> Бөлүктүн менюсун көрсөткүлө

"Дүйнөлүк көчмөндөр оюндары" сериясынын коллекциялык монеталары 

"Улак тартыш" коллекциялык монетасы – "Дүйнөлүк көчмөндөр оюндары" сериясындагы улуттук спорттун түрүн жандандыруу жана даңазалоо максатында чыгарылган биринчи монета, ал 2018-жылы өтө турган III Дүйнөлүк көчмөндөр оюнуна арналган. 

Улакты эңип алып чаап бара жаткан атчандын сүрөтү монетанын негизги сюжетин түзөт. Тоонун элесин чагылдырган толкун сызыктар оюндун жүрүшүн чагылдырат. Монетанын жогору жагында Дүйнөлүк көчмөндөр оюунунун логотиби түстүү ыкмада түшүрүлүп, монетанын "Улак тартыш" деген аталышы рун жазуулары менен бастырылган. Ал эми монетанын сол жагында улакты эңип алып, чаап бара жаткан атчандын жана башка оюнчулардын элестери берилген. Күмүш монетанын оң жагында анын салмагы (31,10 г) жана сапат белгиси (Ag 925°) көрсөтүлгөн. 10 сом номиналы монетанын төмөн жагында берилген. 

Монетанын арткы бетинин ортосунда Кыргыз Республикасынын герби түшүрүлгөн. Монетанын арткы бетин тегерете "Дүйнөлүк көчмөндөр оюндары/World Nomad Games" жазуусун көрүүгө болот. Ал эми төмөн жагында монетанын чыккан жылы көрсөтүлгөн (2018). 

1 сом номиналындагы "Улак тартыш" жез-никель монетасынын дизайны бирдей аталыштагы 10 сом номиналындагы күмүш монетасынын дизайны менен туура келет. 

Монеталардын мүнөздөмөлөрү:  

Аталышы  

Номиналы  

Металлы (сапат белгиси)  

Салмагы (г)  

Диаметри/ өлчөмү (мм)  

Сапаты  

Нускасы (даанасы)  

Сатуу баасы (сом)  

"Улак тартыш" 

10 сом 

Ag 925  

31.10 г 

38.61 мм 

Proof 

1 000  

2 900 

"Улак тартыш" 

1 сом 

CuNi  

12.00 г 

30.00 мм 

Proof-like 

5 000 

700 

Ар бир күмүш монета акрил капсуласына жайгаштырылып, сапатты тастыктаган сертификат менен өзүнчө кутучага таңгакталган. Ар бир жез-никель монетасы акрил капсуласына жайгаштырылган жана чөнөктүү таңычактарга салынган.  

Коллекциялык монеталар Кыргыз Республикасынын аймагында расмий төлөм каражаты статусуна ээ.