Кыргыз Республикасынын Улуттук банкынын  

төрагасы М.Тургунбаев Кытай Эл Банкынын төрагасынын орун басары Чжан Цинсун менен жолугушту 

2024-жылдын 20-сентябрында Кыргыз Республикасынын Улуттук банкынын төрагасы Мелис Тургунбаев Пекин шаарында (КЭР) өткөн Соода-экономикалык кызматташтык боюнча өкмөттөр аралык кыргыз-кытай комиссиясынын 16-жыйынына катышуусунун алкагында Кытай Эл Банкынын төрагасынын орун басары Чжан Цинсун менен жолугушту. 

Жыйынга Кыргыз Республикасынын Финансы министри Алмаз Бакетаев жана Кыргыз Республикасынын Экономика жана коммерция министри Данияр Амангелдиев катышты. 

Жолугушуунун жүрүшүндө тараптар Кыргыз Республикасынын Улуттук банкы менен Кытай Эл Банкы ортосунда борбордук банктардын ишкердик чөйрөсү жагында эки тараптуу кызматташууну арттыруу маселелерин, ошондой эле Кыргызстандын коммерциялык банктарынын Кытай банктары менен кызматташуу, анын ичинде өз ара корреспонденттик эсептерди ачуу маселелерин талкуулашты.