КЫРГЫЗ РЕСПУБЛИКАСЫНЫН УЛУТТУК БАНКЫНА ИШКЕ КАБЫЛ АЛУУ 

Кыргыз Республикасынын Улуттук банкына ишке кабыл алуунун тартиби жана жол-жобосу бар, анын максаты Улуттук банкка жүктөлгөн милдеттерди жана функцияларды ийгиликтүү аткаруу үчүн квалификациялуу кадрларды тандоону камсыз кылуу. 

Улуттук банкка төмөнкү формалар боюнча ишке кабыл алынат: 

1) сынак боюнча; 

2) тараптардын макулдашуусу боюнча (Улуттук банктын чакыруусу боюнча); 

3) арыз боюнча; 

4) кадрлар резервинин маалыматтар базасынан. 

1. Сынак боюнча тандоо кесиптик даярдыгын эске алуу менен кыйла квалификациялуу адистер үчүн Улуттук банктын буйругу менен бекитилген Сынак өткөрүү жол-жобосуна ылайык жүргүзүлөт. 

2. Тараптардын макулдашуусу, башкача айтканда Улуттук банктын чакыруусу боюнча белгилүү бир тармакта иш тажрыйбасы бар жогорку квалификациялуу кадрлар тараптардын макулдашуусу менен кабыл алынат. 

3. Арыз боюнча Улуттук банкка ишке кабыл алуу талап кылынган позицияга талапкердин кесиптик билиминин жана көндүмдөрүнүн квалификациясынын ылайык келишин эске алуу менен талапкер менен аңгемелешкенден кийин кабыл алынат.  

4. Кадрлар резервинин базасынан кабыл алуу. Кадрлар резерви өткөрүлгөн сынактын жыйынтыгы боюнча сынак комиссиясынын чечиминин негизинде талап кылынган позицияларды толтуруу үчүн потенциалдуу талапкерлерди тандоо максатында түзүлөт. Эгерде кадрлар резервине киргизилген тигил же бул талапкер коюлган талаптарга ылайык келсе, талапкер менен аңгемелешүү жүргүзүлөт, аңгемелешүүдө талапкерге иштин шарттары жана режими жөнүндө маалымдалат, талапкердин билиминин деңгээли бааланат.