Кыргыз Республикасынын Улуттук банкы

Кыр Рус En

Кайта келүү

Жарыялоо үчүн

Түзүлгөн күнү: 2023-02-16

Кыргыз Республикасынын Улуттук банкынын

Көзөмөл боюнча комитетинин

2020-жылдын 01-октябрындагы №33/3

токтому менен бекитилген

Мезгил-мезгили менен берилүүчү регулятивдик консолидацияланган отчетту толтуруу боюнча усулдук көрсөтмөлөр

(өзгөртүүлөр жана толуктоолор Улуттук банктын Көзөмөл боюнча комитетинин 19.08.2022-ж. № 30/4 токтому менен бекитилген)

I. Жалпы жоболор

1. Мезгил–мезгили менен берилүүчү регулятивдик консолидацияланган отчетту толтуруу боюнча ушул усулдук көрсөтмөлөрдө (мындан ары – Усулдук көрсөтмөлөр) Мезгил-мезгили менен берилүүчү регулятивдик консолидацияланган отчет (мындан ары – регулятивдик консолидацияланган отчет) жөнүндө жобого карата тиркемелерди толтуруу тартибине түшүндүрмө берилет.

Регулятивдик консолидацияланган отчет банктык топтун, банктык холдингдик компаниянын башында турган банктар же активдеринин үлүшү башкы компаниянын активдеринин 5 жана андан көп пайызын түзгөн банктык топтун катышуучуларын кошо алганда, № 1 түзүмдөгү топко кирген башкы/башкаруучу компания тарабынан Улуттук банкка сунушталат.

Регулятивдик консолидацияланган отчетту сунуштоо талабы боюнча өзгөчө шарттар коммерциялык банктарга 100 пайыз мамлекеттик үлүш менен катышкан Кыргыз Республикасынын мамлекеттик органдарына, анын ичинде Улуттук банкка таркатылбайт.

2. Регулятивдик консолидацияланган отчетту толтуруу учурунда банктык топтун катышуучуларынын финансылык көрсөткүчтөрүнүн көлөмүнө банктык топтун маалыматтары камтылат:

- толук көлөмдө – банктык топтун мүчөлөрүнө карата, капиталында банктык топтун башкы/башкаруучу компаниясынын ээлик кылуу үлүшү 50 пайыз жана андан көбүрөөк пайызды түзөт;

- тике пропорционалдуу көлөмдө - банктык топтун капиталында башкы/башкаруучу компаниянын ээлик кылуу үлүшү 5тен көбүрөөк пайызды түзгөн, бирок, 50 пайыздан ашпаган учурда.

3. Регулятивдик консолидацияланган отчет Улуттук банкка төмөнкү бөлүктөр боюнча сунушталат:

- Титулдук барак;

- Башкы/башкаруучу компаниянын байкоо жана аткаруу органдарынын мүчөлөрү жөнүндө маалыматтар;

- Башкы/башкаруучу компаниянын айрым кызмат адамдары жөнүндө маалымат;

- Башкы/башкаруучу компания тууралуу базалык маалымат;

- 1-бөлүк. Банктык топтун финансылык абалы тууралуу регулятивдик отчет;

- 2-бөлүк. Пайда жана чыгым жөнүндө отчет;

- 3-бөлүк. Банктык топтун финансылык абалы тууралуу консолидацияланган регулятивдик отчет;

- 4-бөлүк. Пайда жана чыгым жөнүндө консолидацияланган отчет;

- 5-бөлүк. Ири кредиттик тобокелдиктер жөнүндө маалымат;

- 6-бөлүк. Банктык топ менен аффилирленген жактардын операциялары тууралуу маалымат;

- 7-бөлүк. Банктык топ менен байланыштуу жактардын операциялары тууралуу маалымат;

- 8-бөлүк. Экономикалык ченемдерди сактоо тууралуу маалымат;

- 9-бөлүк. Банктык топтун капиталынын шайкештигин эсептөө;

- 10-бөлүк. Банктык топтун капиталын эсептөө:

1. Активдер;

2. Баалуу кагаздар портфели;

3. Кредиттер жана лизингдер;

4. Кредиттер жана лизингдер (башка активдер);

5. Баланстан тышкаркы милдеттенмелер;

6. Субординацияланган карыз;

7. Капиталдын курамы жөнүндө отчет;

- 11-бөлүк. Операциялык күндүн акырына карата банктык топтун ачык валюталык позициялары жөнүндө отчет;

- 12-бөлүк. Банктык топтун катышуучулары ортосундагы операциялар жөнүндө отчет;

- 13-бөлүк. Банктык топтун түзүмү/катышуучуларынын курамы тууралуу отчет;

- 14-бөлүк. Банктык топтун катышуучуларынын иши боюнча маалымат;

- Банктык топтун түзүмү жөнүндө маалымат.

II. Титулдук барак

4. Титулдук баракта төмөнкүлөр көрсөтүлүүгө тийиш:

- катталган күнү жана чыгыш номери;

- отчет даярдалган күн (мисалы, 2018-жылдын 1-январына карата абал боюнча);

- отчет түзүлгөн күн;

- мезгил аралыгы – «чейректик», «жылдык» же «корректировкалоо». Эгерде техникалык мүнөздөгү каталар орун алса, отчетту корректировкалоого жол берилет. Бул учурда кайсы бөлүгүнө өзгөртүүлөр киргизилгендигин көрсөтүү менен отчеттун өзгөртүү киргизилген формалары гана сунушталат;

- жүргүзүлгөн аудиттин же текшерүүнүн түрү – төмөнкү саптардын бири же экөөсү көрсөтүлөт:

а) ички текшерүү – эгерде текшерүү ички аудит же отчетту текшерүүгө жооптуу адам тарабынан жүргүзүлсө;

б) корутундусуз аудит – сунуш-көрсөтмөлөрдү, келечекке иш планын берүүсүз, банктык топ операцияларды жана бухгалтердик эсепке алууну туура жүргүзгөндүгү жөнүндө корутунду берүү менен чектелген аудит жүргүзүлсө;

в) корутунду берүү менен аудит – тиешелүү операциялардын жана бухгалтердик эсепке алуунун туура жүргүзүлгөндүгүн текшерүүдөн тышкары, башкы/башкаруучу компанияга банктык топтун ишин жакшыртуу жана/же өркүндөтүү максатында сунуш-көрсөтмөлөрдү жана иш-чаралар планын сунуштоо менен жүргүзүлгөн аудит;

- отчет берип жаткан башкы/башкаруучу компаниянын аталышы басма тамгалар менен көрсөтүлөт;

- тышкы аудитор;

- Башкы/башкаруучу компаниянын байкоо органынын төрагасынын же ал жок учурда төраганын милдетин аткарган байкоо органынын мүчөсүнүн, Аткаруу органынын төрагасынын, башкы бухгалтердин, Аткаруу органынын отчет даярдоо боюнча ишти түздөн-түз тескөөгө алган мүчөсүнүн жана отчеттун даярдалышы жана сунушталышы үчүн жооптуу адамдын күбөлөндүрүүчү кол тамгалары;

- башкы/башкаруучу компаниянын Мезгил-мезгили менен берилүүчү регулятивдик консолидацияланган отчетунун даярдалышы жана сунушталышы үчүн жооптуу кызматкердин кызмат ордун, аты-жөнүн жана телефон (жумуш/уюлдук) номерин көрсөтүү менен кол тамгасы.

III. Башкы/башкаруучу компаниянын байкоо жана аткаруу органдарынын мүчөлөрү тууралуу маалыматтар

5. Башкы/башкаруучу компаниянын байкоо органынын мүчөлөрү тууралуу маалыматтарда төмөнкүлөр камтылууга тийиш:

- аты-жөнү;

- жумуш орду;

- кызматы;

- жумуш/уюлдук телефон номери;

- кол тамгасынын үлгүсү.

6. Башкы/башкаруучу компаниянын аткаруу органынын мүчөлөрү тууралуу маалыматтар төмөнкү маалыматтарды камтууга тийиш:

- аты-жөнү;

- кызматы;

- жумуш/уюлдук телефон номери;

- кол тамгасынын үлгүсү.

IV. Башкы/башкаруучу компаниянын айрым кызмат адамдары жөнүндө маалымат

7. Башкы/башкаруучу компаниянын айрым кызмат адамдары тууралуу маалымат алардын төмөнкү айрым кызмат адамдарынын тизмесин камтыйт:

1) башкы бухгалтер;

2) башкы/башкаруучу компаниянын ликвиддүүлүгүн тескөөгө жооптуу кызмат адамы;

3) башкы/башкаруучу компаниянын бюджетине жооптуу кызмат адамы;

4) башкы/башкаруучу компаниянын кредиттик ишине жооптуу кызмат адамы;

5) Аудит боюнча комитеттин төрагасы;

6) Ички аудит кызматынын/бөлүмүнүн жетекчиси;

7) башкы/башкаруучу компания тарабынан чет өлкө валютасында жүзөгө ашырылган операцияларга жооптуу кызмат адамы.

Ушул пункттун 2, 3, 4, 7-пунктчаларында көрсөтүлгөн кызмат адамдары башкы/башкаруучу компаниянын жетекчилигинин атынан иш алып барууга жана бүтүндөй банктык топто көрсөтүлгөн багыттар боюнча жүргүзүлүп жаткан саясатка жооп берүүгө тийиш.

8. Ар бир кызмат адамы боюнча төмөнкүдөй маалымат камтылууга тийиш:

- аты-жөнү;

- кызматы;

- жумуш/уюлдук телефон номери;

- кол тамгасынын үлгүсү.

9. Башкы/башкаруучу компаниянын айрым кызмат адамдарына анын белгилүү бир иш багытына жоопкерчиликтин бекитилиши башкы/башкаруучу компанияда документ түрүндө тастыкталууга тийиш.

V. Башкы/башкаруучу компания жөнүндө негизги маалымат

10. Башкы/башкаруучу компания жөнүндө негизги маалыматта төмөнкүлөр камтылууга тийиш:

1) отчет берүүчү башкы/башкаруучу компаниянын толук аталышы – башкы/башкаруучу компаниянын толук расмий аталышы;

2) эл аралык операциялар үчүн аталышы, эгер ал башка болсо – банктын башкы/башкаруучу компаниясынын эл аралык операцияларды жүргүзгөндөгү толук аталышы көрсөтүлөт;

3) дареги:

а) башкы компания жайгашкан шаардын аталышы;

б) көчөсү, үй номери – башкы кеңсенин имараты жайгашкан көчөнүн аталышы, номери;

в) почта индекси – почта бөлүмүнүн индекси;

4) расмий жарыяланган байланыш:

а) телефон – башкы/башкаруучу компаниянын расмий телефон номери;

б) факс – башкы/башкаруучу компаниянын расмий факс номери;

в) электрондук почта – башкы/башкаруучу компаниянын электрондук дарегинин расмий дареги;

5) башкы/башкаруучу компаниянын расмий интернет-сайты;

6) уставдык (акционердик) капиталдын суммасы:

а) уюштуруу документтерине ылайык башкы/башкаруучу компаниянын жарыяланган уставдык капиталынын суммасы;

б) башкы/башкаруучу компаниянын айкын төлөнгөн уставдык капиталынын суммасы.

VI. 1-бөлүк. Банктык топтун финансылык абалы жөнүндө регулятивдик отчет

11. Банктык топтун финансылык абалы жөнүндө регулятивдик отчетто регулятивдик отчет көз карашынан алганда, банктык топтун финансылык абалынын кыйла олуттуу статьялары өзүнчө көрсөтүлөт.

Регулятивдик отчет төмөнкү графалардан турат:

1) баланстын статьясынын аталышы; башкы/башкаруучу компаниянын баланстык отчету, ал башкы/башкаруучу компаниянын сом түрүндөгү баланстык отчетунун статьясынын маанилери камтылган тилкелерден, ошондой эле отчеттук күнгө карата Улуттук банктын расмий курстары боюнча чет өлкө валютасындагы баланстын статьяларынын сом эквивалентинен турат.

2) 4, 5, 6, 7, 8, 9-тилкелерде отчету финансалык отчетко камтылган катышуучулардын баланстык отчетторунун көрсөткүчтөрү чагылдырылат. Тилкелердин саны отчету консолидацияланган катышуучулардын санына туура келет.

3) «Мезгил аралыгы боюнча жыйынтык» тилкесинде башкы/башкаруучу компаниянын жана банктык топтун катышуучуларынын статьялар боюнча сом түрүндөгү бардык көрсөткүчтөрү кошулат (2, 4, 6, 8-тилкелеринин суммасы).

Бардык суммалар миң сом түрүндө көрсөтүлүүгө тийиш.

Эскертүү: банктык топтун финансылык абалы жөнүндө регулятивдик отчеттун статьяларындагы суммалар (кредиттер жана финансылык ижарадан тышкары) потенциалдуу жоготуулардын жана чыгым тартуулардын ордун жабууга каралган камга (мындан ары – РППУ) чегерилген тиешелүү суммаларды жана амортизациялык чегерүүлөрдү алып салуу менен көрсөтүлөт.

Д жана Е бөлүкчөлөрүндө банктык топтун финансылык абалы жөнүндө регулятивдик отчеттун айрым статьялары чечмеленип берилет.

Бул бөлүктү толтурууда башкы/башкаруучу компаниянын жана банктык топтун катышуучуларынын активдерин, милдеттенмелерин, капиталын, кирешелерин жана чыгашаларын өз-өзүнчө көрсөтүү зарыл. Мындай катышуунун финансылык маалыматтары ушул Усулдук көрсөтмөнүн 2-пунктуна жараша статьялар боюнча киргизилет.

Эгерде, отчеттук мезгилде башкы/башкаруучу компания же банктык топтун катышуучусу тарабынан акча каражаттары чегерилсе, ал эми банктык топтун башка катышуучусу бул каражаттарды отчеттук мезгилде албаса, анда отчеттук мезгил ичинде анын пайдасына чегерилген акча каражаттарын банктык топтун катышуучусу тарабынан алынган катары эсептөө зарыл.

12. А бөлүкчөсү. Активдер.

«Акча каражаттары» деп аталган 1-статьяда валюта түрлөрү боюнча жүгүртүү кассасындагы банкнотторду жана монеталарды, жолдогу банкнотторду жана монеталарды, сактык кассаларындагы банкнотторду жана монеталарды, банкоматтардагы банкнотторду жана монеталарды кошо алганда, сом, КМШ өлкөлөрүнүн жана Балтия өлкөлөрүнүн валюталары, Экономикалык кызматташуу жана өнүктүрүү уюмуна кирген өлкөлөрдүн валюталары, ошондой эле башка валюталар боюнча акча каражаттарынын суммасы чагылдырылат.

«Күндөлүк эсептер» деп аталган 2-статьяда төмөнкү сумма чагылдырылат:

- милдеттүү камдык талаптарды кошо алганда, Улуттук банктагы депозиттик жана корреспонденттик эсептердеги акча каражаттары;

- банктардагы же финансы институттарындагы корреспонденттик эсептердеги акча каражаттары, ошондой эле РППУга тиешелүү чегерүүлөрдү минуска чыгаруу менен ушул банктардын же банктагы финансы институттарынын овердрафт суммалары;

- финансы-кредит уюмдары болуп саналбаган банктык топтун катышуучуларынын эсептешүү эсептеринде турган акча каражаттары.

Калган калдыктар төмөнкү валюталар: сом, КМШ өлкөлөрүнүн жана Балтия өлкөлөрүнүн валюталары, Экономикалык кызматташуу жана өнүктүрүү уюмуна кирген өлкөлөрдүн валюталары жана башка валюталар боюнча көрсөтүлөт.

«Депозиттик эсептер» деп аталган 3-статьяда банктарда жана башка финансы-кредит уюмдарында депозиттерге күрөөгө коюлган акча каражаттарын кошо алганда, депозитке салынган акча каражаттарынын суммасы тиешелүү атайын РППУну минуска чыгаруу менен чагылдырылат.

«Баалуу кагаздар» деп аталган 4-статьяда банктык топтун катышуучуларына таандык баалуу кагаздардын номиналдык наркы дисконт/сый акыны эске алуу жана тиешелүү атайын РППУну минуска чыгаруу менен көрсөтүлөт. Баалуу кагаздар тууралуу маалыматтар «а) мамлекеттик баалуу кагаздар» жана «б) корпоративдик баалуу кагаздар» боюнча көрсөтүлөт.

«Кыска мөөнөткө жайгаштыруулар» деп аталган 5-статьяда ал боюнча банктык топтун катышуучулары кредитор катары иш алып барган, камсыздалган жана камсыздалбаган кыска мөөнөткө банктар аралык жайгаштыруу (30 күнгө чейин) тиешелүү атайын РППУну минуска чыгаруу менен чагылдырылат.

«РЕПО-келишимдери боюнча сатып алынган баалуу кагаздар» деп аталган 6-статьяда белгилүү бир мөөнөт өткөндөн кийин тиешелүү атайын РППУну минуска чыгаруу менен белгилүү баада кайрадан сатуу милдеттенмеси менен банктык топтун катышуучулары тарабынан сатып алынган баалуу кагаздар көрсөтүлөт.

«Финансы-кредит уюмдарына кредиттер жана финансылык ижара» деп аталган

7-статьяда жергиликтүү жана чет өлкө банктарына, ошондой эле башка финансы-кредит уюмдарына берилген кредиттердин жана финансылык лизингдин суммалары тиешелүү дисконтту минуска чыгаруу менен чагылдырылат.

«Башка кардарларга кредиттер жана финансылык ижара» деп аталган 8-статьяда финансылык институт болуп саналбаган жергиликтүү жана чет өлкөлүк кардарларга берилген кредиттердин жана финансылык лизингдин, овердрафт-кредиттеринин жана кредиттик карттар аркылуу берилген кредиттердин суммасы тиешелүү дисконтту минуска чыгаруу менен чагылдырылат.

«Кредиттер жана финансылык ижара боюнча атайын РППУ» деп аталган 9-статьяда финансылык институттарга жана башка кардарларга берилген кредиттер жана финансылык ижара боюнча түзүлгөн атайын РППУнун өлчөмү көрсөтүлөт.

«Таза кредиттер жана финансылык ижара» деп аталган 10-статьяда алар боюнча атайын РППУну минуска чыгаруу менен кредиттердин жана финансылык ижаранын наркы көрсөтүлөт (7-ст.+8-ст.-9-ст).

«Негизги каражаттар» деп аталган 11-статьяда банктык топтун катышуучуларынын ээлигинде же пайдалануусунда турган жердин жана/же үлүш жердин, имараттардын жана башка курулмалардын, эмеректердин, жабдуулардын, автоунаа наркы, ошондой эле курулушка байланыштуу материалдардын, иштердин жана башка капиталдаштырылган чыгашалардын наркы, ошондой эле ижарага алынган менчикти ыңгайлаштырууга капиталдык салымдар негизги каражаттарга кошуп эсептелинген амортизацияны эсептен алып салуу менен чагылдырылат. Материалдык эмес активдер бул статьяга кошулбайт. Негизги каражаттарды төмөнкү топтор боюнча көрсөтүү зарыл: жер жана имараттар; бүткөрүлбөгөн курулуш жана башка негизги каражаттар.

«Активдин ордун жабууга кабыл алынган кыймылсыз мүлк» деп аталган 12-статьяда банктык топтун катышуучулары тарабынан активдин ордун жабууга кабыл алынган карыз алуучунун кыймылсыз мүлкү, ошондой эле атайын РППУну минуска чыгаруу менен банктык топтун катышуучуларынын иштебеген филиалдарынын жана туунду компанияларынын кыймылсыз мүлкү чагылдырылат.

«Активдин ордун жабууга кабыл алынган башка менчик» деп аталган 13-статьяда банктык топтун катышуучуларынын ээлигине өткөн башка активдер (кыймылдуу жана кыймылсыз мүлктөн тышкары), ошондой эле банктык топтун катышуучуларынын жабылып калган филиалдарынын жана туунду компанияларынын башка мүлкү, тиешелүү атайын РППУну минуска чыгаруу менен чагылдырылат.

«Башка компанияларга инвестициялар» деп аталган 14-статьяда банктык топтун катышуучуларынын компаниядагы капиталдык инвестицияларынын суммасы тиешелүү атайын РППУну минуска чыгаруу менен көрсөтүлөт.

«Капиталдагы үлүштү сатып алуу наркынын айырмасы (гудвилл)» деген 15-статьяда банктык топ тарабынан консолидациялануучу катышуучунун акцияларын (үлүшүн) сатып алуу наркынын айырмасынын оң мааниси көрсөтүлөт. Бул айырма аталган акцияларга (үлүшкө) ээлик кылган башкы/башкаруучу компаниянын балансында гана көрсөтүлөт.

«Башка активдер» деген 16-статьяда дебитордук карызды кошо алганда, аларга дал келген атайын РППУну минуска чыгаруу менен, жогоруда көрсөтүлбөгөн активдердин номиналдык наркы, ошондой эле валюталык операциялар боюнча (чет өлкө валютасы боюнча таза своп-позиция, таза форвард-позиция, чет өлкө/улуттук валютаны бүткөрүлбөгөн спот-сатып алуулар) суммалар жана материалдык эмес активдер чагылдырылат.

«Бардыгы болуп активдер» деген 17-статьяда 1ден 6га чейинки жана 10дон 16га чейинки статьялардын суммасы көрсөтүлөт.

13. Б бөлүкчөсү. Милдеттенмелер.

«Юридикалык жактардын талап боюнча төлөнүүчү депозиттери» деп аталган 18-статьяда жергиликтүү жана чет өлкөлүк юридикалык жактардын эсептешүү эсептерин кошо алганда, талап боюнча төлөнүүчү депозиттеринин жалпы суммасы көрсөтүлөт. Банктардын жана башка финансы-кредит уюмдарынын эсептериндеги акча каражаттары жана талап боюнча төлөнүүчү депозиттери бул статьяга кошулбайт.

«Жеке адамдардын талап боюнча төлөнүүчү депозиттери» деп аталган 19-статьяда жергиликтүү жана чет өлкөлүк жеке адамдардын эсептешүү эсептерин кошо алганда, талап боюнча төлөнүүчү депозиттеринин жалпы суммасы көрсөтүлөт.

«Жеке ишкерлердин талап боюнча төлөнүүчү депозиттери» деп аталган 20-статьяда жергиликтүү жана чет өлкөлүк жеке ишкерлердин эсептешүү эсептерин кошо алганда, талап боюнча төлөнүүчү депозиттеринин жалпы суммасы көрсөтүлөт.

«Юридикалык жактардын мөөнөттүү депозиттери» деп аталган 21-статьяда жергиликтүү жана чет өлкөлүк юридикалык жактардын депозиттик сертификаттарын кошо алганда, мөөнөттүү депозиттеринин жалпы суммасы көрсөтүлөт. Банктардын жана башка финансы-кредит уюмдарынын мөөнөттүү депозиттери бул статьяга кошулбайт.

«Жеке адамдардын мөөнөттүү депозиттери» деп аталган 22-статьяда жергиликтүү жана чет өлкөлүк жеке адамдардын сактык сертификаттарын кошо алганда, мөөнөттүү депозиттеринин жалпы суммасы көрсөтүлөт.

«Жеке ишкерлердин мөөнөттүү депозиттери» деп аталган 23-статьяда жергиликтүү жана чет өлкөлүк жеке ишкерлердин сактык сертификаттарын кошо алганда, мөөнөттүү депозиттеринин жалпы суммасы көрсөтүлөт.

«Улуттук банк алдындагы милдеттенмелер» деп аталган 24-статьяда Улуттук банк жана анын туунду компаниялары алдындагы милдеттенмелердин суммасы чагылдырылат.

«Корреспонденттик эсептер» деп аталган 25-статьяда банктардын-банктык топтун катышуучуларынын банк-корреспонденттердин эсептериндеги акча каражаттарынын суммасы чагылдырылат.

«Банктардын депозиттери» деп аталган 26-статьяда банктардын же финансы-кредит уюмдарынын талап боюнча төлөнүүчү депозиттер жана мөөнөттүү депозиттер түрүндө жайгаштырылган акча каражаттарынын суммасы чагылдырылат.

«Кыска мөөнөткө жайгаштыруулар» деп аталган 27-статьяда банктар-банктык топтун катышуучулары анда дебитор катары иш алып барышкан, камсыздалган жана камсыздалбаган кыска мөөнөттүү банктар аралык жайгаштыруулардын (30 күнгө чейин) суммасы көрсөтүлөт.

«Бийлик органдарынан депозиттер жана кредиттер» деп аталган 28-статьяда бийлик органдарынын депозиттик эсептериндеги акча каражаттарынын жана бийлик органдарынан алынган башка акча каражаттарынын суммасы төмөнкүлөргө бөлүштүрүлүп көрсөтүлөт:

а) бийлик органдарынын депозиттери;

б) бийлик органдарынан алынган кредиттер;

«РЕПО-келишими боюнча сатылган баалуу кагаздар» деп аталган 29-статьяда келечекте белгилүү бир күндө, аныкталган баада кайтара сатып алуу келишими боюнча банктар банктык топтун катышуучулары тарабынан сатылган баалуу кагаздардын наркы көрсөтүлөт.

«Алынган кредиттер» деп аталган 30-статьяда банктык топтун катышуучулары тарабынан алынган кыска мөөнөттүү жайгаштыруулар катары каралбаган, төмөнкүлөрдөн алынган кредиттердин суммасы көрсөтүлөт:

а) банктардан:

б) эл аралык финансылык уюмдарды кошо алганда, башка финансы-кредит уюмдарынан.

«Субординацияланган карыздык милдеттенмелер» деп аталган 31-статьяда эмитенттердин активдерине каршы талап кылынышы мүмкүн болгон жана башка дебиторлордун талаптарын канааттандыруудан кийин гана төлөнүп берилген карыздык милдеттенмелер көрсөтүлөт.

«Капиталдагы үлүштү сатып алуу наркынын айырмасы (гудвилл)» деген 32-статьяда консолидациялануучу катышуучунун акцияларын (үлүшүн) сатып алуу наркынын айырмасынын терс мааниси көрсөтүлөт. Бул айырма аталган акцияларга (үлүшкө) ээлик кылышкан, башкы/башкаруучу компаниянын балансында гана көрсөтүлөт.

«Башка милдеттенмелер» деп аталган 33-статьяда кредиттик карызды кошо алганда, жогоруда көрсөтүлбөгөн башка милдеттенмелер, ошондой эле чет өлкө/улуттук валютаны бүткөрүлбөгөн спот-сатуулар чагылдырылат.

«Бардыгы болуп милдеттенмелер» деп аталган 34-статьяда 18ден 33кө чейинки статьялардын суммасы көрсөтүлөт.

14. В бөлүкчөсү. Капитал.

«Акционердик капитал» деп аталган 35-статьяда төмөнкүлөр боюнча акционердик капиталдын мааниси көрсөтүлөт:

а) жөнөкөй акциялар – уюштуруу-укуктук формалардан (Акционердик коом, Жоопкерчилиги чектелген коом ж.б) көз карандысыз банктык топтун катышуучуларынын жөнөкөй акцияларынын (капиталынын)/үлүштүк катышуунун жалпы суммасы көрсөтүлөт;

б) артыкчылык берилген акциялар – акционердик коом болуп саналган банктык топтун катышуучуларынын артыкчылык берилген акцияларынын жалпы суммасы көрсөтүлөт;

в) акционерлер тарабынан салынган кошумча капиталды кошо алганда, номиналдан ашык салынган капитал – акционерлер тарабынан акциялардын номиналдык наркынан ашык салынган акча каражаттарынын суммасы, ошондой эле акционерлер тарабынан Улуттук банктын капиталынын (өздүк каражаттарынын) минималдуу өлчөмү боюнча талаптарын аткаруу үчүн салынган кошумча капитал чагылдырылат;

г) бөлүштүрүлбөгөн пайда – анын ичинде банктык топтун катышуучуларынын бөлүштүрүлбөгөн пайдасынын суммасы;

г1) өткөн жылдардын пайдасы – каражаттардын бөлүгүн акционерлерге бөлүштүргөндөн жана банктык топтун катышуучуларынын келечектеги керектөөлөрү үчүн камга которгондон кийин, банктык топтун катышуучуларында калган өткөн жылдарда түшкөн пайда;

г2) өтүп жаткан жылдагы пайда – өтүп жаткан жылы алынган пайда;

г3) келечектеги керектөөлөр үчүн кам - пайданы бөлүштүрүүнүн эсебинен келечекте пайдалануу жана/же күтүлбөгөн жагдайлар үчүн каралган банктык топтун катышуучулары тарабынан түзүлүүчү камдардын суммасы.

«Жалпы кам» деп аталган 36-статьяда банктык топтун катышуучуларынын активдерин кайра баалоонун эсебинен түзүлгөн камдын өлчөмү жана консолидациялоо учурунда валюталарды кайрадан эсептеп чыгуунун натыйжасында келип чыккан айырма, ошондой эле кредиттер жана финансылык ижара жана башка классификацияланган активдер боюнча жалпы РППУнун өлчөмү чагылдырылат:

а) негизги каражаттарды кайра баалоо боюнча кам – негизги каражаттарды кайра баалоо суммасы;

б) баалуу кагаздарды кайра баалоо боюнча кам – баалуу кагаздарды кайра баалоодон улам келип чыккан, реализацияланбаган кирешелердин жана чыгымдардын суммасы;

в) кредиттер жана финансылык ижара боюнча жалпы РППУ – кредиттер жана финансылык ижара боюнча жалпы РППУнун суммасы;

г) классификациялануучу башка активдер боюнча жалпы РППУ – классификацияланууга тийиш болгон башка активдер боюнча жалпы РППУнун суммасы;

д) башка жалпы камдар – башка жалпы камдардын суммасы.

«Бардыгы болуп капитал» деп аталган 37-статьяда 35 жана 36-статьялардын суммасы көрсөтүлөт.

«Бардыгы болуп милдеттенмелер жана капитал» деп аталган 38-статьяда 34 жана

37-статьялардын суммасы көрсөтүлөт.

15. Г бөлүкчөсү. Баланстан тышкаркы милдеттенмелер

«Кредиттерди берүүгө карата милдеттенмелер» деп аталган 39-статьяда келечекте кредиттерди же аларды алмаштыруучуларды берүү боюнча милдеттенмелер чагылдырылат.

«Жалпы гарантиялар жана ушул сыяктуу милдеттенмелер» деп аталган 40-статьяда банктык топтун катышуучулары тарабынан чыгарылган же тастыкталган жалпы гарантиялар жана ушул сыяктуу милдеттенмелер чагылдырылат.

«Аккредитивдер» деп аталган 41-статьяда банктык топтун катышуучуларынын аккредитивдер боюнча мүмкүн болуучу милдеттенмелери чагылдырылат:

а) стендбай;

б) документтик;

в) жана башка.

«Валюталык операциялар» деп аталган 42-статьяда банктык топтун катышуучуларынын валюталык операциялар боюнча милдеттенмелери чагылдырылат:

а) спот-операциялар:

- сатып алуу;

- сатуу;

б) форварддык операциялар:

- сатып алуу;

- сатуу.

Своп-операциялардын натыйжасында келип чыккан, сатылып кеткен (сатып алынган) валютаны сатып алуу (сатуу) боюнча милдеттенмелер, тиешелүүлүгүнө жараша, а) пунктунун «сатып алуу» («сатуу») саптарында, ал эми кайтарым бүтүмдөрдү ишке ашырууда валютаны сатуу (сатып алуу) боюнча милдеттенмелерди «сатуу» («сатып алуу») саптарында чагылдырылат.

Своп-операцияларды кошпогондо, башка форварддык операциялар, сатылып кеткен (сатып алынган) валютаны сатып алуу (сатуу) боюнча милдеттенмелер, тиешелүүлүгүнө жараша, а) пунктунун «сатып алуу» («сатуу») саптарында, ошол эле учурда кайтарым бүтүмдү ишке ашырууда валютаны сатуу (сатып алуу) боюнча милдеттенмелер «сатуу» («сатып алуу») сабында көрсөтүлөт.

«Активдерди сатып алуу боюнча милдеттенмелер» деп аталган 43-статьяда банктык топтун катышуучуларынын келечекте активдерди сатып алуу боюнча милдеттенмелери чагылдырылат.

«Баланстан тышкаркы башка милдеттенмелер» деп аталган 44-статьяда жогоруда көрсөтүлбөгөн, бардык баланстан тышкаркы милдеттенмелер чагылдырылат.

«Бардыгы болуп, баланстан тышкаркы милдеттенмелер» деп аталган 45-статьяда 39дан 44кө чейинки статьялардын суммасы көрсөтүлөт.

Эскертүү: баланстан тышкаркы операциялар боюнча контр-эсептер чагылдырылбайт.

16. Д бөлүкчөсү. Башка активдерди жана милдеттенмелерди чечмелөө.

«Башка активдер» деп аталган 1-статьяда баланстык отчеттун тиешелүү статьясында камтылган банктык топтун катышуучуларынын активдеринин чечмелениши көрсөтүлөт:

а) алууга чегерилген пайыздар – алууга чегерилген пайыздардын суммасы;

б) алдын ала төлөнгөн төлөөлөр – келишим шарттарына ылайык банктык топтун катышуучулары тарабынан башка тараптарга төлөнгөн суммалар;

в) такталбаган дебитордук сумма – териштирүүгө чейинки акча каражаттарынын суммасы;

г) баалуу металлдар – банктык топтун катышуучуларында болгон баалуу металлдардын наркы;

д) жана башка активдер – валюталык операциялар (чет өлкө валютасы боюнча таза своп-позиция, таза форвард позиция, чет өлкө/улуттук валютаны бүткөрүлбөгөн спот-сатып алуулар) боюнча суммалар, ошондой эле жогоруда көрсөтүлбөгөн, банктык топтун катышуучуларынын жана башка активдеринин суммасы.

«Башка активдерге карата атайы РППУ» деп аталган 2-статьяда банктык топтун катышуучуларынын жогоруда аталган башка активдерине карата атайы РППУнун суммасы көрсөтүлөт.

«Таза башка активдер» деп аталган 3-статьяда банктык топтун катышуучуларынын башка активдеринин таза наркы көрсөтүлөт (1-статья минус 2-статья). Аталган статья «Банктык топтун финансылык абалы жөнүндө регулятивдик отчет» деп аталган 1- бөлүктүн А бөлүкчөсүнүн 16-статьясына шайкеш келүүгө тийиш.

«Башка милдеттенмелер» деп аталган 4-статьяда «Банктык топтун финансылык абалы жөнүндө регулятивдик отчет» деп аталган 1-бөлүктүн тиешелүү статьясында камтылган, банктык топтун катышуучуларынын милдеттенмелеринин чечмелениши көрсөтүлөт:

а) төлөөгө чегерилген пайыздар – төлөөгө чегерилген пайыздардын суммасы;

б) төлөөгө карата салыктар – банктык топтун катышуучуларынын бюджетке чегерилүүгө тийиш болгон милдеттенмелеринин суммасы;

в) такталбаган кредитордук карыз – тактоого чейинки акча каражаттарынын суммасы;

г) төлөөгө карата дивиденддер – акционерлерге төлөнүп берилүүгө тийиш болгон акча каражаттарынын суммасы;

д) башка милдеттенмелер – таза спот позиция, таза форвард позиция, чет өлкө/улуттук валютаны бүткөрүлбөгөн спот-сатуулардын суммасы, ошондой эле баланстан тышкаркы милдеттенмелер боюнча РППУну кошо алганда, жогоруда көрсөтүлбөгөн жана башка милдеттенмелер көрсөтүлөт.

Аталган статья «Банктык топтун финансылык абалы жөнүндө регулятивдик отчет» деп аталган 1-бөлүктүн А бөлүкчөсүнүн 33-статьясына шайкеш келүүгө тийиш.

17. Е бөлүкчөсү. Улуттук банктын жана анын туунду компаниялары алдындагы милдеттенмелер.

«Овернайт» деп аталган 1-статьяда банктык топтун катышуучулары тарабынан алынган овернайт кредиттеринин суммасы чагылдырылат.

«Акыркы инстанция кредити» деп аталган 2-статьяда банктык топтун катышуучулары тарабынан алынган акыркы инстанция кредитинин суммасы көрсөтүлөт.

«Европа реконструкциялоо жана өнүктүрүү банкынын кредити» деп аталган

3-статьяда банктык топтун катышуучулары тарабынан Европа реконструкциялоо жана өнүктүрүү банкынын кредиттик линиясы боюнча алынган кредиттердин суммасы көрсөтүлөт.

«МАР кредити» деп аталган 4-статьяда банктык топтун катышуучулары тарабынан МАРдын кредиттик линиясы боюнча алынган кредиттердин суммасы көрсөтүлөт.

«Башка кредиттер жана Улуттук банк алдындагы милдеттенмелер» деп аталган

5-статьяда банктык топтун катышуучуларынын Улуттук банк алдындагы башка милдеттенмелердин, анын ичинде бир күндүк кредиттер боюнча суммалары көрсөтүлөт.

«Бардыгы болуп» деп аталган 6-статьяда – 1-5-статьялардын суммалары чагылдырылат.

18. Ж бөлүкчөсү. Башкы/башкаруучу компаниянын/банктык топтун катышуучусунун активдерин жайгаштыруу.

Ж бөлүкчөсүндө башкы/башкаруучу компаниянын/банктык топтун катышуучусунун активдерин географиялык жайгаштыруу жөнүндө маалымат чагылдырылат. Активдер статьясындагы суммалар атайын РППУнун жана дисконттун тиешелүү суммаларын алып салуусуз көрсөтүлөт. Өлкөлөр боюнча бөлүштүрүүдө активди иш жүзүндө пайдалануу жерине жараша жүргүзүлөт. Башкы/башкаруучу компания бул бөлүктү өзүнчө, ал эми банктык топтун катышуучулары өзүнчө толтурат. Бул отчеттун барактарынын саны отчету консолидациялана турган катышуучулардын санына дал келет.

19. З бөлүкчөсү. Башкы/башкаруучу компаниянын/банктык топтун катышуучусунун өлкөлүк белгилери боюнча капиталды тартуу.

Бул бөлүкчөдө өлкөлөр боюнча бөлүштүрүүдө кайсы болбосун уюштуруу-укуктук формадагы (АК, ЖЧК ж.б) банктык топтун катышуучуларынын акционердик капиталын тартуу тууралуу маалымат чагылдырылат. Өлкөлөр боюнча бөлүштүрүү компаниялардын-банктык топтун катышуучуларынын акционерлеринин (ээлик кылуучулардын) тигил же бул өлкөгө таандык экендигине жараша жүргүзүлөт. Чогуу алгандагы акционердик капиталдын суммасы «Банктык топтун финансылык абалы жөнүндө регулятивдик отчет» деп аталган 1-бөлүктүн 35-статьясынын маалыматтары менен дал келүүгө тийиш. Мында, «бөлүштүрүлбөгөн пайда» деп аталган г) статьясы өзүндө төмөнкүлөрдү камтууга тийиш:

1) акционерлерге каражаттардын бөлүгүн бөлүштүрүүдөн кийин жана банктык топтун катышуучуларынын келечектеги керектөөлөрү үчүн камга которуудан кийин банктык топтун катышуучуларында калган, өткөн жылдарда түшкөн пайданы;

2) өтүп жаткан жылы алынган пайданы;

3) банктын топтун катышуучуларында пайданы бөлүштүрүүнүн эсебинен келечекте орун алышы мүмкүн болгон жагдайлар үчүн түзүлүүчү банктык топтун катышуучуларынын келечектеги керектөөлөрү үчүн камдарды.

Бардык суммалар миң сом түрүндө көрсөтүлүүгө тийиш.

Башкы/башкаруучу компания бул бөлүктү өзүнчө, ал эми банктык топтун катышуучулары өзүнчө толтурат. Бул отчеттун барактарынын саны отчету консолидациялана турган катышуучулардын санына дал келет.

VII. 2-бөлүк. Пайда жана чыгым жөнүндө отчет

Пайда жана чыгым жөнүндө отчетто башкы/башкаруучу компаниянын жана банктык топтун катышуучуларынын пайда жана чыгым жөнүндө отчетторунун көрсөткүчтөрү чагылдырылат. Бардык статьялар өтүп жаткан мезгилге салыштырылып, отчеттук жылдын башталышынан тартып өсүү жыйынтыгы менен көрсөтүлөт. Бул отчетто суммалар оң же терс болушу мүмкүн.

«Аралык натыйжа» тилкесинде отчетко кошула турган башкы/башкаруучу компаниянын жана банктык топтун башка катышуучуларынын кирешелери жана чыгашалары боюнча статьяларынын суммасынын жыйынтыгы чагылдырылат.

Бардык суммалар миң сом түрүндө көрсөтүлүүгө тийиш.

20. А бөлүкчөсү. Пайыздык кирешелер.

«Коммерциялык банктардагы депозиттер жана эсептер боюнча пайыздык кирешелер» деп аталган 1-статьяда банктык топтун катышуучулары тарабынан башка банктардагы жана финансы-кредит уюмдарындагы депозиттер боюнча чегерилген, ошондой эле банктар-резидент эместердин корреспонденттик эсептериндеги пайыздык кирешелер көрсөтүлөт.

«Улуттук банктагы корреспонденттик эсептер боюнча пайыздык кирешелер» деп аталган 2-статьяда Улуттук банктагы корреспонденттик эсептер же депозиттер боюнча банктардын-банктык топтун катышуучуларынын пайыздык кирешелери көрсөтүлөт.

«Пайда же чыгым аркылуу адилет наркы боюнча баалануучу баалуу кагаздар боюнча пайыздык кирешелер» деп аталган 3-статьяда банктык топтун катышуучулары тарабынан пайда же чыгым аркылуу адилет наркы боюнча баалануучу баалуу кагаздар боюнча чегерилген пайыздык кирешелер көрсөтүлөт.

«Башка жыйынды киреше аркылуу адилет наркы боюнча баалануучу баалуу кагаздар боюнча пайыздык кирешелер» деп аталган 4-статьяда банктык топтун катышуучулары тарабынан башка жыйынды киреше аркылуу адилет наркы боюнча баалануучу баалуу кагаздар боюнча чегерилген пайыздык кирешелер көрсөтүлөт.

«Амортизацияланган наркы боюнча баалануучу баалуу кагаздар боюнча пайыздык кирешелер» деп аталган 5-статьяда банктык топтун катышуучулары тарабынан амортизацияланган наркы боюнча баалануучу баалуу кагаздар боюнча чегерилген пайыздык кирешелер көрсөтүлөт.

«Кыска мөөнөттүү жайгаштыруулар боюнча пайыздык кирешелер» деп аталган

6-статьяда банктык топтун катышуучулары тарабынан кыска мөөнөттүү банктар аралык жайгаштыруулар (30 күнгө чейин) боюнча чегерилген пайыздык кирешелер көрсөтүлөт.

«Финансы-кредит уюмдарына берилген кредиттер жана финансылык ижара боюнча пайыздык киреше» деп аталган 7-статьяда банктарга жана башка финансы-кредит уюмдарына кредиттер жана финансылык ижара боюнча банктык топтун катышуучулары тарабынан чегерилген пайыздык кирешелер көрсөтүлөт.

«Башка кардарларга берилген кредиттер жана финансылык ижара боюнча пайыздык кирешелер» деп аталган 8-статьяда банктык топтун катышуучулары тарабынан эл чарба тармактары боюнча кредиттер жана финансылык ижарадан чегерилген пайыздык кирешелер кардар алган акча каражаттарын өз иш чөйрөсү же бизнесинин негизги багыты боюнча эмес, коюлган максатка ылайык жумшоосуна жараша экономика секторлору боюнча бөлүштүрүлүүгө тийиш:

а) өнөр жайы;

б) айыл чарбасы жана кайра иштетүү;

в) соода жана коммерциялык операциялар;

г) курулуш, ипотекадан тышкары;

д) ипотека;

е) жеке адамдар;

ж) жана башкалар.

«РЕПО-келишими боюнча сатып алынган баалуу кагаздар боюнча пайыздык кирешелер» деп аталган 9-статьяда банктык топтун катышуучуларынын кайтарым РЕПО-келишимдер боюнча пайыздык кирешелери көрсөтүлөт.

«Башка пайыздык кирешелер» деп аталган 10-статьяда жогоруда көрсөтүлбөгөн пайыздык же ушул сыяктуу кирешелер чагылдырылат.

«Бардыгы болуп пайыздык кирешелер» деп аталган 11-статьяда 1ден 10го чейинки статьялардын суммасы көрсөтүлөт.

21. Б бөлүкчөсү. Пайыздык чыгашалар.

«Юридикалык жактардын талап боюнча төлөнүүчү депозиттери боюнча пайыздык чыгашалар» деп аталган 12-статьяда банктык топтун катышуучуларынын юридикалык жактардын талап боюнча төлөнүүчү депозиттери боюнча пайыздык чыгашалары көрсөтүлөт. Банктык топтун катышуучуларынын банктардын жана башка финансы-кредит уюмдарынын талап боюнча төлөнүүчү депозиттери боюнча пайыздык чыгашалары бул статьяга кошулбайт.

«Жеке адамдардын талап боюнча төлөнүүчү депозиттери боюнча пайыздык кирешелери» деп аталган 13-статьяда банктык топтун катышуучуларынын (коммерциялык банк, микрофинансылык уюм) жеке адамдардын талап боюнча төлөнүүчү депозиттери боюнча пайыздык чыгашалары көрсөтүлөт.

«Жеке ишкерлердин талап боюнча төлөнүүчү депозиттери боюнча пайыздык кирешелери» деп аталган 14-статьяда банктык топтун катышуучуларынын (коммерциялык банк, микрофинансылык уюм) жеке ишкерлердин талап боюнча төлөнүүчү депозиттери боюнча пайыздык чыгашалары көрсөтүлөт.

«Юридикалык жактардын мөөнөттүү депозиттери боюнча пайыздык чыгашалары» деп аталган 15-статьяда банктык топтун катышуучуларынын юридикалык жактардын мөөнөттүү депозиттери боюнча пайыздык чыгашалары көрсөтүлөт. Банктык топтун катышуучуларынын банктардын жана башка финансы-кредит уюмдарынын мөөнөттүү депозиттери боюнча пайыздык чыгашалары бул статьяга кошулбайт.

«Жеке адамдардын мөөнөттүү депозиттери боюнча пайыздык чыгашалары» деп аталган 16-статьяда банктык топтун катышуучуларынын жеке адамдардын мөөнөттүү депозиттери боюнча пайыздык чыгашалары көрсөтүлөт.

«Жеке ишкерлердин мөөнөттүү депозиттери боюнча пайыздык чыгашалары» деп аталган 17-статьяда банктык топтун катышуучуларынын жеке ишкерлердин мөөнөттүү депозиттери боюнча пайыздык чыгашалары көрсөтүлөт.

«Кыска мөөнөттүү жайгаштыруулар боюнча пайыздык кирешелер» деп аталган

18-статьяда банктык топтун катышуучуларынын банктар аралык кыска мөөнөттүү жайгаштыруулары (30 күнгө чейин) боюнча пайыздык чыгашалары көрсөтүлөт.

«Банктардын депозиттери боюнча пайыздык чыгашалар» деп аталган 19-статьяда банктык топтун катышуучуларынын (коммерциялык банк, микрофинансылык уюм, Кыргыз Республикасынын Мамлекеттик өнүктүрүү банкы) башка банктардын жана финансы-кредит уюмдарынын депозиттери, ошондой эле банктар-резидент эместердин корреспонденттик эсептери боюнча пайыздык чыгашалары көрсөтүлөт.

«Улуттук банктан алынган кредиттер боюнча пайыздык чыгашалар» деп аталган

20-статьяда банктык топтун катышуучуларынын (коммерциялык банк, микрофинансылык уюм, Кыргыз Республикасынын Мамлекеттик өнүктүрүү банкы) Улуттук банктан жана Улуттук банктын туунду компанияларынан алынган кредиттер боюнча пайыздык чыгашалары көрсөтүлөт.

«РЕПО-келишими боюнча сатылган баалуу кагаздар боюнча пайыздык чыгашалар» деп аталган 21-статьяда – банктык топтун катышуучуларынын РЕПО-келишими боюнча пайыздык чыгашалары көрсөтүлөт.

«Алынган кредиттер боюнча пайыздык чыгашалар» деп аталган 22-статьяда банктык топтун катышуучуларынын (коммерциялык банк, микрофинансылык уюм, Кыргыз Республикасынын Мамлекеттик өнүктүрүү банкы) эл аралык финансы уюмдарын кошо алганда, банктардан жана башка финансы-кредит уюмдарынан алынган кредиттер боюнча пайыздык чыгашалары көрсөтүлөт.

«Субординацияланган карыздык милдеттенмелер боюнча пайыздык чыгашалар» деп аталган 23-статьяда банктык топтун катышуучулары тарабынан чыгарылган субординацияланган карыздык милдеттенмелер боюнча пайыздык чыгашалар көрсөтүлөт.

«Башка пайыздык чыгашалар» деп аталган 24-статьяда кредиттер боюнча дисконтко кеткен чыгашаларды кошо алганда, жогоруда аталбаган пайыздык же ушул сыяктуу чыгашалар көрсөтүлөт.

«Бардыгы болуп пайыздык чыгашалар» деп аталган 25-статьяда 12ден 24кө чейинки статьялардын суммасы көрсөтүлөт.

«Таза пайыздык киреше» деп аталган 26-статьяда банктык топтун катышуучулары тарабынан алынган таза пайыздык киреше көрсөтүлөт (11-статья минус 25-статья).

«Кредиттер боюнча потенциалдуу жоготуулардын жана чыгым тартуулардын ордун жабууга карата камга чыгашалар» деп аталган 27-статьяда кредиттер жана финансылык ижара боюнча чегерилген пайыздар боюнча РППУга чыгашаларды кошо алганда, кредиттер жана финансылык ижара боюнча атайын жана жалпы РППУ боюнча чыгашалар көрсөтүлөт.

«РППУга чегерүүлөрдөн кийинки таза пайыздык киреше» деп аталган 28-статьяда 26 жана 27-статьялардын ортосундагы айырма чагылдырылат.

22. В бөлүкчөсү. Пайыздык эмес кирешелер.

Бул бөлүкчөдө бухгалтердик баланстын тиешелүү эсептеринин кредиттик калдыктары көрсөтүлөт.

«Көрсөтүлгөн кызматтар үчүн төлөөлөр жана комиссиялык жыйымдар» деп аталган 29-статьяда банктык топтун катышуучулары тарабынан алынган комиссиялык жыйымдар жана көрсөтүлгөн кызматтар үчүн төлөөлөр чагылдырылат.

«Баалуу кагаздар менен операциялардан алынган кирешелер» деп аталган

30-статьяда банктык топтун катышуучулары тарабынан карыздык жана капиталдык баалуу кагаздар менен операциялардан алынган кирешелер көрсөтүлөт.

«Чет өлкө валютасындагы операциялардан алынган кирешелер» деп аталган

31-статьяда банктык топтун катышуучулары тарабынан чет өлкө валютасындагы операциялардан алынган кирешелер көрсөтүлөт.

«Туунду жана ассоциацияланган компанияларга салымдарды кошо алганда, акцияларга жана пайларга салымдардан түшкөн кирешелер/дивиденддер» деп аталган

32-статьяда туунду же ассоциацияланган компаниялар болуп саналбагандардын акцияларына жана пайларына (капиталга катышуудан натыйжа катары) салымдардан түшкөн дивиденд түрүндө банктык топтун катышуучулары тарабынан алынган кирешелер, ошондой эле туунду жана ассоциацияланган компаниялардан алынган кирешелер чагылдырылат.

«Башка пайыздык эмес кирешелер» деп аталган 33-статьяда жогоруда көрсөтүлбөгөн, туунду финансылык инструменттер (фьючерс, форвард/спот, опцион) менен операциялардан түшкөн кирешелерди кошо алганда, пайыздык эмес кирешелер, ошондой эле баалуу кагаздарды жана туунду финансылык инструменттерди кайрадан баалоодон түшкөн реализацияланбаган киреше (чыгым), чет өлкө валютасын кайра баалоодон киреше, ошондой эле айыптык төлөмдөр жана туумдар көрсөтүлөт.

«Бардыгы болуп пайыздык эмес киреше» деп аталган 34-статьяда 29дан 33гө чейинки статьялардын суммасы чагылдырылат.

23. Г бөлүкчөсү. Пайыздык эмес чыгашалар.

Бул бөлүкчөдө бухгалтердик баланстын тиешелүү эсептеринин дебеттик калдыктары көрсөтүлөт.

«Банктык кызмат көрсөтүүлөр үчүн төлөөлөр боюнча чыгашалар жана комиссиялык жыйымдар» деп аталган 35-статьяда комиссиялык жыйымдар жана банктык топтун катышуучулары тарабынан кызмат көрсөтүүлөр үчүн төлөөлөр көрсөтүлөт.

«Баалуу кагаздар менен операциялардан чыгым тартуулар» деп аталган 36-статьяда банктык топтун катышуучуларынын карыздык жана капиталдык баалуу кагаздар менен операциялары боюнча чыгашалар чагылдырылат.

«Чет өлкө валютасы менен операциялардан чыгым тартуулар» деп аталган

37-статьяда банктык топтун катышуучуларынын чет өлкө валютасындагы операциялар боюнча чыгашалары көрсөтүлөт.

«Башка пайыздык эмес чыгашалар» деп аталган 38-статьяда жогоруда аталбаган пайыздык эмес чыгашалар көрсөтүлөт.

«Бардыгы болуп пайыздык эмес чыгашалар» деп аталган 39-статьяда 35ден 38ге чейинки статьялардын суммасы чагылдырылат.

24. Д бөлүкчөсү. Башка операциялык жана административдик чыгашалар.

«Персоналды күтүүгө кеткен чыгашалар» деп аталган 40-статьяда банктык топтун катышуучу компанияларынын кызматкерлерине (банктык топтун катышуучу компанияларынын байкоо органынын мүчөлөрүнө төлөөлөрдөн тышкары) эмгек акылар, сый акылар жана башка ушул сыяктуу төлөмдөр менен байланыштуу чыгашалар көрсөтүлөт:

а) эмгек акы жана сый акы;

б) башка компенсациялар жана субсидиялар (башка төлөөлөр);

в) Социалдык фондго төлөөлөр.

«Банктык топтун катышуучу компанияларынын байкоо органынын мүчөлөрүнө гонорарлар» деп аталган 41-статьяда банктык топтун катышуучу-компанияларынын байкоо жана аткаруу органдарынын мүчөлөрүнө төлөнүүчү төлөөлөр жана гонорарлар чагылдырылат.

«Менчиктен алынуучу салыкты кошо алганда, негизги каражаттарга башка чыгашалар» деп аталган 42-статьяда кошуп эсептелинген амортизациялоону жана мүлктөн алынуучу салык боюнча чыгашаларды кошо алганда, имараттарды жана курулмаларды, эмеректерди, транспортту, жабдууларды, компьютерлерди, программалык камсыздоону жана банктык топтун катышуучуларынын материалдык эмес активдерди күтүүгө кеткен чыгашалары чагылдырылат:

а) ижара төлөмү;

б) коммуналдык кызмат көрсөтүүлөр жана мүлктөн алынуучу салык;

в) амортизацияга чыгашалар.

«Салыктар жана камсыздандыруу» деп аталган 43-статьяда – киреше салыгын жана мүлк салыгын эске албаганда, камсыздандырууга, салык төлөөгө байланыштуу чыгашалар чагылдырылат.

«Башка операциялык жана административдик чыгашалар» деп аталган 44-статьяда күтүүсүз кирешелерди жана чыгашаларды кошо алганда, жогоруда аталбаган бардык операциялык жана административдик чыгашалар көрсөтүлөт.

«Бардыгы болуп башка операциялык жана административдик чыгашалар» деп аталган 45-статьяда 40тан 44кө чейинки статьялардын суммасы чагылдырылат.

«Таза операциялык киреше (чыгым)» деп аталган 46-статьяда – банктык топтун катышуучулары тарабынан алынган таза операциялык киреше (чыгым) (28 жана

34-статьялардын суммасы менен 39 жана 45-статьялардын суммасынын ортосундагы айырма) чагылдырылат.

«Жоготуулардын жана чыгым тартуулардын (кредиттик операциялардан эмес) ордун жабууга каралган камга чыгашалар» деп аталган 47-статьяда потенциалдуу жоготуулардын жана чыгым тартуулардын ордун жабууга атайын жана жалпы камга кеткен чыгашалардын (кредиттик операциялардан жана финансылык ижарадан айырмаланган) суммасы чагылдырылат.

«РППУга чегерүүлөрдөн кийин таза киреше (чыгым)» деп аталган 48-статьяда

46 жана 47-статьялардын ортосундагы айырма чагылдырылат.

«Пайдадан алынуучу салык» деп аталган 49-статьяда банктык топтун катышуучуларынын пайдадан алынуучу салык боюнча чыгашалары чагылдырылат.

«Таза пайда (чыгым)» деп аталган 50-статьяда банктык топтун катышуучуларынын таза пайдасы (чыгымы) көрсөтүлөт (48-статья минус 49-статья).

VIII. 3-бөлүк. Банктык топтун финансылык абалы жөнүндө

консолидацияланган регулятивдик отчет

25. Банктык топтун финансылык абалы жөнүндө консолидацияланган регулятивдик отчетто регулятивдик отчет берүү көз карашынан алганда банктык топтун финансылык абалы боюнча кыйла маанилүү статьялар өзүнчө болүп көрсөтүлгөн.

Банктык топтун финансылык абалы жөнүндө консолидацияланган регулятивдик отчет үч графадан турат: баланстын статьясынын аталышы, статьянын сом түрүндөгү мааниси, ошондой эле чет өлкө валютасындагы баланстын статьяларынын сом түрүндөгү эквиваленти Улуттук банктын отчеттук күнгө карата расмий курстары боюнча бөлүп көрсөтүлөт.

Бардык суммалар миң сом түрүндө көрсөтүлүүгө тийиш.

Эскертүү: Банктык топтун финансылык абалы жөнүндө регулятивдик отчеттун статьяларындагы суммалар (кредиттерден жана финансылык ижарадан башка) потенциалдуу жоготуулардын жана чыгым тартуулардын ордун жабууга каралган камдын тиешелүү суммаларын жана амортизацияланган чегерүүлөрдү алып салуу менен көрсөтүлөт.

Д жана Е бөлүкчөлөрүндө банктык топтун финансылык абалы жөнүндө регулятивдик отчеттун айрым статьялары чечмеленип берилет.

Финансалык көрсөтмөлөрдү консолидациялоодо төмөнкү шарттарды сактоо зарыл:

- башкы/башкаруучу компаниянын активдери, милдеттенмелери жана капиталы банктык топтун катышуучулары менен статьялар боюнча суммалары кошулат. Мында, Усулдук көрсөтмөнүн 2-пунктуна ылайык башкы/башкаруучу компаниянын отчеттук статьяларына банктык топтун ар бир катышуучусунун статьялары кошулат;

- башкы/башкаруучу компаниянын банктык топтун катышуучуларынын уставдык капиталына жана, тиешелүүлүгүнө жараша, банктык топтун катышуучуларынын уставдык капиталына, башкы/башкаруучу компанияга таандык бөлүгүнө салымдары, ошондой эле башкы/башкаруучу компаниянын уставдык капиталына катышуучулардын салымдары алынып салынат;

- банктык топтун катышуучуларынын ортосундагы операцияларга байланыштуу активдер, милдеттенмелер, капитал жана акча каражаттарынын агымы эсепке алынбайт.

26. А бөлүкчөсү. Активдер.

«Акча каражаттары» деп аталган 1-статьяда валюта түрлөрү: сом, КМШ өлкөлөрүнүн жана Балтия өлкөлөрүнүн валюталары, Экономикалык кызматташуу жана өнүктүрүү уюмуна кирген өлкөлөрдүн валюталары, ошондой эле башка валюталар боюнча жүгүртүү кассасындагы банкнотторду жана монеталарды, жолдогу банкнотторду жана монеталарды, сактык кассаларындагы банкнотторду жана монеталарды, банкоматтардагы банкнотторду жана монеталарды кошо алганда, акча каражаттарынын суммасы чагылдырылат.

«Күндөлүк эсептер» деп аталган 2-статьяда төмөнкү сумма чагылдырылат:

- милдеттүү камдык талаптарды кошо алганда, Улуттук банктагы депозиттик жана корреспонденттик эсептердеги акча каражаттары;

- банктардагы же финансы институттарындагы корреспонденттик эсептердеги акча каражаттары, ошондой эле атайын РППУга тиешелүү чегерүүлөрдү минуска чыгаруу менен ушул банктардын же банктагы финансы институттарынын овердрафт суммалары;

- финансы-кредит уюмдары болуп саналбаган банктык топтун катышуучуларынын эсептешүү эсептеринде турган акча каражаттары.

Калдыктар: сом, КМШ жана Балтия өлкөлөрүнүн валюталары, Экономикалык кызматташуу жана өнүктүрүү уюмуна кирген өлкөлөрдүн валюталары жана башка валюталар боюнча көрсөтүлөт.

«Депозиттик эсептер» деп аталган 3-статьяда банктарда жана башка финансы-кредит уюмдарында депозиттерде күрөөгө коюлган акча каражаттарын кошо алганда, депозитке салынган акча каражаттарынын суммасы тиешелүү атайын РППУну минуска чыгаруу менен чагылдырылат.

«Баалуу кагаздар» деп аталган 4-статьяда банктык топтун катышуучуларына таандык баалуу кагаздардын номиналдык наркы дисконт/сый акыны эсепке алуу жана тиешелүү атайын РППУну минуска чыгаруу менен көрсөтүлөт. Баалуу кагаздар тууралуу маалыматтар «а) мамлекеттик баалуу кагаздар» жана «б) корпоративдик баалуу кагаздар» боюнча көрсөтүлөт.

«Кыска мөөнөткө жайгаштыруулар» деп аталган 5-статьяда банктык топтун катышуучулары ал боюнча кредитор катары иш алып барган, камсыздалган жана камсыздалбаган кыска мөөнөттүү банктар аралык жайгаштыруулардын суммасы

(30 күнгө чейин) атайын РППУга тиешелүү чегерүүлөрдү минуска чыгаруу менен чагылдырылат.

«РЕПО-келишимдери боюнча сатып алынган баалуу кагаздар» деп аталган

6-статьяда белгилүү бир убакыт өткөндөн кийин жана белгилүү бир баада атайын РППУга тиешелүү чегерүүлөрдү минуска чыгаруу менен кайрадан сатуу милдеттенмеси менен банктык топтун катышуучулары тарабынан сатып алынган баалуу кагаздар көрсөтүлөт.

«Финансы-кредит уюмдарына кредиттер жана финансылык ижара» деп аталган

7-статьяда жергиликтүү жана чет өлкө банктарына, ошондой эле башка финансы-кредит уюмдарына берилген кредиттердин жана финансылык лизингдин суммалары тиешелүү дисконтту минуска чыгаруу менен чагылдырылат.

«Башка кардарларга кредиттер жана финансылык ижара» деп аталган 8-статьяда финансылык институт болуп саналбаган жергиликтүү жана чет өлкөлүк кардарларга кредиттердин жана финансылык лизингдин, овердрафт-кредиттеринин жана кредиттик карттарды пайдалануу аркылуу берилген кредиттердин суммасы тиешелүү дисконтту минуска чыгаруу менен чагылдырылат.

«Кредиттер жана финансылык ижара боюнча атайын РППУ» деп аталган 9-статьяда финансылык институттарга жана башка кардарларга берилген кредиттер жана финансылык ижара боюнча түзүлгөн атайын РППУнун өлчөмү көрсөтүлөт.

«Таза кредиттер жана финансылык ижара» деп аталган 10-статьяда алар боюнча атайын РППУну минуска чыгаруу менен кредиттердин жана финансылык ижаранын наркы көрсөтүлөт (7-ст.+8-ст.-9-ст).

«Негизги каражаттар» деп аталган 11-статьяда банктык топтун катышуучуларынын ээлигинде жана/же пайдалануусунда турган жердин жана/же үлүш жерлердин, имараттардын жана башка курулмалардын, автомобилдерди кошо алганда, эмеректердин, жабдуулардын наркы, ошондой эле материалдардын, иштердин жана курулушка байланыштуу келип чыккан башка капиталдаштырылган чыгашалардын наркы, ижарага алынган менчикти ыңгайлаштырууга капиталдык салымдар негизги каражаттарга кошуп эсептелинген амортизацияны эсептен алып салуу менен чагылдырылат. Материалдык эмес активдер бул статьяга кошулбайт. Негизги каражаттарды төмөнкү топтор боюнча көрсөтүү зарыл: жер жана имараттар; бүткөрүлбөгөн курулуш жана башка негизги каражаттар.

«Активдин ордун жабууга кабыл алынган кыймылсыз мүлк» деп аталган 12-статьяда карыз алуучунун банктык топтун катышуучулары тарабынан активдин ордун жабууга кабыл алынган кыймылсыз мүлкү, ошондой эле атайын РППУга тиешелүү чегерүүлөрдү минуска чыгаруу менен банктык топтун катышуучуларынын иштебеген филиалдарынын жана туунду компанияларынын кыймылсыз мүлктөрү чагылдырылат.

«Активдин ордун жабууга кабыл алынган башка менчик» деп аталган 13-статьяда банктык топтун катышуучуларынын ээлигине өткөн башка активдер (кыймылсыз мүлк эмес), ошондой эле банктык топтун катышуучуларынын жабылып калган филиалдарынын жана туунду компанияларынын башка мүлктөрү, тиешелүү атайын РППУну минуска чыгаруу менен чагылдырылат.

«Башка компанияларга инвестициялар» деп аталган 14-статьяда катышуучунун бул компанияга ээлик кылуу үлүшүнүн 10 пайызынан азыраагын түзгөн компаниядагы банктык топтун катышуучуларынын капиталдык инвестицияларынын суммасы тиешелүү атайын РППУну минуска чыгаруу менен көрсөтүлөт.

«Капиталдагы үлүштү сатып алуу наркынын айырмасы (гудвилл)» деген 15-статьяда банктык топ тарабынан консолидациялануучу катышуучунун акцияларын (үлүшүн) сатып алуу наркынын айырмасынын оң мааниси көрсөтүлөт. Бул айырма аталган акцияларга (үлүшкө) ээлик кылышкан, башкы/башкаруучу компаниянын балансында гана көрсөтүлөт.

«Башка активдер» деген 16-статьяда дебитордук карызды кошо алганда, атайын РППУну минуска чыгаруу менен жогоруда көрсөтүлбөгөн активдердин номиналдык наркы, ошондой эле валюталык операциялар боюнча (чет өлкө валютасы боюнча таза своп-позиция, таза форвард позиция, чет өлкө/улуттук валютаны бүткөрүлбөгөн спот-сатып алуулар) жана материалдык эмес активдер, анын ичинде гудвилл чагылдырылат.

«Бардыгы болуп активдер» деген 17-статьяда 1ден 6га чейинки жана 10дон 16га чейинки статьялардын суммасы көрсөтүлөт.

27. Б бөлүкчөсү. Милдеттенмелер

«Юридикалык жактардын талап боюнча төлөнүүчү депозиттери» деп аталган

18-статьяда жергиликтүү жана чет өлкөлүк юридикалык жактардын эсептешүү эсептерин кошо алганда, талап боюнча төлөнүүчү депозиттеринин жалпы суммасы көрсөтүлөт. Банктардын жана башка финансы-кредит уюмдарынын эсептешүүлөрдөгү акча каражаттары жана талап боюнча төлөнүүчү депозиттери бул статьяга кошулбайт.

«Жеке адамдардын талап боюнча төлөнүүчү депозиттери» деп аталган 19-статьяда жергиликтүү жана чет өлкөлүк жеке адамдардын эсептешүү эсептерин кошо алганда, талап боюнча төлөнүүчү депозиттеринин жалпы суммасы көрсөтүлөт.

«Жеке ишкерлердин талап боюнча төлөнүүчү депозиттери» деп аталган 20-статьяда жергиликтүү жана чет өлкөлүк ишкерлердин эсептешүү эсептерин кошо алганда, талап боюнча төлөнүүчү депозиттеринин жалпы суммасы көрсөтүлөт.

«Юридикалык жактардын мөөнөттүү депозиттери» деп аталган 21-статьяда жергиликтүү жана чет өлкөлүк юридикалык жактардын, жеке ишкерлердин депозиттик сертификаттарын кошо алганда, мөөнөттүү депозиттеринин жалпы суммасы көрсөтүлөт. Банктардын жана башка финансы-кредит уюмдарынын мөөнөттүү депозиттери бул статьяга кошулбайт.

«Жеке адамдардын мөөнөттүү депозиттери» деп аталган 22-статьяда жергиликтүү жана чет өлкөлүк жеке адамдардын сактык сертификаттарын кошо алганда, мөөнөттүү депозиттеринин жалпы суммасы көрсөтүлөт.

«Жеке ишкерлердин мөөнөттүү депозиттери» деп аталган 23-статьяда жергиликтүү жана чет өлкөлүк жеке ишкерлердин сактык сертификаттарын кошо алганда, мөөнөттүү депозиттеринин жалпы суммасы көрсөтүлөт.

«Улуттук банк алдындагы милдеттенмелер» деп аталган 24-статьяда Улуттук банк жана анын туунду компаниялары алдындагы милдеттенмелердин суммасы чагылдырылат.

«Корреспонденттик эсептер» деп аталган 25-статьяда банктардын-банктык топтун катышуучуларынын банк-корреспонденттердин эсептериндеги акча каражаттарынын суммасы чагылдырылат.

«Банктардын депозиттери» деп аталган 26-статьяда банктардын же финансы-кредит уюмдарынын талап боюнча төлөнүүчү депозити жана мөөнөттүү депозит түрүндө жайгаштырылган акча каражаттарынын суммасы чагылдырылат.

«Кыска мөөнөткө жайгаштыруулар» деп аталган 27-статьяда аларда банктар-банктык топтун катышуучулары дебитор катары иш алып барган, камсыздалган жана камсыздалбаган кыска мөөнөттүү банктар аралык жайгаштыруулардын суммасы (30 күнгө чейин) көрсөтүлөт.

«Бийлик органдарынын депозиттери жана кредиттери» деп аталган 28-статьяда бийлик органдарынын депозит эсептериндеги акча каражаттарынын жана бийлик органдарынан алынган башка акча каражаттарынын суммасы төмөнкүчө бөлүп көрсөтүлөт:

а) бийлик органдарынын депозиттери;

б) бийлик органдарынан кредиттер.

«РЕПО-келишим боюнча сатылган баалуу кагаздар» деп аталган 29-статьяда банк банктык топтун катышуучулары келечекте белгилүү кайсы бир күнү жана белгиленген баада кайтара сатып алуу келишими боюнча сатылган баалуу кагаздар наркы көрсөтүлөт.

«Алынган кредиттер» деп аталган 30-статьяда банктык топтун катышуучулары тарабынан төмөнкүлөрдөн алынган кыска мөөнөткө жайгаштыруулар катары каралбаган кредиттердин суммасы көрсөтүлөт:

а) банктардан;

б) эл аралык финансылык уюмдарды кошо алганда, башка финансы-кредит уюмдарынан.

«Субординацияланган карыздык милдеттенмелер» деп аталган 31-статьяда эмитенттин активдерине каршы талап кылынышы жана башка дебиторлордун талаптарын канааттандыргандан кийин төлөнүшү мүмкүн болгон карыздык милдеттенмелер көрсөтүлөт.

«Капитал үлүшүн (гудвилл) сатып алуу наркынын айырмасы» деп аталган

32-статьяда банктык топтун консолидацияланган катышуучусунун акцияларын (үлүшүн) сатып алуу наркынын айырмасынын терс мааниси көрсөтүлөт. Мындай айырма ошол акцияларга (үлүшкө) ээ башкы/башкаруучу компаниянын балансында гана көрсөтүлөт.

«Башка милдеттенмелер» деп аталган 33-статьяда кредитордук карызды кошо алганда, жогоруда көрсөтүлбөгөн башка милдеттенмелер, анын ичинде эсептердеги акча каражаттар, ошондой эле аягына чыгарылбаган улуттук валютаны/чет өлкө валютасын спот-сатуулар чагылдырылат.

«Бардыгы болуп милдеттенмелер» деп аталган 34-статьяда 18ден 33кө чейинки статьялардын суммасы көрсөтүлөт.

28. В бөлүкчө. Капитал.

«Акционердик капитал» деп аталган 35-статьяда акционердик капиталдын мааниси төмөнкүлөр боюнча көрсөтүлөт:

а) жөнөкөй акциялар – уюштуруу-укуктук формалардан (акционердик коом, жоопкерчилиги чектелген коом ж.б) көз карандысыз банктык топтун катышуучуларынын жөнөкөй акцияларынын (капиталынын)/үлүштүк катышуунун жалпы суммасы;

б) артыкчылыктуу акциялар – акционердик коом болуп саналган банктык топтун катышуучуларынын артыкчылыктуу акцияларынын жалпы суммасы;

в) акционерлер тарабынан салынган кошумча капиталды кошо алганда, номиналдан үстөк салынган капитал – акционерлер тарабынан акциялардын номиналдык наркынан үстөк салынган акча каражаттарынын суммасы, ошондой эле акционерлер тарабынан Улуттук банктын капиталынын (өздүк каражаттарынын) минималдуу өлчөмү боюнча талаптарын аткаруу үчүн салынган кошумча капитал;

г) бөлүштүрүлбөгөн пайда – банктык топтун катышуучуларынын бөлүштүрүлбөгөн пайдасынын суммасы;

г1) өткөн жылдардын пайдасы – каражаттардын бөлүгүн акционерлерге бөлүштүргөндөн кийин жана банктык топтун катышуучуларынын келечектеги керектөөлөрү үчүн камга каражат которуудан кийин банктык топтун катышуучуларында калган өткөн жылдарда түшкөн пайда чагылдырылат;

г2) өтүп жаткан жыл ичинде алынган пайда – өтүп жаткан жыл ичинде алынган пайда;

г3) келечектеги керектөөлөргө кам – пайданы бөлүштүрүүнүн эсебинен келечекте пайдалануу үчүн каралган банктык топтун катышуучулары тарабынан түзүлүүчү камдардын суммасы.

«Жалпы камдар» деп аталган 36-статьяда банктык топтун катышуучуларынын активдерин кайра баалоонун эсебинен жана консолидациялануу учурунда валюталарды кайрадан эсептеп чыгуунун натыйжасында келип чыккан айырма, ошондой эле кредиттер жана финансылык ижара жана башка классификацияланган активдер боюнча жалпы РППУнун көлөмү чагылдырылат:

а) негизги каражаттарды кайра баалоо боюнча кам – негизги каражаттарды кайрадан баалоо суммасы;

б) сатууга жарактуу баалуу кагаздарды кайра баалоо боюнча кам – баалуу кагаздарды кайра баалоодон улам келип чыккан реализацияланбаган кирешелердин жана чыгымдардын суммасы чагылдырылат;

в) кредиттер жана финансылык ижара боюнча жалпы РППУ – кредиттер жана финансылык ижара боюнча жалпы РППУнун суммасы;

г) башка классификациялануучу активдер боюнча жалпы РППУ – классификацияланууга тийиш болгон башка активдер боюнча жалпы РППУнун суммасы;

д) башка жалпы камдар – башка жалпы камдардын суммасы.

«Бардыгы болуп капитал» деп аталган 37-статьяда 35 жана 36-статьялардын суммасы көрсөтүлөт.

«Бардыгы болуп милдеттенмелер жана капитал» деп аталган 38-статьяда 34 жана

37-статьялардын суммасы көрсөтүлөт.

29. Г бөлүкчөсү. Баланстан тышкаркы милдеттенмелер.

«Кредит берүүгө карата милдеттенмелер» деп аталган 39-статьяда келечекте кредиттерди же аларды алмаштыруучуларды берүү боюнча милдеттенмелер чагылдырылат.

«Жалпы гарантиялар жана ушул сыяктуу милдеттенмелер» деп аталган 40-статьяда банктык топтун катышуучулары тарабынан чыгарылган же тастыкталган жалпы гарантиялар жана ушул сыяктуу милдеттенмелер чагылдырылат.

«Аккредитивдер» деп аталган 41-статьяда банктык топтун катышуучуларынын аккредитивдер боюнча келип чыгышы мүмкүн болгон милдеттенмелери чагылдырылат:

а) стендбай;

б) документтик;

в) жана башкалар.

«Валюталык операциялар» деп аталган 42-статьяда банктык топтун катышуучуларынын валюталык операциялар боюнча милдеттенмелери чагылдырылат:

а) своп-операциялар:

- сатып алуу;

- сатуу;

б) форварддык операциялар:

- сатып алуу;

- сатуу.

Своп-операциялардын натыйжасында келип чыккан, сатылып кеткен (сатып алынган) валютаны сатып алуу (сатуу) боюнча милдеттенмелер, тиешелүүлүгүнө жараша, а) пунктунун «сатып алуу» («сатуу») саптарында, ал эми кайтарым бүтүмдөрдү ишке ашырууда валютаны сатуу (сатып алуу) боюнча милдеттенмелерди «сатуу» («сатып алуу») саптарында чагылдырылат.

Своп-операцияларды кошпогондо, башка форварддык операциялар, сатылып кеткен (сатып алынган) валютаны сатып алуу (сатуу) боюнча милдеттенмелер, тиешелүүлүгүнө жараша, а) пунктунун «сатып алуу» («сатуу») саптарында, ошол эле учурда кайтарым бүтүмдү ишке ашырууда валютаны сатуу (сатып алуу) боюнча милдеттенмелер «сатуу» («сатып алуу») сабында көрсөтүлөт.

«Активдерди сатып алуу боюнча милдеттенмелер» деп аталган 43-статьяда банктык топтун катышуучуларынын келечекте активдерди сатып алуу боюнча милдеттенмелери чагылдырылат.

«Баланстан тышкаркы башка милдеттенмелер» деп аталган 44-статьяда жогоруда көрсөтүлбөгөн, бардык баланстан тышкаркы милдеттенмелер чагылдырылат.

«Бардыгы болуп, баланстан тышкаркы милдеттенмелер» деп аталган 45-статьяда 39дан 44кө чейинки статьялардын суммасы көрсөтүлөт.

Эскертүү: баланстан тышкаркы операциялар боюнча контр-эсептер чагылдырылбайт.

30. Д бөлүкчөсү. Башка активдерди жана милдеттенмелерди чечмелөө.

«Башка активдер» деп аталган 1-статьяда баланстык отчеттун тиешелүү статьясында камтылган банктык топтун катышуучуларынын активдеринин чечмелениши көрсөтүлөт:

а) алууга чегерилген пайыздар – алууга чегерилген пайыздардын суммасы;

б) алдын ала төлөнгөн төлөөлөр – келишим шарттарына ылайык банктык топтун катышуучулары тарабынан башка тараптарга төлөнгөн суммалар;

в) такталбаган дебитордук сумма – териштирүүгө чейинки акча каражаттарынын суммасы;

г) баалуу металлдар – банктык топтун катышуучуларында болгон баалуу металлдардын наркы;

д) жана башка активдер – валюталык операциялар (чет өлкө валютасы боюнча таза своп-позиция, таза форвард позиция, чет өлкө/улуттук валютаны бүткөрүлбөгөн спот-сатып алуулар) боюнча суммалар, ошондой эле жогоруда көрсөтүлбөгөн, банктык топтун катышуучуларынын жана башка активдеринин суммасы.

«Башка активдерге карата атайын РППУ» деп аталган 2-статьяда банктык топтун катышуучуларынын жогоруда аталган башка активдерине карата атайын РППУнун суммасы көрсөтүлөт.

«Таза башка активдер» деп аталган 3-статьяда банктык топтун катышуучуларынын башка активдеринин таза наркы көрсөтүлөт (1-статья минус 2-статья). Аталган статья «Банктык топтун финансылык абалы жөнүндө консолидацияланган регулятивдик отчет» деп аталган 3-бөлүктүн А бөлүкчөсүнүн 16-статьясына шайкеш келүүгө тийиш.

«Башка милдеттенмелер» деп аталган 4-статьяда «Банктык топтун финансылык абалы жөнүндө консолидацияланган регулятивдик отчет» деп аталган 3-бөлүктүн тиешелүү статьясында камтылган банктык топтун катышуучуларынын милдеттенмелеринин чечмелениши көрсөтүлөт:

а) төлөөгө чегерилген пайыздар – төлөөгө чегерилген пайыздардын суммасы;

б) төлөөгө карата салыктар – банктык топтун катышуучуларынын бюджетке чегерилүүгө тийиш болгон милдеттенмелеринин суммасы;

в) такталбаган кредитордук карыз – тактоого чейинки акча каражаттарынын суммасы;

г) төлөөгө карата дивиденддер – акционерлерге төлөнүп берилүүгө тийиш болгон акча каражаттарынын суммасы;

д) башка милдеттенмелер – чет өлкө/улуттук валютаны бүткөрүлбөгөн спот-сатуулардын суммасы, ошондой эле баланстан тышкаркы милдеттенмелер боюнча РППУну кошо алганда, жогоруда көрсөтүлбөгөн жана башка милдеттенмелер көрсөтүлөт.

Аталган статья «Банктык топтун финансылык абалы жөнүндө консолидацияланган регулятивдик отчет» деп аталган 3-бөлүктүн А бөлүкчөсүнүн 33-статьясына шайкеш келүүгө тийиш.

31. Е бөлүкчөсү. Улуттук банктын жана анын туунду компаниялары алдындагы милдеттенмелер.