Кыргыз Республикасынын Улуттук банкынын төрагасы К.К. Боконтаев Дүйнөлүк банктын (ДБ) жана Эл аралык валюта фондунун (ЭВФ) башкаруучулар тобунун АКШ, Вашингтон шаарында өтүп жаткан жазгы жолугушуусуна катышууда. 

Иш-чаранын алкагында ЭВФтин өкүлдөрү, анын ичинде Акча-кредит системалары жана капитал рыногу департаментинин техникалык жардам көрсөтүү боюнча директору, Кыргыз Республикасындагы экономикалык абалды жана акча-кредит саясатынын чараларын талкуулоо боюнча Жакынкы Чыгыш жана Борбордук Азия өлкөлөрү департаментинин өкүлдөрү менен эки тараптуу жолугушуулар өтүп жатат. 

Мындан тышкары, борбордук банктардын, анын ичинде ЭВФ өлкөлөрүнүн швейцариялык тобунун башчыларынын алкагында дүйнөлүк экономиканын өнүгүшү жана глобалдуу инфляциядан улам калыптанган факторлор тууралуу талкуулар жана пикир алмашуулар жүрүп жатат.