2023-жылдын 10-майында Кыргызстандын калкы үчүн финансылык сабаттуулук боюнча тренерлер үчүн экспресс курс өткөрүү тренингинин биринчи баскычы уюштурулду. Буга чейин Кыргыз Республикасынын Улуттук банкынын жана Европадагы Коопсуздук жана кызматташтык уюмунун Бишкектеги Программалык кеңсесинин жетекчилиги менен «Кыргыз Республикасында аймактык өнүгүүгө көмөктөшүү» долбоорунун алкагында эксперттер тобу тарабынан, Финансылык сабаттуулук боюнча базалык компетенциялардын стандарттарына негизделген, калктын эресеге жеткенден кийинки катмары үчүн финансылык сабаттуулук боюнча экспресс курс иштелип чыккан.  

ЕККУнун финансылык колдоосу менен окутуудан кийин Ысык-Көл, Талас, Нарын жана Чүй областтарынын тургундары үчүн 50 жакын семинар уюштуруу пландаштырылууда. Семинарларды өткөрүү графиги Кыргыз Республикасынын Президентинин Администрациясы менен макулдашылган жана калкка маалымдоо үчүн жергиликтүү мамлекеттик администрацияларга жөнөтүлгөн.  

Кошумча маалымат Финсабат сайтында жайгаштырылат. Бардык суроолор боюнча 0312 61 24 14 телефонуна кайрылсаңыздар болот.