"Дүйнөлүк каражат топтоо күнү – 2025" иш-чарасын өткөрүүнүн алкагында Улуттук банктын Ош областтык башкармалыгынын кызматкерлери 2025-жылдын 27-октябрынан тартып 30-октябрь к үндөрү атайын көчмө лекцияларды өткөрдү.
Көчмө лекцияларга Ош шаарынын М.М. Адышев атындагы Ош технологиялык университетинин гуманитардык-технологиялык колледжинин студенттери, ошондой эле Ноокат районунун Тажибай атындагы орто мектебинин, Өзгөн районунун Куршаб айылынын А.Таңатаров атындагы № 14 жана Токтогул атындагы № 49 орто мектептеринин жана Кара-Суу районунун Э.Тельман атындагы № 49 жана Манас атындагы № 112 орто мектептеринин окуучулары катышты.
Лекцияларда практикалык мааниге ээ болгон төмөнкү темалар каралды:
- улуттук валютанын өнүгүү баскычтары;
- улуттук валютанын коргоо белгилери;
- QR-кодду колдонуу менен төлөм жүргүзүү;
- кредит;
- аманат;
- каражат топтоо;
- жаштардын финансылык алдамчылыкка тартылуусун алдын алуу жөнүндө.
Дүйнөлүк каражат топтоо-2025 күнүнө катышкандардын жалпы саны – 600дөн ашты.