Улуттук банктын жаңылыктары


Датасы: 14.12.2018
Туруктуу шилтеме

1. Кыргыз Республикасынын Улуттук банкы «ФинансКредитБанк» ААКсы тарабынан Директорлор кеңешинин мүчөсү кызмат ордуна сунушталган Акимова Элвира Торгоевнанын талапкерлигине макулдук берүү чечимин 2018-жылдын 13-декабрында кабыл алды. 

2. Кыргыз Республикасынын Улуттук банкы «Халык Банк Кыргызстан» ААКсы тарабанынан «Халык Банк Кыргызстан» ААКсынын башкы бухгалтеринин орун басары-Бухгалтердик эсепке алуу жана отчеттуулук башкармалыгынын Отчеттуулук бөлүмнүн начальнигинин кызмат ордуна сунушталган Волкович Инна Олеговнанын талапкерлигине макулдук берүү чечимин 2018-жылдын 13-декабрында кабыл алды. 

 


Датасы: 14.12.2018
Туруктуу шилтеме

Дуалдык окутуунун бүтүрүүчүлөрүнө сертификат тапшыруу аземи 

 

2018-жылдын 14-декабрында “Банк иши. Банк кызматкерлерин дуалдык кесипкөй окутуу” долбоорунун кезектеги бүтүрүүчүлөрүнө сертификат тапшыруу аземи болуп өттү. Cертификат тапшыруу аземине Улуттук банктын төрагасынын орун басары Момункулова Мээрим Авасбековна, эл аралык кызматташуу боюнча Германия сактык кассалары фондусунун регионалдык директору Аня Хойер жана Германия Федеративдүү Республикасынын элчилигинин өкүлү Юлия Канут катышты.   

Маалымат үчүн: “Банк иши. Банк кызматкерлерин дуалдык кесипкөй окутуу” долбоору Кыргыз Республикасында 2015-жылдан тартып Улутттук банк менен эл аралык кызматташуу боюнча Германия сактык кассалары фондусу тарабынан ишке ашырылып келет. Окутуунун алкагында коммерциялык банктардын 26 жашка чейинки жаш адистери теориялык билимдерди гана албастан, алган билимдерин иш жүзүндө бекемдешет. Окутуу Улуттук банктын базасында 7 модуль боюнча (“Экономика алкагындагы шарттар”, “Эсептешүү эсеби жана төлөм жүгүртүүсү”, “Бухгалтериянын негиздери”, “Ченемдик укуктук база”, “Кредиттик операциялар”, “Аманаттар боюнча операциялар”, “Кардарлар менен коммуникацияны жөнгө салуу”) өтөт. Бүгүнкү күндө 346 банк адиси даярдыктан өткөн. 

 


Датасы: 10.12.2018
Туруктуу шилтеме

Бишкекте Кыргыз Республикасында микрофинансы секторунун актуалдуу маселелери боюнча тегерек стол болуп өттү 

 

2018-жылдын 6-декабрында Бишкек шаарында «Микрофинансы секторунун актуалдуу маселелери» темасына арналган Европада коопсуздук жана кызматташтык уюмунун колдоосу менен Микрофинансы уюмдарынын ассоциациясы тарабынан уюштурулган тегерек стол болуп өттү. Аталган жыйынга Кыргыз Республикасынын Улуттук банкынын, банк эмес финансы-кредиттик уюмдардын жана кредиттик союздардын ассоциацияларынын өкүлдөрү катышты.  

Бул иш-чарада сектордун актуалдуу маселелери талкууланды, 2018-жылы ичинде Кыргыз Республикасында микрокаржылоо секторун өнүктүрүүнүн 2018-2021-жылдарга каралган негизги багыттарын ишке ашыруу алкагында аткарылган иштер жыйынтыкталды, мындан аркы көрүлүүчү чаралары аныкталды. 

Улуттук банк, микрофинансы секторунун экономикалык жана социалдык маанилүүлүгүн эске алып, бүткүл банктык эмес финансы-кредиттик уюмдарды жана кызыкдар тараптарды ОНРСМдин ишке ашырууга активдүү катышууга чакырат. Сиздердин сунуштардын жана ОНРСМди ишке ашырууга багытталган Иш-чаралар планынын аткарылышы жөнүндөгү маалыматты микрофинансы уюмдарынын жана кредиттик союздардын дарегине, Улуттук банктын жана анын областтык башкармалыктарына жөнөтсөңүздөр болот 


Датасы: 10.12.2018
Туруктуу шилтеме

Кыргыз Республикасынын Улуттук банкы, Кыргыз Республикасынын мыйзам талаптарын системалуу түрдө бузууга жол бергендиги жана Кыргыз Республикасынын Улуттук банкынын жазма буйруктарын системалуу түрдө аткарбагандыгы үчүн «Византия» кредиттик союзунун 2003-жылдын 7-майындагы №433 лицензиясынын аракетин 2018-жылдын 10-декабрынан тартып Кыргыз Республикасынын Улуттук банкынын Көзөмөл боюнча комитети тарабынан тиешелүү чечим кабыл алынганга чейин токтотту. 

«Византия» кредиттик союзунун юридикалык дареги: Чүй областы, Жайыл району, Кара-Балта шаары, Кожомбердиев көчөсү 117, “КИРЕШЕ” соода борбору, 2-кабат. 

«Византия» кредиттик союзу Кыргыз Республикасынын Улуттук банкынын Көзөмөл боюнча комитетинин токтому менен Бишкек шаары, Т.Үмөталиев атындагы көчө 101 дареги боюнча тааныша алат.  

Маалымат алуу үчүн байланыш телефондору: 0 312 66 92 03. 

 


Датасы: 07.12.2018
Туруктуу шилтеме

 

Улуттук банк Ардак грамота менен сыйланды 

 

Кыргыз Республикасынын Президентине караштуу Мамлекеттик тил боюнча улуттук комиссия (мындан ары Мамлекеттик тил боюнча улуттук комиссия), 2018-жыл ичинде Кыргыз Республикасында 2014-2020-жылдары мамлекеттик тилди өнүктүрүүнүн жана тил саясатын өркүндөтүүнүн улуттук программасын ишке ашыруунун алкагында, мамлекеттик тилдин банк жана финансы секторунда колдонулушуна, адабий тил нормасынын сакталышына, ошондой эле мамлекеттик тилди билүү боюнча кызматкерлерге окуу уюштурулганына мониторинг жүргүзгөн.  

Жүргүзүлгөн мониторингдин жыйынтыгы боюнча Мамлекеттик тил боюнча улуттук комиссиянын 2018-жылдын 8-октябрындагы №67 буйругуна ылайык, Улуттук банк мамлекеттик тилди өнүктүрүүгө кошкон зор салымы үчүн Мамлекеттик тил боюнча улуттук комиссиянын Ардак грамотасы менен сыйланды.  

2018-жылдын 5-декабрында Ардак грамота менен сыйлоо аземинде Улуттук банктын төрагасы Т.С.Абдыгулов мамлекеттик тилди өнүктүрүү жагында Улуттук банктын алып барган иш-аракеттерине жогорку баа бергендиги үчүн Мамлекеттик тил боюнча улуттук комиссияга ыраазычылык билдирди. 

 


Датасы: 06.12.2018
Туруктуу шилтеме

Улуттук банкта Ч.Айтматовдун 90 жылдыгына арналган сынак болуп өттү 

 

Кыргыз Республикасынын Президентинин 2017-жылдын 20-апрелиндеги УП № 81 «Ч.Т.Айтматовдун туулган күнүнүн 90 жылдыгын майрамдоо жөнүндө» жарлыгынын алкагында 2018-жылдын 3-ноябрында Кыргыз Республикасынын Улуттук банкынын түзүмдүк бөлүмдөрү арасында үч түрдүү номинацияда: 

1. Ч.Айтматовдун чыгармаларындагы окуяларды, образдарды кызматкерлердин өздөрүнүн күч-аракеттери менен көркөмдөп чагылдырган сүрөттөр сынагы; 

2. Ч.Айтматовдун чыгармалары боюнча элдик көркөм кол өнөрчүлүк сынагы; 

3. Ч.Айтматовдун өмүрү жана чыгармачылыгы жөнүндө автордук чыгармалар сынагы жарыяланган.  

2018-жылдын 5-декабрында банк ичинде жарыяланган сынактардын жыйынтыгы чыгарылып, эмгеги менен өзгөчө айырмаланган кызматкерлерге жана түзүмдүк бөлүмдөргө Улуттук банктын төрагасы Т.Абдыгулов жана Улуттук банк Башкармасынын мүчөсү Т.Джусупов куттуктоо сөзүн айтышты. Улуттук банктын төрагасы Т.Абдыгулов, жазуучунун туулган күнүнүн урматына арналган маданий иш-чаралар мамлекеттик масштабда бардык жерлерде белгиленип жаткандыгын белгиледи.  

Сыйлык тапшыруу аземине Кыргыз Республикасынын Президентине караштуу Мамлекеттик тил боюнча улуттук комиссиянын өкүлү Абдыжапар уулу Мундузбек, Ж.Баласагын атындагы Кыргыз улуттук университетинин кыргыз адабияты кафедрасынын башчысы, ф.и.к., профессор Г.К.Осмоналиева катышты. 

Сынактын жыйынтыгы боюнча өзгөчөлөнгөн кызматкерлер менен түзүмдүк бөлүмдөргө сыйлык тапшырылып, анын алкагында Улуттук банктын түзүмдүк бөлүмдөрүнүн чыгармачыл сүрөттөрү менен элдик көркөм кол өнөрчүлүгү боюнча көргөзмө уюштурулду.  

 

 

 


Датасы: 04.12.2018
Туруктуу шилтеме

Кыргыз Республикасынын Улуттук банкы, «Кыргыз Республикасындагы коммерциялык банктардын ликвиддүүлүк тобокелдигин тескөө боюнча минималдуу талаптар жөнүндө» жобонун долбоорун коомдук талкууга чыгарат. 

Жобо долбоору ликвиддүүлук тобокелдигин талаптагыдай жөнгө салуу максатында иштелип чыккан. Бул документ тобокелдиктерди сапаттуу көзөмөлдөөнү камсыз кылуу үчүн ликвиддүүлүк тобокелдигин тескөөнүн толук колдонмосун билдирет. 

Долбоор Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган.  

Коммерциялык банктар долбоор боюнча сын-пикирлерин жана сунуштарын 2019-жылдын 4-январынан кечиктирбестен jkonoeva@nbkr.kg электрондук дарегине (Word форматында) жөнөтүүсү зарыл. 

 


Датасы: 04.12.2018
Туруктуу шилтеме

2018-жылдын 30-ноябрында Кыргыз Республикасынын Финансы министрлигинин, Саламаттык сактоо министрлигинин, Кыргыз Республикасынын Өкмөтүнө караштуу Милдеттүү медициналык камсыздандыруу фондусунун, Кыргыз Республикасынын Экономика министрлигинин, Кыргыз Республикасынын Социалдык фондусунун, Кыргыз Республикасынын Өкмөтүнө караштуу Монополияга каршы жөнгө салуу боюнча мамлекеттик агенттиктин, “Банктар аралык процессинг борбору” ЖАКтын, «Айыл Банк» ААКтын, «РСК Банк» ААКтын жана «Кыргыз банктар бирлиги» юридикалык жактар бирикмесинин өкүлдөрү катышкан ведомстволор аралык комиссиянын мүчөлөрүнүн нак эмес төлөмдөрдүн жана эсептешүүлөрдүн үлүшүн арттыруу боюнча отуруму болуп өттү

Отурумда нак эмес төлөмдөрдүн жана эсептешүүлөрдүн үлүшүн арттыруу боюнча 2018-2022-жылдарга каралган Мамлекеттик программаны ишке ашыруу боюнча иш-чаралар планын аткаруу маселелери каралды. 

 


Датасы: 04.12.2018
Туруктуу шилтеме

КЫРГЫЗ РЕСПУБЛИКАСЫНЫН УЛУТТУК БАНКЫ 

Маалымат базасына киргизүү максатында төмөнкү кызмат орундарына талапкерлерди тандоо үчун ачык сынакты жарыялайт: 

 

- банктын жоюучусу (ликвидатор); 

- банктын убактылуу администратору. 

Кыргыз Республикасынын Улуттук банкынын маалымат базасына киргизилген талапкерлер зарылчылык келип чыккан шартта банктын жоюучусу же убактылуу администратору болуп дайындала алат. 

Документтер 2018-жылдын 20-декабрында саат 17:00дөн кечиктирилбестен тапшырылууга тийиш.  

Белгиленген убакыттан кийин тапшырылган документтер кабыл алынбайт жана каралбайт. 

Жалпы квалификациялык талаптар, функционалдык милдеттер боюнча ырааттуу маалымат, сынакка катышуу үчүн талап кылынган документтер тизмеги www.nbkr.kg интернет-дареги боюнча “Сынактар” бөлүгүндө жайгаштырылган. 

 

Бардык суроолор боюнча 66-92-65 телефону аркылуу комиссиянын катчысына кайрылууга болот. 

 


Датасы: 04.12.2018
Туруктуу шилтеме

Кыргыз Республикасынын Улуттук банкы «Милдеттүү камдар жөнүндө» жобонун жаңы редакциясы» долбоорун коомдук талкууга сунуштайт. 

Аталган долбоор колдонуп жаткан милдеттүү камдар боюнча укуктук ченемдик базасын жаңылоо максатында иштеп чыгылган жана анын алкагында төмөнкүлөр каралат: 

- коммерциялык банктын башка милдеттенмелерин, атап айтканда кардарлардын жеке белгилери көрсөтүлбөгөн металл эсептери боюнча коммерциялык банктардын милдеттенемелерин улуттук жана чет өлкө валюталарынын милдеттенемелери менен катар эсептешүү базасына киргизүү;  

- аталган милдеттенмелерди андан ары милдетүү камга киргизүү үчүн кардарлардын жеке белгилери көрсөтүлбөгөн металл эсептери боюнча милдеттенемелерин эсептөө тартибин аныктоо; 

- өзгөчө учурларда, ошондой эле банк системасынын бүтүндүгүн коргоо, туруктуулугун камсыздоо жана тутумдуу тобокелдикти алдын алып максатында, конкреттүү бир банктын өтүнүүсү боюнча жеке тартипте милдеттүү камдык талаптардын ченемдерин, милдеттүү камдык талаптарды эсептөө регламентин жана анын сакталышын кайра кароо мүмкүнчүлүгү

- техникалык мүнөздө өзгөртүүлөрдү киргизүү

Бул долбоор Улуттук банктын расмий веб-сайтынын «Ченемдик актылар//Талкууга сунушталган долбоорлор» бөлүгүндө жайгаштырылган.  

Долбоор боюнча сунуш-пикирлерди 2019-жылдын 4-январына кечиктирбестен bkudaiberdieva@nbkr.kg электрондук дареги боюнча (Word жана PDF форматтарында) жөнөтүүнү өтүнөбүз. 

 


Датасы: 03.12.2018
Туруктуу шилтеме

Кыргыз Республикасынын Улуттук банкы, «Улуттук банк Башкармасынын 2016-жылдын 30-мартындагы №15/6 «Кыргыз Республикасында электрондук акча жөнүндө» жобону бекитүү тууралуу» токтомуна толуктоолорду киргизүү жөнүндө» токтом долбоорун (мындан ары Долбоор) коомдук талкууга сунуштайт.  

Долбоор Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жайгаштырылган.  

Кыргыз Республикасынын Улуттук банкы ушул долбоор боюнча сунуш-пикирлерди 2019-жылдын 3-январынан кечиктирбестен сунуштоону өтүнөт.  

 


Датасы: 03.12.2018
Туруктуу шилтеме

Sendy эл аралык акча которуу системасынын оператору ООО «Цифровой Платеж» Кыргыз Республикасынын Улуттук банкында эл аралык акча которуу системасынын операторлору реестринде 1046271118 номеринде каттоодон өттү

 


Датасы: 30.11.2018
Туруктуу шилтеме

1. Кыргыз Республикасынын Улуттук банкы "Кыргыз Инвестициялык Кредит Банкы" ЖАКсы тарабынан Директорлор кеңешинин мүчөсү кызмат ордуна сунушталган Халид Мошсин Шайкхтын талапкерлигине макулдук берүү чечимин 2018-жылдын 29-ноябрында кабыл алды; 

2. Кыргыз Республикасынын Улуттук банкы "Халык Банк Кыргызстан" ААКсы тарабынан Директорлор кенешинин төрагасы кызмат ордуна сунушталган Сатубалдина Жаннат Сагандыковнанын талапкерлигине макулдук берүү чечимин 2018-жылдын 29-ноябрында кабыл алды; 

3. Кыргыз Республикасынын Улуттук банкы "Росинбанк" ААКсы тарабынан Башкарманын төрагасы кызмат ордуна сунушталган Жумабаев Эркинбек Алтымышевичтин талапкерлигине макулдук берүү чечимин 2018-жылдын 29-ноябрында кабыл алды; 

4. Кыргыз Республикасынын Улуттук банкы "Росинбанк" ААКсы тарабынан Башкарманын төрагасынын орун басары кызмат ордуна сунушталган Биялиева Эркеайым Самарбековнанын талапкерлигине макулдук берүү чечимин 2018-жылдын 29-ноябрында кабыл алды; 

5. Кыргыз Республикасынын Улуттук банкы "Росинбанк" ААКсы тарабынан Директорлор кенешинин төрагасы кызмат ордуна сунушталган Мамбетжанов Мэлис Тулендыевичтин талапкерлигине макулдук берүү чечимин 2018-жылдын 29-ноябрында кабыл алды; 

6. Кыргыз Республикасынын Улуттук банкы "Росинбанк" ААКсы тарабынан Директорлор кенешинин мүчөсү жана Аудит боюнча комитетинин төрагасы кызмат ордуна сунушталган Душеналиев Сейтек Кубанычбековичтин талапкерлигине макулдук берүү чечимин 2018-жылдын 29-ноябрында кабыл алды; 

7. Кыргыз Республикасынын Улуттук банкы "Росинбанк" ААКсы тарабынан Директорлор кенешинин мүчөсү кызмат ордуна сунушталган Аденова Мария Сафаровнанын талапкерлигине макулдук берүү чечимин 2018-жылдын 29-ноябрында кабыл алды. 

 


Датасы: 27.11.2018
Туруктуу шилтеме

 

Кыргыз Республикасынын Улуттук банкы эсептик ченди 

4,75 пайыз чегинде калтыруу чечимин кабыл алды 

 

Улуттук банк Башкармасы 2018-жылдын 26-ноябрында эсептик чен өлчөмүн (чен саясаты) 4,75 пайыз деңгээлинде калтыруу чечимин кабыл алды. Чечим 2018-жылдын 27-ноябрынан тартып күчүнө кирет. 

Кыргыз Республикасында инфляция жалпы баа деңгээлинин өткөн үч чейрек катары менен төмөнкү деңгээлде сакталышын тастыктоо менен туруктуу сакталууда. Керектөө баа деңгээлинин жылдык өсүш арымы ноябрь айында (16сына карата) 0,2 пайызды түзгөн. Өлкөдө инфляциянын төмөн чекте сакталышына ичтен өндүрүлгөн сыяктуу эле, иморттолуп алынган азык-түлүк товарларынын жетиштүү сунушталышынан улам, аталган товарларга баанын төмөндөшү түрткү берген. Азык-түлүктөн башка товарларга баанын өсүш арымы да алгылыктуу чекте сакталууда.  

Ички дүң өнүмдө терс ажырымдын сакталышы тышкы туруктуу инфляциялык жагдайдын өкүм сүрүп турушу менен биргеликте, өтүп жаткан жылда инфляциянын төмөн деңгээлде чектелишине өбөлгө түзгөн. Жыл акырына чейин да инфляция Улуттук банк буга чейин жарыялаган чекте сакталып, 2,0 пайызга жетиши болжолдонууда. Тышкы жана ички таасирлер орун албаган шартта, өлкөдө жана региондо экономикалык жигердүүлүктүн бара-бара күч алышы 2019-жылдын орто ченинде инфляциянын 5-7 пайыз чегиндеги максаттуу көрсөткүчкө жетишине шарт түзөт

Өлкөдөгү экономикалык жигердүүлүк өнөр жайы, маалымат жана байланыш чөйрөсүн эске албаганда, экономиканын бардык секторлорунун ага алгылыктуу салым кошуусу менен коштолууда. Айкын эмгек акы өлчөмүнүн көбөйүүсү жана өлкөгө акча которуулардын алгылыктуу динамикасы ички суроо-талаптын артышына түрткү берген негизги фактор бойдон калууда. 2018-жылдын январь-октябрь айларынын жыйынтыгы боюнча айкын ички дүң өнүм 2,0 пайызга көбөйгөн, ал эми Кумтөр боюнча маалыматтарды эске албаганда, экономиканын өсүшү 2,6 пайыз чегинде катталган. Улуттук банктын баа берүүсү боюнча тышкы экономикалык шарттар эң оболу, Россия экономикасына келтирилип жаткан басымдын (санкция) деңгээлин аныктаган соода боюнча өнөктөш өлкөлөрдүн экономикалык жигердүүлүгүнүн деңгээли Кыргыз Республикасынын экономикасын өнүктүрүүнүн эң эле олуттуу фактору бойдон калат.  

Акча-кредит шарттары өбөлгө түзүүчү мүнөздө калыптанууда. Акча рыногунун пайыздык чени Улуттук банк белгилеген пайыздык чек алкагында сакталуу менен эсептик чен жагына ыктоо тенденциясына ээ . Банктар аралык кредит рыногунун жигердүүлүгүнүн күч алышы байкалып, ал катышуучулар санынын артышы менен коштолууда. Жеңилдетилген акча-кредит шарттарын колдоого алуу коммерциялык банктардын кредит портфелин жана депозиттик базаны кеңейтүүгө өбөлгө түзүүдө. Учурда бүтүндөй банк тутуму үстөк ликвиддүүлүк шартында иш алып барып жаткандыгынан улам, Улуттук банк андан арылтуу операцияларын жүргүзүүнү улантууда.  

Өтүп жактан жылдын август айынын орто ченинде валюта рыногунда чет өлкө валютасына суроо-талаптын сунуштан арткандыгы байкалган. Ушул шарта алмашуу курсунун кескин өзгөрүүсүн текшилөө максатында Улуттук банк чет өлкө валюталарын, анын ичинде АКШ долларын накталай сатуу боюнча валюталык интервенцияларды ишке ашырган. Негизинен ички валюта рыногунда туруктуулук өкүм сүрүп, инфляциялык тобокелдиктердин келип чыгышына эч кандай кооптонуулар жок.  

Чогуу алгандагы ички суроо-талаптын туруктуу өсүшкө ээ болушу, ошондой эле тышкы чөйрөнүн өнүгүшүнө баа берүүлөр республикада орто мөөнөттүк келечекте инфляциянын болжолдонгон динамикасы акча-кредит саясатынын максаттуу көрсөткүчү чегинде калыптанаарын (5-7 пайыз) болжолдоодо. Бирок, региондо орун алып турган жагдайдын өзгөрүшүнө түрткү берген Россия экономикасына санкциялык басымдын күчөшү кооптонуусу иш жүзүндө далилденсе, Улуттук банк акча-кредит саясатына түзөтүүлөрдү киргизилиши ыктымалдыгын жокко чыгарбайт.  

Албетте, инфляцияга ички жана тышкы таасирлерге утурумдук баа берүүнүн жана түптөлгөн экономикалык жагдайга жараша Улуттук банк тиешелүү акча-кредит саясаты чараларын кабыл алат.  

 

Маалымат үчүн: 

Улуттук банк Башкармасынын эсептик чен өлчөмү маселесин кароого алган кийинки отуруму 2018-жылдын 24-декабрына пландаштырылууда

 


Датасы: 23.11.2018
Туруктуу шилтеме

Улуттук банк, кредиттөө жана таасир этүү чаралары маселелери боюнча «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү жана толуктоолорду киргизүү жөнүндө» долбоорун коомдук талкууга чыгарат. 

Кредиттөө маселелери боюнча өзгөртүүлөр жана толуктоолор банктардын кредиттик тобокелдигин, анын ичинде тобокелдүү кредиттерди берүү менен байланышкан тобокелдиктерди төмөндөтүүгө багытталган. 

Таасир этүү чаралары боюнча өзгөртүүлөр жана толуктоолор Кыргыз Республикасынын «Кыргыз Республикасынын Улуттук банкы, банктар жана банк иштери жөнүндө» мыйзамына ылайык келтирүү максатында иштелип чыккан.  

Долбоор Улуттук банктын төмөнкү ченемдик укуктук актыларына өзгөртүүлөрдү жана толуктоолорду киргизүүнү камтыйт:  

- Улуттук банк Башкармасынын 2010-жылдын 30-июнундагы №52/4 токтому менен бекитилген «Кыргыз Республикасынын Улуттук банкынан лицензия алышкан коммерциялык банктарда жана башка финансы-кредит уюмдарында кредиттик тобокелдикти тескөө боюнча минималдуу талаптар жөнүндө» жобо; 

- Улуттук банк Башкармасынын 2004-жылдын 21-июлундагы № 18/3 токтому менен бекитилген «Активдерди классификациялоо жана потенциалдуу жоготуулардын жана чыгым тартуулардын ордун жабууга резервге тиешелүү чегерүүлөр жөнүндө» жобо; 

- Улуттук банк Башкармасынын 2017-жылдын 15-июнундагы № 2017-П-12/25-4-(НПА) токтому менен бекитилген «Кыргыз Республикасынын Улуттук банкынан лицензия алышкан банктарга жана айрым башка финансы-кредит уюмдарына карата колдонулуучу таасир этүү чаралары жөнүндө» жобо. 

Долбоор Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Коммерциялык банктар долбоор боюнча сын-пикирлерин жана сунуштарын 2018-жылдын 27-декабрынан кечиктирбестен nzhaparkulova@nbkr.kg электрондук дарегине (Word форматында) жөнөтүүсүн өтүнөбүз. 


Датасы: 22.11.2018
Туруктуу шилтеме

Кыргыз Республикасынын Улуттук банкы, «Улуттук банк Башкармасынын 

2015-жылдын 9-декабрындагы № 76/8 «Кыргыз Республикасындагы банктык төлөм карттар жөнүндө» жобону бекитүү тууралуу» токтомуна өзгөртүүлөрдү жана толуктоолорду киргизүү жөнүндө» токтом долбоорун (мындан ары Долбоор) коомдук талкууга сунуштайт. 

Долбоор Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жайгаштырылган. 

Коммерциялык банктар, банк эмес финансы-кредит уюмдары жана рыноктун кызыкчылыкка ээ башка катышуучулары бул долбоор боюнча өздөрүнүн сунуш-пикирлерин 2018-жылдын 22-декабрынан кечиктирбестен жөнөтүүлөрү зарыл. 

 


Датасы: 20.11.2018
Туруктуу шилтеме

Кыргыз Республикасынын мыйзамдарынын талаптарын бузгандыгы жана Кыргыз Республикасынын Улуттук банкынын жазма буйруктарын аткарбагандыгын үчүн Кыргыз Республикасынын Улуттук банкы Нарын “Ишкер” микрокредиттик агенттиги мекемесинин 2003-жылдын 19-сентябрында №44 каттоодон өткөндүгү жөнүндө күбөлүгүнүн аракетин 2018-жылдын 23-августунан тартып токтотулат. 

Нарын “Ишкер” микрокредиттик агенттиги мекемесинин дареги: Нарын шаары, С. Жакыпов көчөсү, № 4


Датасы: 16.11.2018
Туруктуу шилтеме

1. Кыргыз Республикасынын Улуттук банкы «БАКАЙ БАНК» ААКсы тарабынан Ички аудит кызматчылыгынын начальниги кызмат ордуна сунушталган Акиева Айганыш Турусбековнанын талапкерлигине макулдук берүү чечимин 2018-жылдын 16-ноябрында кабыл алды; 

2. Кыргыз Республикасынын Улуттук банкы «АМАНБАНК» РК ААКсы тарабынан Директорлор кеңешинин мүчөсү кызмат ордуна сунушталган Абдыразаков Орозобектин талапкерлигине макулдук берүү чечимин 2018-жылдын 16-ноябрында кабыл алды. 

 


Датасы: 16.11.2018
Туруктуу шилтеме

Коммерциялык банктар арасында стратегиялык менеджмент боюнча  

Улуттук банктын Кубогун тапшыруу аземи 

 

2015-жылдан тартып жыл сайын коммерциялык банктардын командаларынын ортосунда уюштурулуп келген «Стратегиялык менеджмент» бизнес-оюнунун жыйынтыгы боюнча Кыргыз Республикасынын Улуттук банкынын стратегиялык менеджмент Кубогун тапшыруу аземи 2018-жылдын 16-ноябрында болуп өттү. Улуттук банк менен Германиянын Эл аралык кызматташтуу боюнча сактык кассалар фонду бул Кубокту уюштуруучулардан болушкан.  

Өтүп жаткан жылдын 12-ноябрынан тартып 16-ноябрына чейин өтүүчү бизнес-оюнга мурдагы жылдарда өткөн оюндарда байгелүү орундарга ээ болгон төмөнкү коммерциялык банктардын орто жана жогорку жетекчилер курамы катышты: «Бакай Банк» ААК,  БТА Банкы» ЖАК, «Демир Кыргыз Интернешнл Банк» ЖАК,  «РСК Банк» ААК.  

Эң мыкты натыйжаны «Демир Кыргыз Интернешнл Банк» ЖАК командасы көрсөтүү менен жеңүүчү катары бул жылкы кубоктун ээси болду. Жеңүүчү командага кубокту Улуттук банктын 1-Банктык көзөмөл башкармалыгынын начальниги Чалбаев Сейтек Азатович салтанаттуу түрдө тапшырды.  

 

Маалымат үчүн: «Стратегиялык менеджмент» бизнес-оюну банк жана финансы секторунун адистери үчүн иштиктүү лицензияланган оюн. Ал бир нече баскычтардан турат: ролго кирүү, жагдай менен таанышуу, финансылык жана финансылык эмес маалыматка талдап-иликтөө жүргүзүү, жалпы стратегияны даярдоо, бизнес-пландарды түзүү жана чечим кабыл алуу. Командалар кабыл алган чечим атайын программалык камсыздоонун жардамы менен иштелип чыгат. Бизнес-оюндун жүрүшүндө катышуучулар кардарлардын керектөөлөрүн жана каалоолорун эске алуу менен чектелген убакыт ичинде жана атаандашуу шарттарында чечим кабыл алуу боюнча зарыл көндүмдөргө ээ болушат.  

 


Датасы: 14.11.2018
Туруктуу шилтеме

Банктардын ишинде тобокелдиктерди төмөндөтүү жана Улуттук банктын ченемдик укуктук актыларын өркүндөтүү максатында иштелип чыккан, Улуттук банк Башкармасынын «Улуттук банк Башкармасынын 2017-жылдын 8-июнундагы № 2017-П-12/23-1-(НПА) «Банк ишин лицензиялоо жөнүндө» жобону бекитүү тууралуу» токтомуна өзгөртүүлөрдү жана толуктоолорду киргизүү жөнүндө» № 2018-П-12/44-3-(НПА). 

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.  

Ченемдик укуктук актылар Улуттук банктын расмий интернет-сайтында: www.nbkr.kg/Улуттук банктын ченемдик актылары/ Банктык жөнгө салуу бөлүгүндө жайгаштырылган. 

 


Датасы: 05.11.2018
Туруктуу шилтеме

“Кыргыз Республикасынын улуттук валютасына 25 жыл” темасын эң мыкты чагылдыруу боюнча жалпыга маалымдоо каражаттары арасында жарыяланган сынактын жеңүүчүлөрүнө сыйлык тапшыруу 

 

Кыргыз Республикасынын Улуттук банкында 2018-жылдын 5-ноябрь күнү Маалымат жана басма сөз күнүнө карата “Кыргыз Республикасынын улуттук валютасына 25 жыл” темасын эң мыкты чагылдыруу боюнча жалпыга маалымдоо каражаттары арасында жарыяланган сынактын жеңүүчүлөрүнө сыйлык тапшыруу аземи болуп өттү.  

Сынак 11 номинация боюнча өткөрүлүп, ага 40 ашык эмгегин тартуулаган республиканын телерадио каналдарынын, басма сөз жана электрондук жалпыга маалымдоо каражаттарынын журналисттери катышты.  

Сыйлык тапшыруу аземин Улуттук банктын төрагасы Толкунбек Абдыгулов, улуттук валюта сомдун пайда болушун жана тарыхын чагылдыруу боюнча сынакка активдүү катышкан журналисттерге ыраазычылык билдирүү менен ачты. Төрага, журналисттер өлкөнүн экономика, финансы тармагын ар тараптуу чагылдыруу менен жалпы жарандардын финансылык сабаттуулук деңгээлин жогорулатууга да олуттуу салым кошуп жатышат, - деп билдирди.  

Сынактын жыйынтыгы боюнча жеңишке ээ болгон төмөнкү журналисттер баш байгелер менен сыйланды:  

- Салабат Эркетай кызы («ЭлТР» телеканалы) “Мамлекеттик тилде мыкты теле материал” номинациясы боюнча; 

- Талантбеков Алтынбек («Ала-Тоо 24 телеканалы» (КТРК)) “Расмий тилде мыкты теле материал” номинациясы боюнча; 

- Садыкказиева Жыпаркул («Нарын ТВ» телеканалы) “Региондогу мыкты теле материал” номинациясы боюнча; 

- Шабдан Абылгазиев («Кыргыз Туусу» газетсы) “Мамлекеттик тилде жалпыга маалымдоо каражаттарынын басма сөздөрүндө жарыяланган мыкты материал” номинациясы боюнча; 

- Василькова Александра («Вечерний Бишкек» газетасы) “Расмий тилде жалпыга маалымдоо каражаттарынын басма сөздөрүндө жарыяланган мыкты материал” номинациясы боюнча; 

- Асанов Бекхан («Заман» МА) “Мамлекеттик тилде интернет басылмаларында жарыяланган мыкты материал” номинациясы боюнча; 

- Сулайманова Мехриниса («Кабар» МА) “Расмий тилдеги интернет басылмаларында жарыяланган мыкты материал” номинациясы боюнча. 

Мындан сырткары, “Улуттук валютага 25 жыл” темасын өзгөчө жана жаңыча көз караш менен чагылдыргандыгы үчүн Исмаилова Айжандын (“Расмий тилде мыкты теле материал” номинациясы); Пусурманкулова Бурулайдын (“Мамлекеттик тилде мыкты теле материал” номинациясы) жана Маккамбаев Уланбектин (“Мамлекеттик тилде мыкты радио материал” номинациясы) эмгектери баса белгиленди. 

Сыйлык тапшыруу аземин жыйынтыктап жатып, Т.Абдыгулов бекем ден соолук жана чыгармачылык ийгиликтерди каалоо менен журналисттерди келе жаткан кесиптик майрамы Маалымат жана басма сөз күнү менен куттуктап өттү

 

 

 

 


Датасы: 03.11.2018
Туруктуу шилтеме

Кыргыз Республикасынын мыйзамдарынын талаптарын бузгандыгы жана Кыргыз Республикасынын Улуттук банкынын жазма буйруктарын аткарбагандыгын үчүн Кыргыз Республикасынын Улуттук банкы, «НАСЫЯЛЫК ЧЕЧИМДЕР» МКК» ЖЧКсынын 2013-жылдын 17-декабрындагы №133726-3300-ООО эсептик каттоодон өткөндүгү жөнүндө күбөлүгүнүн токтотту.  

«НАСЫЯЛЫК ЧЕЧИМДЕР» МКК» ЖЧКсынын юридикалык дареги: Бишкек ш., Бейшеналиев көч, 15/1 блок С4-21. 

«НАСЫЯЛЫК ЧЕЧИМДЕР» МКК» ЖЧКсы Кыргыз Республикасынын Улуттук банкынын Көзөмөл боюнча комитетинин токтому менен Бишкек шаары, Т.Үмөталиев атындагы көчө 101 дареги боюнча тааныша алат.  

Маалымат алуу үчүн байланыш телефондору: 0 312 66 92 03. 

 


Датасы: 02.11.2018
Туруктуу шилтеме

Банктардын иштеринде тобокелдиктерди төмөндөтүү жана Кыргыз Республикасынын ченемдик укуктук актыларына ылайык келтирүү максатында, Улуттук банк Башкармасы тарабынан 2018-жылдын 17-октябрында №2018-П-12/43-2-(НПА) «Кыргыз Республикасынын Улуттук банкынын айрым ченемдик укуктук актыларына  өзгөртүүлөрдү жана толуктоолорду киргизүү жөнүндө» токтом кабыл алынган. 

Жогорудагы токтом менен Улуттук банктын төмөнкү ченемдик укуктук актыларына тиешелүү өзгөртүүлөр жана толуктоолор киргизилген: 

- Улуттук банк Башкармасынын 2012-жылдын 31-октябрындагы № 41/12 токтому менен бекитилген Банктык эсептер, банктык аманаттар (депозиттер) боюнча эсептер менен иш алып баруу жөнүндө нускоо; 

- Улуттук банк Башкармасынын 2005-жылдын 15-декабрындагы № 37/5 токтому менен бекитилген «Кыргыз Республикасынын коммерциялык банктарында операциялык тобокелдиктерди тескөө боюнча минималдуу талаптар жөнүндө» жобо; 

- Улуттук банк Башкармасынын 2004-жылдын 29-декабрындагы № 36/13 токтому менен бекитилген Кыргыз Республикасынын аймагындагы коммерциялык банктардын ачык валюта позицияларынын жана баалуу металлдар боюнча ачык позицияларынын лимиттерин сактоонун тартиби жөнүндө» нускоо; 

- Улуттук банк Башкармасынын 2003-жылдын 20-ноябрындагы № 32/7 токтому менен бекитилген Аудит боюнча комитетке карата негизги талаптар; 

- Улуттук банк Башкармасынын 2017-жылдын 15-июнундагы № 2017-П-12/25-8-(НПА) токтому менен бекитилген «Кыргыз Республикасынын банктарында тобокелдиктерди тескөө боюнча минималдуу талаптар жөнүндө» жобо; 

- Улуттук банк Башкармасынын 2004-жылдын 25-ноябрындагы № 30/5 токтому менен бекитилген Банктарда төлөмдөрдүн багытын эсепке алуу тууралуу нускоо; 

- Улуттук банк Башкармасынын 2007-жылдын 30-майындагы № 28/3 токтому менен бекитилген Кыргыз Республикасынын коммерциялык банктарында жана башка финансы-кредит уюмдарында бухгалтердик эсепке алуу эсептер планы; 

- Улуттук банк Башкармасынын 2017-жылдын 17-майындагы № 19/13 токтому менен бекитилген «Кыргыз Республикасынын Улуттук банкы менен коммерциялык банктар, банктык операциялардын айрым түрлөрүн жүзөгө ашырган уюмдар жана алардын уюштуруучулары (катышуучулары), юридикалык жактар жана жеке адамдар ортосунда келип чыккан талаш маселелерди сотко чейин жөнгө салуу жөнүндө» жобо. 

Токтом Улуттук банктын расмий интернет-сайтында: www.nbkr.kg/Банк тууралуу/Банк иши тууралуу мыйзамдар/Улуттук банк Башкармасынын токтомдору бөлүгүндө жайгаштырылган.  

Ченемдик укуктук актылар Улуттук банктын расмий интернет-сайтында: www.nbkr.kg/Улуттук банктын ченемдик актылары/ Банктык жөнгө салуу бөлүгүндө жайгаштырылган 


Датасы: 01.11.2018
Туруктуу шилтеме

1. Кыргыз Республикасынын Улуттук банкы «БТА Банкы» ЖАКсы тарабынан ички аудит башкармалыгынын башчысынын орун басары кызмат ордуна сунушталган Эшенкулова Айжамал Акджолтоевнанын талапкерлигине макулдук берүү чечимин 2018-жылдын 1-ноябрында кабыл алды. 

2. Кыргыз Республикасынын Улуттук банкы «Кыргыз-Швецариялык Банк» ЖАКсы тарабынан башкы бухгалтери кызмат ордуна сунушталган Садралиева Алтын Анарбековнанын талапкерлигине макулдук берүү чечимин 2018-жылдын 1-ноябрында кабыл алды. 

 


Датасы: 30.10.2018
Туруктуу шилтеме

Ачык валюта позициясынын белгиленген лимитин бузгандыгы үчүн Улуттук банк микрофинансылык компанияга акчалай айып салды. 


Датасы: 29.10.2018
Туруктуу шилтеме

Кыргыз Республикасынын Улуттук банкы 2018-жылдын 29-октябрынан тартып «Тарыхый окуялар» сериясынан 

«Чыңгыз Айтматов - 90 жыл»  

коллекциялык монетасын жүгүртүүгө чыгарат 

"Чыңгыз Айтматов - 90 жыл" коллекциялык монетасы кыргыз элинин залкар жазуучусу Чыңгыз Айтматовдун 90 жылдыгынын урматына арналып чыгарылат. 

Ч. Айтматовдун чыгармачылыгы кыргыз элинин баа жеткис рухий мурасынын көрөңгөсүн түзөт. Жазуучунун чыгармалары коом ичинде, билим берүүдө жана жаш муундарды тарбиялоо процессинде терең орун алып, маданияттын ажырагыс бир бөлүгүн түзүү менен көптөгөн өлкөлөрдүн билим берүү программаларында камтылган.   

Чыңгыз Айтматов кыргыз элинин бай тарыхын, көөнөрбөс маданиятын дүйнө жүзүнө тааныткан улуу жазуучу катары элибиздин аң-сезиминде, ар бир инсандын жүрөгүндө түбөлүккө сакталат. 

Монетанын алдыңкы бетине Чыңгыз Айтматовдун портрети жана жазуучунун кол тамгасы түшүрүлгөн. Монетанын четин тегерете «Чыңгыз Айтматов 90 жыл» / «Chingiz Aitmatov 90 years» жазуусу орун алган. Ал эми оң тарабында монетанын номиналы көрсөтүлгөн. 

Монетанын арткы бетинин жогорку бөлүгүнө Кыргыз Республикасынын герби түшүрүлүп, Ч. Айтматовдун чыгармасындагы ак кеменин жана бугу эненин элеси тоолордун жана Ысык-Көлдүн сөлөкөтүнүн алкагында чагылдырылган. Ал эми төмөн жагында монетанын чыккан жылы көрсөтүлгөн (2018). 

Ар бир монета акрил капсуласына жайгаштырылып, сертификаты менен өзүнчө кутучага таңгакталган.  

 

Монетанын мүнөздөмөлөрү

 

Аталышы  

Номи-налы  

Металлы (пробасы)  

Диаметри 

(мм)  

Салмагы (г)  

Сапаты  

Нускасы (даана) 

Сатуу баасы 

(сом)  

"Чыңгыз Айтматов - 90 жыл"

20 сом 

Жез-никель  

38,61 

25,00 

«Proof-like» 

5 000 

700 

Коллекциялык монета Кыргыз Республикасынын аймагында расмий төлөм каражаты статусуна ээ. 


Датасы: 26.10.2018
Туруктуу шилтеме

Эл аралык акча которуу системасынын оператору Western Union Network (France) SAS (Вестерн Юнион Нетворк (Франс), САС), Кыргыз Республикасынын Улуттук банкында эл аралык акча которуу системасынын операторлору реестринде 1045181018 номеринде каттоодон өттү.

 


Датасы: 22.10.2018
Туруктуу шилтеме

 

Бүткүл дүйнөлүк жыйым топтоо күнү башталгандыгы тууралуу жарыяланды 

 

2018-жылдын 22-октябрында пресс-конференция болуп, анда Кыргызстанда бүткүл дүйнөлүк жыйым топтоо күнү белгилене тургандыгы жарыяланды. Аталган иш-чарага Улуттук банктын Төрагасынын орун басары Мээрим Момункулова, Германия Федеративдүү Республикасынын элчилигинин Экономикалык кызматташууну өнүктүрүү бөлүмүнүн башчысы Касьен Онезорге жана Эл аралык кызматташуу боюнча аманат кассалары фондусунун регионалдык координатору Аня Хойер катышты. 

Улуттук банктын Төрагасынын орун басары Мээрим Момункулова өз сөзүндө акча каражатын аманат катары банкта сактоо бүгүнкү күндө Кыргызстандын калкы үчүн жыйым топтоонун эң эле кеңири колдонулган жана ишенимдүү ыкмасы экендигин жана бул эң оболу, банк тутумунун туруктуулугу, ошондой эле депозит салуу бир катар артыкчылыктарга ээ экендиги менен шартталгандыгын баса белгиледи.  

Мына ушул маанилүү иш чаранын алкагында финансылык жарманке, ачык эшик күндөрүн өткөрүү, лекцияларды, интерактивдик оюндарды уюштуруу, финансы мекемелерине экскурсияларды, ар кандай сынактарды уюштуруу пландаштырылган. 

Аня Хойердин пикири боюнча, жыйым топтоо каражат жагынан кимдир-бирөөдөн көз каранды болбоого өбөлгө түзүп, байгерчиликте жашоо пайдубалын түптөп, инвестициялоого түрткү болот. Ал эми бул, өлкөнүн андан ары экономикалык өнүгүшүнө таасирдүү дем берет

 

Маалымат үчүн: 

Кыргызстанда бүткүл дүйнөлүк жыйым топтоо күнү Германия аманат кассалары фондусу, Кыргыз Республикасынын Билим берүү жана илим министрлиги жана коммерциялык банктар менен биргеликте төртүнчү жолу өткөрүлүп жатат.  

Токсон жылдан ашуун тарыхый жолду басып өткөн бул иш-чаранын башкы максаты - адам баласынын аң-сезиминде, дилинде, жүрүм-турумунда бир гана акча чогултуу маданиятын гана эмес, табият тартуулаган жер, суу, токой, энергия иштелип чыгуучу ресурстар, башка ресурстар сыяктуу байлыктарга аяр, этият жана сарамжалдуу мамиле жасоо табитин калыптандыруу болуп саналат.  

 

 

Тиркеме: иш-чаралар планы 

 

 


Датасы: 22.10.2018
Туруктуу шилтеме

Кыргыз Республикасынын Улуттук банкы, Кыргыз Республикасынын мыйзам талаптарын бузгандыгы жана Кыргыз Республикасынын Улуттук банкынын жазма буйруктарын аткарбагандыгын үчүн «Илитар» кредиттик союзу» финансылык кооперативинин 2002-жылдын 8-майындагы №386 лицензиясынын аракетин 2018-жылдын 22-октябрынан тартып 2019-жылдын 22-апрелине чейинки мөөнөткө токтотту. 

«Илитар» кредиттик союзу» финансылык кооперативинин юридикалык дареги: Чүй областы, Чүй району, Чүй айылы, Ибраимов көчөсү 25. 

«Илитар» кредиттик союзу» финансылык кооперативи Кыргыз Республикасынын Улуттук банкынын Көзөмөл боюнча комитетинин токтому менен Бишкек шаары, Т.Үмөталиев атындагы көчө 101 дареги боюнча тааныша алат.  

Маалымат алуу үчүн байланыш телефондору: 0 312 66 92 03. 

 


Датасы: 18.10.2018
Туруктуу шилтеме

Банк эмес финансы-кредит уюмдарынын ишин жөнгө салган Улуттук банктын ченемдик укуктук актыларын “Микрокаржылоо секторун өнүктүрүүнүн  2018-2021-жылдарга каралган негизги багыттары” долбоорун иштеп чыгуу боюнча жумушчу топтун корутундуларына ылайык келтирүүнүн алкагында, ошондой эле банк эмес финансы-кредит уюмдарынын ишин тобокелдикке багытталган көзөмөлдү жакшыртуу жагында жөнгө салган Улуттук банктын ченемдик укуктук актыларын өркүндөтүү максатында, Улуттук банк Башкармасынын «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү жана толуктоолорду киргизүү жөнүндө» токтом долбоору (мындан ары Долбоор) иштелип чыккан.  

Долбоор Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 18-ноябрынан кечиктирбестен akubatbekov@nbkr.kg электрондук дарегине (Word форматында) жөнөтүү зарыл. 

 


Датасы: 16.10.2018
Туруктуу шилтеме

Кыргыз Республикасынын Улуттук банкынын төрагасы Толкунбек Абдыгулов 2018 - жылдын 15-октябрында Бириккен Араб Эмиратынын Тышкы иштер жана эл аралык кызматташуу министрлигинин өкүлдөрү менен жолугушуу өткөрдү. Делегацияны Бириккен Араб Эмиратынын экономикалык маселелер боюнча тышкы иштер министринин орун басары Мохаммед Шараф мырза жетектеген. Мохаммед Шараф мырза жетектеген делегация менен жолугушуу учурунда ислам финансы продукттарын өнүктүрүү боюнча Улуттук банк тарабынан жүргүзүлүп жаткан иш-чаралар жөнүндө, ошондой эле Кыргыз Республикасында ислам банкын түзүүнүн долбоору тууралуу маалыматтар сунушталды.  

 

 

 


Датасы: 11.10.2018
Туруктуу шилтеме

Кыргыз Республикасынын Улуттук банкы ЖАК «Демир Кыргыз Интернэшнл Банк» тарабынан Башкы бухгалтердин орун басарын кызмат ордуна сунушталган Омурзакова Асель Авазбековнанын талапкерлигине макулдук берүү чечимин 2018-жылдын 11-октябрында кабыл алды.  

 


Датасы: 11.10.2018
Туруктуу шилтеме

Ош шаарында «Финансы кызматтарынын жеткиликтүүлүгү» аймактык форуму болуп өттү 

 

Ош шаарында 2018-жылдын 11-октябрында Кыргыз Республикасынын Өкмөтүнүн колдоосу менен Улуттук банк тарабынан уюштурулган «Финансы кызматтарынын жеткиликтүүлүгү» деген аталышта аймактык форум болуп өттү. Иш-чара Кыргыз Республикасынын Президентинин 2018-жылды Аймактарды өнүктүрүү жылы деп жарыялаган жарлыгынын алкагында уюштурулду.  

Форумга Улуттук банктын жетекчилиги, Өкмөттүн Ош областындагы ыйгарым укуктуу өкүлү, Баткен жана Жалал-Абад областтык администрацияларынын, Баткен, Жалал-Абад жана Ош шаарларынын мэрияларынын өкүлдөрү, Ош областынын райондорунун акимдери, Депозиттерди коргоо агенттигинин, Кыргызстан банктар бирикмесинин, Россия-Кыргыз өнүктүрүү фондунун, «Гарантиялык фонд» ААКсынын, «Мамлекеттик ипотекалык компания» ААКсынын, «Банктар аралык процессинг борбору» ЖАКтын, өлкөнүн коммерциялык банктарынын жетекчилиги жана жергиликтүү бизнес коомчулугунун өкүлдөрү катышты.  

Форумду Улуттук банктын төрагасы Толкунбек Абдыгулов ачып берди. Төрага өз сөзүндө аталган иш-чара үч областтын бийлик органдарынын катышуусунда финансы институттары менен жергиликтүү бизнес коомчулугунун ортосунда натыйжаларды бере турган пикир алмашуу үчүн уюштурулуп жаткандыгын белгиледи. Ошондой эле, төрага аймактарда жашаган калкты жана ишкерлерди сапаттуу жана кымбат эмес жеткиликтүү финансы кызмат көрсөтүүлөрү менен камсыз кылуу жагында Улуттук банк өлкөнүн банк сектору менен биргеликте кабыл алынып жаткан чаралар жана иш-аракеттери тууралуу кыскача айтып берди. «Биздин алдыбызда финансы кызмат көрсөтүүлөрүнүн жеткиликтүү болушун камсыз кылуу милдети гана эмес, ошондой эле финансы кызмат көрсөтүүлөрүнөн пайдалануу суроо-талабын да камсыз кылуу милдети турат. Башка сөз менен айтканда, калкты банктык инструменттери менен колдонууга үйрөтүү, элдин ишенимин арттыруу зарыл», - деп белгиледи Толкунбек Абдыгулов.  

Катышуучулар аймактарды финансылык жактан өнүктүрүүнүн эң актуалдуу маселелерин талкуулашты. Ишкерлер иш-чарага катышып жаткан финансы институттарынын өкүлдөрүнө өздөрүн түйшөлтүп жаткан маселелерин ачык айтып, ортого салышты.  

 

 

 

 

 


Датасы: 08.10.2018
Туруктуу шилтеме

Жалал-Абад областында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын ишке ашырган фактылар боюнча Кыргыз Республикасынын үч жараны (С.Г.И., У.Ж.А., У.Р.Ж.) административдик жоопкерчиликке тартылды. Айыптык төлөмдүн жалпы суммасы 300 миң сомду түздү

 


Датасы: 05.10.2018
Туруктуу шилтеме

Ош жана Баткен областтарында Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын ишке ашырган фактылар боюнча Кыргыз Республикасынын 15 жараны административдик жоопкерчиликке тартылды (М.И.А., К.Ш.С., Э.А.Э., Г.Р.З., К.К.К., А.К.А., Б.С.Р., Б.С.Т., Р.Э.Т., У.А.Х., Б.Б.С., К.Б.Э., А.Н.А., К.М.М. жана Э.Б.А.) Айыптык төлөмдүн жалпы суммасы 1,5 млн. сомду түздү


Датасы: 05.10.2018
Туруктуу шилтеме

1. Кыргыз Республикасынын Улуттук банкы «БТА Банкы» ЖАКы тарабынан ички аудит башкармалыгынын башчысы кызмат ордуна сунушталган Искакова Фаанагуль Океновнанын талапкерлигине макулдук берүү чечимин 2018-жылдын 4-октябрында кабыл алды. 

2. Кыргыз Республикасынын Улуттук банкы «Бай Түшүм» Банкы ЖАКсы тарабынан башкы бухгалтеринин орун басары кызмат ордуна сунушталган Эсенгельдиева Нуржан Табылдыевнанын талапкерлигине макулдук берүү чечимин 2018-жылдын 4-октябрында кабыл алды; 

3. Кыргыз Республикасынын Улуттук банкы «Бай Түшүм» Банкы ЖАКсы тарабынан башкы бухгалтеринин орун басары кызмат ордуна сунушталган Кыштобаева Эльмира Кадыровнанын талапкерлигине макулдук берүү чечимин 2018-жылдын 4-октябрында кабыл алды. 

 


Датасы: 05.10.2018
Туруктуу шилтеме

“Росинбанк” ачык акционердик коому боюнча Улуттук банктын пресс-релизи 

 

Банктын мурда иштеп кеткен кызматкерлери тууралуу жалпыга маалымдоо каражаттарында терс маанайдагы маалыматтар жарыяланып, салыктарды кошумча чегерүү боюнча коюлган талаптардын натыйжасында Банк, амманаттардын мөөнөтүнөн мурда чыгышы менен шартталган кыйынчылыктарды, ликвиддүүлүк менен байланышкан көйгөйлөрдү 2018-жыл башынан бери кечирип келе жатат. Ушуга байланыштуу Кыргыз Республикасынын Улуттук банкы тарабынан Кыргыз Республикасынын мыйзамдарына ылайык “Росинбанк” ААКсына ликвиддүүлүктү колдоо үчүн кредиттер берилген. 

Мындан тышкары, Кыргыз Республикасынын Улуттук банкы көзөмөлдөө чараларын ишке ашыруунун алкагында, активдердин сакталышын камсыз кылуу жана операцияларды контролдоо үчүн 2018-жылдын июнь айында “Росинбанк” ААКсына атайын тике банктык көзөмөл режимин киргизген. 

Улуттук банктын талабы боюнча “Росинбанк” ААКсынын жетекчилиги жана акционерлери тарабынан Банктын финансылык абалын чыңдоо планы түзүлгөн, аталган план финансылык-экономикалык көрсөткүчтөрдү талапка ылайык келтирүү, акцияларды консолидациялоо жана Банктын капиталын көбөйтүү иш-чараларын камтыйт. 

“Росинбанк” ААКсынын акционерлери тарабынан Банктын финансылык абалын чыңдоо планында каралган иш-чаралар аткарылбагандыгын эске алуу менен Кыргыз Ресупбликасынын Улуттук банкы, “Росинбанк” ААКсынын ликвиддүүлүгүн колдоого берилген кредиттин ордун камсыз кылуу үчүн күрөөгө коюлган Банктын акцияларын кайра каттоо иш-чараларын жүргүздү. Бүгүнкү күндө Улуттук банк “Росинбанк” ААКсынын 71,66% акцияларынын ээси. 

Азыркы учурда, Улуттук банк “Росинбанк” ААКсынын ишин чыңдоо, анын ичинде менеджмент курамын кайра карап чыгуу, Банктын уставдык капиталын көбөйтүү боюнча бир катар иш-чараларды жүргүзүүнү пландаштырып жатат. 

 


Датасы: 28.09.2018
Туруктуу шилтеме

2018-жылдын 28-сентябрында Улуттук банктын жана Sumitomo Mitsui Banking Corporation Europe Limited (SMBC Europe, Улуу Британия) банкынын өкүлдөрүнүн жолугушуусу болуп өттү. Жолугушууга Улуттук банктын төрагасынын орун басары Нурбек Жениш жана SMBC/SMBC Europe Глобалдуу соода каржылоо департаментинин Глобалдуу директорунун орун басары Хиденори Мийоши катышты. Жолугушуу учурунда SMBC/SMFG финансы тобунун презентациясы сунушталып, Кыргыз Республикасындагы экономикалык жагдай, Улуттук банктын акча-кредит саясаты, ошондой эле Улуттук банктын ишине тиешелүү бир катар башка маселелер талкууланды. 

 


Датасы: 27.09.2018
Туруктуу шилтеме

Кыргыз Республикасынын Улуттук банкынын төрагасы Толкунбек Абдыгулов 2018-жылдын 27-сентябрында «Жаштык: жаңы демилгелер аймагы» деп аталган жаштардын эл аралык форум-лагеринде сөз сүйлөп, анда жаштардын финансылык сабаттуулугу темасы боюнча баяндама жасады. 

Өз сөзүндө Улуттук банктын төрагасы, Кыргыз Республикасынын калкынын финансылык сабаттуулугун 2016-2020-жылдары жогорулатуу программасын ишке ашыруунун, ошондой эле жаштардын экономикалык мүмкүнчүлүгүн жогорулатуунун алкагында, жаш муун менен жеткинчектер арасында Улуттук банк тарабынан жүргүзүлүп жаткан иш-чаралар тууралуу маалымат берди. Төрага берилген суроолорго жооп берип, активдүү катышкандарды атайын белектер менен сыйлады. 

 

Маалымат үчүн: «Жаштык: жаңы демилгелер аймагы» деп аталган жаштардын эл аралык форум-лагери жаштардын экономикалык мүмкүнчүлүгүн жогорулатууга багытталган аянтча. Форумга келген 500гө жакын жаш муун өлкөнү өнүктүрүү боюнча болгон ой-толгоолору менен бөлүшүп, келечектеги иш багыттары тууралуу кызуу талкуунун үстүндө иштешти. Аны менен катар, катышуучулар болочокто өсүп-өнүгүү боюнча зарыл көндүмдөрдү өздөштүрүп, жаңыдан чыгып келе жаткан жаштардын чөйрөсүн жаштар уюмунун, жаштар кыймылынын жана студенттик уюмдардын өкүлдөрү менен тааныштыруу мүмкүнчүлүгүнө ээ болушту. Форум, «Жаштарды өнүктүрүү институту» коомдук фонду тарабынан Чүй областынын Moсква районунда жайгашкан Ак-Суу капчыгайында лагер форматында уюштурулган. 

 

 

 


Датасы: 27.09.2018
Туруктуу шилтеме

2018-жылдын 26-27-сентябрь күндөрү Кыргыз Республикасынын Улуттук банкында ISO 20022 «Финансылык кызмат көрсөтүүлөр. Финансы индустриясынын универсалдуу маалымат схемасы» эл аралык стандарттарын киргизүү боюнча маселелерди талкуулоо максатында, Беларусь Республикасынын, Россия Федерациясынын жана Казакстан Республикасынын улуттук/борбордук банктарынын эксперттери менен жолугушуу болуп өттү.  

Жолугушуунун катышуучулары ISO 20022 стандарттарына өтүү жана аны улуттук деңгээлде киргизүү үчүн методологиялык базаны иштеп чыгуу зарылдыгын талкуулашты. Сөз болуп жаткан стандартка өтүү өлкө ичинде жана чет өлкө төлөмдөрүн ишке ашырууда финансы маалыматтары менен алмашуу боюнча бирдейлештирилген моделдердин эсебинен рыноктун катышуучуларына чыгымдарды төмөндөтүүгө мүмкүндүк берет, ошондой эле ISO 20022 базасында ишке ашырылып жаткан жаңы мүмкүнчүлүктөргө финансы рыногунун катышуучуларын туташтырууну камсыз кылат. 

ISO 20022 стандартын улуттук деңгээлде киргизүү боюнча иштер Кыргыз Республикасынын коммерциялык банктарын, финансы рыногунун катышуучуларын жана мамлекеттик органдарды ишке тартууну карайт. 

Отурумдун алкагында, эксперттер ISO 20022 стандарттарын 2019-2022-жылдар ичинде киргизүү боюнча иш-чаралар планын талкуулашты. 

 


Датасы: 26.09.2018
Туруктуу шилтеме

2018-жылдын 25-сентябрында Европа реконструкциялоо жана өнүктүрүү банкынан келген делегация менен Кыргыз Республикасынын Улуттук банкынын төрагасынын орун басары Нурбек Жениш жолугушуу өткөрдү. Делегацияны Европа реконструкциялоо жана өнүктүрүү банкынын экономика жана саясат боюнча башкармалыгынын директору Артур Радзивилл жетектеген. Жолугушуу учурунда аталган Банктын Кыргыз Республикасында 2019-2021-жылдары ишке ашыра турган инвестициялык стратегиялары, ошондой эле биздин өлкөнүн банк секторундагы жагдайлар талкууга алынды. 

 

 


Датасы: 25.09.2018
Туруктуу шилтеме

Пресс-релиз 

Кыргыз Республикасынын Улуттук банкы 

эсептик чен өлчөмүн 4,75 пайыз деңгээлинде сактоо чечимин кабыл алды 

 

 

Кыргыз Республикасынын Улуттук банк Башкармасы 2018-жылдын 24-сентябрында эсептик чен өлчөмүн (чен саясаты) 4,75 пайыз деңгээлинде сактап калуу чечимин кабыл алды. Чечим 2018-жылдын 25-сентябрынан тартып күчүнө кирет.  

Кыргыз Республикасында инфляция деңгээли азык-түлүк товарлары ички жана тышкы рыноктор тарабынан жеткиликтүү сунушталгандыгына байланыштуу аларга баалардын төмөндөшүнөн улам, төмөн деңгээлде сакталуусу уланууда. Азык-түлүктөн башка товарлар боюнча инфляция да баалардын өсүш арымынын басаңдашын көрсөтүүдө. Инфляциянын жылдык мааниси 2018-жылдын сентябрь айында (14-сентябрга карата) 1,1 пайызды түзгөн. Инфляциянын учурдагы динамикасы, ички жана тышкы чөйрөнү өнүктүрүү келечеги инфляция көрсөткүчүн өтүп жаткан жылдын акырына карата 4,0 пайызга чейинки деңгээлде сакталат деп баалоого мүмкүндүк берет.  

Өлкөдөгү экономикалык жигердүүлүк республикага акча которуулар агымынын өсүшүнөн улам, чогуу алынган суроо-талаптын калыбына келиши жана реалдуу эмгек акынын көбөйүшү менен шартталган. 2018-жылдын январь-август айларынын жыйынтыгы боюнча реалдуу ИДӨ 0,3 пайызга кыскарган, «Кумтөр» ишканасынын маалыматтарын эске албаганда, экономиканын өсүшү 2,1 пайызды түзгөн. Айыл чарба, курулуш, соода жана транспорт секторлору экономиканын өсүшүнө оң салымын кошкон.  

Ал эми монетардык сектордо алгылыктуу тенденциялар сакталууда. Банк сектору улуттук валютада ликвиддүүлүктүн жеткиликтүү деңгээлине ээ. Ушуга байланыштуу Улуттук банк үстөк ликвиддүүлүктөн арылтуу операцияларын жүргүзүүдө. Акча рыногунда улуттук валютадагы кыска мөөнөттүү чендер Улуттук банк тарабынан белгиленген пайыздык чектин чегинде өзгөрүлүп турган. Банктар аралык кредиттик ресурстар рыногунда катышуучулардын жигердүүлүгүнүн өсүшү эки ай катары менен байкалган. Ошондой эле экономиканы кредиттөө көлөмүнүн кеңейиши жана коммерциялык банктардын депозит базасынын өсүшү байкалган.  

Үстүбүздөгү жылдын август айынын ортосунан тартып ички валюта рыногунда сунушка караганда чет өлкө валютасына болгон суроо-талаптын арткандыгы белгиленген. Улуттук банк алмашуу курсунун кескин өзгөрүлмөлүүлүгүн текшилөө максатында, эки жолу валюта интервенциясы операциясын ишке ашырган.  

Дүйнөлүк товардык-чийки зат рынокторунун келечегине байланышкан тышкы сектордун таасир этүү факторлоруна жүргүзүлгөн талдап-иликтөө, ошондой эле ички шарттарды өнүктүрүү тенденциялары орто мөөнөттүү мезгил ичинде инфляция динамикасынын акча-кредит саясатынын максаттуу көрсөткүчү болгон 5-7 пайыз чегинде күтүлүшүн шарттайт. Ушуга байланыштуу Улуттук банк эсептик чен өлчөмүн сактоо чечимин кабыл алды. 

Улуттук банк ички жана тышкы факторлордун инфляцияга болгон таасирине туруктуу негизде баа берип турат жана экономикалык жагдайга жараша акча-кредит саясаты боюнча тиешелүү чараларды колдонот.  

 

Маалымат үчүн: 

Кыргыз Республикасынын Улуттук банк Башкармасынын эсептик чен өлчөмдү кароо боюнча кийинки отуруму 2018-жылдын 26-ноябрында өткөрүлөт


Датасы: 25.09.2018
Туруктуу шилтеме

 

Кыргыз Республикасынын Улуттук банкы Мамлекеттик тил күнүнө карата кызматкерлер арасында сынак уюштурду 

 

Улуттук банк Мамлекеттик тил күнүнө карата (23-сентябрь) өзүнүн кызматкерлери арасында атайын сынак уюштурду. Мындай иш-чараны уюштуруунун негизги максаты - эне тилдин кадыр-баркын көтөрүү, ар тараптуу өнүктүрүү, анын бардык чөйрөдө колдонулушун камсыз кылуу болуп саналат.  

Сынакка Улуттук банктын дээрлик бардык түзүмдүк бөлүмдөрү жигердүү катышып, кызматкерлер ар түрдүү жанрда (жаңылмач айтуу, көркөм окуу, монолог айтуу, улуттук аспапта күү чертүү, эстрада ырын ырдоо, жеке номер жана автордук чыгармаларды аткаруу) өз өнөрлөрүн жогорку деңгээлде жана актёрдук чеберчиликте тартуулашты. Сынактын жыйынтыгы боюнча көбүрөөк упайга ээ болгон кызматкерлер атайын белектер менен сыйланды.  

Аталган иш-чара Кыргыз Республикасында 2014-2020-жылдары мамлекеттик тилди өнүктүрүүнүн жана тил саясатын өркүндөтүүнүн улуттук программасын ишке ашыруунун алкагында өткөрүлдү

 

 

 


Датасы: 22.09.2018
Туруктуу шилтеме

Эл аралык валюта фондусунун миссиясы Кыргызстанда өз ишин баштады 

 

 Кыргыз Республикасына 2018-жылдын 19-сентябрында Кристиан Жос мырза жетектеген Эл аралык валюта фондусунун миссиясы келди. Миссия 2018-жылдын 3-октябрына чейин созулат.  

Расмий иш сапардын максаты Кыргыз Республикасы үчүн Эл аралык валюта фонду колдоп жаткан жаңы программалардын мүмкүнчүлүктөрүн жана шарттарын талкуулоо. Аталган иш сапардын алкагында Кыргыз Республикасынын Өкмөтүнүн, Кыргыз Республикасынын Улуттук банкынын жана башка уюмдардын өкүлдөрү менен жолугушуу өткөрүлөт.  

Кыргыз Республикасынын Улуттук банкынын төрагасынын милдетин аткаруучу Н.Жениш мырза менен Эл аралык валюта фондусунун командасы 2018-жылдын 20-сентябрында жолугушту. Жолугушуу учурунда тараптар мындан ары да кызматташуунун келечеги тууралуу талкуулашты. 

 

Маалымат үчүн: 

Кыргыз Республикасы менен Эл аралык валюта фондусунун кызматташтыгы “Кеңейтилген кредиттик механизм” (ECF) деп аталган үч жылдык экономикалык программанын алкагында 2015-2018-жылдар аралыгында ишке ашырылып келген. Программанын максаты болуп, туруктуу бюджетке жетүү, финансы секторунда туруктуулукту камсыз кылуу жана экономикалык потенциалдын өсүшүн арттыруу үчүн түзүмдүк реформаларды жүргүзүү эсептелет. ЕCF программасынын алкагында Кыргыз Республикасы өлкөнүн мамлекеттик бюджетин колдоого кредиттик ресурстарды алды. ЕCF программасы 2018-жылдын 8-апрелинде аягына чыкты.  

 


Датасы: 22.09.2018
Туруктуу шилтеме

Кыргыз Республикасынын Улуттук банкы «Дос-Кредобанк» ААКсы тарабынан Директорлор кеңешинин мүчөсү кызмат ордуна сунушталган Джангарачева Мира Камилевнанын талапкерлигине макулдук берүү чечимин 2018-жылдын 20-сентябрында кабыл алды. 

 


Датасы: 18.09.2018
Туруктуу шилтеме

Кыргыз Республикасынын Улуттук банкынын төрагасы Евразия экономикалык бирлигине мүчө мамлекеттердин борбордук (улуттук) банктарынын валюта саясаты боюнча Консультативдик кеңешинин отурумуна катышты 

 

Улуттук банктын төрагасы Толкунбек Абдыгулов, Армян Республикасынын Ереван шаарында 2018-жылдын 17-сентябрында болуп өткөн ЕАЭБге мүчө мамлекеттердин борбордук (улуттук) банктарынын валюта саясаты боюнча Консультативдик кеңешинин 17-отурумуна катышты. 

ЕАЭБге мүчө мамлекеттердин борбордук (улуттук) банктарынын төрагалары да  катышкан отурумда тараптар учурда орун алып жаткан экономикалык жагдай, мүчө мамлекеттерде 2018-жылы акча-кредит саясатын ишке ашыруунун жүрүшүн, мүчө мамлекеттердин жалпы финансы рыногу боюнча концепциянын долбоорун жана башка маселелерди талкуулашты. 

Отурумдун алкагында финансы рыногу чөйрөсүндөгү улуттук мыйзамдарды шайкеш келтирүү жөнүндө Макулдашууга кол коюлду. 

 


Датасы: 18.09.2018
Туруктуу шилтеме

2018-жылдын 11-сентябрында Москва шаарында “Репутация” финансисттер сыйлыгынын лауреаттарын сыйлоо аземи болуп өттү. Бул иш-чарага финансы системасында эмгектенген алдыңкы эксперттер, мыйзам чыгаруу жана мамлекеттик аткаруу бийлик органдарынын өкүлдөрү, алдыңкы илимий институттардын профессорлору, ЕАЭБге мүчө мамлекеттердин финансисттери, чет өлкөдөн келген делегациялар ж.б. катышты. 

Евразия экономикалык комиссия тарабынан уюшулган “Евразия экономикалык интеграцияны өнүктүрүүдө зор салым кошкондугу үчүн” номинациясында “Репутация” сыйлыгы менен Кыргыз Республикасынын Улуттук банк Башкармасынын мүчөсү Джусупов Тимур Джолчуевич сыйланды.  

Евразия экономикалык комиссиясынын Экономика жана финансы саясаты боюнча коллегиясынын мүчөсү Тимур Мекешевич Жаксылыков сыйлыкты тапшыруу менен бул номинация төрт жылдан бери бирдиктүү финансылык мейкиндикти түзүүгө катышкан ЕАЭБ өлкөлөрүнүн финансы рыногунун кесипкөй кесиптештерине тапшырылып келе жаткандыгын баса белгиледи. 

Өз сөзүндө Т.Джусупов, иш-чаранын уюштуруучуларына ыраазычылык билдирүү менен сыйлык жеке өзүнүн жетишкендиги эмес, Евразия мейкиндигине интеграциялануу жагында бүтүндөй Кыргыз Республикасынын Улуттук банкынын жүргүзгөн ишине берилген баа болуп саналарын белгиледи. Ал: “Негизги өнөктөш өлкөлөр, бирликке мүчө мамлекеттер менен ЕАЭБ жалпы финансы рыногунун концепциясын түптөө жагында көптөгөн ишти аткарып жатабыз, буга чейин да аткарууга жетиштик жана мындан ары да бул багытта иш алып барууга даярбыз” деген пикирин билдирди.  

 

Маалымат үчүн: 

Бүткүл Россия финансисттеринин “Репутация” сыйлыгы 2010-жылы Россия Федерациясынын Финансы министрлигинин жана Россия Борбордук банкынын колдоосу астында “Сапфир” ассоциациясы, Финансы рыногунун кесипкөйлөр коому жана Эл аралык финансисттер гильдиясы тарабынан түзүлгөн. 

Бүткүл Россия финансисттеринин “Репутация” сыйлыгы Россия финансисттеринин кесипкөйлөр коому жана Эксперттик кеңеш тарабынан тандалган банк жана финансы чөйрөсүндө эмгектенген кызматкерлерге ыйгарылат. Мындан тышкары, кесипкөй ассоциациялар жана өз алдынча уюмдар тарабынан сунушталган, ар кандай финансылык сегменттерде эмгектенип, зор салым кошкон кесипкөй кызматкерлерге да тапшырылат.  

 

 

 


Датасы: 14.09.2018
Туруктуу шилтеме

Улуттук банк өлкө аймагынын жалпыга маалымдоо каражаттарында эмгектенген журналисттери үчүн семинар өткөрдү 

 

Жалпыга маалымдоо каражаттарынын өкүлдөрү үчүн “Улуттук банктын аткарган ролу жана функциялары” темасына арналган кезектеги окутуу семинары 2018-жылдын 14-сентябрында болуп өттү. Аталган иш-чарага Талас жана Нарын областтарынан 20 ашык масс-медиа өкүлдөрү катышты.   

Уюштурулган иш-чаранын алкагында Улуттук банктын адистери өлкөнүн башкы банкынын аткарган ролу жана функциялары, жүргүзгөн акча-кредит саясаты, баа туруктуулугуна жетүү, банктарга жана банк эмес финансы-кредит уюмдарына  жүргүзүлүүчү көзөмөл функциялары тууралуу маалымат беришти. Ошондой эле, банк системасынын ишине тиешелүү актуалдуу маселелер тууралуу айтылып, калктын финансылык сабаттуулугун жогорулатуу жагында жалпыга маалымдоо каражаттарынын аткарган ролу тууралуу да белгиленди. 

Улуттук банктын областтык башкармалыктарынын начальниктери банк системасынын түзүлүшү, финансы-кредит уюмдарынын Улуттук банк тарабынан лицензия алышы тууралуу маалыматтарды атайын документалдуу тасмалар жана атайын колдонмо материалдар менен презентация түрүндө маалымат беришти.  

Семинардын жүрүшүндө журналисттерди улуттук валютанын курсун туруктуу сактоо, алмашуу курстары, заманбап төлөм системаларынын өзгөчөлүктөрү, кредит алуу жагында көйгөйлөр, ошондой эле депозит тууралуу суроолор кызыктырып, берилген суроолоруна адистерден даректүү жоопторду алышты.  

Өтүп жаткан жылдын июнь жана июль айларында ушундай эле окутуу семинарлары Ысык-Көл, Ош, Жалал-Абад жана Баткен областтарынын жалпыга маалымдоо каражаттарынын өкүлдөрү арасында өткөрүлгөн.  

 

 

 


Датасы: 13.09.2018
Туруктуу шилтеме

2018-жылдын 12-сентябрында Швейцария Улуттук банкынан келген делегация кезектеги иш сапар менен Улуттук банкка келип кетти. Делегацияны Швейцария Улуттук банкынын эки тараптуу кызматташуу департаментинин башчысынын орун басары, айым Лена Ли Андрезен жетектеди. Иш сапар учурунда техникалык көмөк көрсөтүү жана банктар ортосундагы кызматташтык маселелери талкууланды.  

 

 


Датасы: 07.09.2018
Туруктуу шилтеме

Улуттук банк «Кыргыз Республикасынын Улуттук банк Башкармасынын айрым токтомдоруна толуктоолорду жана өзгөртүүлөрдү киргизүү тууралуу» долбоорун коомдук талкууга сунуштоодо. 

Долбоор, Улуттук банктын ченемдик укуктук актыларынын талаптарын Кыргыз Республикасынын Жогорку Кеңешинин депутаты А.Шыкмаматов тарабынан демилгелген Кыргыз Республикасынын “Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү тууралуу” мыйзамына (мындан ары Мыйзам), анын ичинде Кыргыз Республикасынын “Күрөө жөнүндө” мыйзамына жана Кыргыз Республикасынын Граждандык кодексине ылайык келтирүүнүн алкагында иштелип чыккан. Бул Мыйзам күрөөгө коюлган мүлктөн өндүрүп алуу тартиби боюнча маселелерди камтыйт. Күрөөгө коюлган мүлктөн өндүрүп алууда талаптарды так белгилөө аталган Мыйзамдын негизги максаты болуп саналат. 

Долбоор Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган.   

Сектор ушул долбоор боюнча өз сунуш-пикирлерин 2018-жылдын 9-сентябрынан кечиктирбестен amuratov@nbkr.kg электрондук дарегине (Word форматында) жөнөтүүсү зарыл. Сунуштар жок болгон учурда ал тууралуу расмий кат менен билдирүүнү өтүнөбүз. 

 


Датасы: 07.09.2018
Туруктуу шилтеме

Банктардын иштеринде тобокелдиктерди, экономиканын долларлашуунун денгээлин жана кредиттер боюнча пайыздык чендердин төмөндөтүү, ошондой эле коммерциялык банктарды айыл-чарбаны жана ошондой эле, экспортко багытталган жана импортту алмаштыруучу ишканаларды финасылоочу мамлекеттик прогламмаларга катышууну стимулдоо максатында Улуттук банк Башкармасы тарабынан 2018-жылдын 15-августунда № 2018-П-12\33-6-(НПА) «Кыргыз Республикасынын Улуттук банк Башкармасынын айрым ченемдик укуктук актыларына  өзгөртүүлөрдү жана толуктоолорду киргизүү жөнүндө» токтом кабыл алынган. 

Жогорудагы токтому менен Улуттук банктын төмөнкү ченемдик укуктук актыларына өзгөртүлөр жана толуктоолор тиешелүү өзгөртүүлөр жана толуктоолор киргизилген: 

- Кыргыз Республикасынын Улуттук банк Башкармасынын 2004-жылдын 21-июлундагы №18/2 токтому мене бекитилген Кыргыз Республикасынын коммерциялык банктарынын капиталынын жетиштүүлүгү (шайкештиги) стандарттарын аныктоо боюнча нускоо; 

- Кыргыз Республикасынын Улуттук банк Башкармасынын 2005-жылдын 25-августундагы №26/5 “Мезгил-мезгили менен берилүүчү регулятивдик отчет жөнүндө” жобо. 

Токтом Улуттук банктын расмий интернет-сайтында: «www.nbkr.kg/Банк жөнүндө/Банктык мыйзамдар/Улуттук банк Башкармасынын токтомдору» бөлүгүндө жайгаштырылган.  

Ченемдик укуктук актылар Улуттук банктын расмий интернет-сайтында: «www.nbkr.kg/Улуттук банктын ченемдик актылары/ Банктык жөнгө салуу» бөлүгүндө жайгаштырылган. 


Датасы: 07.09.2018
Туруктуу шилтеме

Кыргыз Республикасынын Улуттук банкы тарабынан «Сэйф энд Саунд» кредиттик бюросу» жабык акционердик коомуна Кыргыз Республикасынын «Кредиттик маалымат алмашуу жөнүндө» мыйзамына жана Улуттук банктын ченемдик укуктук актыларына ылайык, кредиттик бюронун ишин жүзөгө ашыруу укугуна 2018-жылдын 27-августунда №02 лицензиясы берилди. 


Датасы: 06.09.2018
Туруктуу шилтеме

Улуттук банк Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттиги менен биргеликте POS-терминалдардын орнотулгандыгына жеке ишкерлер менен юридикалык жактарга мониторинг жүргүздү   

  

Кыргыз Республикасында накталай эмес төлөмдөрдүн жана эсептешүүлөрдүн үлүшүн арттыруу боюнча 2018-2022-жылдарга каралган Мамлекеттик программанын иш-чараларын ишке ашыруунун алкагында, 2018-жылдын 4 жана 5-сентябрында Кыргыз Республикасынын Улуттук банкы менен Монополияга каршы жөнгө салуу мамлекеттик агенттигинин кызматкерлери биргелешип банктык төлөм карт ээлерин тейлөө үчүн РOS-терминалдардын болушун текшерүү максатында Ош шаарында мониторинг жүргүзүштү.   

Мониторинг жүргүзүү үчүн сулуулук салондор, медициналык борборлор, дарыканалар, техника, кийим жана кеңсе буюмдарын сатуучу дүкөндөр, азык-түлүк дүкөндөр, коомдук тамактануу жайлар, май куюучу жайлары жана башкалар кирген 44 ишкана тандалып алынган. 

Мониторингдин жүрүшүндө Монополияга каршы жөнгө салуу мамлекеттик агенттигинин кызматкерлери тарабынан POS-терминалдар орнотулбаган 30 ишкананын жетекчилерине жазма буйрук берилген.  

Берилген жазма буйруктарга ылайык, аталган соода-тейлөө ишканалары 2018-жылдын 30-сентябрына чейин POS-терминалдарды орнотууну камсыз кылуусу зарыл. Монополияга каршы жөнгө салуу мамлекеттик агенттигинин жазма буйругу аткарылбаган учурда, кызмат адамына 5 миң сомдон 10 миң сомго чейин айыптык төлөм төлөө жоопкерчилиги каралган. 

 

 


Датасы: 30.08.2018
Туруктуу шилтеме

Кыргыз Республикасынын Улуттук банкы III Дүйнөлүк көчмөндөр оюндары өтүп жаткан учурда Ысык-Көл областынын Бактуу-Долоноту айылында ат майданы жайгашкан аймакта 2018-жылдын 31-августунан 14-сентябрга чейин Улуттук банк тарабынан «Кыргызстандын Кызыл китеби», «Кыргыз каганатынын доору», «Тарыхый окуялар», «Улуттук музыкалык аспаптар» жана «Спорттун улуттук түрлөрү жана элдик оюндар» серияларында чыгарылган коллекциялык монеталарды, ошондой эле жаңы чыгарылган «Дүйнөлүк көчмөндөр оюндары» сериясынан «Улак тартыш» жана «Кыргыз каганатынын доору» сериясынан «Кыргыз боз үйү» коллекциялык монеталарын сатууга чыгарат.  

 


Датасы: 30.08.2018
Туруктуу шилтеме

2018-жылдын 1-сентябрынан тартып 3-сентябрга чейин алдын алуу иштерин жүргүзүүгө байланыштуу сайтка кирүү мүмкүнчүлүгү убактылуу чектелет. Келтирилген ыңгайсыздыктар үчүн кечирим сурайбыз. 

 


Датасы: 30.08.2018
Туруктуу шилтеме

Банк мыйзамдарынын талаптарын бузууга жол бергендиги үчүн Кыргыз Республикасынын төлөм системасы операторунун/төлөм уюмунун кызмат адамына 50 миң сом өлчөмүндө административдик айып салынды. 


Датасы: 28.08.2018
Туруктуу шилтеме

Экономикалык кызматташуу жана өнүктүрүү уюмунун (ОЭСР) көмөк көрсөтүүсү менен 2018-жылдын 27-28-августунда Ысык-Көл областында "КМШ мамлекеттеринде финансылык билим берүү" темасына арналган конференция болуп өттү. Аталган иш-чарага Кыргыз Республикасынын Улуттук банкынын кызматкерлери, Экономикалык кызматташуу жана өнүктүрүү уюмунун эксперттери, эл аралык уюмдардын, Россия Федерациясынын Финансы министрлигинин, Азербайжан Республикасынын Борбордук банкынын жана Билим берүү министрлигинин, ошондой эле Кыргыз Республикасынын коммерциялык эмес уюмдарынын өкүлдөрү катышты.  

Конференцияда катышуучулар ортосунда Кыргыз Республикасынын калкынын финансылык сабаттуулугун 2016-2020-жылдар аралыгында жогорулатуу программасын ишке ашыруу маселелери, аларды чечүү жолдору, ошондой эле мектептин билим берүү программасына финансылык сабаттуулуктун элементтерин киргизүүнүн, Кыргыз Республикасынын мугалимдерин тиешелүү даярдыктан өткөрүүнүн актуалдуу маселелери талкууланды. 

 

 

 


Датасы: 28.08.2018
Туруктуу шилтеме

Улуттук банк жаңы коллекциялык монеталарды жүгүртүүгө чыгарат 

  

Кыргыз Республикасынын Улуттук банкы 2018-жылдын 28-августунан тартып "Дүйнөлүк көчмөндөр оюндары" сериясынан "Улак тартыш" күмүш жана жез-никелден даярдалган коллекциялык монеталарын, ошондой эле "Кыргыз каганатынын доору" сериясынан "Кыргыз боз үйү" жез-никель коллекциялык монетасын жүгүртүүгө чыгарат.

«Дүйнөлүк көчмөндөр оюндары» сериясындагы «Улак тартыш» коллекциялык монетасы улуттук спорттун түрүн жандандыруу жана даңазалоо максатында чыгарылып, 2018-жылы өтө турган III Дүйнөлүк көчмөндөр оюнуна арналган. 

Улакты эңип алып чаап бара жаткан атчандын сүрөтү монетанын негизги сюжетин түзөт. Тоонун элесин чагылдырган толкун сызыктар оюндун жүрүшүн чагылдырат. Монетанын жогору жагында Дүйнөлүк көчмөндөр оюунунун логотиби түстүү ыкмада түшүрүлүп, монетанын «Улак тартыш» деген аталышы рун жазуулары менен бастырылган. Ал эми монетанын сол жагында улакты эңип алып, чаап бара жаткан атчандын жана башка оюнчулардын элестери берилген. Күмүш монетанын оң жагында анын салмагы (31,10 г) жана сапат белгиси (Ag 925°) көрсөтүлгөн. 10 сом номиналы монетанын төмөн жагында берилген. 

Монетанын арткы бетинин ортосунда Кыргыз Республикасынын герби түшүрүлгөн.  

Монетанын арткы бетин тегерете «Дүйнөлүк көчмөндөр оюндары/World Nomad Games» жазуусун көрүүгө болот. Ал эми төмөн жагында монетанын чыккан жылы берилген (2018). 

«Кыргыз боз үйү» жез-никель коллекциялык монетасы кыргыз элинин кылым карыткан баа жеткис көркөм маданиятын даңазалоо максатында чыгарылууда. 

Монетанын алдыңкы бетине чагылдырылган боз үйдүн сүрөтү негизги сюжетти түзөт. Монетанын жогорку бөлүгүндө «Боз үй» жазуусу орун алып, төмөнкү бөлүгүндө монетанын номиналы жана Кыргыз Республикасынын расмий акча бирдиги - сом белгиси баш тамга менен асты сызылып баса көрсөтүлгөн, бул улуттук валютанын туруктуулугун тастыктоонун бир белгиси болуп саналат. 

Боз үйдүн сөлөкөтү берилген монетанын арткы бетинин борборунда Кыргыз Республикасынын герби түшүрүлгөн. Монетанын жогорку бөлүгүндө «Улуу кыргыз каганаты» жазуусу орун алган. Монетанын төмөн жагында чыккан жылы (2018) көрсөтүлгөн.  

Ар бир күмүш монета акрил капсуласына жайгаштырылып, сапатты тастыктаган сертификат менен өзүнчө кутучага таңгакталган. Ар бир жез-никель монетасы акрил капсуласына жайгаштырылган жана чөнөктүү таңычактарга салынган.   

  

Монеталардын мүнөздөмөлөрү:  

Аталышы  

Номиналы  

Металлы (сапат белгиси)  

Диаметри/өлчөмү 

(мм)  

Салмагы (г)  

Сапаты  

Нускасы (даанасы) 

Сатуу баасы 

(сом)  

Улак тартыш 

10 сом 

Күмүш 925°  

38,61х38,61 

31,10  

«Proof» 

1 000  

2 900 

1 сом 

Жез-никель  

30,00х30,00 

12,00 

«Proof-like» 

5 000 

700 

Кыргыз боз үйү 

1 сом 

Жез-никель  

30,00 

12,00 

«Proof-like» 

5 000 

450 

 

Улуттук банк тарабынан чыгарылган "Улак тартыш", "Кыргыз боз үйү" жана башка коллекциялык монеталар 2018-жылдын 31-августунан 14-сентябрына чейин Улуттук банктын кассаларында жана III Дүйнөлүк көчмөндөр оюндары өтүп жаткан учурда Чолпон-Ата шаарындагы ат майданы жайгашкан аймакта сатылат. 

 

 

 

 


Коллекциялык монеталар Кыргыз Республикасынын аймагында расмий төлөм каражаты статусуна ээ. 

 


Датасы: 28.08.2018
Туруктуу шилтеме

 

 

Пресс-релиз 

Кыргыз Республикасынын Улуттук банкы эсептик чен өлчөмүн 4,75 пайыз  

деңгээлинде калтырды 

 

Кыргыз Республикасынын Улуттук банк Башкармасы 2018-жылдын 28-августунда эсептик чен (чен саясаты) өлчөмүн 4,75 пайыз деңгээлинде калтыруу чечимин кабыл алды. Чечим 2018-жылдын 28-августунан тартып күчүнө кирет.  

Кыргыз Республикасында инфляциянын төмөнкү деңгээлде сакталуусу уланууда. Инфляция 2018-жылдын август айында (17-августка карата) ушул жылдын январь айындагы 3,2 пайыздан төмөндөө менен жылдык мааниде 1,0 пайызды түздү. Инфляциянын төмөндөгөн динамикасы азык-түлүк рыногунда түзүлгөн жагымдуу жагдайдан улам, мурдагы чейрек ичинде төмөндөгөн сыяктуу эле азык-түлүк товарларына баалардын төмөндөшү менен шартталган. Өлкөнүн экономикасындагы жагдайларга, тышкы чөйрөнүн өнүгүшүнө баа берүү орто мөөнөткө каралган мезгил ичинде инфляциянын динамикасын максаттуу көрсөткүчтүн чегинде 5-7 пайыз деңгээлинде болушун күтүүгө мүмкүндүк берет.  

Реалдуу ИДӨ 2018-жылдын январь-июль айларынын жыйынтыгы боюнча 0,2 пайызга кыскарган, ошол эле учурда экономиканын өсүшү «Кумтөр» ишканалары боюнча маалыматты эске албаганда 2,2 пайызды түзгөн. Экономиканын алгылыктуу өсүш арымы айыл чарба, курулуш, соода жана транспорт тармактарында байкалат. Экономиканын өнүгүшүнө салым, акча которуулардын улам өсүшүнүн эсебинен сыяктуу эле (2018-жылдын январь-июнь айларында өлкөгө келип түшкөн акча которуулардын таза агымы 10,2 пайызга өскөн) эмгек акыны айкын жогорулатуунун эсебинен да (эмгек акынын айкын өсүшү 2018-жылдын январь-июнь айларында 4,2 пайызды түзгөн) чогуу алынган суроо-талаптарды калыбына келтирүү менен камсыздалат. Кыргызстандын соода боюнча өнөктөш өлкөрүнүн экономикасынын алгылыктуу өсүш арымы орто мөөнөткө каралган мезгил аралыгында жергиликтүү экспортко болгон тышкы суроо-талапты колдоп турууга өбөлгө түзөт.  

Банк тутумунда ашыкча ликвиддүүлүк сакталууда, бул банктар аралык кредиттик ресурстар рыногунда айрым активдүүлүктүн төмөндөшүн шарттайт. Мындай жагдай Улуттук банк тарабынан ашыкча ликвиддүүлүктү алуу боюнча операциялардын жүргүзүлүшүн аныктайт. Жалпысынан алганда, акча рыногунун пайыздык чендери Улуттук банк тарабынан белгиленген пайыздык чекте сакталууда. 

Финансылык ортомчулук көрсөткүчтөрү алгылыктуу мүнөзгө ээ болууда. Коммерциялык банктардын кредит портфелинин өсүшү жана депозит базасынын кеңейиши байкалып, кредиттер боюнча рыноктун чендеринин төмөндөшү уланууда. Алсак, 2018-жылдын биринчи жарым жылдыгы ичинде кредит боюнча орточо алынган пайыздык чен 0,8 п.п. 15,2 пайызга чейин төмөндөгөн. 

Өтүп жаткан жылдын август айынын орто ченинде ички валюта рыногунда сунушка караганда чет өлкө валютасына болгон суроо-талаптын өсүшү байкалган. Улуттук банк алмашуу курсунун кескин өзгөрүүсүн текшилөө максатында валюталык интервенция операциясын ишке ашырган. Ички валюта рыногундагы абал туруктуу сакталууда. 

Улуттук банктын болжолдоолору боюнча учурда орун алган тенденциялар сакталган жана тышкы таасирлер жок болгон шартта, инфляция орто мөөнөткө каралган мезгил аралыгында акча-кредит саясатынын максаттуу көрсөткүчү 5-7 пайыз чегинде орун алат. Дүйнөлүк товардык-чийки зат рынокторунда орун алган келечектеги көрсөткүчтөргө байланыштуу тышкы сектор тарабынан ар түрдүү тобокелдиктердин болушун, ошондой эле ички шарттарды өнүктүрүүнүн тенденцияларын көңүлгө алуу менен Улуттук банк, эсептик чендин өлчөмүн сактоо чечимин кабыл алды. Акча-кредит саясатынын учурдагы багыты алдыдагы мезгил аралыгында тышкы таасирлер жок болгон шартта сакталат.  

Улуттук банк туруктуу негизде инфляцияга таасир берген тышкы жана ички факторлорго баа берип турат жана түптөлгөн экономикалык жагдайга жараша тиешелүү акча-кредит саясатынын чараларын кабыл алат.  

 

Маалымат үчүн: 

Кыргыз Республикасынын Улуттук банк Башкармасынын эсептик чен өлчөмү боюнча кийинки отуруму 2018-жылдын 24-сентябрында өтөт.  

 


Датасы: 27.08.2018
Туруктуу шилтеме

Кыргыз Республикасынын мыйзамдарынын талаптарын бузгандыгы жана Кыргыз Республикасынын Улуттук банкынын жазма буйруктарын аткарбагандыгын үчүн Кыргыз Республикасынын Улуттук банкы, «МОЛ ТОКМОК» кредиттик союзу» финансылык кооперативинин 2015-жылдын 20-октябрындагы №556 лицензиясынын аракетин 2018-жылдын 27-августунан тартып 2018-жылдын 31-декабрына чейинки мөөнөткө токтотту. 

«МОЛ ТОКМОК» кредиттик союзу» финансылык кооперативинин юридикалык дареги - Чүй областы, Токмок ш., Совет көч., 14. 

«МОЛ ТОКМОК» кредиттик союзу» финансылык кооперативи Кыргыз Республикасынын Улуттук банкынын Көзөмөл боюнча комитетинин токтому менен Бишкек шаары, Т.Үмөталиев атындагы көчө 101 дареги боюнча тааныша алат.  

Маалымат алуу үчүн байланыш телефондору: 0 312 66 92 03. 

 


Датасы: 27.08.2018
Туруктуу шилтеме

Кыргыз Республикасынын Улуттук банкы Пакистан Улуттук Банкынын Бишкек Филиалы тарабынан ички аудитор кызмат ордуна сунушталган Ипасова Наргиза Аманбековнанын талапкерлигине макулдук берүү чечимин 2018-жылдын 23-августунда кабыл алды.  

 


Датасы: 27.08.2018
Туруктуу шилтеме

Улуттук банк Башкармасынын 2015-жылдын 25-ноябрындагы № 71/11 токтому менен бекитилген «Төлөм системасынын операторлорунун жана төлөм уюмдарынын ишин лицензиялоо жөнүндө» жобо талабына ылайык, төлөм системасынын операторлорунун жана төлөм уюмдарынын реестринде «АЙБИЭС МА» ЖЧКсы катталды. 

«АЙБИЭС МА» ЖЧКсына 2018-жылдын 23-августта төмөнкү иш багыттарын жүзөгө ашырууга лицензиялар берилген: 

№ 3024230818 маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системасы аркылуу үчүнчү жактардын пайдасына өз иш натыйжасынан болуп саналбаган товарлар жана кызмат көрсөтүүлөр үчүн төлөмдөрдү кабыл алуу, өткөрүү, эсептешүүлөргө байланыштуу кызмат көрсөтүүлөрдү сунуштоо; 

№ 2024230818 үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу жана сунуштоо (процессинг, клиринг) кызмат көрсөтүүлөрүн төлөм системасынын ошол процессинг, клиринг борборунун катышуучуларына сунуштоо. 

 


Датасы: 24.08.2018
Туруктуу шилтеме

2018-жылдын 22-августунда Кыргыз Республикасынын Улуттук банкында «KG төлөм системаларынын операторлор ассоциациясы», «Кыргыз Республикасынын байланыш операторлор ассоциациясы», «Сунуштоочулар (өндүрүүчүлөр жана дистрибьюторлор) ассоциациясы» юридикалык жактар бирикмелеринин, «Банктар аралык процессинг борбору» ЖАКтын, уюлдук байланыш операторлорунун («Скай Мобайл» ЖЧКсы, «Альфа Телеком» ЖАК, «Нур Телеком» ЖЧКсы), төлөм системасынын операторлорунун/төлөм уюмдарынын өкүлдөрү катышкан чекене төлөмдөр боюнча Кеңештин отуруму болуп өттү

Кеңешке катышуучулар «Төлөм системасынын операторлорунун жана төлөм уюмдарынын ишин лицензиялоо жөнүндө» жобонун жаңы редакциясынын долбоору боюнча маселелерди талкуулап, ошондой эле «Кыргыз Республикасынын банктык кызмат көрсөтүү рыногуна инновациялык кызмат көрсөтүүлөрдү/технологияларды киргизүүнүн атайын режими жөнүндө» жобонун долбоорун кароого алышты.  

Отурумдун жыйынтыгында, кызыкдар болгон катышуучулар жобонун тиешелүү пунктулары боюнча өз сунуштарын кошумча сунушташат деген чечим кабыл алынды.  

 


Датасы: 17.08.2018
Туруктуу шилтеме

Улуттук банк Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттиги менен биргеликте POS-терминалдардын орнотулгандыгына жеке ишкерлер менен юридикалык жактарга мониторинг жүргүздү   

  

Кыргыз Республикасында накталай эмес төлөмдөрдүн жана эсептешүүлөрдүн үлүшүн арттыруу боюнча 2018-2022-жылдарга каралган Мамлекеттик программанын иш-чараларын ишке ашыруу алкагында, 2018-жылдын 17-августунда Кыргыз Республикасынын Улуттук банкы менен Монополияга каршы жөнгө салуу мамлекеттик агенттигинин кызматкерлери биргелешип, банктык төлөм карт ээлерин тейлөө үчүн РOS-терминалдардын болушун текшерүү максатында Ысык-Көл областында мониторинг жүргүзүштү.   

Мониторинг жүргүзүү үчүн мейманканалар, санаторийлер, пансионаттар жана эс алуу борборлору кирген он төрт ишкана тандалып алынган.   

Мониторингдин жүрүшүндө Монополияга каршы жөнгө салуу мамлекеттик агенттигинин кызматкерлери тарабынан POS-терминал орнотулбаган жети ишкананын жетекчилерине жазма буйрук берилген. Берилген жазма буйруктарга ылайык, аталган соода-тейлөө ишканалары 2018-жылдын 2-сентябрына чейин POS-терминалдарды орнотууну камсыз кылуусу зарыл. Монополияга каршы жөнгө салуу мамлекеттик агенттигинин жазма буйругу аткарылбаган учурда, кызмат адамына 5 миң сомдон 10 миң сомго чейин айыптык төлөм төлөө жоопкерчилиги каралган. 

 

 


Датасы: 17.08.2018
Туруктуу шилтеме

Кыргыз Республикасынын Улуттук банкынын жазма буйруктарды системалуу түрдө аткарылбагандыгы ошондой эле анын директору текшерүү жүргүзүүгө каршылык көрсөткөндүгү үчүн Кыргыз Республикасынын Улуттук банкы Ысык-Көл “Ишкер” микрокредиттик агенттиги мекемесинин 2003-жылдын 17-апрелинде №21 каттоодон өткөндүгү жөнүндө күбөлүгүн аракетин 2018-жылдын 23-августунан тартып токтотулат. Ысык-Көл  “Ишкер” микрокредиттик агенттиги мекемесинин дареги  Каракол шаары, Бооронбай Бий көчөсү, № 33 


Датасы: 17.08.2018
Туруктуу шилтеме

Банк инфраструктурасын коммерциалык банктардын агенттери аркылуу кеңейтүү максатында жана региондордо банктык чекене кызматтарынан калктын пайдалануусу жеткилүктүү болуу максатында 2018-жылдын 15-августунда Кыргыз Республикасынын Улуттук банкынын токтому менен Кыргыз Республикасынын Улуттук банк Башкармасынын төмөнкү токтомдоруна өзгөртүүлөр жана толуктоолор киргизилген: 

- 2015-жылдын 9-декабрындагы № 76\8 «Кыргыз Республикасындагы банктык төлөм карттар жөнүндө» жобону бекитүү тууралуу»; 

- 2010-жылдын 26-майындагы № 36/7 «Банктык чекене кызмат көрсөтүүлөрдү сунуштоо боюнча агенттик келишимдерди түзүүдө коммерциялык банктардын ишине карата негизги талаптар жөнүндө» жобону бекитүү тууралуу». 

Жогоруда аталган жоболордун алкагында, POS-терминалдары орнотулган соода-тейлөө ишканалары, почта аркылуу банктык төлөм карттарынан 15 000 (он беш миң) сомго чейин нак акча алууга, кредиттерди, коммуналдык кызмат көрсөтүүлөрдү, бардык салыктардын, айыптык төлөмдөрдүн түрлөрүн төлөөгө жана банктык карттан акча которууларды ишке ашырууга болот.  

Мындан тышкары, карт ээлери төлөмдөрдү mPOS (мобилдик пос-терминал), виртуалдык POS-терминал аркылуу төлөөгө, электрондук коммерция үчүн виртуалдык карттарды ачууга мүмкүнчүлүк алышат.  

Кыргыз Республикасынын Улуттук банкынын аталган ченемдик укуктук актылары менен төмөнкү шилтемеден таанышсаңыздар болот: http://www.nbkr.kg/index1.jsp?item=106&lang=KGZ 


Датасы: 17.08.2018
Туруктуу шилтеме

Бишкек шаарындагы «Дордой» соода борборундагы, «Алкан» базарындагы дареги боюнча Кыргыз Республикасынын Улуттук банкынын лицензиясыз нак чет өлкө валютасы менен алмашуу операцияларын жүргүзүү фактысы боюнча Кыргыз Республикасынын жараны С.Н.А. 100 000 сом айып салуу менен административдик жоопкерчиликке тартылды. 


Датасы: 16.08.2018
Туруктуу шилтеме

1. Кыргыз Республикасынын Улуттук банкы «ФинансКредитБанк» ААКсы тарабынан Башкы бухгалтер кызмат ордуна сунушталган Джусупова Мая Джолчуевнанын талапкерлигине макулдук берүү чечимин 2018-жылдын 16-августунда кабыл алды; 

2. Кыргыз Республикасынын Улуттук банкы «ФинансКредитБанк» ААКсы тарабынан Башкарманын төрагасынын орун басары кызмат ордуна сунушталган Цой Марина Климентьевнанын талапкерлигине макулдук берүү чечимин 2018-жылдын 16-августунда кабыл алды; 

3. Кыргыз Республикасыныны Улуттук банкы «Кыргыз-Швейцариялык Банк» ЖАКсы тарабынан  Директорлор кеңешинин мүчөсү кызмат ордуна сунушталган Шегай Жанна Виссарионовнанын талапкерлигине макулдук берүү чечимин 2018-жылдын 16-августунда кабыл алды. 

 


Датасы: 14.08.2018
Туруктуу шилтеме

Ысык-Көл областындагы фермердик топтор үчүн финансылык сабаттуулук боюнча пилоттук тренингдер өткөрүлдү 

Ысык-Көл областына караштуу Ак-Суу районунун Тепке айылында 2018-жылдын  

26-июлунан 10-августуна чейин Германия эл аралык кызматташуу коомунун (GIZ) колдоосу менен атайын окутуу курсун уюштуруу аркылуу фермердик топтордун бригадирлери үчүн финансылык сабаттуулук боюнча пилоттук тренингдер өткөрүлдү. Бул финансылык сабаттуулук боюнча окутуу курсу Кыргыз Республикасынын Улуттук банкынын жетекчилиги алдында автордук топтун жардамы менен Кыргыз Республикасынын калкынын финансылык сабаттуулугун 2016-2020-жылдар аралыгында жогорулатуу программасын ишке ашыруунун алкагында иштелип чыккан.  

Алгачкы пилоттук тренинг Бишкек шаарында 13-20-июнь аралыгында жаштардын өкүлдөрүнө арналып өткөрүлгөн. Учурда бул тренингдин үчүнчү сериясын өлкөнүн аймактарынын биринде ишке ашыруу каралып жатат. Бул пилоттук иштин жыйынтыгында курс кайрадан жеткире иштелип чыгып, жарандардын финансылык сабаттуулугун жогорулатуу максатында колдонулат.  

 

 

 


Датасы: 10.08.2018
Туруктуу шилтеме

Эл аралык электрондук акча системасынын эмитенти КИВИ Банк (акционердик коом) Кыргыз Республикасынын Улуттук банкында эл аралык электрондук акча системасынын операторлор/эмитенттер реестрине 5007070818 каттоо номери менен киргизилди. 

 


Датасы: 08.08.2018
Туруктуу шилтеме

Кыргыз Республикасынын Улуттук банкы «Капитал Банк» ААКсы тарабынан Директорлор кеңешинин мүчөсү жана Аудит боюнча комитетинин Төрагасынын кызмат ордуна сунушталган Дербишалиев Адилет Эсенбековичтин талапкерлигине макулдук берүү чечимин 2018-жылдын 7-августундада кабыл алды. 

 


Датасы: 07.08.2018
Туруктуу шилтеме

Улуттук банк Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттиги менен биргеликте жеке ишкерлер жана юридикалык жактар тарабынан POS-терминалдар орнотулгандыгына мониторинг жүргүздү   

  

2018-жылдын 6-августунда Монополияга каршы жөнгө салуу мамлекеттик агенттиги менен Кыргыз Республикасынын Улуттук банкынын кызматкерлери биргелешип жеке ишкерлердин жана юридикалык жактардын Кыргыз Республикасынын Өкмөтүнүн 2016-жылдын 23-декабрындагы №869 «Керектөөчүлөрдүн укугун коргоо боюнча чаралар жөнүндө» токтом талабынын аткарылышын текшерүү максатында мониторинг жүргүзүштү. Соода жана кызмат көрсөтүү тармагында иштеп жаткан ишкерлер аймактык жайгашуусуна жараша, белгиленген мөөнөттөргө ылайык, өз соода түйүндөрүндө жана соода кеңселеринде банктык төлөм карт ээлерин тейлөө үчүн РOS-терминалдарын орнотууга тийиш.   

Бул токтом, Кыргыз Республикасынын “Керектөөчүлөрдүн укугун коргоо жөнүндө” мыйзамына ылайык, ар бир сатып алуучу нак сыяктуу эле, нак эмес түрдө да төлөөнү жүргүзүү укугуна ээ болгондуктан, сатуучу аларды мындай укуктан ажырата албастыгына байланыштуу кабыл алынган. Токтомдо айрым ишкердик түрлөрүнүн тизмеси көрсөтүлгөн, ага ылайык жеке ишкерлер жана юридикалык жактар өз ишин жүзөгө ашырган жерлерде банктык төлөм карттарын колдонуу менен төлөм жүргүзүү үчүн каралган жабдуулардын өз убагында орнотулушун камсыз кылууга милдеттүү. Бул тизмеге 50 чарчы метрден ашпаган соода түйүндөрүнөн башка бардык соода түйүндөрү кирет. Мындан тышкары, кызмат көрсөтүү чөйрөсүндө иш алып барган мекемелер да өз кардарларына нак эмес эсептешүүгө шарт түзүп берүүгө тийиш, буга коомдук тамактануу жайлары, дарыканалар, медициналык борборлор, авто унааларга май куюучу жайлар, сулуулук салондору, мейманканалар жана башка ишкердик түрлөрү кирет. Жалпысынан анда 21 ишкердиктин түрү камтылган.  

Кыргыз Республикасынын Өкмөтүнүн токтом талабынын аткарылышына мониторинг жүргүзүү үчүн бир нече соода ишканалары жана коомдук тамактануу жайлары тандалып алынган.   

Мониторингдин жүрүшүндө Монополияга каршы жөнгө салуу мамлекеттик агенттигинин кызматкерлери POS-терминал орнотулбаган соода-тейлөө ишканаларына тиешелүү жазма буйруктар берилген. Жазма буйруктарга ылайык, ушул соода-тейлөө ишканаларына 2018-жылдын 30-августуна чейинки мөөнөттө POS-терминалдарды орнотуу тапшырмасы берилген. 

 


Датасы: 01.08.2018
Туруктуу шилтеме

Кыргыз Республикасынын мыйзамдарынын талаптарын бузгандыгы жана Кыргыз Республикасынын Улуттук банкынын жазма буйруктарын аткарбагандыгын үчүн Кыргыз Республикасынын Улуттук банкы МКК «Финанс Кредит Строй» ЖЧКсынын №473 2012-жылдын 20-декабрындагы каттоодон өткөндүгү жөнүндө күбөлүгү 2018-жылдын 31-июлунунан тартып кайтарылып алынды. 

МКК «Финанс Кредит Строй» ЖЧКсынын юридикалык дареги - Бишкек ш., Раззаков көчөсү, 33/2-2. 

МКК «Финанс Кредит Строй» ЖЧКсы Кыргыз Республикасынын Улуттук банкынын Көзөмөл боюнча комитетинин токтому менен Бишкек шаары, Умөталиев атындагы көчөсү, 101 дареги боюнча таанышууга акысы бар. Маалыматтар 66 92 62 телефон боюнча берилет. 

 


Датасы: 27.07.2018
Туруктуу шилтеме

1. Кыргыз Республикасынын Улуттук банкы "Капитал Банк" ААКсы тарабынан ички аудитор кызматынын башчысы кызмат ордуна сунушталган Мусуралиев Марат Турсунбековичтин талапкерлигине макулдук берүү чечимин 2018-жылдын 26-июлунда кабыл алды; 

2. Кыргыз Республикасынын Улуттук банкы "Бай-Түшүм" Банкы ЖАКсы тарабынан Директорлор кеңешинин мүчөсү кызмат ордуна сунушталган Ибраимов Тамерлан Рыспековичтин талапкерлигине макулдук берүү чечимин 2018-жылдын 26-июлунда кабыл алды. 

 


Датасы: 27.07.2018
Туруктуу шилтеме

2018-жылдын 26-27-июлунда Кытай Эл банкынын Синьцзян бөлүмүнүн директору Го Цзяньвэй башында турган делегациясы Кыргыз Республикасынын Улуттук банкына иш сапар менен келген. Иш сапардын жүрүшүндө финансылык чөйрөдөгү стандартташтыруу жана эки тараптуу соодада жана инвестицияларда юань менен эсептешүү саясаты боюнча пикир алмашуу болуп өттү. Өз кезегинде, Кытай тарап эл аралык CIPS төлөм системасын презентациялоо менен Улуттук банктын өкүлдөрүн ЭКСПО Кытай-Евразия алкагында боло турган «Жибек жолу» Экинчи финансылык форумуна катышууга чакырды. 

 


Датасы: 27.07.2018
Туруктуу шилтеме

2018-жылдын 28-июлунда жана 29-июлунда профилактикалык иштердин жүргүзүлүшүнө байланыштуу Улуттук банктын веб-сайты www.nbkr.kg убактылуу жеткиликсиз болушу мүмкүн. Келтирилген ыңгайсыздыктар үчүн кечирим сурайбыз. 

 


Датасы: 20.07.2018
Туруктуу шилтеме

Улуттук банк "Кыргыз Республикасынын банктык кызмат көрсөтүүлөр рыногунда инновациялык кызмат көрсөтүүлөрдү/технологияларды жайылтуунун атайын регулятивдик режими жөнүндө" жобо долбоорун коомдук талкууга сунуштоодо.  

Долбоордо финансылык кызмат көрсөтүүлөрдү жайылтуу, банктык жана төлөм кызмат көрсөтүүлөрдүн натыйжалуулугун жогорулатуу жагында маселелерди чечүү үчүн инновациялык кызмат көрсөтүүлөрдү жайылтуу шарттарын түзүү каралган. 

Долбоор Улуттук банктын расмий интернет-сайтында "Улуттук банктын ченемдик актылары" / "Талкууга сунушталган долбоорлор" бөлүгүндө жайгаштырылган.  

Сектор ушул Колдонмонун долбоору боюнча өз сунуш-пикирлерин 2018-жылдын 20-августунан кечиктирбей ukulmanbetov@nbkr.kg электрондук даректерине (Word форматтарында) жөнөтүүсүн өтүнөбүз. 


Датасы: 17.07.2018
Туруктуу шилтеме

Кыргыз Республикасынын Улуттук банкынын банктык мыйзамдарын бузуу фактысы боюнча, Бишкек шаарында жайгашкан алмаштыруу бюросу 100 000 сом айып салуу менен административдик жоопкерчиликке тартылды. 

 


Датасы: 16.07.2018
Туруктуу шилтеме

1. Кыргыз Республикасынын Улуттук банкы «БТА Банкы» ЖАКы тарабынан ички аудит башкармалыгынын башчысынын орун басары кызмат ордуна сунушталган Нарматова Гулбайра Жунусовнанын талапкерлигине макулдук берүү чечимин 2018-жылдын 12-июлунда кабыл алды. 

2. Кыргыз Республикасынын Улуттук банкы «Компаньон Банкы» ЖАКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуларына сунушталган Абдрашитов Закир Нурахматовичтин талапкерлигине макулдук берүү чечимин 2018-жылдын 12-июлунда кабыл алды. 

3. Кыргыз Республикасынын Улуттук банкы «Компаньон Банкы» ЖАКсы тарабынан Директорлор кеңешинин мүчөсү кызмат ордуна сунушталган Балтабаев Азамат Равшановичтин талапкерлигине макулдук берүү чечимин 2018-жылдын 12-июлунда кабыл алды. 

 


Датасы: 09.07.2018
Туруктуу шилтеме

1. Улуттук банк «Банк ишин лицензиялоо жөнүндө» жобого өзгөртүүлөрдү жана толуктоолорду киргизүү жөнүндө» долбоорду коомдук талкууга сунуштоодо. 

Долбоор Улуттук банктын ченемдик укуктук актыларын өркүндөтүү максатында иштелип чыккан. Өзгөртүүлөрдү жана толуктоолорду киргизүүнүн негизги милдети катары Кыргыз Республикасынын аймагында түзүлгөн коммерциялык банктардын ишин лицензиялоо тартибин, банктын капиталында чектүү катышууга ээ болуу үчүн уруксат алуу тартибин, үлүшү азыраак акционерлердин (катышуучулардын) акцияларды сатып алуу тартибин, банктардын кызмат адамдарын макулдашууну, обочолонгон түзүмдүк бөлүмдөрдү түзүү аркылуу банктардын иш чөйрөсүн арттырууну, банктардын уставына сунушталган өзгөртүүлөрдү жана толуктоолорду макулдашуу тартибин, ошондой эле мамлекеттик тилде иш кагаздарын жүргүзүүнү жөнгө салган нормаларды белгилөө саналат. 

Долбоор Улуттук банктын расмий интернет сайтынын «Ченемдик актылар//Талкууга сунушталган долбоорлор» бөлүгүндө жайгаштырылган. 

Улуттук банк ушул долбоорго карата сын пикирлерди жана сунуштарды 2018-жылдын 9-августунан кечиктирбестен, zosokeeva@nbkr.kg электрондук дарегине (Word форматында) жөнөтүүнү өтүнөт. 

 

2. Улуттук банк «Микрофинансылык компаниялардын ишин лицензиялоо» жобого өзгөртүүлөрдү жана толуктоолорду киргизүү жөнүндө” долбоорду коомдук талкууга сунуштоодо. 

Долбоор, банктарга микрофинансылык компанияга трансформациялануу жана андан ары банктык кызмат көрсөтүүлөрдү сунуштоо жана микрофинансылык компанияларды лицензиялоо жол-жоболорун өркүндөтүү мүмкүнчүлүгүн сунуштоо максатында иштелип чыккан. 

Долбоор банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Улуттук банк ушул долбоорго карата сын пикирлерди жана сунуштарды 2018-жылдын 9-августунан кечиктирбестен, zosokeeva@nbkr.kg электрондук дарегине (Word форматында) жөнөтүүнү өтүнөт. 

 

3. Улуттук банк «Кыргыз Республикасынын Улуттук банкынан лицензия алышкан банктарга жана айрым башка финансы-кредит уюмдарына карата колдонулуучу таасир этүү чаралары жөнүндө» жобого өзгөртүүлөрдү жана толуктоолорду киргизүү жөнүндө» долбоорду коомдук талкууга сунуштоодо. 

Долбоор уставдык жана/же өздүк (жөнгө салуучу) капиталдын минималдуу өлчөмүн түзүү боюнча талаптарды аткарбаган банктарга карата бирдиктүү талаптарды белгилөө максатында иштелип чыккан. Өз ишин белгиленген талаптарга ылайык келтирүү боюнча мөөнөт белгиленген, талаптарды аткарбаган шартта милдеттүү чектөөлөр боюнча талаптар жана банк катары ишин жүргүзүүнү токтотуу боюнча мөөнөттөр белгиленген. 

Долбоор банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Улуттук банк ушул долбоорго карата сын пикирлерди жана сунуштарды 2018-жылдын 9-августунан кечиктирбестен, zosokeeva@nbkr.kg электрондук дарегине (Word форматында) жөнөтүүнү өтүнөт. 


Датасы: 09.07.2018
Туруктуу шилтеме

Кылмыш жолу менен алынган кирешелерди легализациялоого (адалдоого) жана террористтик же экстремисттик ишти каржылоого каршы аракеттенүү жөнүндө мыйзам талаптарын бузгандыгы үчүн, Кыргыз Республикасынын төлөм уюмуна 20 миң сом административдик айып салынды

 


Датасы: 09.07.2018
Туруктуу шилтеме

1. Кыргыз Республикасынын Улуттук банкы «Чанг Ан» Инвестициялык Банкы» ААКсы тарабынан Директорлор кеңешинин мүчөсү кызмат ордуна сунушталган Нурматова Бермет Тажиковнанын талапкерлигине макулдук берүү чечимин 2018-жылдын 2-июлунда кабыл алды. 

2. Кыргыз Республикасынын Улуттук банкы «Оптима Банк» ААКсы тарабынан Директорлор кеңешинин Төрагасынын кызмат ордуна сунушталган Досмухамбетов Нуркен Мухаметкаримовичтин талапкерлигине макулдук берүү чечимин 2018-жылдын 2-июлунда кабыл алды; 

3. Кыргыз Республикасынын Улуттук банкы «КШБ» ЖАКсы тарабынан Башкармасынын төрагасы кызмат ордуна сунушталган Дуйшегулов Марлис Каналбековичтин талапкерлигине макулдук берүү чечимин 2018-жылдын 2-июлунда кабыл алды; 

4. Кыргыз Республикасынын Улуттук банкы «КШБ» ЖАКсы тарабынан Директорлор кеңешинин мүчөсү кызмат ордуна сунушталган Оспанкулова Карлыгаш Даулеткуловнанын талапкерлигине макулдук берүү чечимин 2018-жылдын 2-июлунда кабыл алды; 

 


Датасы: 06.07.2018
Туруктуу шилтеме

Улуттук банктын төрагасы Евразиялык өнүктүрүү банкынын (ЕӨБ) Башкармаcынын төрагасы менен жолугушту 

 

2018-жылдын 5-июлунда Евразиялык өнүктүрүү банкынын өкүлдөрүнүн Кыргыз Республикасына иш сапарынын алкагында Кыргыз Республикасынын Улуттук банкынын төрагасы Т.С. Абдыгулов Евразиялык өнүктүрүү банкынын Башкармаcынын төрагасы А.Ю. Бельянинов менен жолугушту. Улуттук банкта болгон жолугушууда тараптар Кыргыз Республикасынын экономикалык абалын жана кызматташуунун перспективаларын талкуулашты. Улуттук банктын Евразиялык өнүктүрүү банкы менен кызматташуу мүмкүнчүлүктөрү макулдашылды. 

 

 


Датасы: 05.07.2018
Туруктуу шилтеме

Кыргыз Республикасынын мыйзамдарынын талаптарын бузгандыгы жана Кыргыз Республикасынын Улуттук банкынын жазма буйруктарын аткарбагандыгын үчүн Кыргыз Республикасынын Улуттук банкы Талас “Ишкер” микрокредиттик агенттиги мекемесинин 2003-жылдын 15-апрелинде 20 жана Ош “Ишкер” микрокредиттик агенттиги мекемесинин 2003-жылдын 5-июнунда №38 каттоодон өткөндүгү жөнүндө күбөлүктөрүнүн аракетин 2018-жылдын 2-июлунан тартып токтотулат. 

Талас “Ишкер” микрокредиттик агенттиги мекемесинин дареги Талас шаары, Ж. Мырзалиев көчөсү, № 83

Ош “Ишкер” микрокредиттик агенттиги мекемесинин дареги Ош шаары, Ленина көчөсү, № 318. 

 


Датасы: 05.07.2018
Туруктуу шилтеме

Кыргыз Республикасынын Улуттук банкынын лицензиясы жок нак чет өлкө валютасы менен алмашуу операцияларын жүргүзүү фактысы боюнча Ош шаарынын тургуну М.М.Ш. 100 000 сом айып салуу менен административдик жоопкерчиликке тартылышты. 

 


Датасы: 05.07.2018
Туруктуу шилтеме

Кыргыз Республикасынын Улуттук банкынын банк мыйзамдарынын чөйрөсүн укук бузу фактысы боюнча Ош шаарындагы алмаштыруу бюронун кызматкери И.Б.Дж. 20 000 сом, алмаштыруу бюросу 100 000 сом жана Жалал-Абад шаарындагы микрокредиттик компаниясынын жетекчиси 50 000 сом айып салуу менен административдик жоопкерчиликке тартылышты. 

 


Датасы: 05.07.2018
Туруктуу шилтеме

Кыргыз Республикасынын Улуттук банкы «Статистикалык маалыматтарды топтоо, иштеп чыгуу, түзүү жана жайылтуу боюнча тажрыйбалык маселелер» темасында семинар өткөрүүдө 

2018-жылдын 3-июлунан 5-июлуна чейинки мезгил ичинде Кыргыз Республикасынын Улуттук банкында «Статистикалык маалыматтарды топтоо, иштеп чыгуу, түзүү жана жайылтуу боюнча тажрыйбалык маселелер» темасында семинар өткөрүлүп, ага Беларусь Республикасынын, Казакстан Республикасынын, Польша Республикасынын, Россия Федерациясынын жана Тажикстан Республикасынын борбордук (улуттук) банктарынын өкүлдөрү катышышты. 

Семинардын жүрүшүндө борбордук (улуттук) банктардын өкүлдөрү - Евразия борбордук (улуттук) банктарынын кеңешинин жана башка өлкөлөрдүн борбордук банктарынын катышуучулары финансы секторунун статистикасын, акча-кредиттик статистиканы топтоо, иштеп чыгуу жана сактоо боюнча тажрыйба алмашышты.   

 

 

 

 


Датасы: 02.07.2018
Туруктуу шилтеме

Кыргыз Республикасынын Улуттук банкы «Төлөм системасынын операторлорунун жана төлөм уюмдарынын ишин лицензиялоо жөнүндө» жобонун жаңы редакциясынын долбоорун (мындан ары долбоор) коомдук талкууга сунуштайт.  

Долбоор Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жайгаштырылган.  

Коммерциялык банктар, төлөм системасынын операторлору жана төлөм уюмдары долбоор боюнча сунуш-пикирлерин 2018-жылдын 29-июлунан кечиктирбестен жөнөтүүлөрү зарыл. 


Датасы: 29.06.2018
Туруктуу шилтеме

Кыргыз Республикасынын "Кыргыз Республикасынын Улуттук банкы, банктар жана банк иштери жөнүндө" мыйзамын колдонууга киргизүү жөнүндө” мыйзамынын 3-беренесинин 4-пунктуна ылайык, иштеп жаткан банктар (анын ичинде банк-резидент эместердин филиалдары) 2018-жылдын 1-июлуна чейин минималдуу уставдык капиталды 600 млн. сом өлчөмүндө түзүүгө тийиш. 

Кыргыз Республикасынын Улуттук банк Башкармасынын 2017-жылдын 8-июнундагы №2017-П-12/23-3-(ченемдик укуктук актылар) «Коммерциялык банктардын уставдык жана өздүк (регулятивдик) капиталынын минималдуу өлчөмү жөнүндө» токтомунун 3-пунктуна ылайык, жаңы түзүлгөн жана иштеп жаткан коммерциялык банктар (анын ичинде чет өлкө банктарынын филиалдары) үчүн өздүк (регулятивдик) капиталдын минималдуу өлчөмү боюнча экономикалык ченем иштеп жаткан коммерциялык банктар үчүн белгиленген минималдуу  уставдык капитал өлчөмүнөн төмөн эмес белгиленген.   

Азыркы учурда Улуттук банк, коммерциялык банктар уставдык капиталдын минималдуу өлчөмү боюнча талаптарды Кыргыз Республикасынын "Кыргыз Республикасынын Улуттук банкы, банктар жана банк иштери жөнүндө" мыйзамын колдонууга киргизүү тууралуу” мыйзамына ылайык аткаруусуна мониторинг жүргүзүүдө

Коммерциялык банктар уставдык жана өздүк (регулятивдик) капитал боюнча белгиленген талаптарды аткарбаган шартта Улуттук банк тарабынан Кыргыз Республикасынын мыйзамдарына ылайык тиешелүү чаралар көрүлөт. 

 


Датасы: 28.06.2018
Туруктуу шилтеме

2018-жылдын 27-июнундагы Улуттук банк Башкармасы тарабынан кабыл алынган токтомуна ылайык «Евразиялык Сактык Банкы» ААКсына 2018-жылдын 28-июнунан тартып 6 айлык мөөнөткө Убактылуу администрация атайын режими киргизилген. 

Абдулдабеков Р.А. «Евразиялык Сактык Банкы» ААКсынын Убактылуу администратору болуп дайындалды. 


Датасы: 28.06.2018
Туруктуу шилтеме

Эл аралык валюта фондунун миссиясы Кыргызстанда өз ишин баштады 

2018-жылдын 28-июнунан тартып Кыргыз Республикасында Эл аралык валюта фондунун (ЭВФ) миссиясы өз ишин баштады. 

Өлкө экономикасында акыркы тенденцияларды, 2018-жылга карата мамлекеттик бюджеттин аткарылышын жана жакынкы мезгилге келечектерди талкулоо ЭВФтин миссиясынын негизги максаты болуп эсептелинет. 

Бул иштин алкагында Кыргыз Республикасынын Өкмөтүнүн, Улуттук банктын жана башка уюмдардын өкүлдөрү менен жолугушуулар өткөрүлөт. ЭВФтин миссиясы ушул жылдын 9-июлуна чейин ишин жүргүзөт. 

 

 

 

 

 

 

 

 

 


Датасы: 27.06.2018
Туруктуу шилтеме

Кыргыз Республикасынын Улуттук банкы «БТА Банкы» жабык акционердик коомуна ислам банк иши жана каржылоо принциптерине ылайык «ислам терезеси» аркылуу улуттук жана/же чет өлкө валютасында банк операцияларын жүргүзүү укугуна лицензия берүү жөнүндө 2018-жылдын 20-июнунда чечим кабыл алды. 


Датасы: 26.06.2018
Туруктуу шилтеме

Кыргыз Республикасынын Улуттук банкы эсептик чен өлчөмүн  

4,75 пайыз деңгээлинде калтырган  

 

Кыргыз Республикасынын Улуттук банк Башкармасы 2018-жылдын 25-июнунда эсептик чен (чен саясаты) өлчөмүн 4,75 пайыз деңгээлинде калтыруу чечимин кабыл алган. Чечим 2018-жылдын 26-июнунда күчүнө кирет.  

Кыргыз Республикасында инфляция жыл башынан бери төмөндөөсүн улантууда. 2018-жылдын июнь айында (15-не карата) инфляциянын жылдык мааниси 1,0 пайызды түзгөн. Азык-түлүк товарларына баанын төмөндөөсү инфляциялык чөйрөнүн төмөн болушунун негизги фактору бойдон калууда. Ички жана тышкы рыноктордо алгылыктуу жагдайдын сакталып турушу жана кошумча таасирлердин жок болушу шартында инфляция динамикасы орто мөөнөткө каралган мезгил ичинде акча-кредит саясатынын 5-7 пайыз максаттуу көрсөткүчүнөн ашпайт.  

Кыргыз Республикасындагы экономикалык жигердүүлүк бир аз басаңдаган. Реалдуу ИДӨ 2018-жылдын январь-май айларынын жыйынтыгы боюнча «Кумтөр» ишканалары боюнча маалыматты эске албаганда, 0,7 пайызга өскөн. Экономиканын алгылыктуу өсүш арымы акча которуулардын агылып кирүүсүнүн улануусу жана реалдуу эмгек акынын көбөйүүсү эсебинен жеке керектөө аркылуу камсыз болгон. 2018-жылы Кыргызстандын соода боюнча өнөктөш өлкөрүндө алгылыктуу экономикалык жагдайдын мындан ары да сакталып турушу өлкөнүн экономикалык жигердүүлүгүнө оң таасирин тийгизээри күтүлүүдө.  

Банк тутуму, мурдагыдай эле, жетиштүү ликвиддүүлүк деңгээлине ээ. Жеңилдетилген акча-кредит шарттары акча рыногунун пайыздык чендеринин бир аз төмөндөшүнө өбөлгө түзгөн. Банктар аралык кредиттик ресурстар рыногунда жигердүүлүк бир аз төмөндөгөн. Мурда көрүлгөн акча-кредит саясатынын чаралары кредиттер боюнча рыноктук чендердин төмөндөшүнө жана экономиканы кредиттөө көлөмүн арттырууга таасирин тийгизүүдө. Ички валюта рыногунда жагдай туруктуу катары мүнөздөлгөн. 

Чогуу алгандагы суроо-талаптын алгылыктуу динамикасы жеңилдетилген акча-кредит шарттары менен катар эле, кошумча таасирлер жок учурда, орто мөөнөттүк келечекте инфляция динамикасынын бир аз калыбына келишин камсыз кылат. Тышкы сектордо тобокелдиктердин балансташуусун жана ички шарттардын өнүгүү тенденцияларын эске алуу менен Улуттук банк эсептик чен өлчөмүн сактоо чечимин кабыл алган. Улуттук банк келерки мезгил ичинде да тышкы таасирлер орун албаган шартта, акча-кредит саясатынын учурда жөнгө салынган багытын улантууга ниеттенүүдө

Улуттук банк туруктуу негизде инфляцияга карата тышкы жана ички факторлордун таасирине баа берүү менен экономикалык жагдайга жараша акча-кредит саясатынын тиешелүү чараларын көрөт. 

Маалымат үчүн: 

Улуттук банк Башкармасынын эсептик чен өлчөмү боюнча кийинки отуруму 2018-жылдын 27-августунда өткөрүлөт.  

 

 


Датасы: 25.06.2018
Туруктуу шилтеме

Кыргыз Республикасынын Улуттук банкында каттоо жол-жобосунан өткөн эл аралык акча которуулар системасынын реестринде «ФедПэй» системасы катталды. 

Эл аралык акча которуулар системасынын оператору «ФедПэй» АК Кыргыз Республикасынын Улуттук банкында каттоо жол-жобосунан өттү. Реестрде 1043220618 номери ыйгарылган.  

 


Датасы: 22.06.2018
Туруктуу шилтеме

Кыргыз Республикасынын Улуттук банкы «ФИНКА Банкы» ЖАКсы тарабынан Башкарманын төрагасы кызмат ордуна сунушталган Саидахматов Махмуджон Тажирахматовичтин талапкерлигине макулдук берүү чечимин 2018-жылдын 21-июнунда кабыл алды. 


Датасы: 22.06.2018
Туруктуу шилтеме

Улуттук банктын кызматкерлери мектеп-интернатынын окуучулары үчүн ачык сабак өткөрүштү 

2018-жылдын 20-июнунда Улуттук банктын кызматкерлери Бишкек шаарындагы №71 мектеп-интернатынын окуучулары үчүн улуттук валютасомдун 25 жылдыгына арналган, финансылык сабаттуулуктун негиздери боюнча ачык сабак өткөрүштү. Анын жүрүшүндө балдар алгачкы акчанын пайда болуу тарыхы, улуттук валютанын түптөлүшү, банкноттордун коргоо белгилери тууралуу маалымат алышты.  

Мындан тышкары, балдарга Улуттук банк тарабынан атайын чыгарылган “Акча алиппеси” китепчелери тартууланып, Кыргызстандагы БУУ Балдар фондунун колдоосунда жаралган “Керемет көч” анимациялык фильминин жаңы сериясы көрсөтүлдү. Китептеги жана мультфильмдеги каармандар балдарга акчанын баалуулугу, улуттук валюта, үй-бүлөлүк бюджет тууралуу жөнөкөй жана жеткиликтүү формада айтып беришти.  

 

 

 

 


Датасы: 22.06.2018
Туруктуу шилтеме

Кыргыз Республикасынын Улуттук банкында каттоодон өткөн эл аралык электрондук акча системасынын операторлор/эмитенттер реестрине «RPS Asia» жоопкерчилиги чектелген шериктештиги жана «ГЛОБПЭЙ» жоопкерчилиги чектелген коом киргизилди 

Эл аралык электрондук акча системасынын оператору «RPS Asia» жоопкерчилиги чектелген шериктештик Кыргыз Республикасынын Улуттук банкында эл аралык электрондук акча системасынын операторлор/эмитенттер реестрине 5005210618 каттоо номери менен киргизилди.  

Эл аралык электрондук акча системасынын оператору «ГЛОБПЭЙ» жоопкерчилиги чектелген коом Кыргыз Республикасынын Улуттук банкында эл аралык электрондук акча системасынын операторлор/эмитенттер реестрине 5006210618 каттоо номери менен киргизилди.  

 


Датасы: 22.06.2018
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банкынын айрым ченемдик укуктук актыларына төлөм системасына тиешелүү маселелер боюнча өзгөртүүлөрдү жана толуктоолорду киргизүү жөнүндө» («Кыргыз Республикасында банктык төлөм карттар жөнүндө» жана «Банктык чекене кызмат көрсөтүүлөрдү сунуштоо боюнча агенттик келишимдерди түзүүдө коммерциялык банктардын ишине карата коюлуучу негизги талаптар жөнүндө» жоболорго) токтом долбоорун (мындан ары-Долбоор) коомдук талкууга сунуштайт. 

Долбоор Улуттук банктын расмий интернет-сайтында «Улуттук банктын ченемдик актылары»/«Талкууга сунушталган долбоорлор» бөлүгүндө жайгаштырылган. 

Коммерциялык банктар, төлөм системасынын операторлору жана төлөм уюмдары, ошондой эле банк эмес финансы-кредит уюмдары долбоор боюнча сунуш-пикирлерин 2018-жылдын 21-июлунан кечиктирбестен жөнөтүүлөрү зарыл.». 


Датасы: 21.06.2018
Туруктуу шилтеме

Улуттук төлөм системаларынын өнүгүшүн координациялоо боюнча  

Жумушчу топтун бешинчи отуруму 

2018-жылдын 21-июнунда Кыргыз Республикасынын Улуттук банкынын алкагында Улуттук төлөм системаларынын өнүгүшүн координациялоо боюнча жумушчу топтун бешинчи отуруму болуп өттү.  

Отурумга Армения Республикасынын, Беларусь Республикасынын, Казахстан Республикасынын, Россия Федерациясынын жана Кыргыз Республикасынын борбордук (улуттук) банкынан Жумушчу топтун мүчөлөрү катышты.  

Отурумдун жүрүшүндө кийинки багытттар боюнча суроолор талкууланган:  

- улуттук төлөм карттарын интеграциялоо; 

- финансылык маалымат форматтары боюнча эл аралык стандарттарды киргизүү (ISO 20022 стандарты); 

- финансылык маалыматтарды өткөрүү

- финансылык технологияларды өнүктүрүү

- киберкоопсуздук боюнча кызматташуу.  

 

 

 

 

 

 

 


Датасы: 21.06.2018
Туруктуу шилтеме

«Кылмыш жолу менен алынган кирешелерди легализациялоого (адалдоого) жана террористтик же экстремисттик ишти каржылоого каршы аракеттенүү жөнүндө» мыйзам талаптарын бузгандыгы үчүн, Кыргыз Республикасынын коммерциялык банкына 50 миң сом жана коммерциялык банктын бир кызмат адамына 10 миң сом административдик айып салынды. 

 


Датасы: 19.06.2018
Туруктуу шилтеме

2018-жылдын 18-июнунда Улуттук банк Башкармасы тарабынан «Ак Банк» ААКсына 2018-жылдын 19-июнунан тартып 6 айлык мөөнөткө Убактылуу администрация атайын режими киргизилгендиги тууралуу токтом кабыл алынган. 

Шаршекеева К. Ш. кол коюу укугу менен «Ак Банк» ААКсынын Убактылуу администратору болуп дайындалды.