Кыргыз Республикасынын Баткен областында жашап жаткан жарандарга жана чарба ишин жүргүзгөн субъекттерге каржылоонун жеткиликтүү болушун кеңейтүүгө, административдик-аймактык бирдиктерди, анын ичинде 2022-жылдын сентябрь айында Баткен областында куралдуу кагылышуунун натыйжасында жабыркаган административдик-аймактык бирдиктерди калыбына келтирүү жана өнүктүрүү үчүн зарыл шарттарды түзүүгө көмөк көрсөтүү, ошондой эле Кыргыз Республикасынын Президентинин 2022-жылдын 17-сентябрындагы № 313 «Баткен жана Ош облустарынын административдик-аймактык бирдиктерин калыбына келтирүү жана өнүктүрүү боюнча биринчи кезектеги чаралар жөнүндө» жарлыгын ишке ашыруу максатында, Кыргыз Республикасынын Улуттук банк Башкармасы 2023-жылдын 19-апрелинде № 2023-П-12/25-2-(НПА) «Кыргыз Республикасынын Улуттук банк Башкармасынын 2022-жылдын 18-ноябрындагы № 2022-П-12/71-1-(НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» токтомуна өзгөртүүлөрдү киргизүү жөнүндө» токтомун (мындан ары - Кыргыз Республикасынын Улуттук банк Башкармасынын 2023-жылдын 19-апрелиндеги токтому) кабыл алды.
Кыргыз Республикасынын Улуттук банк Башкармасынын 2023-жылдын 19-апрелиндеги токтомуна ылайык, Улуттук банктын 2022-жылдын 18-ноябрындагы № 2022-П-12/71-1-(НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» токтомунун (мындан ары - Кыргыз Республикасынын Улуттук банк Башкармасынын 2022-жылдын 18-ноябрындагы токтому) аракети 2023-жылдын 1-ноябрына чейин узартылды.
Мындан тышкары, кредит берүү системасын өркүндөтүү жана кредиттерди берүүдө автоматташтырылган системаларды колдонууга финансы-кредит уюмдарына түрткү берүү, ошондой эле керектөө кредиттерине калктын жеткиликтүүлүгүн кеңейтүү, кредиттерди берүү үчүн рейтингдик моделдерди пайдалануу жолу менен операциялык чыгымдарды азайтуу максатында, Кыргыз Республикасынын Улуттук банк Башкармасы 2023-жылдын 5-апрелинде № 2023-П-12/22-3-(НПА) «Кыргыз Республикасынын Улуттук банкынын айрым ченемдик укуктук актыларына кредиттик тобокелдиктер маселелери боюнча өзгөртүүлөрдү киргизүү жөнүндө» токтомун кабыл алды, ага ылайык 2022-жылдын 18-ноябрындагы № 2022-П-12/71-1-(НПА) «Кыргыз Республикасынын Улуттук банкынын Баткен областындагы карыз алуучуларга кредиттерди берүү маселелери боюнча айрым убактылуу чечимдери тууралуу» токтомунун 5 жана 6-пунктарындагы ченемдер Кыргыз Республикасынын Улуттук банкынын ченемдик укуктук актысына киргизилген. Ушуга байланыштуу Кыргыз Республикасынын Улуттук банк Башкармасынын 2023-жылдын 19-апрелиндеги токтомуна ылайык, Кыргыз Республикасынын Улуттук банк Башкармасынын 2022-жылдын 18-ноябрындагы токтомунун 5 жана 6-пунктулары күчүн жоготкон катары таанылды.
Кыргыз Республикасынын Улуттук банк Башкармасынын 2023-жылдын 19-апрелиндеги токтому Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.
