын алтын түрүндөгү активдери жөнүндө маалымат жалпыга жеткиликүү жана Улуттук банктын расмий басылмаларында («Улуттук банктын бюллетени», «Финансылык абал жөнүндө отчет») үзгүлтүксүз жарыяланып турат. Улуттук банктын активдери боюнча маалыматтардын өзгөрүп турушу Улуттук банктын операциялары менен да, алтындын баасынын жана улуттук валютанын АКШ долларына карата курсунун өзгөрүшү менен да байланыштуу болушу мүмкүн. 

Датасы: 12.08.2023
Туруктуу шилтеме

Маалыматтык билдирүү 

2023-жылдын 10-августунда kaktus.media интернет-сайтында жарыяланган 2023-жылдын үлгүсүндөгү банкноттор бузулгандыгы тууралуу видео боюнча Кыргыз Республикасынын Улуттук банкы (мындан ары – Улуттук банк) төмөнкүлөрдү билдирет. 

Бузулган банкнотторду текшерүү үчүн Улуттук банктын өкүлдөрү бул видеону тарткан жаран менен жолугушуу өткөрүштү. Жолугушуунун жыйынтыгында банкноттор кайра-кайра бырыштыруу учурунда зыянга учурагандыгы белгилүү болду. 

2023-жылдын 11-августунда Улуттук банк коммерциялык банктар менен жолугушуу уюштуруп, анын жүрүшүндө коммерциялык банктардын өкүлдөрү 2023-жылдын үлгүсүндөгү банкноттор менен иштөөдө эч кандай мүчүлүштүктөр байкалбагандыгын белгилешти. 

Ошентсе да объективдүү баа берүү жана ар тараптуу талдоо жүргүзүү максатында видеодо көрсөтүлгөн бузулган банкноттор Улуттук банк тарабынан эскирген деп алмаштырылып, деталдуу экспертизага алынды. Мындан тышкары, Улуттук банктын талабы боюнча банкнотторду чыгаруучу компаниялар улуттук валютанын банкноттору үчүн белгиленген талап кылынган сапатка жана спецификацияга шайкештигин аныктоо үчүн кайталап текшерүүлөрдү өткөрүү боюнча иштерди баштады. 

Улуттук банк улуттук валютанын банкнотторунун сапаты эл аралык стандарттарга ылайык даярдалганын, ага ылайык банкнотторду жана анын коргоо элементтерин ар кандай физикалык жана химиялык таасирлерге туруштук беришин текшерүүгө болорун белгилейт. Чыгарылган банкноттордун сапаты банкнотторду даярдоонун ар бир этабында текшерилет. 

Бирок, атайын таасир этүү аркылуу, анын ичинде банкнотко же анын бир коргоо элементине зыян келтирүүгө аракет жасаганда, банкноттор бузулуп калышы мүмкүн. 

Улуттук банк ошондой эле, улуттук валютадагы банкноттордун коопсуздугу жогорку деңгээлде экендигин билдирет. Банкноттордо колдонулган коргоо элементтери үч деңгээлдеги коргоого ээ жана алар ар кандай даражадагы текшерүүдөн өтүүгө арналган: 

– коомдук коргоо белгилери – текшерүү үчүн атайын жабдууну жана көндүмдөрдү талап кылбаган коргоо элементтери; 

– текшерүү үчүн атайын кароого алуучу аспаптарды талап кылган коргоо элементтери. 

Улуттук банк эскирген жана/же жарактан чыккан улуттук валютанын банкнотторун каалаган коммерциялык банктан же Кыргыз Республикасынын Улуттук банкынан эркин жана акысыз алмаштыруу мүмкүндүгүн эскертет. 

 

Датасы: 11.08.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ысык-Көл областтык башкармалыгы тарабынан Кыргыз Республикасынын эки жаранынын (И.У.Р. жана К.К.З.) ар бирине 17 500 сом өлчөмүндө айып пул салынды.  

 

Датасы: 10.08.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Мамлекеттик өнүктүрүү банкы» ачык акционердик коому тарабынан «Кыргыз Республикасынын Мамлекеттик өнүктүрүү банкы» ААКтын башкармасынын төрагасы кызмат ордуна сунушталган Омуралиев Талантбек Эсенгуловичтин талапкерлигине 2023-жылдын 9-августунда макулдук берүү чечимин кабыл алды. 

Датасы: 09.08.2023
Туруктуу шилтеме

2023-жылдын 4-августунда Улуттук банк Башкармасы тарабынан «Евразиялык Сактык Банкы» ААКсында 2023-жылдын 10-августунан тартып Убактылуу администрация атайын режими токтотулгандыгы тууралуу чечим кабыл алынган. 

 

 

 

Датасы: 08.08.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ысык-Көл областтык башкармалыгы тарабынан Кыргыз Республикасынын үч жаранынын (Ж.К.К., С.Ч.Б. жана Б.Д.Т.) ар бирине 17 500 сом өлчөмүндө айып пул салынды.  

 

Датасы: 08.08.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Талас областтык башкармалыгы тарабынан Кыргыз Республикасынын эки жаранынын (Б.А.М., Д.у.Т.) ар бирине 17 500 сом өлчөмүндө айып пул салынды. 

 

Датасы: 04.08.2023
Туруктуу шилтеме

Кыргыз Республикасынын Улуттук банкы Улуттук банк Башкармасынын «Кыргыз Республикасынын Улуттук банк Башкармасынын 2022-жылдын 10-мартындагы № 2022-П-12/13-2-(НПА) «Кыргыз Республикасынын Улуттук банкынын Кыргыз Республикасынын коммерциялык банктарынын ишин жөнгө салуу боюнча убактылуу чечимдери жөнүндө» токтомуна өзгөртүүлөрдү киргизүү тууралуу» токтом долбоорун коомдук талкууга сунуштайт. 

Токтом долбоору Кыргыз Республикасынын резидент эмес юридикалык жактарынын банктык эсептерин ачуу жана тейлөө боюнча пилоттук долбоорду ишке ашыруу максатында иштелип чыккан. 

Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Ченемдик укуктук актылардын долбоорлорун коомдук талкуулоонун бирдиктүү порталында (koomtalkuu.gov.kg/kg)жайгаштырылган.  

Коммерциялык банктар токтом долбоору боюнча өз сын-пикирлерин жана сунуштарын 2023-жылдын 4-сентябрынан кечиктирбестен aatyshova@nbkr.kg электрондук дарегине (Word форматында) жөнөтүүсү зарыл.  

 

 

Датасы: 02.08.2023
Туруктуу шилтеме

1. Кыргыз Республикасынын Улуттук банкы «Бай-Тушум» Банкы ААКтын директорлор кеңешинин мүчөсү кызмат ордуна сунушталган Нуркулова Гульнара Жороевнанын талапкерлигине 2023-жылдын 1-августунда макулдук берүү чечимин кабыл алды. 

2. Кыргыз Республикасынын Улуттук банкы «Демир Кыргыз Эл Аралык Банкы» ЖАКтын ички аудит бөлүм башчысынын орун басары кызмат ордуна сунушталган Шакиров Кутман Акылбековичтин талапкерлигине 2023-жылдын 1-августунда макулдук берүү чечимин кабыл алды. 

Датасы: 02.08.2023
Туруктуу шилтеме

1.  Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин мүчөсү жана аудит боюнча комитетинин төрагасы кызмат ордуна сунушталган Асанбеков Улан Асанбековичтин талапкерлигине 2023-жылдын 28-июлунда макулдук берүү чечимин кабыл алды. 

2. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин мүчөсү кызмат ордуна сунушталган Егинбаев Бакыт Улановичтин талапкерлигине 2023-жылдын 28-июлунда макулдук берүү чечимин кабыл алды. 

3. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын башкармасынын төрагасы кызмат ордуна сунушталган Орозбаев Улан Бактыбековичтин талапкерлигине 2023-жылдын 28-июлунда макулдук берүү чечимин кабыл алды. 

4. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын башкармасынын мүчөсү кызмат ордуна сунушталган Алыбаев Таалайбек Орунбаевичтин талапкерлигине 2023-жылдын 28-июлунда макулдук берүү чечимин кабыл алды. 

Датасы: 01.08.2023
Туруктуу шилтеме

Ички валюта рыногу турукташкандыгына байланыштуу Кыргыз Республикасынын Улуттук банк Башкармасы 2023-жылдын 26-июлунда № 2023-П-14/45-4-(ПС) «Кыргыз Республикасынын Улуттук банк Башкармасынын 2009-жылдын 15-июлундагы № 30/6 «Кыргыз Республикасында акча которуулар системаcы боюнча которууларды жүзөгө ашыруу эрежелерин бекитүү тууралуу» токтомунун айрым ченемдерин убактылуу токтотуу жөнүндө» токтомун кабыл алды. 

Токтомдун электрондук версиясы Улуттук банктын www.nbkr.kg расмий интернет-сайтында Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. 

Ченемдик укуктук акты Улуттук банктын www.nbkr.kg расмий интернет-сайтында Банк тууралуу/Улуттук банктын ченемдик актылары/Төлөм системасы бөлүгүндө жайгаштырылган. 

 

Датасы: 01.08.2023
Туруктуу шилтеме

Кыргыз Республикасынын Улуттук банкынын Төлөм системасы боюнча комитетинин 2023-жылдын 27-июлундагы токтому менен «Скай Пэй» жоопкерчилиги чектелген коомуна төмөнкү лицензиялар берилди: 

- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2023-жылдын 27-июлундагы № 2035270723 лицензия; 

- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2023-жылдын 27-июлундагы № 3037270723 лицензия. 

Датасы: 01.08.2023
Туруктуу шилтеме

Кыргыз Республикасынын Улуттук банкы  

эсептик ченди 13,00 пайыз деңгээлинде сактап калды 

 

Кыргыз Республикасынын Улуттук банк Башкармасы 2023-жылдын 31-июлунда эсептик ченди (негизги ченди) 13,00 пайыз деңгээлинде сактоо чечимин кабыл алган. Чечим 2023-жылдын 1-августунан тартып күчүнө кирет. 

Кыргыз Республикасынын экономикасынын өнүгүү келечеги мурдагыдай эле айрыкча региондордо өзгөрмөлүү бойдон калган тышкы шарттардын таасири астында калуусу уланууда, глобалдык инфляциянын жогорку маанилерде сакталып турушуна жана дүйнөлүк финансы рынокторунда белгисиздик жагдайынын үстөмдүк кылышына байланыштуу кыска мөөнөттүү мезгилде экономикалык жагдайдын жакшыруусу кыйла консервативдүү күтүүлөр менен мүнөздөлөт.  

2023-жылдын биринчи жарым жылдыгынын жыйынтыгы боюнча Кыргыз Республикасынын экономикасы 3,9 пайызга өсүштү көрсөткөн, мында көбүрөөк салым кызмат көрсөтүү сектору тарабынан камсыз кылынган. Экономикалык жигердүүлүк да ички суроо-талаптын кеңейиши менен колдоого алынган.  

Дүйнөлүк азык-түлүк рынокторундагы баалардын төмөндөө динамикасы ички баалардын динамикасына таасирин тийгизген. 2023-жылдын июль айында (21ине карата абал боюнча) инфляция жылдык мааниде 10,3 пайызды түзгөн, мында анын түзүмүндө азык-түлүк товарларына баанын өсүшү 2022-жылдын декабрындагы 15,8 пайыз деңгээлинен жылдык мааниде 6,9 пайызга чейин төмөндөгөн. Өлкөдө жалпы баа деңгээлинин кыйла жай төмөндөшүн бир катар административдик баалардын (тарифтердин) жогорулашы жана ички суроо-талаптын туруктуу кеңейиши шарттаган. Мында акча-кредит саясаты жагында буга чейин кабыл алынган чаралардын топтолгон таасири инфляция боюнча потенциалдуу тобокелдиктерди жеңилдетүүгө өбөлгө түзөт.  

Жүргүзүлүп жаткан монетардык саясат курсу мурдагыдай эле орто мөөнөттүү мезгилде инфляция деңгээлин 5-7 пайызга чейин төмөндөтүүгө багытталган. Жалпысынан инфляциянын күндөлүк динамикасын баалоо Улуттук банктын күтүүлөрүнүн алкагында калат, мында өлкө экономикасында инфляцияга түрткү берген факторлордун сакталып турушу монетардык жана бюджет-салык саясатын андан ары ишке ашырууда макулдашылган кадамдарды талап кылат.  

Учурда орун алып турган шарттарга көңүл буруу менен Улуттук банк эсептик чендин өлчөмүн 13,00 пайыз деңгээлинде сактоо чечимин кабыл алган. Кандайдыр бир тобокелдик орун алган шартта Улуттук банк жүргүзүлүп жаткан монетардык саясатына кошумча корректировкаларды киргизүү мүмкүнчүлүгүн жокко чыгарбайт.  

Улуттук банк түптөлгөн жагдайга туруктуу негизде көз салып турат жана зарыл болгон учурда акча-кредит саясатынын баа туруктуулугун камсыз кылуу боюнча тиешелүү чараларын кабыл алат. 

Кыргыз Республикасынын Улуттук банк Башкармасынын эсептик чен өлчөмү маселеси боюнча кийинки отуруму план блюнча 2023-жылдын 28-августунда өткөрүлөт. 

Датасы: 28.07.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Баткен областындагы өкүлчүлүгү Кыргыз Республикасынын эки жаранынын (И.М.Э., К.А.О.) ар бирине 17 500 сом өлчөмүндө айып пул салды. 

Датасы: 28.07.2023
Туруктуу шилтеме

Маалыматтык билдирүү 

 

Кыргыз Республикасынын Улуттук банкы Интернет тармагында ушундай эле аталыштагы «Юнистрим» эл аралык акча которуулар системасынын оператору болуп саналган ААК КБ «Юнистрим» Россия банкына АКШ санкциялары салынган деген маалыматтардын жайгаштырылгандыгына байланыштуу Кыргыз Республикасынын төлөм системасынын иши жөнүндө төмөнкүлөрдү билдирет. 

Кыргыз Республикасынын улуттук төлөм системалары белгиленген эрежелер, форматтар жана тарифтер боюнча штаттык режимде иштеп жатат. 

«Кыргыз Республикасынын төлөм системасы жөнүндө» Кыргыз Республикасынын мыйзамына ылайык, Улуттук банк төлөм системаларынын ишинин натыйжалуулугун, ишенимдүүлүгүн жана коопсуздугун камсыз кылуу максатында Кыргыз Республикасынын аймагында төлөм системаларынын ишин жөнгө салат. 

Аны менен катар Улуттук банк, «Кыргыз Республикасынын Улуттук банкы жөнүндө» Кыргыз Республикасынын конституциялык Мыйзамынын 40-беренесинин 5-бөлүгүнө ылайык, ушул конституциялык Мыйзамда жана Кыргыз Республикасынын мыйзамдарында каралган учурларды кошпогондо, банктардын, банктык эмес финансы-кредит уюмдарынын жана Улуттук банктын көзөмөлү алдындагы башка юридикалык жактардын учурдагы ишине кийлигишпейт. 

Мындан тышкары, Кыргыз Республикасынын коммерциялык банктары төлөм системаларынын өз алдынча катышуучулары катары, кайсы система менен иштөө керектиги жөнүндө Кыргыз Республикасынын ченемдик укуктук актыларынын талаптарына ылайык чечим кабыл алышат, ошондой эле ПФТД/ЛПД жана башка чөйрөдөгү талаптарды сактоо менен төлөм системалары менен иштөөдө тобокелдиктерге баа беришет.  

Улуттук банк кырдаалга дайыма талдоо жүргүзүп турат, тобокелдиктер болушу мүмкүн болгон учурда тиешелүү чараларды көрөт. 

 

Датасы: 28.07.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаары, Кожевенная көчөсү 74, «Аляска» өтмөгү, № 11 соода оруну дареги боюнча жайгашкан ЖЧК «Только наличные»» алмашуу бюросунун 2022-жылдын 16-сентябрындагы № 6360 лицензиясынын аракети 2023-жылдын 28-июлунан тартып 6-августун кошо алгандагы мезгил аралыгына токтотулду. 

Датасы: 25.07.2023
Туруктуу шилтеме

Кыргыз Республикасынын Улуттук банкы «РСК Банкы» ачык акционердик коому тарабынан «РСК Банкы» ААКтын шарият кеңешинин мүчөсү кызмат ордуна Кадырбердиев Абибилла Набидиновичтин талапкерлигине 2023-жылдын 25-июлунда макулдук берүү чечимин кабыл алды. 

 

Датасы: 24.07.2023
Туруктуу шилтеме

1. Кыргыз Республикасынын Улуттук банкы «Дос-Кредобанк» ачык акционердик коому тарабынан «Дос-Кредобанк» ААКтын башкаруучу директорунун кызмат ордуна сунушталган Джумалиев Насир Мухтаровичтин талапкерлигине 2023-жылдын 21-июлунда макулдук берүү чечимин кабыл алды. 

2. Кыргыз Республикасынын Улуттук банкы «РСК Банкы» ачык акционердик коому тарабынан «РСК Банкы» ААКтын башкармасынын төрагасынын орун басары кызмат ордуна сунушталган Таиров Медет Маратовичтин талапкерлигине 2023-жылдын 21-июлунда макулдук берүү чечимин кабыл алды. 

 

Датасы: 24.07.2023
Туруктуу шилтеме

Кыргыз Республикасынын Улуттук банкы Улуттук банк Башкармасынын «Кыргыз Республикасынын Улуттук банк Башкармасынын айрым токтомдоруна өзгөртүүлөрдү киргизүү жана күчүн жоготкон катары таануу жөнүндө» токтом долбоорун коомдук талкууга сунуштайт. 

Долбоор COVID-19 пандемиясынан улам түзүлгөн кырдаалга байланыштуу күчүнө кириши убактылуу токтотулган Улуттук банк Башкармасынын төмөнкү токтомдорун аракетин калыбына келтирүү максатында иштелип чыккан: 

1) 2019-жылдын 30-октябрындагы № 2019-П-12/54-4-(НПА) «Коммерциялык банктын ишине тиешелүү маалыматтарды чечмелөөгө карата талаптар жөнүндө» жобону бекитүү тууралуу»; 

2) 2019-жылдын 27-декабрындагы № 2019-П-12/68-2-(НПА) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө»; 

3) 2019-жылдын 27-декабрындагы № 2019-П-12/68-4-(НПА) «Коммерциялык банктардын ликвиддүүлүгүнүн ордун жабуу коэффициентин эсептөө жөнүндө» жобону бекитүү тууралуу». 

Долбоордо ошондой эле Улуттук банк Башкармасынын аталган токтомдорунда мурда белгиленген Улуттук банктын тиешелүү айрым ченемдерин жана талаптарын коммерциялык банктар тарабынан аткаруунун жаңы мөөнөттөрү каралган: 

- банктар тарабынан Улуттук банкка тобокелдик жагдайлары, ликвиддүүлүктү жабуу коэффициентин, чет өлкө валютасындагы ликвиддүүлүк, кыска мөөнөттүү ликвиддүүлүк жана дароо ликвиддүүлүк көрсөткүчтөрүн эсептөө боюнча маалыматтарды берүү; 

- банктар тарабынан ликвиддүүлүктүн ордун жабуу коэффициентин сактоо. 

Мындан тышкары, долбоорго ылайык Улуттук банк Башкармасынын 2020-жылдын 24-мартындагы № 2020-П-12/15-7-(НПА) «Кыргыз Республикасынын коммерциялык банктары жана банк эмес финансы-кредит уюмдары милдеттүү түрдө аткарууга тийиш болгон экономикалык ченемдерди жана талаптарды белгилөө маселелери боюнча Кыргыз Республикасынын Улуттук банкынын айрым убактылуу чечимдери жөнүндө» токтомун күчүн жоготкон катары таануу сунушталат. 

Долбоор Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Ченемдик укуктук актылардын долбоорлорун коомдук талкуулоонун бирдиктүү порталында koomtalkuu.gov.kg/kg)жайгаштырылган.  

Коммерциялык банктар долбоор боюнча өз сын-пикирлерин жана сунуштарын 2023-жылдын 24-августунан кечиктирбестен aatyshova@nbkr.kg электрондук дарегине (Word форматында) жөнөтүүсү зарыл. 

Датасы: 20.07.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн бир микрокредиттик компанияга 55 000 сом өлчөмүндө айып пул салынды.  

Датасы: 14.07.2023
Туруктуу шилтеме

2023-жылдын 12-июлунда Улуттук банк Башкармасы тарабынан РК «АМАНБАНК» ААКсына 2023-жылдын 14-июлунан  тартып 6 айлык мөөнөткө Убактылуу администрация атайын режими киргизилгендиги тууралуу токтом кабыл алынган. 

Батыркожоева Эльмира Турдуевна РК «АМАНБАНК» ААКсынын Убактылуу администратору болуп дайындалды. 

 

Датасы: 14.07.2023
Туруктуу шилтеме

2023-жылдын 12-июлунда Улуттук банк Башкармасы тарабынан РК «АМАНБАНК» ААКсында 2023-жылдын 14-июлунан  тартып Убактылуу администрация атайын режими токтотулгандыгы тууралуу чечим кабыл алынган. 

 

Датасы: 13.07.2023
Туруктуу шилтеме

Кыргыз Республикасынын Улуттук банкы «Террористтик иш-аракеттерди каржылоого жана кылмыш жолу менен алынган кирешелерди легалдаштырууга (изин жашырууга) каршы аракеттенүү максатында коммерциялык банктарда ички контролдукту уюштурууга карата минималдуу талаптар жөнүндө» жобого өзгөртүүлөрдү киргизүү тууралуу» токтом долбоорун (мындан ары – токтом долбоору) коомдук талкууга сунуштайт. 

Токтом долбоору «Кыргыз Республикасындагы оюн-зоок иши жөнүндө» Кыргыз Республикасынын Мыйзамына ылайык, онлайн-казино/электрондук (виртуалдык) казино кызматтарын көрсөтүү ишин жүзөгө ашырган кардарларга карата контролдоо чараларын камсыз кылуунун алкагында банктар үчүн ички контролдоо талаптарын жөнгө салуу максатында иштелип чыккан. 

Токтом долбоору Улуттук банктын расмий интернет-сайтында: «www.nbkr.kg» / «Банк тууралуу» / «Улуттук банктын ченемдик актылары» / «Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган.  

Коммерциялык банктар, «Кыргыз Республикасынын Мамлекеттик өнүктүрүү банкы» ААК, ««Микрофинансылык уюмдардын ассоциациясы» ЮЖБ, депозиттерди тартуу менен иш алып барган микрофинансылык компаниялар, «Кредиттик союздардын каржы компаниясы» ААК, «Элдик турак-жай компаниясы» ТЖСКК» ААК токтом долбоору боюнча өз сын-пикирлерин жана сунуштарын 2023-жылдын 14-августунан кечиктирбестен nzhaparkulova@nbkr.kg электрондук дарегине (Word форматында) жөнөтүүсү зарыл. 

Датасы: 13.07.2023
Туруктуу шилтеме

Кыргыз Республикасынын Улуттук банкы Кыргыз Республикасынын Улуттук банк Башкармасынын 2019-жылдын 2-сентябрындагы № 2019-П-14/46-1-(ПС) «Төлөм уюмдарынын жана төлөм системаларынын операторлорунун ишин лицензиялоо жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» токтом долбоорун (мындан ары – долбоор) коомдук талкууга сунуштайт. 

Долбоор Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам алдындагы актылардын долбоорлору»/«Кыргыз Республикасынын Улуттук банк Башкармасынын токтому» бөлүгүндө жайгаштырылган. 

Кызыкдар болгон тараптар долбоор боюнча сын-пикирлерин жана сунуштарын 2023-жылдын 12-августунан кечиктирбестен adjakubova@nbkr.kg электрондук дарегине (Word форматында) жөнөтүүсү зарыл. 

 

Датасы: 13.07.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Ош областы, Кара-Суу району, Төлөйкөн а/а, Дыйкан-Кыштак айылы, Юбилейная көчөсү, 1-үй (болжол: Мамыров көчөсүнүн кесилиши) дареги боюнча жайгашкан «Финанс КейДжи» алмашуу бюросу ЖЧКнын 2021-жылдын 26-январындагы № 6054 лицензиясынын аракети 2023-жылдын 12-июлунан 18-июлуна чогуу алгандагы мезгил аралыгына токтотулду. 

Датасы: 12.07.2023
Туруктуу шилтеме

1. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин төрагасы кызмат ордуна Абдыбеков Азаматбек Мелисбековичти 2023-жылдын 11-июлунда макулдук берүү чечимин кабыл алды. 

2. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин мүчөсү кызмат ордуна Лайлиев Нурдин Джумакановичти 2023-жылдын 11-июлунда макулдук берүү чечимин кабыл алды. 

3. Кыргыз Республикасынын Улуттук банкы «ФинансКредитБанк» ачык акционердик коому тарабынан «ФинансКредитБанк» ААКтын директорлор кеңешинин мүчөсү жана тобокелдиктерди тескөө боюнча комитетинин төрагасы кызмат ордуларына Сарбанов Санджар Болотовичти 2023-жылдын 11-июлунда макулдук берүү чечимин кабыл алды. 

 

Датасы: 12.07.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн төмөнкү алмашуу бюролорунун лицензияларынын аракети токтотулду: 

2023-жылдын 11-июлунан тартып 20-июлун кошо алгандагы мезгил аралыгына: 

- Бишкек шаары, Ден Сяопин проспекти 10-үй, 23-батир дареги боюнча жайгашкан «Азирет кей джи» алмашуу бюросу ЖЧКнын 2022-жылдын 29-августундагы № 6346 лицензиясы; 

- Бишкек шаары, Кожевенная көчөсү 1, Чымкент унаа токтуу жайы 14Б (мурдагы № 93) дареги боюнча жайгашкан «Асель плюс» алмашуу бюросу ЖЧКнын 2023-жылдын 16-мартындагы № 6489 лицензиясы. 

 

Датасы: 12.07.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн бир алмашуу бюросуна 55 000 сом өлчөмүндө айып пул салынды. 

Датасы: 07.07.2023
Туруктуу шилтеме

        2023-жылдын 7-июлунда Бишкек шаарында «Кыргызстан банктарынын союзу» юридикалык жактар бирикмеси тарабынан уюштурулган кезектеги банктык тегерек стол маеги болуп өттү.  

          Банктык тегерек стол маегине Кыргыз Республикасынын Улуттук банкынын, «Кыргызстан банктарынын союзу» юридикалык жактар бирикмесинин, Кыргыз Республикасынын Депозиттерди коргоо боюнча агенттигинин, «Банк аралык процессинг борбору» ЖАКтын, коммерциялык банктардын жана микрофинансылык сектордун өкүлдөрү катышты. 

Иш-чаранын катышуучулары өлкөнүн акча рыногун, банк жана төлөм системаларын, ошондой эле микрофинансы секторун андан ары өнүктүрүүгө байланышкан эң маанилүү маселелерди талкуулашты. 

Мындан тышкары, банк ишин жөнгө салууну жакшыртуу жана керектөөчүлөрдүн укуктарын коргоо маселелери каралган талкуу болду.  

Банктык тегерек стол банк коомчулугунун орчундуу маселелери талкууланган салттуу иш-чара болуп саналат. 

 

 

 

 

 

Датасы: 07.07.2023
Туруктуу шилтеме

Кыргыз Республикасынын Улуттук банкы Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндөгү мыйзам талаптарын бузгандыгы үчүн 2023-жылдын 6-июлунда бир төлөм уюмуна 110 000 сом өлчөмүндө айып пул салды. 

Датасы: 06.07.2023
Туруктуу шилтеме

Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн бир кредиттик бюрого 

55 000 сом өлчөмүндө айып пул салынды. 

 

Датасы: 06.07.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Жалал-Абад областтык башкармалыгы тарабынан Кыргыз Республикасынын жаранына (А.А.К.) 17 500 сом өлчөмүндө айып пул салынды. 

Датасы: 06.07.2023
Туруктуу шилтеме

1. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын аудит боюнча комитеттин төрагасы кызмат ордуна сунушталган Алакова Назгуль Усонбековнанын талапкерлигине 2023-жылдын  4-июлунда макулдук берүү чечимин кабыл алды. 

2. Кыргыз Республикасынын Улуттук банкы «Коммерциялык банк КЫРГЫЗСТАН» ачык акционердик коому тарабынан «Коммерциялык банк КЫРГЫЗСТАН» ААКсынын директорлор кеңешинин төрагасы/аудит боюнча комитеттин төрагасы кызмат орундарына сунушталган Ишенбаев Максатбек Бейшенбековичтин талапкерлигине 2023-жылдын  

4-июлунда макулдук берүү чечимин кабыл алды.  

3. Кыргыз Республикасынын Улуттук банкы «РСК Банкы» ачык акционердик коому тарабынан «РСК Банкы» ААКтын башкарманын төрагасы кызмат ордуна сунушталган Ногаев Уланбек Мелисовичтин талапкерлигине 2023-жылдын 4-июлуна макулдук берүү чечимин кабыл алды 

Датасы: 05.07.2023
Туруктуу шилтеме

Кыргыз Республикасынын делегациясынын Швейцарияга барган иш сапарынын алкагында Берн шаарында Кыргыз Республикасынын Улуттук банкынын төрагасы К.К. Боконтаев менен Швейцариянын банк жана финансы секторлорунун жетекчилери ортосунда эки тараптуу бир катар жолугушуулар болуп өттү. 

Швейцариянын Улуттук банкынын төрагасынын орун басары Мартин Шлегель мырза менен жолугушууда тараптар дүйнөлүк экономикадагы кырдаал тууралуу пикир алмашып, банк жана финансы чөйрөсүндө эки өлкөнүн борбордук банктарынын эки тараптуу кызматташуусун бекемдөө маселелерин талкуулашты. Кыргыз Республикасынын Улуттук банкынын жетекчиси К.К. Боконтаев кыргыз тарапка долбоорлорду биргелешкен ишке ашырууга колдоо көрсөтүп жаткандыгы үчүн Швейцариянын Улуттук банкына ыраазычылык билдирди, ошондой эле эл аралык банктык тажрыйбаны жана инновациялык банктык технологияларды Кыргызстанга киргизүүдө өз ара иш алып баруу маанилүү болуп саналарын белгилеп өттү. 

К.К. Боконтаевдин Экономика маселелери боюнча мамлекеттик катчылыктын (SECO) өкүлү Юрг Волленвейдер жана Эл аралык финансы маселелери боюнча мамлекеттик катчылыктын (SIF) өкүлү Майкл Манц мырза менен болгон жолугушуусунда тараптар финансылык-техникалык кызматташуу тармагында кыргыз-швейцария мамилелеринин баскыч-баскыч менен өнүгүп жатканын белгилеп кетишти. 

Кыргыз Республикасынын Улуттук банкынын төрагасы К.К. Боконтаев Кыргыз Республикасында финансы секторун өнүктүрүүгө, анын ичинде банк системасынын туруктуулугун жогорулатууга жана финансы-кредит уюмдарын көзөмөлдөө инструменттерин жакшыртууга багытталган долбоорлорду ишке ашырууга көрсөткөн көмөгү үчүн Швейцариянын Экономика маселелери боюнча мамлекеттик катчылыгына ыраазычылык билдирди. 

Мындан тышкары, коммерциялык банктардын ишин, коммерциялык банктардын маалыматтык коопсуздугун, ошондой эле ПФТД/ЛПД маселелери боюнча көзөмөлдүн жаңы тенденциялары менен ыкмаларын жөнгө салуу жана көзөмөлдөө чөйрөсүндө банктык көзөмөлдүн натыйжалуулугун жогорулатуу жана Кыргыз Республикасынын Улуттук банкынын көзөмөлдөө блогунун кызматкерлеринин кадрларынын потенциалын чыңдоо максатында, Швейцария тарапка кызматташуу жана тажрыйба алмашуу мүмкүнчүлүгүн карап чыгуу сунушталды. 

 

 

Датасы: 05.07.2023
Туруктуу шилтеме

Кыргыз Республикасынын Улуттук банк Башкармасы 2023-жылдын  

30-июнунда № 2023-П-13/41-3-(НПА) «Кыргыз Республикасынын Улуттук банк Башкармасынын 2013-жылдын 27-мартындагы № 9/10 «Кыргыз Республикасынын коммерциялык банктарында жана банктык эмес финансы-кредит уюмдарында кассалык операцияларды ишке ашыруу боюнча минималдуу талаптар жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» токтомун кабыл алды. 

Токтом менен кассалык операцияларды кассалык жана бухгалтердик документтерге электрондук кол тамга коюу менен жүргүзүү маселелерине тиешелүү өзгөртүүлөрдү киргизүү каралган. 

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.  

Ченемдик укуктук акт Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Нак акча жүгүртүү бөлүгүнө жайгаштырылат. 

 

Датасы: 04.07.2023
Туруктуу шилтеме

1. Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ош областтык башкармалыгы Кыргыз Республикасынын жаранына (Т.М.Б.) 17 500 сом өлчөмүндө айып пул салды. 

2. Ошондой эле, Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Улуттук банктын Ош областтык башкармалыгы бир алмашуу бюросуна 55 000 сом өлчөмүндө айып пул салды. 

 

Датасы: 04.07.2023
Туруктуу шилтеме

«Кыргыз Республикасынын Улуттук банкы Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт. 

Токтом долбоору Кыргыз Республикасынын Улуттук банкынын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам алдындагы актылардын долбоорлору» / «Кыргыз Республикасынын Улуттук банкынын токтому» бөлүгүндө жайгаштырылган. 

Кызыкдар болгон тараптар токтом долбоору боюнча сын-пикирлерин жана сунуштарын 2023-жылдын 3-августунан кечиктирбестен Кыргыз Республикасынын Улуттук банкына, ошондой эле электрондук версиясын (Word форматында) azmambetalieva@nbkr.kg электрондук дарегине жөнөтүүсү зарыл.». 

 

Датасы: 03.07.2023
Туруктуу шилтеме

Улуттук банк 2023-жылдын 29-июнунан 2-июлуна чейинки мезгилде областтардагы жалпы билим берүү мекемелеринин “Адам жана коом”, “Тарых” предметтеринин мугалимдери, ошондой эле Кыргыз Республикасынын Билим берүү жана илим министрлигинин, Республикалык квалификацияны жогорулатуу институтунун жана Кыргыз билим берүү академиясынын өкүлдөрү үчүн финансылык сабаттуулук боюнча семинар өткөрдү. 

Семинар 2018-жылы иштелип чыккан финансылык сабаттуулук боюнча бирдейлештирилген окуу курсуна ылайык өткөрүлдү. 

Иш-чаранын жүрүшүндө катышуучулар үй-бүлөлүк жана жеке бюджет, аманат, карыздык мамилелер, кредиттер жана кредиттик уюмдар менен иштөө жана финансылык кызмат көрсөтүүлөрдү керектөөчүлөрдүн укуктарын коргоо сыяктуу темалар менен интерактивдүү түрдө таанышышты. 

 

 

 

Датасы: 03.07.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Жалал-Абад областтык башкармалыгы тарабынан Кыргыз Республикасынын жаранына (Л.А.Т.) 17 500 сом өлчөмүндө айып пул салынды. 

Датасы: 03.07.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын бир жаранына (М.А.К.) 17 500 сом өлчөмүндө айып пул салынды. 

Датасы: 30.06.2023
Туруктуу шилтеме

2023-жылдын 21-июнунда Кыргыз Республикасынын Улуттук банкынын Ош областтык башкармалыгынын жана Кыргыз Республикасынын Ички иштер министрлигинин Ош шаарынын аэропортун тейлөө боюнча аба транспорту бөлүмүнүн кызматкерлери биргелешип жүргүзгөн рейддин алкагында, Улуттук банктын Ош областтык башкармалыгы тарабынан Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын жаранына (Т.Ж.М.) 17 500 сом өлчөмүндө айып пул салынды. 

Датасы: 30.06.2023
Туруктуу шилтеме

Кыргыз Республикасынын Улуттук банк Башкармасы 2023-жылдын 23-июнунда № 2023-П-09/40-1-(ДКП) «Кыргыз Республикасынын коммерциялык банктарына нак чет өлкө валютасын сыртка алып чыгууга убактылуу уруксат берүү жөнүндө» токтомун кабыл алды.  

Токтомдун электрондук версиясы Кыргыз Республикасынын Улуттук банкынын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/ Улуттук банк Башкармасынын токтомдору бөлүгүндө жайгаштырылган. 

Датасы: 29.06.2023
Туруктуу шилтеме

1. Кыргыз Республикасынын Улуттук банкы «ЭкоИсламикБанк» жабык акционердик коому тарабынан «ЭкоИсламикБанк» ЖАКтын көз карандысыз шариат кеңешинин мүчөсү кызмат ордуна Татиков Рафаил Шамильевичтин талапкерлигине 2023-жылдын 27-июнунда макулдук берүү чечимин кабыл алды. 

2. Кыргыз Республикасынын Улуттук банкы «Капитал Банк» ачык акционердик коому тарабынан «Капитал Банк» ААКтын башкы бухгалтери – бухгалтердик эсепке алуу жана отчеттуулук башкармалыгынын начальниги кызмат ордуна Шеркулова Асель Толомушовнанын талапкерлигине 2023-жылдын 27-июнунда макулдук берүү чечимин кабыл алды. 

3. Кыргыз Республикасынын Улуттук банкы «ФинансКредитБанк» ачык акционердик коому тарабынан «ФинансКредитБанк» ААКтын директорлор кеңешинин төрагасы кызмат ордуна Мурзабеков Эркебай Рустамовичтин талапкерлигине 2023-жылдын 27-июнунда макулдук берүү чечимин кабыл алды. 

4. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин мүчөсү кызмат ордуна Акматов Азамат Джусупбековичтин талапкерлигине 2023-жылдын 27-июнунда макулдук берүү чечимин кабыл алды. 

5. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин мүчөсү жана аудит боюнча комитетинин төрагасы кызмат ордуна Арзибаева Динара Амирбековнанын талапкерлигине 2023-жылдын 27-июнунда макулдук берүү чечимин кабыл алды. 

6. Кыргыз Республикасынын Улуттук банкы «Евразиялык Сактык Банкы» ачык акционердик коому тарабынан «Евразиялык Сактык Банкы» ААКтын директорлор кеңешинин мүчөсү жана тобокелдиктерди тескөө боюнча комитетинин төрагасы кызмат ордуна Исабеков Нурлан Кубанычбековдун талапкерлигине 2023-жылдын 27-июнунда макулдук берүү чечимин кабыл алды. 

Датасы: 29.06.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын бир жаранына (И.Н.Ч.) 17 500 сом өлчөмүндө айып пул салынды. 

Датасы: 29.06.2023
Туруктуу шилтеме

Кыргыз Республикасынын Улуттук банк Башкармасынын 2021-жылдын 28-сентябрындагы № 2021-П-33/53-9-(НФКУ) «Банк эмес финансы-кредит уюмдарынын финансылык отчетторун түзүүгө, жарыялоого жана Кыргыз Республикасынын Улуттук банкына берүүгө карата талаптар жөнүндө» жобону бекитүү тууралуу» токтомуна Кыргыз Республикасынын Улуттук банк Башкармасынын 2023-жылдын 14-июнунда № 2023-П-12/38-2-(НФКУ) токтому менен өзгөртүүлөр киргизилди.  

Токтомдун электрондук версиясы Кыргыз Республикасынын Улуттук банкынын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/ Улуттук банк Башкармасынын токтомдору бөлүгүндө жайгаштырылган. 

Ченемдик укуктук акты Кыргыз Республикасынын Улуттук банкынын расмий интернет-сайтында: www.nbkr.kg/ Банк тууралуу/ Улуттук банктын ченемдик актылары/ Банк эмес финансы мекемелер ишин жөнгө салуу бөлүгүндө жайгаштырылган. 

Датасы: 29.06.2023
Туруктуу шилтеме

Төлөм системасы боюнча комитетинин 2023-жылдын 21-июнундагы токтому менен «Азия Пэймент Солюшн» жоопкерчилиги чектелген коомуна төмөнкү лицензиялар берилди: 

- үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу (процессинг, клиринг) жана төлөм системасынын, ошол процессинг, клиринг борборунун катышуучуларына берүү боюнча кызматтарды сунуштоо ишин жүзөгө ашыруу укугуна 2023-жылдын 21-июнундагы № 2034210623 лицензия; 

- өз иш натыйжасы болуп саналбаган товарлар жана кызмат көрсөтүүлөр үчүн төлөмдөрдү жана эсептешүүлөрдү үчүнчү жактардын пайдасына маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системалары аркылуу кабыл алуу жана өткөрүү боюнча кызматтарды сунуштоо ишин жүзөгө ашыруу укугуна 2023-жылдын 21-июнундагы № 3036210623 лицензия. 

Датасы: 29.06.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын бир жаранына (М.С.К.) 17 500 сом өлчөмүндө айып пул салынды. 

Датасы: 27.06.2023
Туруктуу шилтеме .

КЫРГЫЗ РЕСПУБЛИКАСЫНЫН УЛУТТУК БАНКЫ 

маалымат базасына талапкерлерди тандоо боюнча ачык сынак жарыялайт: 

 

- банктын жоюучусу (ликвидатор) 

- банктын убактылуу администратору 

 

Кыргыз Республикасынын Улуттук банкынын маалымат базасына киргизилген талапкерлер андан ары банктын жоюучусу же убактылуу администратору катары тиешелүү жагдайлар жаралган учурда дайындалышы мүмкүн. 

Жоюучунун же убактылуу администратордун эмгек акысынын өлчөмү банктын системалык маанилүүлүгүн жана орун алган көйгөйлөрдүн бар экендигин эске алуу менен банктын жетекчисинин эмгек акысынын деңгээлинде белгиленет. 

Документтерди 2023-жылдын 7-июлунда саат 17:00дөн кечиктирбестен тапшыруу зарыл.  

Белгиленген убакыттан кийин тапшырылган документтер кабыл алынбайт жана каралбайт. 

Жалпы квалификациялык талаптар, функционалдык милдеттер тууралуу кеңири маалымат жана сынакка катышуу үчүн талап кылынган документтер тизмеги Кыргыз Республикасынын Улуттук банкынын расмий интернет-сайтынын «Сынактар» бөлүгүндө жайгаштырылган. 

 

Бардык суроолор менен 31-29-37 телефону аркылуу комиссиянын катчысына кайрылсаңыздар. 

 

Датасы: 27.06.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын бир жаранына (М.С.К.) 17 500 сом өлчөмүндө айып пул салынды. 

 

Датасы: 27.06.2023
Туруктуу шилтеме

2023-жылдын 22-июнунда Улуттук банктын Ош областтык башкармалыгы, улуттук валютанын жүгүртүүгө киргизилгендигинин 30 жылдыгын белгилөө боюнча иш-чаралар планынын алкагында, Ош областынын Араван районунда финансылык сабаттуулук боюнча көчмө семинарын өткөрдү. Көчмө семинардын жүрүшүндө Улуттук банктын Ош областтык башкармалыгынын кызматкерлери семинардын катышуучуларына улуттук валютанын тарыхы,  өнүгүү этаптары жана коргоо белгилери, финансылык пландаштыруу жана үй-бүлөлүк бюджет тууралуу лекция окушту. Ошондой эле, «Айыл Банк» ААКтын жана «Коммерциялык банк Кыргызстан» ААКтын өкүлдөрү соода жана тейлөө ишканаларында QRкодду жана мобилдик тиркемелерди колдонуу менен төлөмдөрдү жүргүзүү боюнча маалымат беришти. 

Датасы: 26.06.2023
Туруктуу шилтеме

Валюта рыногундагы жана банк секторундагы абал жөнүндө 

 

Кыргыз Республикасынын Улуттук банкы валюта рыногундагы, банк жана төлөм системаларындагы абал боюнча төмөнкүлөрдү билдирет.  

Азыркы учурда ички валюта рыногунда абал салыштырмалуу туруктуу бойдон калууда.  

Улуттук банк чет өлкө валютасынын сомго карата алмашуу курсу ички валюта рыногунда эркин түзүлүп, валютага болгон суроо-талаптын жана сунуштун негизинде аныктала тургандыгын белгилейт. Ушуга байланыштуу курстун өсүшү сыяктуу эле төмөндөшү жагында өзгөрүлмөлүүлүктү байкоого болот.  

Ошондой эле, Улуттук банк банк жана банк эмес секторлору тарабынан мыйзам талаптарынын сакталышына, анын ичинде калкты талаптагыдай тейлөөгө өзгөчө көңүл буруу менен алардын ишине талдоо жүргүзүп турат. Алсак, коммерциялык банктар улуттук жана чет өлкө валюталарында кредиттерди берүү, депозиттерди кабыл алуу, накталай эмес эсептешүүлөрдү жүргүзүү сыяктуу ж.б. кызматтардын кеңири чөйрөсүн көрсөтүп жатышат. Банктарда жана алмашуу бюролорунда АКШ долларында жана орус рублинде нак акча каражаттарынын көлөмү жетиштүү, алмашуу операциялары эч кандай чектөөлөрсүз жүргүзүлүп жатат. 

Кыргыз Республикасынын төлөм системалары штаттык режимде ишин улантууда.  

Улуттук банк ички валюта жана тышкы финансы рынокторунда түзүлгөн кырдаалга дайыма көз салып турат жана зарыл болгон учурда акча-кредит саясатына ылайык бардык зарыл чараларды көрөт. 

Датасы: 26.06.2023
Туруктуу шилтеме

2023-жылдын 21-июнунда Улуттук банк Башкармасы тарабынан "Евразиялык Сактык Банкы» ААКсында 2023-жылдын 23-июнунан тартып 6 (алты) айлык мөөнөткө Убактылуу администрация атайын режими киргизилгендиги тууралуу токтом кабыл алынган. 

Алыбаев Таалайбек Орунбаевич «Евразиялык Сактык Банкы" ААКсынын Убактылуу администратору болуп дайындалды. 

 

Датасы: 26.06.2023
Туруктуу шилтеме

2023-жылдын 21-июнунда Улуттук банк Башкармасы тарабынан «Евразиялык Сактык Банкы» ААКсында 2023-жылдын 23-июнунан тартып Убактылуу администрация атайын режими токтотулгандыгы тууралуу чечим кабыл алынган. 

Датасы: 23.06.2023
Туруктуу шилтеме

Кыргыз Республикасынын Жогорку Кеңешинин депутаттарына Улуттук банктын 2022-жылдагы иши тууралуу маалымат берилди 

2023-жылдын 23-июнунда Кыргыз Республикасынын Улуттук банкы тарабынан уюштурулган “Улуттук банктын 2022-жылдагы иши жөнүндө” деген темада семинар болуп өттү. Бул семинарга депутаттар – Бюджет, экономикалык жана фискалдык саясат боюнча комитетинин мүчөлөрү катышты. 

Семинарда акча-кредит саясатын жүргүзүү, финансы-кредит уюмдарынын ишин өнүктүрүү жана жөнгө салуу, ошондой эле республикадагы төлөм системаларынын коопсуз жана ишенимдүү иштешин камсыз кылуу сыяктуу Улуттук банктын негизги функциялары жана иш милдеттери талкууланды. 

Улуттук банктын төрагасы К. Боконтаев өз сөзүндө 2022-жыл республикабыздын экономикасы үчүн оңой эмес жылдардан болгонун, ал дүйнөдөгү геосаясий кырдаалдан улам азык-түлүккө жана энергия ресурстарына дүйнөлүк баалардын өсүшү, тышкы соода жүргүзүү шарттарынын мүнөзүнүн өзгөрүшү менен шартталган тышкы факторлордун тийгизген таасири астында өнүгүп жатканын белгиледи.  

«Учурда дүйнөлүк экономикалык толкундоолор болуп жаткан жана инфляция жогору болгон мезгилде Улуттук банктын иш алып барган артыкчылыктуу багыты болуп, мурдагыдай эле өлкөдө баа туруктуулугун колдоо жана финансылык туруктуулукту сактоо саналат», - деп Улуттук банктын башчысы айтып өттү. 

Мындан тышкары, семинарда экономиканын учурдагы абалы, өлкөнүн банк жана төлөм системаларын өнүктүрүү тенденциялары жана келечеги талкууланды. 

Иш-чаранын жүрүшүндө Улуттук банктын жетекчилери Кыргыз Республикасынын Жогорку Кеңешинин Ардак грамоталары менен сыйланды, ал эми Улуттук банктын бир катар өкүлдөрүнө Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитетинин ыраазычылык каттары тапшырылды.  

 

 

 

Датасы: 22.06.2023
Туруктуу шилтеме

Улуттук банктын ченемдик укуктук актыларын кабыл алынган Кыргыз Республикасынын Министрлер Кабинетинин 2022-жылдын 18-ноябрындагы кабыл алынган № 637 «Кыргыз Республикасынын аймагында санариптик документтерди пайдаланууну киргизүү максатында Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө» токтомуна ылайык келтирүү максатында, Кыргыз Республикасынын Улуттук банк Башкармасы тарабынан 2023-жылдын 14-июнунда № 2023-П-12/38-4-(НПА) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтому кабыл алынган. 

Токтомдун электрондук версиясы Кыргыз Республикасынын Улуттук банкынын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/ Улуттук банк Башкармасынын токтомдору бөлүгүндө жайгаштырылган. 

Ченемдик укуктук акты Кыргыз Республикасынын Улуттук банкынын расмий интернет сайтында: www.nbkr.kg/ Банк тууралуу/ Улуттук банктын ченемдик актылары/ Банктык жөнгө салуу (Банк эмес финансы мекемелер ишин жөнгө салуу) бөлүгүндө жайгаштырылган. 

 

 

Датасы: 21.06.2023
Туруктуу шилтеме

1.Кыргыз Республикасынын Улуттук банкы «ФинансКредитБанк» ачык акционердик коому тарабынан «ФинансКредитБанк» ААКтын директорлор кеңешинин мүчөсү кызмат ордуна сунушталган Касымбекова Асель Ооматбековнанын талапкерлигине 2023-жылдын 20-июнунда макулдук берүү чечимин кабыл алды. 

2. Кыргыз Республикасынын Улуттук банкы «Айыл Банк» ачык акционердик коому тарабынан «Айыл Банк» ААКтын директорлор кеңешинин мүчөсү жана тобокелдиктерди тескөө боюнча комитетинин төрагасы кызмат ордуна сунушталган Тагаев Дамир Курманбековичтин талапкерлигине 2023-жылдын 20-июнунда макулдук берүү чечимин кабыл алды. 

3. Кыргыз Республикасынын Улуттук банкы «Коммерциялык банк КЫРГЫЗСТАН» ачык акционердик коому тарабынан «Коммерциялык банк КЫРГЫЗСТАН» ААКтын башкармасынын төрагасынын биринчи орун басары кызмат ордуна сунушталган Суранаев Кайратбек Джумгалбековичтин талапкерлигине 2023-жылдын 20-июнунда макулдук берүү чечимин кабыл алды. 

4. Кыргыз Республикасынын Улуттук банкы «Коммерциялык банк КЫРГЫЗСТАН» ачык акционердик коому тарабынан «Коммерциялык банк КЫРГЫЗСТАН» ААКтын директорлор кеңешинин төрагасынын орун басары кызмат ордуна сунушталган Түмөнбаев Бактыбек Асаналиевичтин талапкерлигине 2023-жылдын 20-июнунда макулдук берүү чечимин кабыл алды. 

5. Кыргыз Республикасынын Улуттук банкы «РСК Банкы» ачык акционердик коому тарабынан «РСК Банкы» ААКтын директорлор кеңешинин мүчөсү кызмат ордуна сунушталган ордуна Колбаев Кубанычбек Камчибековичтин талапкерлигине 2023-жылдын 20-июнунда макулдук берүү чечимин кабыл алды. 

 

 

Датасы: 20.06.2023
Туруктуу шилтеме

Ислам каржылоо принциптерине ылайык чыгарылган банк карталарынын түрлөрүн жана өзгөчөлүктөрүн жөнгө салуу максатында, Кыргыз Республикасынын Улуттук банк Башкармасы 2023-жылдын 14-июнунда № 2023-П-12/38-3-(НПА) «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтомун кабыл алды. 

Токтомдун электрондук версиясы Кыргыз Республикасынын Улуттук банкынын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/ Улуттук банк Башкармасынын токтомдору бөлүгүндө жайгаштырылган. 

Ченемдик укуктук акты Кыргыз Республикасынын Улуттук банкынын расмий интернет-сайтында: www.nbkr.kg/ Банк тууралуу/ Улуттук банктын ченемдик актылары/ Банктык жөнгө салуу жана www.nbkr.kg/ Банк тууралуу/ Улуттук банктын ченемдик актылары/ Төлөм системасы бөлүктөрүндө жайгаштырылган. 

 

Датасы: 20.06.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банкынын айрым ченемдик укуктук актыларына кредиттик маалымат алмашуу жана кыймылсыз мүлк маселелери боюнча өзгөртүүлөрдү киргизүү жөнүндө» Улуттук банк Башкармасынын токтом долбоорун (мындан ары – токтом долбоору) коомдук талкууга сунуштайт. 

Токтом долбоору Кыргыз Республикасынын Улуттук банкынын ченемдик укуктук актыларын Кыргыз Республикасынын 2023-жылдын 29-мартындагы №74 «Насыялык маалымат алмашуу жөнүндө» Кыргыз Республикасынын мыйзамына өзгөртүүлөрдү киргизүү тууралуу» мыйзамына жана 2023-жылдын 23-майындагы № 105 «Кыргыз Республикасынын айрым мыйзам актыларына («Ысык-Көл» экологиялык-экономикалык тутумун туруктуу өнүктүрүү жөнүндө», «Күрөө жөнүндө» Кыргыз Республикасынын мыйзамдарына) өзгөртүүлөрдү киргизүү тууралуу» Кыргыз Республикасынын мыйзамына ылайык келтирүү максатында иштелип чыккан.  

Токтом долбоору Улуттук банктын расмий интернет-сайтында: «www.nbkr.kg» / «Банк тууралуу» / «Улуттук банктын ченемдик актылары» / «Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg)жайгаштырылган.  

Коммерциялык банктар, «Кыргыз Республикасынын Мамлекеттик өнүктүрүү банкы» ААК, «Кредиттик союздардын каржы компаниясы» ААК, микрофинансы уюмдары, турак жай-сактык кредиттик компаниялар, кредиттик союздар, кепилдик фонддор жана кредиттик бюролор токтом долбоору боюнча өз сын-пикирлерин жана сунуштарын 2023-жылдын 20-июлунан кечиктирбестен kumetalieva@nbkr.kg электрондук дарегине (Word форматында) жөнөтүүсү зарыл. 

 

 

Датасы: 16.06.2023
Туруктуу шилтеме

Улуттук банк аймактык журналисттер үчүн семинар өткөрдү 

 

Кыргыз Республикасынын Улуттук банкы 2023-жылдын 16-июнунда Ысык-Көл жана Нарын областтарынын жалпыга маалымдоо каражаттарынын өкүлдөрү үчүн «Кыргыз Республикасынын банк жана төлөм системаларын өнүктүрүү» темасында окутуу семинарын өткөрдү. 

Семинардын жүрүшүндө өлкөнүн башкы банкынын ролу, функциялары, республиканын аймактарында банк жана төлөм системаларын өнүктүрүү, калктын финансылык сабаттуулугун жогорулатуу боюнча Улуттук банктын чаралары, санарип төлөм инструменттери жана Санарип сом концепциясын кошуу менен банк жана төлөм системаларын келечекте өнүктүрүү тенденциялары тууралуу маалымат берилди. 

Улуттук банк мезгил-мезгили менен жалпыга маалымдоо каражаттарынын өкүлдөрү үчүн окутуу семинарларын өткөрүп турат жана бул багыттагы иштерди улантат. 

 

 

 

 

 

 

Датасы: 16.06.2023
Туруктуу шилтеме

2023-жылдын 22-майынан 7-июнуна чейин Бишкек шаарындагы ЕККУнун Программалык кеңсесинин колдоосу менен финансылык сабаттуулук боюнча 50 семинар өткөрүлдү. Анда Ысык-Көл, Талас, Нарын жана Чүй областтарынын 1200дөн ашуун тургундары катышты. 

Иш-чаралардын жүрүшүндө семинарлардын катышуучулары үй-бүлөлүк жана жеке бюджет, финансылык продукттар жана кызмат көрсөтүүлөр, ислам каржылоо принциптери, инвестициялоо, электрондук финансылык кызмат көрсөтүүлөр, финансылык коопсуздук, салыктар жана камсыздандыруу сыяктуу темалар менен интерактивдүү формада тааныша алышты. 

Семинарлар Бишкек шаарындагы ЕККУнун Программалык кеңсесинин «Кыргыз Республикасында региондук өнүгүүгө көмөктөшүү» долбоорун ишке ашыруунун алкагында эксперттер тобу тарабынан мурда Кыргыз Республикасынын Улуттук банкынын жетекчилиги менен иштелип чыккан, финансылык сабаттуулук боюнча базалык компетенциялардын стандарттарына негизделген, чоңдор үчүн финансылык сабаттуулук боюнча экспресс-курс программасына ылайык өткөрүлдү. 

 

 

Датасы: 16.06.2023
Туруктуу шилтеме

2023-жылдын 21-июнунда Улуттук банк Башкармасы тарабынан «Евразиялык Сактык Банкы» ААКсында 2023-жылдын 23-июнунан тартып Убактылуу администрация атайын режими токтотулгандыгы тууралуу чечим кабыл алынган. 

 

 

Датасы: 15.06.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банк Башкармасынын 2009-жылдын 15-июлундагы № 30/6 «Кыргыз Республикасында акча которуулар системаcы боюнча которууларды жүзөгө ашыруу эрежелерин бекитүү тууралуу» токтомунун айрым ченемдерин убактылуу токтотуу жөнүндө» Улуттук банк Башкармасынын токтом долбоорун (мындан ары – долбоор) коомдук талкууга сунуштайт. 

Долбоор Кыргыз Республикасынын Улуттук банкынын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында «Мыйзам алдындагы актылардын долбоорлору»/«Кыргыз Республикасынын Улуттук банкынын токтому» бөлүгүндө жайгаштырылган. 

Кызыкдар болгон тараптар долбоор боюнча сын-пикирлерин жана сунуштарын 2023-жылдын 15-июлунан кечиктирбестен adjakubova@nbkr.kg электрондук дарегине (Word форматында) жөнөтүүсү зарыл. 

Датасы: 14.06.2023
Туруктуу шилтеме

Баткен жана Ош областтарындагы куралдуу кагылышууда жабыркаган карыз алуучуларга финансы-кредит уюмдары тарабынан көрүлгөн чаралар 

 

Улуттук банк 2022-жылдын 18-ноябрындагы № 2022-П-12/71-1 (НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» токтомунун талаптарынын аткарылышына мониторинг жүргүзүп турат.  

Жогорудагы токтомду аткаруу максатында, ФКУ Баткен областындагы карыз алуучулар боюнча бир катар чараларды көргөн: 

- 2022-жылдын 18-ноябрынан 2023-жылдын 31-майына чейинки аралыкта ФКУ тарабынан 5 692,5 млн сомго 52 095 кредит артыкчылыктуу тартипте каралган жана берилген; 

- «Кепилдик фонд» ААК 374,1 млн сом суммасына 381 кредит боюнча 177,3 млн сом суммасына 376 кепилдик берген. 

 

Датасы: 13.06.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн эки алмашуу бюросунун ар бирине 55 000 сом өлчөмүндө айып пул салынды. 

 

Датасы: 13.06.2023
Туруктуу шилтеме

2023-жылдын 8-июнунда Кыргыз Республикасынын Улуттук банкында коммерциялык банктар менен виртуалдык активдер боюнча кызматтарды сунуштоочулар ортосунда өз ара иш алып баруу маселеси боюнча Кыргыз Республикасынын Финансы министрлигине караштуу Финансылык чалгындоо мамлекеттик кызматынын, Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө мамлекеттик кызматынын, коммерциялык банктардын, виртуалдык активдер боюнча кызматтарды сунуштоочулардын жана «Кыргыз блокчейн инновациялар ассоциациясы» юридикалык жактар бирикмесинин өкүлдөрүнүн катышуусунда жумушчу жолугушуу болуп өттү.  

Жолугушуунун жүрүшүндө виртуалдык активдерди жөнгө салуу чөйрөсүндөгү мыйзамдарды аткаруу, виртуалдык активдер боюнча кызматтарды сунуштоочулардын коммерциялык банктар менен өз ара эсептешүү-кассалык тейлөө маселелери талкууланды, ошондой эле «Кыргыз блокчейн инновациялар ассоциациясы» юридикалык жактар бирикмеси тарабынан презентация сунушталды. 

Жолугушуунун жыйынтыгында, коммерциялык банктарга жана виртуалдык активдер боюнча кызматтарды сунуштоочуларга Кыргыз Республикасынын мыйзамдарына ылайык иш алып баруу, Кыргыз Республикасынын мыйзам актыларына виртуалдык активдер боюнча тиешелүү өзгөртүүлөрдү киргизүү боюнча мамлекеттик органдарга, Улуттук банкка сунуштарды берүү сунушталды. 

 

 

 

Датасы: 12.06.2023
Туруктуу шилтеме

2023-жылдын 6-июнунда Улуттук банктын төрагасы «Кыргыз Республикасынын Улуттук банкында коррупцияга каршы аракеттенүү боюнча 2023-2025-жылдарга стратегиялык иш-аракеттер планын бекитүү тууралуу» буйругуна кол койгон. 

Улуттук банк, Кыргыз Республикасынын «Коррупцияга каршы аракеттенүү жөнүндө» мыйзам талаптарын аткаруунун алкагында, Кыргыз Республикасынын Улуттук банкында коррупцияга каршы аракеттенүү боюнча 2023-2025-жылдарга стратегиялык иш-аракеттер планынын долбоорун иштеп чыккан, анда ачык-айкындуулукту, ачыктыкты жогорулатууну камсыз кылуу, коррупцияга каршы билим берүү жана коррупцияны алдын алуу боюнча иш-чаралар камтылган.  

Кыргыз Республикасынын Улуттук банкында этиканы сактоо жана коррупцияга жол бербөө боюнча комиссия Кыргыз Республикасынын Улуттук банкында коррупцияга каршы аракеттенүү боюнча 2023-2025-жылдарга стратегиялык иш-аракеттер планынын долбоорун талкуулоо боюнча отурум өткөрдү. Отурумга Улуттук банк Башкармасынын мүчөсү М.Ш. Аттокуров жана аталган комиссиянын башка мүчөлөрү катышты. 

Комиссиянын отурумунун жүрүшүндө Кыргыз Республикасынын Улуттук банкында коррупцияга каршы аракеттенүү боюнча 2023-2025-жылдарга стратегиялык иш-аракеттер планынын долбоору жактырылып, Улуттук банктын төрагасына бекитүүгө жөнөтүлдү. 

 

 

Датасы: 12.06.2023
Туруктуу шилтеме

Кыргыз Республикасынын Улуттук банкы Кыргыз Республикасынын Министрлер Кабинетинин жана Кыргыз Республикасынын Улуттук банкынын «Кыргыз Республикасында накталай эмес төлөмдөрдүн жана эсептешүүлөрдүн үлүшүн арттыруу боюнча 2023-2027-жылдарга каралган мамлекеттик программаны бекитүү жөнүндө» токтом долбоорун (мындан ары – токтом долбоору) коомдук талкууга сунуштайт. 

Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган. 

Токтом долбоору боюнча сын-пикирлерди жана сунуштарды 2023-жылдын 12-июлунан кечиктирбестен asyrgataev@nbkr.kg электрондук дарегине (Word форматында) жөнөтүү зарыл. 

Датасы: 09.06.2023
Туруктуу шилтеме

Кыргыз Республикасынын улуттук валютасынын 30 жылдыгына арналган салтанаттуу жыйын 

2023-жылдын 9-июнунда Т. Сатылганов атындагы Кыргыз улуттук филармониясында Кыргыз Республикасынын улуттук валютасынын 30 жылдык мааракесине арналган салтанаттуу иш-чара болуп өттү. Иш-чарага Кыргыз Республикасынын Президенти С. Жапаров, Жогорку Кеңештин депутаттары, Министрлер Кабинетинин мүчөлөрү, Кыргыз Республикасынын Президентинин Администрациясынын өкүлдөрү, финансы-кредит уюмдарынын, эл аралык уюмдардын жетекчилери жана Улуттук банктын башка өнөктөштөрү катышты. 

Жыйынды ачып жатып, Улуттук банктын төрагасы К. Бөкөнтаев кыргыз сомунун жүгүртүүгө киргизилиши жаш республикада рыноктук реформалар жүрүп жаткан, өлкө гиперинфляцияга туш болгон оор социалдык-экономикалык кырдаалга дал келгенин, мындай жагдай чечкиндүү, тез жана натыйжалуу чечимдерди кабыл алууну талап кылганын белгиледи. 

«Кыргыз сому туруктуу төлөм каражаты болуу менен азыркы учурда экономиканын толук кандуу иштешин жана өлкөнүн финансы-кредит уюмдарында сом түрүндөгү депозиттердин тынымсыз өсүшүн камсыз кылууда», - деп баса белгиледи К. Бөкөнтаев. 

Кыргыз Республикасынын Президенти С. Жапаров өз сөзүндө, улуттук валютабызды жүгүртүүгө киргизүү биздин эгемендүү өнүгүү жолубузду аныктап, акча-кредит саясатын өз алдынча жүргүзүүгө шарт түзгөнүн белгиледи. 30 жыл ичинде кыргыз сому кыргыз мамлекеттүүлүгүнүн туруктуулугунун символу жана өлкөнүн өз алдынча экономикалык саясатынын негизги элементи болуп калганын кошумчалады.  

Ошондой эле, Президент С. Жапаров валютаны жүгүртүүгө киргизүү боюнча жумушчу топтун мүчөлөрү болгон сүрөтчүлөргө, тарыхчыларга, экономисттерге ыраазычылыгын билдирди. Ал белгилегендей, Кыргызстандын финансы сектору, улуттук төлөм жана банк системалары дүйнөлүк финансылык-экономикалык кризистин таасирине карабастан, өзүнүн туруктуулугун көрсөтүү менен өнүгүүнү улантууда. Бул жерде Улуттук банктын жана жүргүзүлүп жаткан акча-кредит саясатынын ролун, ошондой эле финансы рыногунун адистеринин ак ниет эмгегин, кесипкөйлүгүн жана жоопкерчиликтүү мамилесин белгилей кетүү зарыл экенин белгиледи.  

«Кыргыз Республикасынын Министрлер Кабинети менен Улуттук банктын биргелешкен саясатынын натыйжасында макроэкономикалык туруктуулук жана бюджеттин туруктуулугу камсыз кылынууда. Элдин ишеними финансы рыногунун өнүгүшүнө таасир этүүчү эң маанилүү фактор болуп саналат. Жарандар финансы институттарын алардын продукциясын керектөөчү катары баалашат. Андыктан элдин ишенимин мындан ары да арттыруу үчүн дүйнөлүк тенденциялардан артта калбай, финансылык кызмат көрсөтүүлөрдүн сапатын жогорулатуу жана заманбап финансылык технологияларды киргизүү зарыл», - деп баса белгиледи С. Жапаров. 

Иш-чаранын жүрүшүндө Кыргыз Республикасынын Президенти өлкөнүн экономикасын өнүктүрүүгө жана банк системасын калыптандырууга кошкон олуттуу салымы үчүн экс-премьер-министр Т. Чыңгышевди биринчи даражадагы «Манас» ордени менен сыйлады. Ошондой эле, Улуттук банктын төрагасы К. Бөкөнтаевге, «Дос-Кредобанк» ААК башкармасынын төрагасы Ч. Эшбердиевага «Кыргыз Республикасынын эмгек сиңирген экономисти» ардак наамы тапшырылды, ал эми «Демир Кыргыз Интернэшнл Банк» ЖАК башкармасынын башкы директорунун орун басары А. Трофимушкина Кыргыз Республикасынын Ардак грамотасы менен сыйланды.  

Жыйындын соңунда Кыргыз улуттук филармониясынын белгилүү артисттеринин катышуусунда майрамдык концерт тартууланды. 

 

 

 

 

 

 

Датасы: 08.06.2023
Туруктуу шилтеме

1. Кыргыз Республикасынын Улуттук банкы «Бай-Тушум» Банкы ачык акционердик коому тарабынан «Бай-Тушум» Банкы ААКтын башкармасынын төрагасы кызмат ордуна сунушталган Базаркулов Улан Аскарбековичтин талапкерлигине 2023-жылдын 6-июнунда макулдук берүү чечимин кабыл алды. 

2. Кыргыз Республикасынын Улуттук банкы «РСК Банкы» ачык акционердик коому тарабынан «РСК Банкы» ААКтын шариат кеңешинин мүчөсү кызмат ордуна сунушталган Жеенбеков Кызырбек Зулпукаровичтин талапкерлигине 2023-жылдын 6-июнунда макулдук берүү чечимин кабыл алды. 

3. Кыргыз Республикасынын Улуттук банкы «Кыргыз Инвестициялык Кредит Банкы» жабык акционердик коому тарабынан «Кыргыз Инвестициялык Кредит Банкы» ЖАКтын директорлор кеңешинин мүчөсү кызмат ордуна сунушталган Исакулов Жылдызбек Абдилахатовичтин талапкерлигине 2023-жылдын 6-июнунда макулдук берүү чечимин кабыл алды. 

Датасы: 07.06.2023
Туруктуу шилтеме

2023-жылдын 7-июнунда Кыргыз Республикасынын Президентинин «Ала-Арча» мамлекеттик резиденциясында Кыргыз Республикасынын Улуттук банкынын төрагасы Кубанычбек Бөкөнтаев Катар Мамлекетинин эмири Шейх Тамим бин Хамад Аль Танинин Кыргыз Республикасына жасаган мамлекеттик сапарынын алкагында расмий иш-чарага катышты. 

Кыргыз Республикасынын Президенти Садыр Жапаров менен Катар Мамлекетинин эмири шейх Тамим бин Хамад Аль Танинин расмий жолугушуусунун жүрүшүндө Кыргыз Республикасынын Улуттук банкынын төрагасы К. Бөкөнтаев жана Катардын Тышкы иштер боюнча мамлекеттик министри Султан бин Саад Аль-Мурайхи Кыргыз Республикасынын Улуттук банкы менен Катардын Борбордук банкынын ортосунда борбордук банк иши чөйрөсүнө кызматташуу маселелери боюнча өз ара түшүнүшүү жөнүндө меморандумга кол коюшту. 

 

 

Датасы: 05.06.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын эки жаранынын (С.С.А., Ж.Т.Ж.) ар бирине 17 500 сом өлчөмүндө айып пул салынды. 

 

Датасы: 02.06.2023
Туруктуу шилтеме

Кыргыз Республикасынын төрт жаранына (А.у.Р., С.А.Д., Ч.у.Р., М.М.Т.) нак чет өлкө валютасы менен алмашуу операцияларын Кыргыз Республикасынын Улуттук банкынын лицензиясы жок жүргүзгөндүгү үчүн ар бирине 17 500 сом өлчөмүндө айып пул салынды. 

 

Датасы: 01.06.2023
Туруктуу шилтеме

2023-жылдын 1-июнунда - Эл аралык балдарды коргоо күнүнө карата Кыргыз Республикасынын Улуттук банкында улуттук валютанын киргизилгендигинин 30 жылдыгына арналган «Сом – Кыргызстандын жүзү» темасында балдар арасында сүрөт тартуу/колго жасалган буюмдар чыгармачылыгы боюнча республикалык сынактын жеңүүчүлөрүн сыйлоо аземи өттү. 

Сынактын максаты - балдар жана жаштар арасында улуттук валютага аяр мамиле жасоону калыптандыруу, балдарды жана жаштарды финансылык сабаттуулук маселелерине кызыктыруу, жаштардын чыгармачылык жигердүүлүгүнө дем берүү, Улуттук банктын иши жөнүндө коомчулуктун кабардар болушун арттыруу жана калктын финансылык сабаттуулугун жогорулатууга өбөлгө түзүү. 

Сынакка 200дөн ашык эмгек сунушталды, ар бир эмгек өзүнүн аткаруу техникасы жана чыгармачылыгы менен өзгөчөлөнүп уникалдуу болду. 

Республикалык сынактын жеңүүчүлөрүнө эстелик дипломдор жана баалуу белектер тапшырылды. 

 

 

 

Датасы: 01.06.2023
Туруктуу шилтеме

Кыргыз Республикасынын Улуттук банкы «БАКАЙ БАНК» ачык акционердик коому тарабынан «БАКАЙ БАНК» ААКтын директорлор кеңешинин мүчөсү кызмат ордуна сунушталган Ибрагимов Тимур Сергеевичтин талапкерлигине 2023-жылдын 26-майында макулдук берүү чечимин кабыл алды. 

 

 

Датасы: 01.06.2023
Туруктуу шилтеме

2023-жылдын 30-майында Улуттук банктын өкүлдөрү коммерциялык банктардын директорлор кеңешинин жана башкармасынын мүчөлөрү менен террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү (мындан ары – ПФТД/ЛПД) чөйрөсүндөгү мыйзам талаптарынын аткарылышы, ошондой эле Кыргызстанга карата экинчилик санкциялардын колдонулушу мүмкүндүгүнө байланышкан тобокелдиктерди төмөндөтүү боюнча маселелер менен жолугушту.  

Улуттук банк коммерциялык банктарга кардарлардын операцияларын жүргүзүүдө Кыргыз Республикасынын ПФТД/ЛПД чөйрөсүндөгү мыйзам талаптарын так сактоону, аналитикалык иштерди күчөтүүнү, ЕБ жана АКШ тарабынан юридикалык жана жеке жактардын товарларына карата киргизилген эл аралык санкцияларга өзгөчө көңүл буруу менен алдын алуу чараларын көрүүнү сунуштады.  

Улуттук банк, кандайдыр бир мыйзам бузуулар аныкталса, коммерциялык банктарга жана алардын кызмат адамдарына карата Кыргыз Республикасынын мыйзамдарына ылайык тиешелүү таасир этүүчү чаралары колдонула тургандыгын белгиледи.  

Улуттук банк өзү тарабынан жогоруда аталган маселелерди чечүү боюнча банк секторуна колдоо көрсөтүүгө даяр экендигин билдирди. 

Датасы: 31.05.2023
Туруктуу шилтеме

Кыргыз Республикасынын Улуттук банкынын төрагасы К.К. Боконтаев 2023-жылдын 30-31-майында Беларусь Республикасынын Минск шаарында өткөн Евразия экономикалык бирлигине мүчө мамлекеттердин борбордук (улуттук) банктарынын валюта саясаты боюнча Консультациялык кеңешинин 24-отурумуна катышты. 

Иш-чаранын алкагында ЕАЭБ өлкөлөрүндөгү учурдагы экономикалык кырдаал жана акча-кредит саясатын ишке ашыруунун жүрүшү тууралуу маалымат алмашуу болду. Аталган бирликтин жалпы финансы рыногун калыптандыруу боюнча иштерди мындан ары активдүү жүргүзүү жана кредиттик рейтингдерди өз ара таануу боюнча күн тартибинде белгиленген маселелер да талкууланды. 

Датасы: 30.05.2023
Туруктуу шилтеме

Кыргыз Республикасында санариптик төлөм инфраструктурасын өнүктүрүү, накталай эмес төлөмдөрдү көбөйтүү, калктын финансылык кызматтардан пайдалануусун кеңейтүү максатында, Кыргыз Республикасынын Улуттук банк Башкармасы 2023-жылдын 24-майында № 2023-П-14/34-4-(ПС) «Кыргыз Республикасында тез төлөмдөр системасын өнүктүрүү концепциясын бекитүү жөнүндө» токтомун кабыл алды.  

Кыргыз Республикасында тез төлөмдөр системасын өнүктүрүү концепциясы Улуттук банктын расмий интернет-сайтында: www.nbkr.kg/ Банктын милдеттери/ Төлөм системасы бөлүгүндө жайгаштырылган.  

 

 

Датасы: 30.05.2023
Туруктуу шилтеме

Кыргыз Республикасында накталай эмес төлөмдөрдүн жана эсептешүүлөрдүн үлүшүн көбөйтүү, банктардын жана төлөм системаларынын операторлорунун/төлөм уюмдарынын мобилдик тиркемелерин колдонуу менен товарлар жана кызмат көрсөтүүлөр үчүн төлөмдөрдү накталай эмес формада кабыл алуу үчүн соода-тейлөө ишканаларын эки өлчөмдүү штрихкод белгилери (QR-код) менен камтуу жана аны жайылтуу максатында, Кыргыз Республикасынын Улуттук банк Башкармасы 2023-жылдын 24-майында № 2023-П-14/34-3-(ПС) «Кыргыз Республикасынын Улуттук банк Башкармасынын 2019-жылдын 11-декабрындагы № 2019-П-14/62-5-(ПС) «Эки өлчөмдүү штрихкод белгилерин (QR-код) колдонуу менен төлөмдөрдү жана которууларды өткөрүү эрежелерин бекитүү тууралуу» токтомуна өзгөртүүлөрдү киргизүү жөнүндө» токтомун кабыл алды.  

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган. 

Ченемдик укуктук акты Улуттук банктын расмий интернет-сайтында: www.nbkr.kg/ Улуттук банктын ченемдик актылары/ Төлөм системасы бөлүгүндө жайгаштырылган.  

 

 

Датасы: 30.05.2023
Туруктуу шилтеме

Кыргыз Республикасынын Улуттук банкы  

эсептик ченди 13,00 пайыз деңгээлинде сактап калды 

 

Кыргыз Республикасынын Улуттук банкы 2023-жылдын 29-майында эсептик ченин (негизги ченин) 13,00 пайыз деңгээлинде өзгөртүүсүз калтыруу жөнүндө чечим кабыл алды. Чечим 2023-жылдын 30-майынан тартып күчүнө кирет.  

Кыргыз Республикасынын экономикасына тике жана кыйыр таасирин тийгизген тышкы экономикалык шарттар, мурдагыдай эле, белгисиздик жагдайлардын таасиринде, бир калыпта болбостон, тышкы финансылык рыноктордо өзгөрүлмөлүүлүк сакталууда. Дүйнөлүк азык-түлүк жана мунай рынокторунда баа динамикасынын акырындап төмөндөшүнө карабастан, көпчүлүк өлкөлөрдө жогору инфляция деңгээли күтүлүүдө. Ал эми региондо инфляциянын акырындык менен төмөндөшү алгылыктуу фактор болуп саналат. 

Кыргыз Республикасында 2023-жылдын январь-апрель айларынын жыйынтыгы боюнча ИДӨнүн айкын өсүш арымы 4,4 пайызды түздү. ИДӨнүн жалпы көлөмүнүн өсүшү экономиканын негизги тармактарынын, айрыкча, кызмат көрсөтүүлөр секторунун оң көрсөткүчтөрү менен камсыздалат. Салык-бюджет жана акча-кредит саясатынын өз ара аракети орто мөөнөттүү келечектеги инфляциянын туруктуу динамикасы үчүн аныктоочу факторлордун бири болуп эсептелет. Ички суроо-талап реалдуу эмгек акынын туруктуу өсүшү, ошондой эле керектөө кредиттеринин көлөмүнүн өсүшү менен шартталат. 

2023-жылдын башталышынан тартып Кыргыз Республикасында керектөө баалары (2023-жылдын 19-майына карата) 4,2 пайызга жогорулап, инфляция деңгээли жылдык мааниде 11,2 пайызды түзгөн. Күндөлүк инфляциянын калыптанышына, негизинен, айрым административдик баалардын (тарифтердин) кайра каралышы, ошондой эле дүйнөлүк азык-түлүк рынокторундагы баа конъюнктурасынын турукташуусу таасирин тийгизген. 

Улуттук банк тарабынан алдын ала көрүлгөн чаралардын натыйжасында, акча жана валюта рынокторундагы жагдай салыштырмалуу туруктуу бойдон сакталууда. Учурдагы акча-кредит шарттарын колдоо улуттук валютадагы аманаттарга болгон суроо-талапты сактоого жана калктын каражат топтоосуна өбөлгө түзүүгө мүмкүндүк берет. 

Кыска мөөнөттүү келечекте инфляцияга түрткү берүүчү факторлор мурдагыдай эле сакталып турушу күтүлөт. Күтүлүп жаткан инфляция деңгээли тышкы шарттар менен катар эле, ички факторлордун да таасиринде калыптанат, анын ичинен, ички суроо-талаптын акырындап көбөйүшү, ошондой эле бир катар тарифтердин жана акциздердин жогорулашы негизгилерден болуп саналат. Ошол эле учурда, дүйнөлүк азык-түлүк бааларынын динамикасы боюнча оптимисттик болжолдоолор ички баалардын өсүшүнө ооздуктоочу таасирин тийгизиши күтүлөт.  

Учурда орун алып турган шарттарды эске алуу менен Улуттук банк эсептик чен өлчөмүн 13,00 пайыз деңгээлинде сактап калуу чечимин кабыл алды. Улуттук банк тарабынан жүргүзүлүп жаткан акча-кредит саясаты, мурдагыдай эле, Кыргыз Республикасында инфляция деңгээлин орто мөөнөттүү мезгилдеги максаттуу көрсөткүчкө чейин төмөндөтүүгө багытталган. Кандайдыр бир тобокелдиктер келип чыккан учурда, Улуттук банк жүргүзүп жаткан монетардык саясатына кошумча корректировкаларды киргизиши мүмкүн. 

Улуттук банк түптөлгөн жагдайга туруктуу негизде көз салып турат жана зарыл болгон учурда акча-кредит саясатынын тиешелүү чараларын көрөт жана кошумча инструменттерди колдонот. 

Кыргыз Республикасынын Улуттук банк Башкармасынын эсептик чен өлчөмү маселеси боюнча кийинки отуруму план боюнча 2023-жылдын 31-июлунда өткөрүлөт. 

Кыргыз Республикасынын Улуттук банкы жагдайга жараша негизги чен өлчөмү боюнча пландан тышкаркы отурум өткөрүшү мүмкүн. 

Датасы: 26.05.2023
Туруктуу шилтеме

Улуттук банк жарандарга шектүү продукттар менен инструменттерге инвестиция салууда этият болууну сунуштайт 

 

Кыргыз Республикасынын Улуттук банкы, акыркы учурларда ар кандай интернет-ресурстар, жалпыга маалымдоо каражаттары, ошондой эле социалдык тармактар, мессенджерлер жана башка коммуникация каражаттары аркылуу жарандарга белгилүү бир активдерди сатып алуу же Улуттук банктын жана башка финансылык уюмдардын атынан финансылык жардам көрсөтүү боюнча түшүнүксүз көп маалыматтар сунушталып жаткандыгын билдирет.  

Мында чындыкка дал келбеген маалымат таркатылып жатат, тактап айтканда, шилтеме аркылуу өтүү менен же ошол инструменттерге акча каражаттарын салып, кыска убакыт ичинде көп киреше алуу жана заматта байып кетүү мүмкүнчүлүгү сунушталууда. 

Калктын көңүлүн буруу үчүн алдамчылар чындыкка жатпаган маалыматты таратуу, белгилүү бир активдерден жогору киреше алуу жана аларды андан ары төлөм каражаты катары жүгүртүү же аларды товарларга жана кызмат көрсөтүүлөргө алмаштыруу мүмкүнчүлүгүнө ээ болуу жөнүндө материалдарды жайгаштыруу менен жарнама ишин катуу жүргүзүп жатышат. Элди көбүрөөк ишендирүү үчүн алдамчылар Улуттук банктын атрибуттарын жана медиа чөйрөсүндө кеңири таанымал инсандардын сүрөттөрүн пайдаланган учурлар да кездешүүдө.  

Улуттук банк мындай учурларда өтө этият болууну, алдамчылык белгилерин камтыган шектүү продукттарга жана инструменттерге инвестиция салуудан алыс болууну сунуштайт жана төмөнкү коопсуздук чараларын так сактоого чакырат: 

- расмий сайттарды гана колдонуңуз, эч качан шектүү шилтемелерге кирбеңиз, ал шилтемеге жеке маалыматтарыңызды жана картаңыздын маалыматтарын киргизбеңиз;  

- эгерде картаңызды уурдатып же жоготуп алсаңыз, картаңыз банкоматка тартып алса же кайсы болбосун башка кыйынчылыктарда дароо өз банкыңызга телефон чалыңыз;  

- дайыма өз операцияларыңызды банктын көчүрмөсүнө салыштырып текшериңиз. Эгерде сиз аткарбаган операция жүргүзүлгөнүн аныктасаңыз, түптөлгөн жагдайды териштирүү өтүнүчү менен дароо өз банкыңызга арыз менен кайрылыңыз;  

- карта сыяктуу эле, электрондук капчыкты колдонууда да шектүү шилтемелерге кирип, жеке маалыматтарыңызды жазбаңыз.  

- эгерде электрондук капчык тиркемеси жүктөлгөн телефонуңузду уурдатып жиберсеңиз, дароо өз банкыңызга бул тууралуу маалымдап, электрондук капчыгыңызды блокко коюңуз.  

- банкоматтан акча чыгарууда эч качан бейтааныш адамдардан жардам сурап кайрылбаңыз. 

- өзүңүздүн картаңыздын номерин, ПИН-кодун, картанын колдонуу мөөнөтүн, ошондой эле CVV/CVC коддорун (бул коопсуздук коддору болуп саналат, картанын аркы бетиндеги кол тамга коюла турган тилкедеги 3 цифра) эч кимге айтпаңыз жана көрсөтпөңүз.  

- электрондук капчык колдонууда да коопсуздук эрежелерин сактаңыз. Биринчи кезекте, капчыкка кирүү үчүн көп белгиден турган узак сыр сөздү (мисалы, 6 дан 16га чейинки белгиден турган) белгилеп алыңыз, идентификациядан өтүңүз;  

- алдамчылык иш-аракеттерине кабылган учурда токтоосуз өзүңүз тейленген банкка жана укук коргоо органдарына кайрылыңыз.  

Финансылык кызматтарды көрсөтүүгө байланыштуу суроолор пайда болгон учурда Улуттук банк финансылык уюмдарга онлайн-сервис кызматтары аркылуу (телефон, электрондук почта, социалдык тармактар ​​жана мессенджер аркылуу) кайрылууну сунуштайт. Иш тартиби, продукттар жана кызматтар жөнүндө маалымат финансы уюмдарынын интернет-сайттарында жайгаштырылган.  

Зарыл болгон ыкчам маалыматты/консультацияларды алуу үчүн жарандар Улуттук банктын коомдук кабылдамасына 0 312 61 04 86 телефону, Улуттук банктын 0501 89 00 00 whatsapp-каналы, финансы кызмат көрсөтүүлөрдү керектөөчүлөрдүн укуктарын коргоо маселелери боюнча 0312 61 45 78 телефон номери жана 0555 85 57 48, 0770 73 73 49 мобилдик номерлер аркылуу кайрыла алышат.  

 

Датасы: 26.05.2023
Туруктуу шилтеме

Өтүп жаткан жылдын 25-майында «Economist» финансылык басылмасынын economist.kg интернет-сайтында «Кыргыз Республикасынын ири финансылык форумунда Министрлер Кабинетинин башчысы катышып, Улуттук банктын башчысы катышкан жок» деген аталышта жарыяланган макаласы боюнча Кыргыз Республикасынын Улуттук банкы төмөнкүлөрдү билдирет. 

Аталган макаланын текстинде төмөнкүдөй жазылган: 

“Бишкекте 25-майда сегизинчи BIFF 2023 эл аралык финансылык форум өтүп жатат, анын алкагында финансы секторундагы инновациялар, ошондой эле финансы секторунун башка маанилүү маселелери талкууланат. Расмий ачылыш бөлүгүндө Банктар союзунун башчысы Анвар Абдраев жана Министрлер Кабинетинин башчысы Акылбек Жапаров чыгып сөз сүйлөштү. Кыргыз Республикасынын Улуттук банкынын атынан күтүүлөргө карабастан, Улуттук банктын төрагасы Кубанычбек Боконтаев эмес, анын орун басары Заир Чокоев чыгып сөз сүйлөдү.  

Мурда Кыргызстанда ар жылдык ири финансылык форумда дайыма Улуттук банктын башчылары чыгып сөз сүйлөп келген. Ошондой эле, жөнгө салуучу органдын азыркы башчысы ири тармактык иш-чараларга көп катышпай жаткандыгын, ошондой эле маалымат мейкиндигине көп аралашпай, жалпыга маалымдоо каражаттарына да интервью бербей келгендигин белгилейбиз. Улуттук банктын атынан акыркы кеңири интервьюну мурдагы төрага Толкунбек Абдыгулов берген.”. 

Бул маалыматка жооп катары Улуттук банк 2023-жылдын 25-майында өткөн BIFF форумунда (мындан ары - Форум) Улуттук банктын төрагасы К. Боконтаев кыргыз мамлекетинин жана анын жетекчилеринин коррупция менен күрөшүү саясатына көз караштардын каршы келип калбашы үчүн катышпагандыгын маалымдайт.  

Бул жагдай, Форумду уюштуруунун башкы баскычында анын башкы бирге уюштуруучусу тарабынан Улуттук банк менен өз ара иш алып баруу үчүн коррупция иши боюнча, атап айтканда, Керемет банк иши боюнча Кыргыз Республикасынын Улуттук банкында коррупция боюнча айып тагылган адам дайындалгандыгы менен байланыштуу. Мындай дайындоо Улуттук банк үчүн жол берилгис жана терс көрүнүш болуп саналат.  

Ушул себептен, Улуттук банктын төрагасы кыргыз мамлекетинде коррупция менен күрөшүүнүн негизи болуп саналган баалуулук көрсөткүчтөрүнө көз караштардын каршы келип калбашы үчүн Форумга катышкан эмес.  

Мында, жогоруда белгиленген фактылар жөнүндө маалым болбогон жана ага эч кандай тиешеси жок Кыргызстандын банк коомчулугун урматтагандыктан, ошондой эле алдын ала пландаштырылып калган Форумду өткөрүүнү үзгүлтүккө учуратпоо максатында, Улуттук банктын төрагасы өзүнүн ордуна аталган Форумга катышууну орун басарына өткөрүп берип, Форумду өткөрүүгө көмөктөшүү боюнча мурда алган милдеттенмелерди да толук аткарууну тапшырган. 

Ал эми Улуттук банктын төрагасынын тармактык иш-чараларга катышпагандыгы жөнүндө маалымат боюнча Улуттук банк бул маалымат чындыкка дал келбей тургандыгын билдирет. Алсак, мисалы, Форумга чейин беш күн мурда Улуттук банктын төрагасы 2023-жылдын 19-майында Бишкек шаарында болуп өткөн, улуттук валютанын жүгүртүүгө киргизилгендигинин 30 жылдыгына арналган, башка мамлекеттердин борбордук банктарынын башчылары, Кыргыз Республикасынын мамлекеттик органдарынын жетекчилери, Кыргыз Республикасындагы эл аралык органдардын, өлкөнүн коммерциялык банктарынын жана башка финансы секторунун жетекчилери катышкан маанилүү Эл аралык банктык конференцияга катышып, бир нече жолу чыгып сөз сүйлөгөн. Бул конференция жөнүндө маалымат жалпыга маалымдоо каражаттарында (мындан ары - ЖМК) кеңири жарыяланган: Улуттук банктын төрагасынын сөзү республикалык телеканалдарда көрсөтүлүп, андан үзүндүлөр жалпыга маалымдоо каражаттарында, анын ичинде социалдык тармактарда да жарыяланган. 

Мындан тышкары, Форумга чейин 10 күн мурун Улуттук банктын төрагасы улуттук валютанын жүгүртүүгө киргизилгендигинин 30 жылдыгына арналган, Кыргызстандын 800гө жакын банк кызматкери катышкан, жарыш - жалпы банктык спорттук иш-чаранын ачылышында сөз сүйлөгөн. Спорттук жарыш тууралуу маалымат ЖМКларда, интернет-ресурстарда, анын ичинде социалдык тармактарда да чагылдырылган.  

Улуттук банктын төрагасы К. Боконтаевдин эл алдында сүйлөбөгөндүгү тууралуу маалымат боюнча айтсак, төрага ар түрдүү маселелерди кароодо Кыргыз Республикасынын Жогорку Кеңешинин отурумунда чыгып сүйлөйт. Алсак, алтын боюнча парламенттик комиссиянын иш жыйынтыгын кароодо парламенттин жакынкы арада болуп өткөн отурумунда кыргыз коомчулугуна Улуттук банктын алтын менен операциялары, Улуттук банктын тескөөсүндө турган алтындын көлөмү тууралуу маалымат берген. Анын сөзүнөн алынган үзүндүлөр ЖМКга жарыяланган.  

Мындан тышкары, буга чейин Улуттук банктын төрагасы Кыргыз Республикасынын «Кыргыз Республикасынын Улуттук банкы жөнүндө» конституциялык Мыйзам долбоорун жана Кыргыз Республикасынын «Банктар жана банк иштери жөнүндө» мыйзамын коргоо максатында, Жогорку Кеңештин отурумдарына дайыма катышып сүйлөп турган, анда «Керемет банк» ААКтын ишине байланыштуу 2018-2020-жылдары Улуттук банкта миллиарддаган жоготууларга жол берилгендиги тууралуу маалымдаган, Улуттук банктагы бул жоготуулардын өлчөмү жана Улуттук банкта мындай болушу мүмкүн экендиги жөнүндөгү маалымат ошол учурда кыргыз коомчулугун таң калтырган. Төраганын айткан сөзүнөн алынган үзүндүлөр ЖМКларга мезгил-мезгили менен жарыяланып турган жана жарыяланып турат.  

Жогоруда белгиленгендер Улуттук банктын төрагасынын коомчулукка берген маалыматтын актуалдуулугун, учурдун талабына туура келген жана сапаттуу экендигин көрсөтүп турат.  

Күндөлүк маалыматтарды сунуштап туруу үчүн Улуттук банкта Коомчулук менен иш алып баруу бөлүмү иштейт. Бөлүм Улуттук банктын иши, Кыргыз Республикасынын банк секторунун абалы жана башка маселелер тууралуу коомчулукка туруктуу негизде маалымат берип турат.  

Улуттук банкта дайыма Улуттук банктын атынан интервью берип туруу үчүн Улуттук банктын расмий өкүлү дайындалган, ал өз ишин туруктуу негизде аткарып келет.  

Азыркы учурдагы журналисттердин жана редакторлордун мууну К. Боконтаев Улуттук банктын төрагасынын орун басары болуп турган учурда ЖМКга ошол мезгилде бат-бат интервью берип тургандыгын эстебей калышкандыгын белгилеп кетүү керек, анда ал Убактылуу өкмөттүн мамлекеттик казынада акча жок деген жалган маалыматына 2010-жылдын апрель айында чындыкты айткан интервью берген. Ал пресс-конференцияларда коомчулукка (ЖМКларда, анын ичинде телекөрсөтүүлөрдө көрсөтүлгөн) Улуттук банкта Өкмөттүн жана Өнүктүрүү фондунун 220 млн АКШ долларынан ашык каражаты сакталып тургандыгын маалымдаган. Бул маалыматы үчүн ал дароо ээлеген кызматынан бошотулуп, көп жылдык саясий куугунтукка алынган. Ал эми 2010-жылдын апрель айында жана андан кийин деле ошол жылдары 2010-жылга чейин бийликте иштеген адамдар коопсуздугуна коркунуч жаралып жаткандыгынан жана саясий куугунтукка алынышы ыктымалдыгынан улам, ЖМКларга кандайдыр бир интервью берүүдөн кооптонушкан.  

Жогоруда белгиленгендерге таянсак, «Economist» финансылык басылмасы жарыялаган «Кыргыз Республикасынын ири финансылык форумунда Министрлер Кабинетинин башчысы катышып, Улуттук банктын башчысы катышкан жок» деген жогоруда берилген маалымат чындыкка дал келбейт.  

Ошондой эле, Улуттук банк бул жагдай коммерциялык банктардын жана башка финансы уюмдарынын – тиешелүү коомдук уюмдардын уюштуруучулары болуп саналган негизги акционерлери жана жетекчилери тарабынан жогоруда аталган терс мүнөздөгү маалымат канчалык деңгээлде алардын ички саясатына дал келе тургандыгы өз убагында каралышы керек деп эсептейт, себеби бул уюмдар коомдук уюмду колдоо үчүн финансылык төгүмдөрдү которуп турушат. Айрыкча бул, коррупцияга каршы күрөшүү максатын көздөгөн өлкөдөгү мамлекеттик банктардын жана уюмдардын жүргүзгөн саясатына тиешелүү. 

Ошондой эле Улуттук банк 2022-жылдын экинчи жарымында жана 2023-жылдын башталышында коомчулуктун жана парламент депуттарынын арасында Кыргызстандын коммерциялык банктарынын ишине карата айткан кескин нааразычылыктары байкалгандыгын белгилейт, алардын пикиринде учурдагы болуп жаткан кризиске байланыштуу коммерциялык банктар пайда көрүп жатат дешкен. Бул учурда Улуттук банктын расмий өкүлү коммерциялык банктарга карата негизсиз күнөө коюлуп жаткандыгы тууралуу комментарийлерди жана интервьюларды үзгүлтүксүз берип турган. Бирок, тилекке каршы, ошол мезгилде тиешелүү банктык коомдук уюмдар тарабынан коммерциялык банктарды коргогон интенсивдүү интервьюлар жана пикирлер айтылган эмес.  

Улуттук банкка жана анын жетекчилигине карата, Улуттук банкта мыйзамдуулукту орнотуу боюнча анын ишмердүүлүгүнө байланышкан, өзгөчө Керемет банкты калыбына келтирүү боюнча айтылган маалыматтык чабуул, тилекке каршы, буга чейин болуп келген жана азыр дагы болуп жатат. Бирок ишенимдүү жана так маалыматтар мындай көрүнүштөргө каршы туруу үчүн негиз болуп саналат.  

Басылманын редактору жогоруда айтылган маалыматты жарыялоонун алдында анын аныктыгын тактап текшерип көрбөгөндүгү жана экинчи тараптын пикирин укпагандыгы өкүндүрөт. Ошондой эле, колдон келген бардык ыкманы, анын ичинде анык эмес маалыматты колдонуп, каалаган максатка жетүүгө болот деп эсептегендердин катарына билип-билбей кошулуп алган «Economist» финансылык басылмасынын калыс баа бере албагандыгы абдан өкүнүчтүү. Улуттук банк журналисттердин аткарып жаткан ишин баалайт, бирок кандай болбосун маалыматты жарыялоодон мурда экинчи тараптын пикирин угууну жана маалыматтын чындыкка дал келе тургандыгын тактап текшерип алууну сунуштайт. 

 

Датасы: 26.05.2023
Туруктуу шилтеме

2023-жылдын 25-майында, Кыргыз Республикасынын улуттук валютасынын жүгүртүүгө киргизилишинин 30 жылдыгына арналган иш-чаралардын алкагында, Кыргыз Республикасынын Улуттук банкы менен бирге «Кыргызстан банктарынын союзу» юридикалык жактар бирикмеси тарабынан уюштурулган «Технологиялар, мүмкүнчүлүктөр жана туруктуу өнүгүү» аталышында Бишкек эл аралык финансылык форум BIFF-2023 болуп өттү. 

Форумга Кыргыз Республикасынын Министрлер Кабинетинин Төрагасы, Улуттук банктын жетекчилиги, Кыргыз Республикасынын Президентинин Администрациясынын, Кыргыз Республикасынын Жогорку Кеңешинин, Улуттук банктын, эл аралык уюмдардын, Кыргыз Республикасынын финансы секторунун өкүлдөрү жана чет элдик эксперттер катышты. 

Жолугушуунун катышуучулары финансылык технологияларды өнүктүрүүнүн актуалдуу маселелерин, анын ичинде накталай эмес төлөмдөрдүн келечеги, санариптик трансформация, аралыктан идентификациялоо, киберкоопсуздук, финансылык технологиялар жана мамлекеттик жөнгө салуу тууралуу маселелерди талкуулашты. 

 

 

 

Датасы: 26.05.2023
Туруктуу шилтеме

Кыргыз Республикасынын Улуттук банкы төлөм системасынын оператору жана төлөм уюму «Диджитал Пэйментс-К» ЖЧКнын юридикалык аталышы «Фридом Пэй Кыргызстан» ЖЧКга өзгөргөндүгүнө байланыштуу 2023-жылдын 18-майында төлөм системасынын операторунун № 2022160218 жана төлөм уюмунун № 3027111019 лицензиялары кайра таризделгендигин билдирет. 

 

 

Датасы: 26.05.2023
Туруктуу шилтеме

Кыргыз Республикасынын ички рыногунда баалуу металлдар рыногун өнүктүрүү, анын ичинде зергерчилик тармагын чийки зат менен камсыздоо жана баалуу металлдар менен операцияларды жүргүзүүнү арттыруу максатында, Кыргыз Республикасынын Улуттук банкы «Кыргыз фондулук биржасы» жабык акционердик коому менен биргеликте (мындан ары – «КФБ» ЖАК) «Кыргызалтын» ачык акционердик коому тарабынан даярдалган, салмагы 10900 граммдан 13400 граммга чейинки аффинаждалган алтын куймаларын «КФБ» ЖАКтын соода аянтында сатууну баштады.  

Кыргыз фондулук биржасында аффинаждалган алтын куймаларын сатууга катышуу жана сатып алуу шарттары боюнча кеңири маалымат «КФБ» ЖАКтын расмий интернет-сайтында жайгаштырылган. 

Датасы: 25.05.2023
Туруктуу шилтеме

2023-жылдын 23-майында Улуттук банктын кызматкерлери коммерциялык банктардын комплаенс-кызматтары менен санкциялар жана санкциялардан улам кошумча тобокелдиктердин таасири боюнча актуалдуу маселелерди, ошондой эле жаңы банктык продукттарды/кызмат көрсөтүүлөрдү жана финансылык технологияларды колдонууга киргизүүдө Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндө мыйзам талаптарын сактоо маселелерин талкуулоо үчүн жолугушушту.  

Жолугушууда АКШ жана Европа бирлиги тарабынан Кыргыз Республикасынын экономикалык өнөктөш өлкөлөрүнө карата чектөө чаралары киргизилген учурдан тартып Улуттук банк Кыргыз Республикасынын банк системасына санкциялардын терс таасирине бөгөт коюу жана банктык корреспонденттик мамилелердин токтоп калуу тобокелдиктерине жол бербөө максатында тиешелүү иштерди жүргүзүүдө. 

Атап айтканда, Улуттук банк туруктуу негизде коммерциялык банктарга санкциялардан улам кошумча тобокелдиктердин таасири жөнүндө маалымдап турат жана санкцияларга жол бербөө максатында коммерциялык банктарга OFAC, Европа бирлигинин санкциялык тизмегине кирген товарлар жана жактар менен операцияларды контролдоону күчөтүү жана аларга жол бербөө боюнча чараларды кабыл алууну сунуштайт. 

Мындан тышкары жолугушууда коммерциялык банктарга, банктын кардарларын тейлөөдө, санкциялар аларга карата киргизилген юрисдикциядагы жактар менен операцияларга өзгөчө көңүл буруу менен аларды Кыргыз Республикасынын террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү боюнча мыйзам талаптарына ылайык талапка ылайык текшерүү жагында ички контролдукту күчөтүү чараларын көрүү ишин улантууну сунуштады. 

 

 

Датасы: 23.05.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын  

Жалал-Абад областтык башкармалыгы тарабынан Кыргыз Республикасынын төрт жаранынын (Х.К., М.Н.А., Ю.М.М. жана М.М.М.) ар бирине 17 500 сомдон айып пул салынды. 

 

Датасы: 22.05.2023
Туруктуу шилтеме

2023-жылдын 22-майында Ысык-Көл, Нарын, Талас жана Чүй областтарынын тургундары үчүн финансылык сабаттуулук боюнча семинарлар өткөрүлө башталды. Семинардын максаты – калкка өз каражаттарын туура пайдаланууга окутуу, финансылык продукттардан жана кызмат көрсөтүүлөрдөн, анын ичинде электрондук кызматтардан пайдалануу жөнүндө маалымат берүү, ошондой эле инвестициялоо, салыктар, камсыздандыруу жана финансылык коопсуздук маселелери боюнча финансылык билимин арттыруу саналат. 

Семинарлар Улуттук банк тарабынан ОБСЕнин Бишкектеги программалык офисинин колдоосу астында өткөрүлүп жатат.  

Семинарларды өткөрүү графиги жөнүндө толук маалымат менен төмөнкү  шилтеме аркылуу таанышып чыгууга болот. 

 

 

 

 

 

Датасы: 22.05.2023
Туруктуу шилтеме

Кыргыз Республикасынын Улуттук банкынын Талас областтык башкармалыгы 2023-жылдын 17-майында улуттук валюта – кыргыз сомунун жүгүртүүгө киргизилишинин 30 жылдыгын белгилөөнүн алкагында Талас шаардык Көркөм сүрөт музейинде коллекциялык монеталарды сатуу уюштурулган нумизматикалык көргөзмөнү ачты.  

Көргөзмөгө Кыргыз Республикасынын Улуттук банкы 30 жыл ичинде чыгарган төмөнкү нумизматикалык баалуулуктар коюлду:  

- Кыргыз Республикасынын улуттук валютасынын өнүгүү тарыхын чагылдырган, 1993-2023-жылдары чыгарылган банкноттордун үлгүлөрү;  

- 1995-2023-жылдары чыгарылган коллекциялык эстелик монеталар; 

- сувенир буюмдары.  

Жогоруда аталган иш-чара 2023-жылдын 17-18-май күндөрү Талас шаардык Көркөм сүрөт музейинде өттү. Ал эми, 23-25-май күндөрү Талас шаары, Бердике Баатыр көчөсү 291 дарегинде жайгашкан Кыргыз Республикасынын Улуттук банкынын Талас областтык башкармалыгынын имаратында өткөрүлөт. 

 

 

 

 

Датасы: 22.05.2023
Туруктуу шилтеме

2023-жылдын 18-майында Кыргыз Республикасынын Улуттук банкында Кыргыз Республикасынын Улуттук банкынын этика жана коррупциянын алдын алуу боюнча комиссиянын отуруму болуп, анда Кыргыз Республикасынын Улуттук банкынын 2023-2025-жылдарга коррупцияга каршы күрөшүү жөнүндө стратегиялык иш-чаралар планынын долбоору талкууланды.  

План ачык-айкындуулукту, маалымдуулукту жана коррупцияга каршы билим берүүнү жана коррупциянын алдын алууну камсыздоо боюнча иш-чараларды камтыйт. 

Отурумга Улуттук банк Башкармасынын мүчөсү М.Ш.Аттокуров жана Кыргыз Республикасынын Улуттук банкынын этика жана коррупциянын алдын алуу боюнча комиссиянын башка мүчөлөрү катышты. 

Жыйындын жүрүшүндө Кыргыз Республикасынын Улуттук банкынын 2023-2025-жылдарга коррупцияга каршы аракеттенүү боюнча стратегиялык иш-чаралар планынын долбоору жактырылып, Улуттук банктын төрагасына бекитүүгө жөнөтүлдү. 

2023-жылдын 19-майында Улуттук банктын төрагасы “Кыргыз Республикасынын Улуттук банкынын 2023-2025-жылдарга коррупцияга каршы аракеттенүү боюнча стратегиялык иш-чаралар планын бекитүү тууралуу” буйругун чыгарган. 

 

 

Датасы: 22.05.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилгендигинин  

30 жылдыгын белгилөөнүн алкагында 2023-жылдын 13-майында «Сулайман Тоо» улуттук тарыхый-археологиялык музей комплексинин имаратында жана 2023-жылдын 16-майында Б. Сыдыков атындагы Кыргыз-Өзбек эл аралык университетинде Улуттук банк тарабынан чыгарылган коллекциялык монеталардын нумизматикалык көргөзмөсү болуп өттү.  

Көргөзмөнүн салтанаттуу ачылышына «Сулайман Тоо» улуттук тарыхый-археологиялык музей комплексинин кызматкерлери, жалпыга маалымдоо каражаттарынын өкүлдөрү, Б. Сыдыков атындагы Кыргыз-Өзбек эл аралык университетинин кызматкерлери менен студенттери катышты.  

Көргөзмөгө келгендер үчүн Улуттук банк тарабынан чыгарылган коллекциялык нумизматикалык монеталарды сатуу уюштурулду. 

 

 

 

 

 

 

Датасы: 22.05.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилишинин 30 жылдыгынын алкагында жана «Сом – Кыргызстандын жүзү» аталышындагы иш-чаралар планына ылайык, 2023-жылдын 16-майында Нарын областтык башкармалыгында агрардык-экономикалык колледждин студенттери үчүн лекция уюштурулду.  

Окулган лекциянын жүрүшүндө Улуттук банктын Нарын областтык башкармалыгынын өкүлдөрү студенттерге улуттук валютанын өнүгүү этаптары жана коргоо белгилери тууралуу кызыктуу маалымат беришти. 

Агрардык-экономикалык колледждин студенттери нумизматикалык коллекциялык монеталарды сатуу көргөзмөсүнө катышты, көргөзмөгө Кыргыз Республикасынын Улуттук банкы тарабынан чыгарылган, кыргыз элинин терең тарыхы менен маданий мурасын чагылдырган, жогорку көркөм чеберчиликте жасалган нумизматикалык коллекциялык монеталар коюлган. 

 

 

 

 

 

Датасы: 22.05.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилишинин 30 жылдыгынын алкагында жана «Сом – Кыргызстандын жүзү» аталышындагы иш-чаралар планына ылайык, 2023-жылдын 12-майында Нарын областтык башкармалыгында улуттук валютанын 30 жылдыгына арналган салтанаттуу жыйын уюштурулду. Иш-чаранын жүрүшүндө салтанаттуу жыйындын катышуучуларына кыргыз сомунун 30 жылдык тарыхын камтыган өнүгүү этаптары жана улуттук валютанын коргоо белгилери тууралуу кызыктуу маалымат берилди. 

Ошондой эле нумизматикалык көргөзмө уюштурулуп, анда Улуттук банк тарабынан чыгарылган, кыргыз элинин терең тарыхы менен маданий мурасы чагылдырылган жогорку деңгээлдеги көркөм чеберчиликте жасалган нумизматикалык коллекциялык монеталар коюлган. 

Мындан тышкары, көргөзмөнүн катышуучулары үчүн Улуттук банк тарабынан чыгарылган коллекциялык нумизматикалык монеталарды сатуу уюштурулду 

 

 

 

 

 

 

Датасы: 22.05.2023
Туруктуу шилтеме

1. Кыргыз Республикасынын Улуттук банкы «Оптима Банк» ачык акционердик коому тарабынан «Оптима Банк» ААКтын ички аудит департаментинин директорунун орун басары кызмат ордуна сунушталган Мырзабеков Арсен Бейшекеевичтин талапкерлигине 2023-жылдын 16-майында макулдук берүү чечимин кабыл алды. 

2. Кыргыз Республикасынын Улуттук банкы «ЭкоИсламикБанк» жабык акционердик коому тарабынан «ЭкоИсламикБанк» ЖАКтын ички аудит кызматынын жетекчисинин орун басары кызмат ордуна сунушталган Тюменбаев Баккелди Рахимовичтин талапкерлигине 2023-жылдын 16-майында макулдук берүү чечимин кабыл алды. 

 

Датасы: 22.05.2023
Туруктуу шилтеме

Кыргыз Республикасынын мыйзам талаптарын бузгандыгы үчүн 1 микрокредиттик компаниясына айып пул салынды.  

Датасы: 19.05.2023
Туруктуу шилтеме

Улуттук валютанын жүгүртүүгө киргизилишинин 30 жылдыгына арналган «Чакырыктардан жаңы мүмкүнчүлүктөргө карай» 

эл аралык конференциясы 

 

2023-жылдын 19-майында Бишкек шаарында «Ала-Арча» мамлекеттик резиденциясында улуттук валютанын жүгүртүүгө киргизилишинин 30 жылдыгына арналган «Чакырыктардан жаңы мүмкүнчүлүктөргө карай» темасында эл аралык конференция болуп өттү.  

Эл аралык конференциянын программасында туруктуу экономика жана экономиканы санариптик трансформациялоо темаларына арналган эки сессиялык блок каралган. Биринчи сессиянын алкагында «Экономиканы трансформациялоо шарттарында акча-кредит саясатынын ролу» темасы боюнча Кыргыз Республикасынын Улуттук банкынын төрагасынын орун басары Заир Чокоев, Россия Федерациясынын Борбордук банкынын төрагасы Эльвира Набиуллина жана Казакстан Республикасынын Улуттук банкынын төрагасы Галымжан Пирматов баяндама беришти.  

Инфляциянын глобалдуу өсүшү, анын Кавказ жана Борбордук Азия өлкөлөрүнүн акча-кредит саясатынын негиздерине таасири темасы Өзбекстан Республикасынын Улуттук банкынын төрагасы Мамаризо Нурмуратовдун жана Эл аралык валюта фондунун Кыргыз Республикасындагы туруктуу өкүлү Тигран Погосяндын баяндамасынын өзөгүн түздү.  

Мындан тышкары, катышуучулар туруктуу экономиканы өнүктүрүү инструменттери катары санариптештирүү жана «жашыл финансы» маселелерин, ошондой эле глобалдуу өнүгүү процессине өтүүдө өндүрүштүн калдыктарын мүмкүн болушунча жокко чыгаруу боюнча Борбордук Азиянын көйгөйлөрүн талкуулашты.  

Экинчи сессиянын жүрүшүндө, катышуучулар финансы технологиялары, финансы системасын санариптештирүү мүмкүнчүлүктөрү жана чакырыктары, ошондой эле борбордук банктардын санарип валютага, финансы рыногун жөнгө салууга, киберкоопсуздукка байланышкан келечегинен талкуулоодон тышкары, IT тармагындагы кадрлар потенциалын, анын ичинде технологиялар чөйрөсүндөгү аялдардын ролу жөнүндө сөз кылышты. 

Конференцияны жыйынтыктап жатып К. Боконтаев өз сөзүндө: «Дүйнөдө болуп жаткан өзгөрүүлөр экономикалык жана финансылык толкундоолорго алып келип, бүткүл дүйнө жүзүндө экономикалык өнүгүүгө карата тобокелдиктерди жаратууда, мындай кырдаалда өкмөттөр жана борбордук банктар тышкы таасирлерге туруштук берүүнү жогорулатуу үчүн алдын-ала аракет кылуусу зарыл» - деп белгиледи. 

«Эл аралык маанидеги конференцияны уюштуруп жатып, биз биргелешкен талкууларды өткөрүү, тажрыйба алмашуу, ошондой эле ар бирибиздин өлкөбүздө ишке ашырууга мүмкүн болгон иш-чаралардын негизин түзүү максатында, саясатты иштеп чыгууга жооптуу адамдарды, изилдөөчүлөрдү жана практиктерди чакырууну туура көрдүк», - деп баса белгиледи. 

Конференциянын акырында Кыргыз Республикасынын Улуттук банкынын төрагасы катышуучуларга кызыктуу жана мазмундуу баяндамалар үчүн ыраазычылыгын билдирип, мындай форматта пикир алмашуу өз натыйжасын берет жана мындан ары да улантыла тургандыгына терең ишенимин билдирди. 

 

 

 

 

 

 

 

 

 

 

 

Датасы: 19.05.2023
Туруктуу шилтеме

Улуттук валютанын жүгүртүүгө киргизилишинин 30 жылдыгына арналган «Чакырыктардан жаңы мүмкүнчүлүктөргө карай»  

эл аралык конференциясы 

 

2023-жылдын 19-майында «Ала-Арча» мамлекеттик резиденциясында Кыргызстандын улуттук валютасынын жүгүртүүгө киргизилишинин 30 жылдыгына арналган «Чакырыктардан жаңы мүмкүнчүлүктөргө карай» темасында эл аралык конференция болуп өттү. 

Кыргыз Республикасынын Улуттук банкынын төрагасы К.Бөкөнтаев конференцияны ачуу менен: «Бүгүнкү күндө кыргыз сому совет мезгилинен кийинки мейкиндикте кыйла туруктуу валюталардын бири болуп саналат, ал экономикада жана дүйнө жүзүндө мезгил-мезгили менен болуп жаткан кризистик жагдайлар менен толкундоолорго карабастан, жогору ишенимдүү төлөм каражаты экендигин дале тастыктоодо», – деп баса белгиледи.  

Эл аралык конференцияда Кыргыз Республикасынын Жогорку Кеңешинин Төрагасынын орун басары Н. Азыгалиев, Кыргыз Республикасынын Министрлер Кабинетинин Төрагасынын биринчи орун басары А. Касымалиев жана Швейцария Улуттук банкынын башчысы Т.Йордан чыгып сөз сүйлөштү. 

Конференцияга Кыргыз Республикасынын Жогорку Кеңешинин, Кыргыз Республикасынын Министрлер Кабинетинин, Армения, Беларусь Республикасы, Казакстан, Өзбекстан, Россия, Түндүк Македониянын жана Швейцария борбордук (улуттук) банктарынын, ошондой эле эл аралык уюмдардын, Кыргыз Республикасынын министрликтеринин, ведомстволорунун жана финансылык сектордун өкүлдөрү катышты.  

 

 

 

 

 

 

Датасы: 19.05.2023
Туруктуу шилтеме

«Кыргыз Республикасынын Улуттук банкы 2023-жылдын 18-майында Эл аралык музей күнүнө карата жана улуттук валюта – кыргыз сомунун жүгүртүүгө киргизилгендигинин 30 жылдыгын белгилөөнүн алкагында ачык эшик күнүн өткөрдү. 

Музейдин коноктору улуттук валютанын түптөлүшү жана өнүгүү тарыхы менен таанышып, банкнотторду жана монеталарды чыгаруу баскычтары, Кыргызстандын Улуу жибек жолу өркүндөгөн мезгилде акча жүгүртүү тарыхына байланыштуу монеталар экспозициясы жана Улуттук банк тарабынан 30 жыл ичинде чыгарылган коллекциялык монеталар менен таанышуу мүмкүнчүлүгүнө ээ болушту. 

Улуттук банктын музейине келүүгө үлгүрбөй калган жарандар алдын ала 66-90-08 жана 61-24-14 телефон номерлери же mail@nbkr.kg электрондук дареги аркылуу жазылуу менен иш күндөрү саат 10:00-16:00 чейин экскурсияга келсе болот.  

 

Датасы: 19.05.2023
Туруктуу шилтеме

Кыргыз Республикасынын Улуттук банкынын төрагасы Кубанычбек Боконтаев менен Швейцария Улуттук банкынын төрагасы Томас Йордан ортосунда эки тараптуу жолугушуу болуп өттү 

  

2023-жылдын 19-майында Кыргыз Республикасынын Улуттук банкынын төрагасы Кубанычбек Боконтаев менен Швейцария Улуттук банкынын төрагасы Томас Йордан ортосунда эки тараптуу жолугушуу болуп өттү.  

Жолугушуунун жүрүшүндө тараптар дүйнөлүк экономикадагы кырдаал жана эки өлкөнүн борбордук банктарынын ортосундагы мындан аркы кызматташуунун келечеги жөнүндө пикир алмашышты.  

Кыргыз Республикасынын Улуттук банкынын башчысы Кубанычбек Боконтаев Швейцария Улуттук банкына кыргыз тарапка берген жардамы үчүн ыраазычылык билдирип, банк иши жана инновациялык банк технологиялары жаатындагы эл аралык тажрыйбаны Кыргызстанда ишке киргизүү маанилүү экендигин белгиледи.  

Өз кезегинде Швейцария Улуттук банкынын төрагасы Томас Йордан кыргыз кесиптешин юбилейлик дата – улуттук валютанын жүгүртүүгө киргизилгендигинин 30 жылдыгы менен куттуктап, Улуттук банкка макроэкономикалык туруктуулукту камсыз кылуу ишинде ийгиликтерди каалады.  

 

 

 

Датасы: 18.05.2023
Туруктуу шилтеме

Кыргыз Республикасынын Улуттук банкынын төрагасы Кубанычбек Боконтаев менен Өзбекстан Республикасынын Борбордук банкынын төрагасы 

Мамаризо Нурмуратов ортосунда эки тараптуу жолугушуу болуп өттү 

 

2023-жылдын 18-майында Кыргыз Республикасынын Улуттук банкынын төрагасы Кубанычбек Боконтаев менен Өзбекстан Республикасынын Борбордук банкынын төрагасы Мамаризо Нурмуратов ортосунда эки тараптуу жолугушуу болуп өттү. 

Жолугушуунун жүрүшүндө тараптар Кыргызстанда жана Өзбекстанда учурда орун алып жаткан экономикалык жагдайды, эки өлкөнүн борбордук банктарынын акча-кредит саясатын жана мындан ары да кызматташуу келечегин талкуулашты.  

Кыргыз Республикасынын Улуттук банкынын башчысы Кубанычбек Боконтаев региондо интеграциялык процесстердин алкагында өз ара иш алып баруунун маанилүүлүгүн белгиледи.  

Өз кезегинде Өзбекстан Республикасынын Борбордук банкынын башчысы Мамаризо Нурмуратов Кыргыз Республикасынын Улуттук банкын юбилейлик дата - улуттук валюта - сомдун жүгүртүүгө киргизилгендигинин 30 жылдыгы менен куттуктап, Улуттук банкка макроэкономикалык туруктуулукту камсыз кылуу ишинде ийгиликтерди каалады.  

 

 

 

Датасы: 18.05.2023
Туруктуу шилтеме

Кыргыз Республикасынын Улуттук банкынын төрагасы 

Кубанычбек Боконтаев менен Армян Республикасынын Борбордук банкынын Кеңешинин мүчөсү Давид Нагапетян ортосунда эки тараптуу жолугушуу болуп өттү 

 

2023-жылдын 18-майында Кыргыз Республикасынын Улуттук банкынын төрагасы Кубанычбек Боконтаев менен Армян Республикасынын Борбордук банкынын Кеңешинин мүчөсү Давид Нагапетян ортосунда эки тараптуу жолугушуу болуп өттү. 

Жолугушуунун жүрүшүндө тараптар эки өлкөнүн банк ишине байланыштуу кеңири чөйрөдөгү маселелер боюнча пикир алышып, тажрыйба алмашышты, ошондой эле мындан ары да эки тараптуу кызматташууну кеңейтүү маселелерин талкуулашты.  

Кыргыз Республикасынын Улуттук банкынын башчысы Кубанычбек Боконтаев региондо интеграциялык процесстердин алкагында өз ара иш алып баруунун маанилүүлүгүн белгиледи.  

Өз кезегинде Армян Республикасынын Борбордук банкынын Кеңешинин мүчөсү Давид Нагапетян Кыргыз Республикасынын Улуттук банкын юбилейлик дата – улуттук валюта – сомдун жүгүртүүгө киргизилгендигинин 30 жылдыгы менен куттуктап, Улуттук банкка макроэкономикалык туруктуулукту камсыз кылуу ишинде ийгиликтерди каалады. 

 

 

 

Датасы: 18.05.2023
Туруктуу шилтеме

2023-жылдын 12-майында Кыргыз Республикасынын Улуттук банкынын Ысык-Көл областтык башкармалыгынын кызматкерлери К.Тыныстанов атындагы Ысык-Көл мамлекеттик университетинин «Экономика, туризм, тарых» факультетинин студенттери тарабынан уюштурулган «Кыргыз сомуна 30 – жыл» аттуу темада тегерек столго катышты.  

Студенттерге улуттук валютанын – кыргыз сомунун калыптануу тарыхы жана Кыргыз Республикасынын Улуттук банкы тарабынан чыгарылган нумизматикалык баалуулуктар тууралуу лекция өтүлдү. Окутуучуларга жана активдүү катышкан студенттерге баалуу белектер тапшырылды. 

 

 

 

Датасы: 18.05.2023
Туруктуу шилтеме

2023-жылдын 17-майында улуттук валюта – кыргыз сомунун жүгүртүүгө киргизилгендигинин 30 жылдыгына арналган почта маркасынын эскизин даярдоо боюнча республикалык сынактын жеңүүчүлөрүн жана байге ээлерин сыйлоо аземи болуп өттү. Сынак «Кыргыз почтасы» ачык акционердик коому жана Кыргыз Республикасынын Маданият, маалымат, спорт жана жаштар саясаты министрлиги тарабынан уюштурулду. Сынактын жеңүүчүлөрүнө баалуу сыйлыктарды Кыргыз Республикасынын Улуттук банкы тапшырды. 

• 1-орун - Эшенкулов Калысбек Мунапысович. 

• 2-орун - Турумбеков Каныбек Асанбекович. 

• 3-орун - Кулинова Амина Неджадовна. 

Буга чейин 2017-жылы маанилүү датага - Кыргыз Республикасынын Улуттук банкынын 25 жылдыгына карата юбилейлик почта маркалары, маркалар салынуучу фолдер жана ага маркалар чапталган конверт жүгүртүүгө чыгарылган. 

 

Датасы: 17.05.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Талас областтык башкармалыгы тарабынан Кыргыз Республикасынын жаранына (К.Э.К.) 17 500 сом өлчөмүндө айып пул салынды. 

Датасы: 17.05.2023
Туруктуу шилтеме

2023-жылдын 16-майында Кыргызстандын калкы үчүн финансылык сабаттуулук боюнча тренерлер үчүн экспресс-курстун экинчи этабы аягына чыкты.  

2023-жылдын 22-майынан тартып 7-июнуна чейинки мезгил ичинде ЕККУнун финансылык колдоосу менен Улуттук банк тарабынан Ысык-Көл, Талас, Нарын жана Чүй областтарынын жаштары жана калктын эресеге жеткенден кийинки катмары үчүн финансылык сабаттуулук боюнча семинарлар уюштурулат. 

Буга чейин Кыргыз Республикасынын Улуттук банкынын жана ЕККУнун Бишкектеги Программалык кеңсесинин жетекчилиги алдында «Кыргыз Республикасында аймактык өнүгүүгө көмөктөшүү» долбоорунун алкагында эксперттер тобу тарабынан финансылык сабаттуулук боюнча базалык компетенциялардын стандарттарына негизделген, калктын эресеге жеткенден кийинки катмары үчүн финансылык сабаттуулук боюнча экспресс-курс иштелип чыккан. 

Кошумча маалымат www.finsabat.kg Финсабат сайтында берилет.  

Бардык суроолор боюнча: 0312 61 24 14 телефонуна кайрылсаңыздар болот. 

 

Датасы: 17.05.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн эки алмашуу бюросунун ар бирине 55 000 сом өлчөмүндө айып пул салынды. 

Ошондой эле, Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргыз Республикасынын бир жаранына (Д.А.С.) 17 500 сом өлчөмүндө айып пул салынды . 

Датасы: 16.05.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн 2023-жылдын 16-майынан тартып 25-майын кошо алгандагы мезгил аралыгына Бишкек шаары, Кожевенная көчөсү 1, Киоск-3 участогу, Түндүк өтмөгү, 84-соода оруну дареги боюнча жайгашкан ЖЧК «Восток Шамшыкал» алмашуу бюросунун 2022-жылдын 18-июлундагы № 6326 лицензиясынын аракети токтотулду. 

 

 

Датасы: 16.05.2023
Туруктуу шилтеме

Кыргыз Республикасынын Улуттук банкы Кыргыз Республикасынын улуттук валютасы – сомдун жүгүртүүгө киргизилишинин 30 жылдыгын белгилөөнүн алкагында жана Эл аралык музей күнүнө карата бардык кызыккан адамдарды Улуттук банктын музейинде 2023-жылдын 18-майында өтө турган Ачык эшик күнүнө чакырат. 

Музейге келген адамдар улуттук валютанын өнүгүү тарыхы менен таанышып, банкноттор кандай жасала тургандыгы тууралуу маалымат алуу менен катар эле, Улуу Жибек жолу доорунан тартып Кыргызстандын аймагында табылган кайталангыс байыркы монеталар экспозициясын көрүү мүмкүнчүлүгүнө ээ болушат.  

Ошондой эле, музейде Улуттук банк тарабынан 30 жыл ичинде чыгарылган коллекциялык монеталардын жана чет өлкө акча белгилеринин үлгүлөрүнүн экспозициялары жайгаштырылган. 

Экскурсия саат 09.00дөн 17.00гө чейин өткөрүлөт. 

Кирүү акысыз. Экскурсияга келүүчүлөрдүн жанында инсандыгын тастыктаган документ (паспорт, студенттик билет, айдоочунун күбөлүгү) болууга тийиш. 

Экскурсияга төмөнкү телефондор аркылуу: 66-90-08; 61-24-14 же mail@nbkr.kg электрондук дарек аркылуу алдын ала жазылууга болот. 

 

 

Датасы: 16.05.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилгендигинин 30 жылдыгын белгилөөнүн алкагында Кыргыз Республикасынын Улуттук банкынын Ош областтык башкармалыгы 2023-жылдын 10-майында Улуттук банктын Ош областтык башкармалыгынын имаратында Кыргыз Республикасынын Президентинин Ош областындагы ыйгарым укуктуу өкүлү, Ош шаарынын мэриясынын өкүлү, коммерциялык банктардын филиалдарынын кызматкерлери жана башка уюмдардын, мекемелердин өкүлдөрү катышкан салтанаттуу иш-чара өткөрдү. Аталган иш-чарада улуттук валюта – кыргыз сомунун калыптануу тарыхы боюнча маалымат берилип, Ош регионундагы банк кызматкерлерин сыйлоо аземи болуп өттү.  

Ошондой эле Улуттук банк тарабынан чыгарылган коллекциялык монеталардын нумизматикалык көргөзмөсү уюштурулду. Алар кыргыз элинин тарыхы менен маданий мурасын терең чагылдырылган, жогорку көркөм чеберчиликте жасалган нумизматикалык коллекциялык баалуулук болуп саналат жана көргөзмөгө келгендер үчүн Улуттук банк тарабынан чыгарылган коллекциялык нумизматикалык монеталарды сатуу уюштурулду.  

Мындан тышкары, банктар аралык минифутбол турниринин ачылыш аземи болду. 

 

 

 

 

 

 

Датасы: 15.05.2023
Туруктуу шилтеме

2023-жылдын 12-майында «OneVision» ЖЧШ (Казакстан Республикасынын резиденти) Кыргыз Республикасынын Улуттук банкында OneVision эл аралык электрондук акча системасынын оператору катары каттоодон өттү. 

«OneVision» ЖЧШнын реестрде каттоо номери – 5017120523. 

Кыргыз Республикасынын аймагында иш алып барган эл аралык электрондук акча системасынын операторунун/эл аралык электрондук акча эмитенттеринин реестри Улуттук банктын расмий интернет-сайтында «Банктын милдеттери»/«Төлөм системасы»/«Эл аралык электрондук акча системалары» бөлүгүндө жайгаштырылган. 

 

Датасы: 15.05.2023
Туруктуу шилтеме

Баткен жана Ош областтарындагы куралдуу кагылышууда жабыркаган карыз алуучуларга финансы-кредит уюмдары тарабынан көрүлгөн чаралар 

   

Улуттук банк Кыргыз Республикасынын Улуттук банк Башкармасынын 2022-жылдын 6-октябрындагы № 2022-П-12/62-2 (НПА) «Баткен жана Ош областтарындагы куралдуу кагылышуунун натыйжасында жабыркаган коммерциялык банктардын, банк эмес жана адистештирилген финансы-кредит уюмдардын кардарларына колдоо көрсөтүү маселелери боюнча Кыргыз Республикасынын Улуттук банкынын айрым чечимдери тууралуу» токтомунун жана 2022-жылдын 18-ноябрындагы № 2022-П-12/71-1 (НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» токтомунун талаптарынын аткарылышына мониторинг жүргүзүп турат.  

2023-жылдын 30-апрелине карата финансы-кредит уюмдарына (мындан ары – ФКУ) 514 карыз алуучу кайрылган, 36,4 млн сом суммасында 378 кредит жоюлган, 324,3 млн сом суммасында 230 кредит реструктуризацияланган. 

2022-жылдын 18-ноябрында кабыл алынган токтомду ишке ашыруу максатында, ФКУ Баткен областындагы карыз алуучулар боюнча бир катар чараларды көргөн: 

- 2022-жылдын 18-ноябрынан 2023-жылдын 30-апрелине чейинки аралыкта ФКУ тарабынан 4606,2 млн сомго 40 373 кредит артыкчылыктуу тартипте каралган жана берилген; 

- «Кепилдик фонд» ААК 330,8 млн сом суммасына 326 кредит боюнча 156,4 млн сом суммасына 321 кепилдик берген. 

ФКУлар жабыркаган карыз алуучулардан келип түшкөн бардык арыздарды кароону улантып жатышат жана алар банк мыйзамдарына ылайык тиешелүү чараларды көрүшөт. 

 

 

 

Датасы: 15.05.2023
Туруктуу шилтеме

Кыргыз Республикасынын Улуттук банкы Убактылуу администратору катары банкта, депозиттерди тартуу укугуна ээ микрофинансылык компанияда, депозиттерди тартуу укугуна ээ кредиттик союзда, турак жай-сактык кредиттик компанияда жана «Кредиттик союздардын каржы компаниясы» ААКта дайындалуучу талапкерлер маалымат базасына киргизүү үчүн талапкерлерди тандоо боюнча сынактын жыйынтыгын маалымдайт 

 

 

№	Аты-жөнү
1	Мурзалиев Бактыбек Шайлообекович
2	Иманалиева Айсалкын Узаковна
3	Суранов Марипбек Равшанович
4	Насыров Азатджан Садыкович

 

Датасы: 15.05.2023
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банк Башкармасынын 2007-жылдын 30-ноябрындагы №51/4 «Төлөм жүгүртүлүшүнүн мамлекеттик классификаторун бекитүү тууралуу» токтомуна өзгөртүүлөрдү киргизүү жөнүндө» токтом долбоорун (мындан ары – токтом долбоору) коомдук талкууга сунуштайт. 

Токтом долбоору Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жана Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталында (koomtalkuu.gov.kg) жайгаштырылган. 

Токтом долбоору боюнча сын-пикирлерди жана сунуштарды 2023-жылдын  

13-июнунан кечиктирбестен asyrgataev@nbkr.kg электрондук дарегине (Word форматында) жөнөтүү зарыл. 

 

Датасы: 15.05.2023
Туруктуу шилтеме

2023-жылдын 11-майында Талас мамлекеттик университетинин залында банк секторунун, мамлекеттик органдардын кызматкерлери, пенсионерлер жана жалпыга маалымдоо каражаттарынын өкүлдөрү үчүн  Кыргыз Республикасынын улуттук валютасынын жүгүртүүгө киргизилишинин 30 жылдыгына арналган салтанаттуу жыйын болуп өттү. 

 

 

 

 

Датасы: 15.05.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилишинин 30 жылдыгын белгилөөнүн алкагында Талас шаары, Бердике баатыр көчөсү 295 дарегинде жайгашкан Талас шаардык Көркөм сүрөт музейинде 2023-жылдын 17-18-май күндөрү саат 10:00-15:00 жана Талас шаары, Бердике Баатыр көчөсү 291 дарегинде жайгашкан Кыргыз Республикасынын Улуттук банкынын Талас областтык башкармалыгынын имаратында 23-25-май күндөрү саат 10:00-15:00 нумизматикалык көргөзмө, коллекциялык монеталарды сатууну уюштуруу пландаштырылууда.  

Кеңири коомчулукка сунушталган көргөзмөдө Кыргыз Республикасынын Улуттук банкы тарабынан чыгарылган нумизматикалык коллекциялык монеталар жана башка нумизматикалык баалуулуктар коюлат, алар кыргыз элинин тарыхын жана маданий мурасын терең айкалышта чагылдырган, жогорку көркөм чеберчиликте даярдалган нумизматикалык баалуулук болуп эсептелет.  

Көргөзмөгө келген коноктор үчүн Улуттук банк тарабынан чыгарылган коллекциялык монеталарды сатууну уюштуруу пландаштырылууда, алар нумизматикалык баалуулук эле болбостон өзгөчө белек да болуп саналат. 

Улуттук банк тарабынан чыгарылган нумизматикалык баалуулукка кызыккан бардык адамдарды көргөзмөгө чакырабыз. 

 

Датасы: 15.05.2023
Туруктуу шилтеме

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн бир алмашуу бюросуна 55 000 сом өлчөмүндө айып пул салынды. 

 

Датасы: 15.05.2023
Туруктуу шилтеме

Кыргыз Республикасынын улуттук валютасынын жүгүртүүгө киргизилгендигинин 30 жылдыгын белгилөөнүн алкагында Кыргыз Республикасынын Улуттук банкынын Баткен областындагы өкүлчүлүгү 2023-жылдын 12-майында Баткен шаарындагы «Айгүл Тоо» мейманканасынын конференция залында салтанаттуу жыйын өткөрдү. 

Кыргыз Республикасынын Улуттук банкынын Баткен областындагы өкүлчүлүгүнүн директору өзүнүн сүйлөгөн сөзүндө салтанатка келген конокторду мааракелүү дата менен куттуктап, улуттук валюта – сомдун калыптануу тарыхы тууралуу айтып өттү. 

Салтанаттын ачылышында Кыргыз Республикасынын Президентинин Баткен областындагы ыйгарым укуктуу өкүлүнүн биринчи орун басары М.К. Туллаев, Баткен шаарынын мэри И.А. Бурканов жана Баткен районунун акими У.И. Жоробаев чыгып сөз сүйлөшүп, салтанаттын бардык катышуучуларын Кыргыз Республикасынын улуттук валютасы – сомдун 30 жылдык мааракеси жана банк кызматкерлеринин күнү менен куттукташты. 

Салтанаттуу жыйынга финансы-кредит уюмдарынын, кредиттик союздардын жана микрокредиттик агенттиктердин өкүлдөрү, ошондой эле Улуттук банктын Баткен областындагы өкүлчүлүгүндө иштеп кеткен ардактуу эс алуудагы ардагерлер чакырылган.  

 

 

 

 

 

Датасы: 15.05.2023
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Улуттук банктын Ош областтык башкармалыгы тарабынан Кыргыз Республикасынын үч жаранынын (С.Ш.У., С.С.А. жана А.А.А.) ар бирине 17 500 сомдон айып пул салынды. 

 

Датасы: 13.05.2023